ءتاڭىرتاۋ تورابى   ›   جاڭالىقتار   ›   شينجياڭ حابارلارى

مەملەكەتتىك كەڭەس ءوندىرىس حاۋىپسىزدىگى كوميتەتىنىڭ تەكسەرۋ گرۋپپاسى اۆتونوميالى رايونعا ءوندىرىس حاۋىپسىزدىگىن تەكسەرۋ پىكىرىن اڭىس ەتتى

  11 - قاڭتاردا مەملەكەتتىك كەڭەس ءوندىرىس حاۋىپسىزدىگى كوميتەتىنىڭ اۆتونوميالى رايونىمىزدىڭ ءوندىرىس حاۋىپسىزدىگى قىزمەتىنە تەكسەرۋ جۇرگىزۋ جاعدايىن اڭىس ەتۋ ءماجىلىسى ۇرىمجىدە اشىلدى. مەملەكەتتىك كەڭەس ءوندىرىس حاۋىپسىزدىگى كوميتەتىنىڭ 6 - تەكسەرۋ گرۋپپاسىنىڭ باستىعى، اۋىل شارۋاشىلىعى مينيسترلىگىنىڭ اعا زووتەحنيگى ما ايگو اۆتونوميالى رايونعا تەكسەرۋ پىكىرىن اڭىس ەتتى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ءماجىلىستى باسقاردى ءارى ءسوز سويلەدى.

  تەكسەرۋ گرۋپپاسى 4 - قاڭتاردان 11 - قاڭتارعا دەيىن مالىمەت تىڭداۋ، ماتەريال قاراۋ، جۇمىس ورنىنا بارىپ تەكسەرۋ، جان - جاقتىلى باعالاپ ءنومىر قويۋ سياقتى جولدارمەن رايونىمىزدىڭ 2017 - جىلعى ءوندىرىس حاۋىپسىزدىگى قىزمەتىنە جۇمىس ورنىندا تەكسەرۋ جۇرگىزىپ، بايىنعولين موڭعۇل اۆتونوميالى وبلىسى، سانجى حۇيزۋ اۆتونوميالى وبلىسى سياقتى ايماق، وبلىس، اۋدان، قالالاردان، سونداي - اق بايىنعولين موڭعۇل اۆتونوميالى وبلىسىنداعى چينحۋا ونەركاسىپ - ساۋدا شەكتى جاۋاپكەرلىك سەرىكتەستىگى سياقتى 6 ءوندىرىس، تيجاراتپەن شۇعىلداناتىن ورىننان ۇلگى الىپ، ءتۇيىندى تەكسەرۋ جۇرگىزدى.

  تەكسەرۋ گرۋپپاسى بىلاي دەپ قارادى: اۆتونوميالى رايوندىق پارتكوم مەن ۇكىمەت ءوندىرىس حاۋىپسىزدىگى قىزمەتىنە ايرىقشا ءمان بەرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، وسكەلەڭ ساياسي سانالىلىقپەن جانە كۇشتى بورىشتىلىقپەن پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، ءوندىرىس حاۋىپسىزدىگىنىڭ قىزىل سىزىعىن بەرىك ساقتاپ، حاۋىپسىزدىك جاۋاپكەرلىك ءتۇزىمىن قاتايتىپ، حاۋىپ - قاتەرلەردىڭ الدىن قاتاڭ الۋىنىڭ ارقاسىندا، بىلتىر بىردە - ءبىر ەرەكشە اۋىر شىرعالاڭ تۋىلمادى، تۇتاس رايوننىڭ ءوندىرىس حاۋىپسىزدىگى جاعدايى باياندى ورنىقتىلىقتى ساقتاۋمەن بىرگە، ءتىپتى دە جاقسارىپ، قوعام ورنىقتىلىعى مەن باياندى تىنىشتىقتى قورعاۋعا بەلسەندى ۇلەس قوستى. سونىمەن بىرگە، تەكسەرۋ گرۋپپاسى رايونىمىزدىڭ ءوندىرىس حاۋىپسىزدىگى قىزمەتىندە ورىن تەۋىپ وتىرعان ماسەلەلەردى اتاپ كورسەتتى، كاسىپورىننىڭ ءوندىرىس حاۋىپسىزدىگى جونىندەگى سۋبيەكتتىك تانىمىن ءالى دە كۇشەيتۋ، ءوندىرىس حاۋىپسىزدىگىن باقىلاۋ - باسقارۋداعى زاڭ اتقارۋ قوسىنى قۇرىلىسىن، زاڭ اتقارۋ قابىلەتى قۇرىلىسىن ءالى دە نىعايتۋ، حاۋىپسىزدىك ساقتانۋ شارالارىن ءالى دە كەمەلدەندىرە ءتۇسۋ، ءوندىرىس حاۋىپسىزدىگىن نەگىزدىك قامتاماسىز ەتۋ قابىلەتى قۇرىلىسىن ءالى دە كۇشەيتە ءتۇسۋ، سونداي - اق قازىرگى كەزدەگى ءوندىرىس حاۋىپسىزدىگى قىزمەتىن ويداعىداي ىستەۋ جونىندە ناقتى ۇسىنىستار قويدى.

