ءتاڭىرتاۋ تورابى   ›   جاڭالىقتار   ›   اۋىل تىنىسى

مەيىر باعىشتاۋ قيمىلى وتكىزىلدى

  ورازبەك قۇرمانبەك ۇلى، نۇرگۇل كەڭەسقان قىزى حابارلايدى. اقاۋسىز دەنساۋلىق ادام جونىنەن العاندا باعا جەتپەس بايلىق. دەنساۋلىق — ادام ءومىرىنىڭ كەپىلى. دەنىڭ ساۋ بولعاندا عانا الاڭسىز ءبىلىم الىپ جۇمىس ىستەۋگە بولادى. بەرىك ساباقتاس فۋكاڭ قالالىق 3 - ورتا مەكتەپ 9 - جىلدىق 8 -كلاسىنىڭ وقۋشىسى ەدى. جاڭا جىل بايلانىسىمەن ۇيىنە قايتقان. ول ۇيىنە بارعان سوڭ توساتتان اياق - قولى جانسىزدانىپ ونە بويى شاعىپ اۋىرادى. توسىن بولعان بۇل جاعدايدى كورگەن اتا - اناسى ونى فۋكاڭ قالالىق حالىق شيپاحاناسىنا جەتكىزەدى. سوڭىنان ءۇرىمجى قالالىق 6 - شيپاحاناعا جوتكەيدى. شيپاگەرلەر العاشقى تەكسەرۋ ناتجەسىنە قاراپ، قان باكتەريالى ينفەكسيا (قابىنۋ) اۋرۋىنا شالدىققانىن انىقتايدى ءارى كوپ مولشەردە داۋالاۋ اقىسىن تولەۋ كەرەكتىگى بەلگىلى بولادى. بەرىكتىڭ سەمياسىنىڭ ءال - اۋقاتى تومەن ەدى. اكە-شەشەسى بىردەي مۇگەدەك، قىستاقتاعى بەستە قامداۋداعى وتباسى بولاتىن. ەكەۋىنىڭ جيعان - تەرگەنى وزدەرىنىڭ ءدارى - دارمەگىنەن اسپايتىن بەرىكتىڭ بۇلاي اۋرۋ توسەگىنە تاڭىلعانى اتا - اناسىنىڭ قابىرعاسىن قايىستىرادى. مۇنشا كوپ ەمدەلۋ قاراجاتىن تولەۋگە ولار دا دارمەنسىز ەدى.

  وسى جاعدايدان حابار تاپقان مەكتەپ باسشىلارى مەن بارلىق وقىتۋشى - وقۋشىلار بەرىك ساباقتاستىڭ ەرتەرەك ساۋىعىپ مەكتەپ قۇشاعىنا قايتا ورالىپ، الاڭسىز ءبىلىم الۋى ءۇشىن ەرىكتى تۇردە مەيىر باعىشتاۋ قيمىلىن وزدىردى. كوپ بولىپ قول ۇشىن بەرۋگە مەكتەپتەگى جالپى وقىتۋشى - وقۋشىلار بولىپ ات سالىستى. بۇل قيمىلعا مەكتەپتەگى 160 تان ارتىق وقىتۋشى - قىزمەتشى، 1360 تان استام وقۋشى قاتىناسقان بولىپ جيىنى 25 مىڭ يۋاننان استام اقشا جينالدى. «جۇمىلا كوتەرگەن جۇك جەڭىل» دەگەندەي، بەرىك ساباقتاستىڭ قيىنشىلىق قىسپاعىنان قۇتىلۋىنا ازدا بولسا سەپتىگىن تيگىزدى ءارى فۋكاڭ قالالىق 3-ورتا مەكتەپ وقىتۋشى - وقۋشىلارى ۇلتتار ىنتىماعىنىڭ ۇلى تۋىن بيىك كوتەرىپ، جاراسىمدى قوعام قۇرۋعا ۇلەستەرىن قوسىپ، ءار ۇلت حالقىنىڭ جاراسىمدى، ىنتىماقتى ەكەندىگىن ايگىلەدى.

  تىلشىلەردىڭ قىزمەت ورنى: فۋكاڭ قالالىق 3 - ورتا مەكتەپ

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ورتا تازالىق جۇمىسشىلارى شىت - جاڭا ۆەلوسيپەدكە يە بولدى
  • چۇڭچيڭ-گۇيياڭ تەمىر جولى بىرلەسپە سىناق جۇرگىزۋ مەزگىلىنە ءوتتى
  • ماسساي قىستاعى
  • «ىلە ايدىنى» جۋرنالى ادەبيەت سيلىعىن تاراتتى

ءوتىمدى اقپارات

بىزبەن بايلانىس جارناما قىزمەتى لەبىز قالدىرۋ ءبىز تۋرالى