ءتاڭىرتاۋ تورابى   ›   جاڭالىقتار   ›   اۋىل تىنىسى

جول شىراعى بۇقارا جۇرەگىن نۇرلاندىردى

  ەرگۇل مۇقاتاي قىزى حابارلايدى. شاۋەشەك قالاسىنداعى «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇسكەن قىزمەت اترەتىندەگىلەر حالىق بۇقاراسىنا شىن پەيىلىمەن كومەكتەسپ، ەڭ قيىن ساتتەردە حالىق بۇقاراسىنىڭ جانىنان تابىلۋدى، حالىققا يگىلىكتى ىستەر ىستەۋدى وزدەرىنىڭ بورىشى دەپ ساناپ، حالىقتىڭ ىقىلاسى مەن سەنىمىنە يە بولۋعا ۇمتىلىپ، ءارقاشان كوپتىڭ قامىن ويلاپ، كوپتىڭ جۇمىسىن كوڭىلىندە ساقتاپ، ءىس جۇزىندىك قيمىلدارىمەن حالىقتىڭ كوڭىلىنەن شىعۋعا تىرىسىپ كەلگەن ەدى.

  جۋىردا، شاۋەشەك قالاسىنىڭ ابدىرا اۋىلى اياققى ابدىرا قىستاعى، اياققى ابدىرا شىعىس قىستاعىنا تۇسكەن قىزمەت اترەتىندەگىلەر قارجى سايكەستىرۋ ارقىلى قىستاققا جاڭادان كۇن نۇرىمەن جاناتىن 120 جول شىراعىن ورناتىپ، تۇرعىنداردىڭ ءجۇرىپ - تۇرۋلارىنا قولايلىلىق جاراتتى.

  «كەشتە دالاعا شىعۋدان قورقاتىنبىز، ەشتەڭەنى كورۋگە بولمايتىن ەدى، جول جۇرۋگە قولايسىز بولاتىن، قازىر جول شىراقتارى ورناتىلعاننان بەرى، سىرتقا شىعۋعادا قولايلى، ەش الاڭدامايتىن بولدىق»،-دەيدى قىستاق تۇرعىنى دىڭ داشياڭ قۋانا.

  «قىستاققا تۇسكەن قىزمەت اترەتىندەگىلەر كەلگەننەن بەرى، قىستاعىمىزدا كوپتەگەن وزگەرىستەر بولدى، جول شىراعىن ورناتىپ بەردى، قىستاعىمىزداعى مادەنيەت وتاۋى دا قايتادان وڭدەلىپ، جاڭادان پار قازانى ورناتىلعاننان كەيىن، كوپتەگەن مادەني قيمىلدار وزدىرۋىمىزعادا قولايلى بولدى. كىتاپ كورىپ، اڭگىمەلەسىپ، كەلەر جىلعى ءوندىرىستى دامىتۋ ۇستىندە تالقى جاساۋىمىزعادا بولادى» ،-دەيدى قىستاق تۇرعىنى لي شينليان.

  شاۋەشەك قالاسى سۋ ىستەرى مەكەمەسىنىڭ ابدىرا اۋىلى اياققى ابدىرا قىستاعىنا تۇسكەن قىزمەت اترەتىنىڭ اترەت باستىعى جىڭ بيڭ : «ءبىز حالىق تۇرمىسىن قامتاماسىزداندىرۋ مەن جاقسارتۋدا باستان - اياق تاباندى بولىپ، قالىڭ بۇقارانى ءتىپتى دە كوپ تيىمدىلىكتەردەن يگىلىكتەندىرۋگە كۇش سالۋدامىز، ماسەلەن جول شىراعى قۇرىلىسى، الەۋمەتتىك ورتا تازالىعى قۇرىلىسى قاتارلى نىسانداردى ىسكە اسىرىپ، ولاردىڭ باياشاتتى تۇرمىسقا دەگەن تالپىنىسىن كۇرەس نىساناسى ەتەمىز»،-دەيدى.

  ءتىلشىنىڭ قىزمەت ورنى : شاۋەشەك قالالىق «ۇعىسۋ، تيىمدىلىك جاساۋ، توعىستىرۋ» قىزمەت كەڭسەسى

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ورتا تازالىق جۇمىسشىلارى شىت - جاڭا ۆەلوسيپەدكە يە بولدى
  • چۇڭچيڭ-گۇيياڭ تەمىر جولى بىرلەسپە سىناق جۇرگىزۋ مەزگىلىنە ءوتتى
  • ماسساي قىستاعى
  • «ىلە ايدىنى» جۋرنالى ادەبيەت سيلىعىن تاراتتى

ءوتىمدى اقپارات

بىزبەن بايلانىس جارناما قىزمەتى لەبىز قالدىرۋ ءبىز تۋرالى