ءتاڭىرتاۋ تورابى   ›   جاڭالىقتار   ›   سپورت الەمى

WCBA بىرلەسپە جارىسى: شينجياڭ ايەلدەر باسكەتبول كومانداسى 88:96 ۇپايمەن سانشي ايەلدەر باسكەتبول كومانداسىن جەڭدى

جارىس الاڭىندا، شينجياڭ كومانداسىنداعى شەتەلدىك شەبەر پاركەر دوپ سالدى
10-قاڭتار كەش، WCBA بىرلەسپە جارىسىنىڭ 23-كەزەكتى جارىسىندا شينجياڭ ايەلدەر باسكەتبول كومانداسى ءوز مايدانىندا 88:96 ۇپايمەن سانشي ايەلدەر باسكەتبول كومانداسىن جەڭىپ الدى.
22-كەزەكتى جارىستان سوڭ، شينجياڭ ايەلدەر باسكەتبول كومانداسى ەكىنشى ورىندى، سانشي ايەلدەر باسكەتبول كومانداسى ءۇشىنشى ورىندى يەلەپ كەلە جاتقاندىقتان، بۇل مايدان جارىس ەكى جاق ءۇشىن الىپ ايتقاندا توتەنشە ماڭىزدى بولىپ سانالادى، سونىمەن قاتار داعدىلى جارىستىڭ ءبىرىنشى توبىندا كەلە جاتقان كوماندالاردىڭ رەت تارتىبىنە ىقپال جاساپ عانا قالماي، ماۋسىم سوڭىنداعى جارىستىڭ تىزبەسىنە دە اسەر كورسەتەدى.
     جارىس باستالعاندا، ەكى جاق تولىق مايداندا ادامعا ىلەسىپ قورعانىس جاساۋ تاكتيكاسىن الىپ باردى، 15 سەكۋند بولا سالىپ ۋاڭ ليلي جازا دوپ اتتى، بۇل بولسا دا جارىستىڭ قيانكەسكى ەكەندىگىنەن دەرەك بەرەدى. ءبىرىنشى چەرىك جارىستا ەكى جاق تەڭ تىركەسىپ، اراداعى پارىق اشىلمادى.
     ەكىنشى چەرىك جارىستا،جاعداي 23:23 ۇپاي بولىپ تۇرعان كەزدە، شينجياڭ كومانداسى وزگەرىس الىپ باردى، قورعانىستى كۇشەيتۋمەن بىرگە، ءونىمدى تۇردە قورعانسىتان كەيىن قايتارما شابۋىل جاسادى. بوگەپ سوگۋ تاكتيكاسىن ىستەتكەندە قارسى جاقتىڭ قورعانىسىندا تۋىلعان كەمسىزدىكتەن پايدالانىپ، ارت-ارتىنان ءنومىر الىپ، اراداعى پارىقتى 14 نومىرگە سوزدى. سانشي كومانداسى قايسارلىقپەن تالپىندى، الدىڭعى جارتى مايدان جارىس اياقتاعاندا، شينجياڭ كومانداسى 39:47 ۇپايمەن ىرىقتى ورىندى يەلەدى.
     سوڭعى جارتى مايداندا، سانشي كومانداسى شابۋىلدى كۇشەيتتى، ىشكى مايدانداعى بوي ۇزىندىعىنان پايدالانىپ، شينجياڭ كومانداسىنان اسىپ ءتۇستى. قىسىلتاياڭ ساتتە، حۋاڭ پينجىننىڭ 3 ءنومىرلى دوبى ارقىلى قايتادان ىرىقتىلىقتى يەلەدى، ءبىراق اراداعى پارىق ءالى دە الشاقتاعان جوق،جارىستىڭ سوڭعى 3 مينۋتىندا كوماندا باستىعى ۋاڭ ليلي ءوز كۇشىمەن پارىقتى بىرتىندەپ زورايتتى، ەڭ سوڭىندا، شينجياڭ ايەلدەر باسكەتبول كومانداسى 88:96 ۇپايمەن سانشي ايەلدەر باسكەتبول كومانداسىن جەڭدى.
     جارىستان سوڭ، شينجياڭ ايەلدەر باسكەتبول كومانداسىنىڭ باس جاتتىقتىرۋشىسى جان شۋپيڭ :«بۇل مايدان جارىستىڭ بايانى جاپالى بولدى، شەبەرلەرىمىز ەرەكشە تالپىندى، 3-چەرىكتە قورعانىسىمىز ويداعىداي بولماي، قارسى جاققا وراي بەرىپ قويدىق. ءبىراق سوڭعى چەرىكتەگى ءبىرقانشا رەتكى قورعانىسىمىز ءساتتى بولىپ، جەڭىستىڭ تىرەگىنە اينالدى»،-دەدى.
   بۇل مايدان جارىستان كەيىن، شينجياڭ ايەلدەر باسكەتبول كومانداسى ەڭ سوڭعى ەكى قارسىلاس مايداندا وتكىزىلەتىن جارىسقا اتتانادى، 13-قاڭتار شاڭحاي كومانداسىمەن، 15-قاڭتار بەيجيڭ كومانداسىمەن جارىسقا تۇسەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ءار ۇلت حالقى اۆتونوميالى رايوننىڭ پارتيا 19 - قۇرىلتايىن قارسى الۋداعى «فلاش» قيمىلىنا بەلسەنە قاتىناستى
  • ءۇرىمجى كىتاپحاناسىندا 19-قۇرىلتايدى قارسى الۋدى نەگىزگى تاقىرىپ ەتىپ باسپادان شىققان كىتاپتار ارناۋلى سورەگە قويىلىپ ساتىلدى
  • «پارتيانىڭ شۇعىلاسى تيانشاندى نۇرعا بولەدى» ادەبيەت-كوركەمونەر ساۋىق كەشى پارتيا 19-قۇرىلتايىنا تارتۋ ەتىلدى

ءوتىمدى اقپارات

بىزبەن بايلانىس جارناما قىزمەتى لەبىز قالدىرۋ ءبىز تۋرالى