  شوكىرات زاكىر اۆتونوميالى رايوندىق پارتكوم، حالىق ۇكىمەتى اتىنان مەملەكەتتىك كەڭەس ءوندىرىس حاۋىپسىزدىگى كوميتەتىنىڭ تەكسەرۋ گرۋپپاسىنىڭ اۆتونوميالى رايونىمىزدىڭ ءوندىرىس حاۋىپسىزدىگى قىزمەتىنە جەتەكشىلىك ەتىپ، قولداۋ كورسەتكەنىنە العىس ايتتى. ول بىلاي دەدى: بۇل جولعى تەكسەرۋ پارتيا ورتالىق كوميتەتىنىڭ، مەملەكەتتىك كەڭەستىڭ ءوندىرىس حاۋىپسىزدىگى قىزمەتىن كۇشەيتۋدەگى تۇزىمدىك جانە مەحانيزمدىك جاڭالىعى. ول شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ءوندىرىس حاۋىپسىزدىگى قىزمەتىنە باسا ءمان بەرەتىندىگىن جانە ءوندىرىس حاۋىپسىزدىگى جاۋاپكەرلىگىن تياناقتاندىرۋدى مىقتى يگەرۋدەگى باتىل بەكىمىن تولىق ايگىلەدى. رايونىمىزدىڭ جەر - جەرى، تاراۋلارى «ءتورت تانىمدى» كۇشەيتىپ، تەكسەرۋ گرۋپپاسى اڭىس ەتكەن پىكىرلەرمەن دەن قويا سالىستىرىپ، ءبىر - بىرلەپ سارالاپ، جاۋاپكەرلىكتى ايقىنداپ، ءتارتىپتى قاتايتىپ، رەتتەۋ، تۇزەتۋ، تياناقتاندىرۋ قىزمەتىن باتىل پوزيتسيا، ءونىمدى شارا، پارمەندى قامتاماسىز ەتۋ ارقىلى تىڭعىلىقتى ىستەۋ كەرەك.

  شوكىرات زاكىر مىنالاردى باسا دارىپتەدى: جەر - جەر، تاراۋلار پارتيا 19 - قۇرىلتايىنىڭ رۋحىن دەن قويا ۇيرەنىپ، دايەكتىلەندىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، حاۋىپسىز دامۋ ۇستانىمىن بەرىك ورناتىپ، حالىق بۇقاراسىنىڭ باس اماندىعىن قاشاندا ءبىرىنشى ورىنعا قويىپ، ءوندىرىس حاۋىپسىزدىگى جاۋاپكەرلىگىن جاپپاي تياناقتاندىرۋ، حاۋىپسىزدىكتى باقىلاۋ - باسقارۋ ءتۇزىلىس، مەحانيزمىن كەمەلدەندىرۋ، ءوندىرىس حاۋىپسىزدىگىن زاڭ بويىنشا جونگە سالۋ، حاۋىپسىزدىك بويىنشا قوس قابات الدىن الۋ مەحانيزمىن كەمەلدەندىرۋ، ءوندىرىس حاۋىپسىزدىگى نەگىزىن بەكەمدەۋ جاعىنا كۇش سالىپ، رايونىمىزدىڭ ءوندىرىس حاۋىپسىزدىگى قىزمەتىنىڭ جالپىلىق دەڭگەيىن تىنباي جوعارىلاتۋ كەرەك. بۇل جولعى تەكسەرۋدى وراي ەتىپ، نازاردى قوعام ورنىقتىلىعى مەن باياندى تىنىشتىق باس نىساناسىنا ونان ارى شوعىرلاندىرىپ، بيىلعى ءوندىرىس حاۋىپسىزدىگى قىزمەتىن كۇش سالا ويداعىداي ىستەپ، رايونىمىزدىڭ ەكونوميكالىق، قوعامدىق دامۋىن حاۋىپسىزدىك جاقتان قامتاماسىز ەتۋ قاجەت.

 اۆتونوميالى رايوننىڭ ورىنباسار ءتوراعاسى جاۋ چيڭ، سونداي - اق اۆتونوميالى رايوندىق ءوندىرىس حاۋىپسىزدىگى كوميتەتىنە مۇشە ورىنداردىڭ جاۋاپتىلارى ماجىلىسكە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى