ءتاڭىرتاۋ تورابى   ›   جاڭالىقتار   ›   ماڭىزدى حابارلار

ورتالىق اسكەري ىستەر كوميتەتىنىڭ قارۋلى ساقشى بولىمىنە تۋ تاپسىرۋ ءراسىمى بەيجيڭدە وتكىزىلدى

  شي جينپيڭ قارۋلى ساقشى بولىمىنە تۋ تاپسىردى ءارى نۇسقاۋ بەردى

  شينحۋا اگەنتتىگىنىڭ 10 - قاڭتاردا بەيجيڭنەن بەرگەن حابارى (تىلشىلەر لي شۋانلياڭ، ۋاڭ يۇيشان). ورتالىق اسكەري ىستەر كوميتەتىنىڭ قارۋلى ساقشى بولىمىنە تۋ تاپسىرۋ ءراسىمى 10 - قاڭتار كۇنى بەيجيڭدەگى 11 - تامىز عيماراتىندا وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قارۋلى ساقشى بولىمىنە تۋ تاپسىردى ءارى نۇسقاۋ بەردى.

  تۇستەن بۇرىن ساعات 10دا، تۋ تاپسىرۋ ءراسىمى باستالدى، كوماندير - جاۋىنگەرلەر رەتتى ساپ تۇزەدى، بۇكىل زالداعىلار مەملەكەت ءانىن اسقاقتاتا شىرقادى. قۇرمەت قاراۋىلى قارۋلى ساقشى ءبولىمىنىڭ تۋىن قورعاپ، ساپتىق ادىممەن ءتوراعالار مىنبەسىنىڭ الدىنا كەلىپ توقتادى. شي جينپيڭ تۋدى قارۋلى ساقشى ءبولىمىنىڭ قولباسشىسى ۋاڭ نيڭ مەن ساياسي كوميسسارى جۋ شىڭليڭگە سالتاناتتى تۇردە تابىس ەتتى. ۋاڭ نيڭ، جۋ شىڭليڭ كوتەرىڭكى رۋحپەن شي جينپيڭگە اسكەري سالەم بەرىپ، شي جينپيڭنىڭ قولىنان قارۋلى ساقشى ءبولىمىنىڭ تۋىن تاپسىرىپ الدى دا، تۋدى سەرتە ۇستاپ، قاسقايىپ تۇرا قالدى. كوماندير - جاۋىنگەرلەر قارۋلى ساقشى ءبولىمىنىڭ تۋىنا ايبىندى تۇردە اسكەري سالەم بەردى.

  تۋ تاپسىرۋ راسىمىنەن كەيىن، شي جينپيڭ نۇسقاۋ بەردى. ول مىنالاردى اتاپ كورسەتتى: پارتيا ورتالىق كوميتەتى قارۋلى ساقشى ءبولىمىنىڭ باسشىلىق، قولباسشىلىق ءتۇزىلىسىن رەتتەۋدى، پارتيا ورتالىق كوميتەتى مەن ورتالىق اسكەري ىستەر كوميتەتىنىڭ قارۋلى ساقشى بولىمىنە ورتالىقتانعان ءبىر تۇتاس باسشىلىق جۇرگىزىپ، ورتالىق اسكەري ىستەر كوميتەتى − قارۋلى ساقشى ءبولىمى − اسكەري ءبولىم باسشىلىق، قولباسشىلىق ءتۇزىلىسىن اتقارۋدى ۇيعاردى. بۇل پارتيا ورتالىق كوميتەتىنىڭ پارتيانىڭ بۇكىل ەلدەگى قارۋلى كۇشتەرگە ابسوليۋتتى باسشىلىعىن تياناقتاندىرىپ، جۇڭگوشا اسكەري تۇزىمگە تاباندى بولۋ جانە ونى دامىتۋ تۇرعىسىنان جاساعان كەلەلى ساياسي ۇيعارىمى، پارتيانىڭ جاڭا داۋىردەگى ارميانى قۇدىرەتتەندىرۋ نىساناسىن ىسكە اسىرىپ، مەملەكەتتىڭ باسقارۋ جۇيەسى مەن باسقارۋ قابىلەتىنىڭ وسىزاماندانۋىن ىلگەرىلەتىپ، پارتيا مەن مەملەكەتتىڭ باياندى تىنىشتىعىن ىسكە اسىرۋدا كەلەلى دە تەرەڭ مانگە يە.

  شي جينپيڭ مىنالاردى باسا دارىپتەدى: قارۋلى ساقشى ءبولىمى − پارتيا باسشىلىق ەتەتىن حالىقتىق قارۋلى كۇشتەردىڭ ماڭىزدى قۇرامداس بولىگى، مەملەكەتتىڭ حاۋىپسىزدىگى مەن قوعامنىڭ ورنىقتىلىعىن ساقتاپ، حالىقتىڭ كوركەم ءومىرىن قورعاۋدا كەلەلى جاۋاپكەرشىلىك ارقالاپ، ساياسي حاۋىپسىزدىكتى، اسىرەسە، بيلىك حاۋىپسىزدىگى مەن ءتۇزىم حاۋىپسىزدىگىن قورعاۋدا ماڭىزدى رول اتقارادى. پارتيانىڭ قولباسشىلىعىنا بۇلجىماستان بويسۇنىپ، جاڭا داۋىردەگى پارتيانىڭ ارميانى قۇدىرەتتەندىرۋ يدەياسىن جاپپاي دايەكتىلەندىرىپ، پارتيانىڭ ابسوليۋتتى باسشىلىعىنا تاباندى بولىپ، پارتيانىڭ ءامىر - جارلىعىنا بۇلجىماستان قۇلاق اسىپ، ساياسي تانىمدى، جالپى جاعداي تانىمىن، ۇيتقى تانىمىن، ساپ تۇزەۋ تانىمىن كۇشەيتىپ، قاشاندا پارتيا مەن حالىقتىڭ ادال قورعاۋشىلارى بولۋى كەرەك. قۇرىلىس پەن دامۋدى جەدەلدەتىپ، جالپىلىق مەملەكەت حاۋىپسىزدىگى كوزقاراسىن جاپپاي دايەكتىلەندىرىپ، كوپ فۋنكتسيانى بىرىكتىرۋ، ورنىقتىلىقتى ءونىمدى تۇردە قورعاۋ ستراتەگيالىق تالابى بويىنشا، بۇكىل ارميانىڭ بىرلەسكەن سوعىس جۇرگىزۋ جۇيەسىنە بەلسەندى تۇردە قوسىلىپ، ارميا مەن جەرگىلىكتى ورىننىڭ سايكەسۋ، ءوزارا ارەكەتتەسۋىنىڭ جاڭا جاعدايىن جەدەل قالىپتاستىرىپ، رەفورما جاساۋ، جاڭالىق اشۋدى جەدەلدەتىپ، ساپا مەن تيىمدىلىكتى كوتەرىپ، قۇدىرەتتى وسىزاماندانعان قارۋلى ساقشى ءبولىمىن قۇرۋ جولىندا قۇلشىنۋى كەرەك. اسكەر جاتتىقتىرۋدى، سوعىسقا ازىرلەنۋدى نازارعا الىپ، جاڭا جاعدايداعى اسكەري ستراتەگيالىق باعىتتى جاپپاي دايەكتىلەندىرىپ، قاشاندا وسكەلەڭ قىراعىلىقتى ساقتاپ، پراكتيكالىق اسكەري جاتتىعۋدى قاۋىرت يگەرىپ، مىندەت وتەۋ، توتەنشە جاعدايدى ءبىر جاقتى ەتۋ، لاڭكەستىككە قارسى تۇرۋ، ورنىقتىلىقتى قورعاۋ سياقتى ءتۇرلى قىزمەتتى تىڭعىلىقتى ىستەپ، پارتيا مەن حالىق جۇكتەگەن جاڭا داۋىرلىك مىندەتتەردى تايسالماي ورىنداۋى كەرەك. زاڭ بويىنشا قاتاڭ بولىپ، ارميانى زاڭ بويىنشا جونگە سالۋ، ارميانى قاتاڭ جونگە سالۋ تالابىن جاپپاي دايەكتىلەندىرىپ، داڭقتى ءداستۇر مەن تاڭداۋلى ستيلدى ساۋلەلەندىرىپ، ستيل دۇرىستاپ، ءتارتىپتى قاتايتۋدى، ءىرىپ - شىرۋگە قارسى تۇرىپ، بۇزاقىلاردى جازالاۋدى، ساياسي ەكولوگيانى كىرشىكسىزدەندىرۋدى قاتاڭ يگەرىپ، قۇدىرەتتى وڭ ەنەرگيا توپتاپ، قارۋلى ساقشى ءبولىمىنىڭ داڭقتى تاريحىنا جاڭا داۋىرلىك داستان جازۋعا قۇلشىنۋ كەرەك.

  جۋ شىڭليڭ قارۋلى ساقشى ءبولىمى اتىنان سوزگە شىعىپ، ءتوراعا شي جينپيڭنىڭ نۇسقاۋىن باتىل دايەكتىلەندىرىپ، پارتيا ورتالىق كوميتەتىنىڭ، ورتالىق اسكەري ىستەر كوميتەتىنىڭ جانە ءتوراعا شي جينپيڭنىڭ باسشىلىعىنا بۇلجىماستان بويسۇنىپ، اسكەر جاتتىقتىرۋدى، سوعىسقا ازىرلەنۋدى نازارعا الىپ، بورىش پەن جاۋاپكەرشىلىكتى ادالدىقپەن وتەپ، پارتيا مەن حالىقتىڭ ماڭىزدى تاپسىرماسىن اقتايتىندىقتارىن ءبىلدىردى.

  سونان كەيىن، شي جينپيڭ قارۋلى ساقشى ءبولىمىنىڭ ديۆيزيادان جوعارى مەكەمەلەرىنىڭ نەگىزگى باسشىلارىن قابىلدادى ءارى ولارمەن ەستەلىك سۋرەتكە ءتۇستى.

  تۋ تاپسىرۋ راسىمىندە ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتىنىڭ ورىنباسار ءتوراعاسى شۇي چيلياڭ ورتالىق اسكەري ىستەر كوميتەتىنىڭ قارۋلى ساقشى بولىمىنە تۋ تاپسىرۋ جونىندەگى بۇيرىعىن جاريالادى. ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتىنىڭ ورىنباسار ءتوراعاسى جاڭ يوۋشيا تۋ تاپسىرۋ ءراسىمىن باسقاردى.

 ورتالىق اسكەري ىستەر كوميتەتىنىڭ مۇشەلەرى ۋي فىڭحى، لي زوچىڭ، مياۋ حۋا، جاڭ شىڭمين قيمىلعا قاتىناستى. ءىرى مەكەمەلەردىڭ، اسكەري ىستەر كوميتەتى تاراۋلارىنىڭ نەگىزگى باسشىلارى مەن بولىمدەگى كوماندير - جاۋىنگەرلەردىڭ ۋاكىلدەرى تۋ تاپسىرۋ راسىمىنە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى