ءتاڭىرتاۋ تورابى   ›   جاڭالىقتار   ›   اۋىل تىنىسى

جاڭا داۋىردە جاڭاشا كوركەمونەر تۋىندىسىن جاراتۋ تاقىرىبىنداعى اڭگىمە ءماجىلىسى اشىلدى

  گۇلميرا مانتاي قىزى حابارلايدى. 10 - قاڭتار كۇنى، شاۋەشەك قالالىق مادەنيەت مەكەمەسىنىڭ باسشىلىعىندا، قالالىق مادەنيەت ءۇيى مەن قالالىق جازۋشىلار وداعى بىرلەسىپ، «جاڭا داۋىردە، قايتكەندە جاڭاشا ادەبيەت - كوركەمونەر تۋىندىلارىن جاراتۋعا بولادى» دەگەن تاقىرىپتا اڭگىمە ءماجىلىسىن وتكىزدى.

  بۇل ماجىلىسكە ايماق، قالا كولەمىندەگى بەدەلدى جازۋشىلار، كومپوزيتورلار، اقىندار، تەاتر جازۋشىلارى، ءبي رەجيسسەرلەرى قاتارلى كوپتەگەن ادەبيەت  – كوركەمونەر ماماندارى قاتىناسىپ، ءوزارا پىكىر – كوزقاراستارىن ءبىلدىرىپ، 2018 - جىلى شاۋەشەك جونىندە كوپتەگەن جاڭا ادەبي، مادەنيەت تۋىندى جاراتۋ سەنىمدەرىن ءبىلدىردى.

  قالامىزداعى بەدەلدى اقىن - جازۋشى جۇماباي ءبىلال ۇلى، قىدىرقان مۇقاتاي ۇلى قاتارلى اقىن اعالارىمىز بۇگىنگى اڭگىمە ءماجىلىسى جونىندە بىلاي دەپ توقتالدى. 

  جۇماباي ءبىلال ۇلى بىلاي دەدى : «بۇگىن ءبىر قۋانىشتى كۇن بولدى، ويتكەنى بۇكىل الەمگە دابىرالى 19 - قۇرىلتايدىڭ رۋحىن قالالىق مادەنيەت مەكەمەسىنىڭ جاۋاپتىسى ايىمقان سياقتى تالانت يەلەرى باستاپ، اقىن – جازۋشىلارعا،  ادەبيەت – كوركەمونەرشىلەرگە قۇرىلتايدىڭ رۋحىن جەتكىزدى. بۇل بىزگە ۇلكەن شابىت بەردى».

  قىدىرقان مۇقاتاي ۇلى بىلاي دەدى : «شاۋەشەك قالالىق مادەنيەت ءۇيى، جازۋشىلار وداعى، ۇگىت ءبولىمى بۇگىن ءبىر جيىن اشتى. ءاربىر قالامگەرلەرگە جاڭا ءداۋىردى جازۋ جونىندە ءبىر باستاما جينىن اشىپ وتىر. ءارقانداي ۇلتقا ادەبيەت، مادەنيەت كەرەك.  قازىر ءبىز ءبىر تاماشا داۋىرگە وتتىك. ەلىمىز بۇكىل حالىقارادا ۇلكەن بەدەلگە يە بولىپ وتىر. وسىنداي ءبىر ۇلى داۋىردى جىرلاۋ ءۇشىن ءبىزدىڭ جازۋشىلارىمىز ارينە قولىنا قالام الىپ، جاڭا مۋزىكا، جاڭا كومەديا، جاڭا داستان جازىپ، ءداۋىر رۋحىن جىرلاۋ كەرەك. بۇگىنگى جيىن وسى مازمۇندا اشىلدى، وسىنداي جيىندار كوپ اشىلىپ تۇرسا دەيمىن». 

  بۇگىنگى اڭگىمە ماجلىسىنە قاتىناسىپ وتىرعان ايتىس اقىنى گۇلسىناي بىلاي دەى : «مەن  19 - قۇرىلتايدان كەيىنگى جاڭا ءداۋىر، جاڭا باستاما، جاڭا قادام تۋرالى بۇگىنگى اڭگىمە ماجىلىسىنە قاتىناسىپ وتىرمىن. بۇل اڭگىمە ماجىلىسىندە، 19 - قۇرىلتايدىڭ رۋحى، بىزگە جاساعان اسەرى، حالىق تۇرمىسىنا جاساعان اسەرى تۋرالى ىشكەرىلەي تۇسىنىككە يە بولدىم. ءوزىم ءبىر جۇڭگو ازاماتى بولۋمەن بىرگە حالىقتىڭ جارشىسى، ۇگىتشىسى، اقىندار اتىنان لەبىز بىلدىرەر بولسام، پارتيا 19 - قۇرىلتايى ءبىزدىڭ مىنا داۋىردە ءالى دە كوپتەگەن ىزدەنستەر، جاپالى قىزمەتتەرمەن مىنا قوعامعا، جاساپ وتىرعان ورتامىزعا ءبىر كسىلىك ۇلەسىمىزدى قوسۋعا ەرەكشە قاجەتتى ەكەنىمىزدى ءبىلدىرىپ تۇرعانداي، مەن بۇدان كەيىن، جاڭا ءداۋىر، جاڭا باستامانى وزەك ەتىپ، ءوزىمىزدىڭ ايتۋعا ءتيىستى ءاربىر اۋىز ءسوزىمىزدى حالىققا ۇگىت رەتىندە، باستاما رەتىندە جەتكىزۋگە قاقىلى ەكەنىمىزدى اڭعاردىم، بۇگىنگى اڭگىمە ءماجىلىسىمىز كوپتەگەن جاقسىلىق پەن جاڭالىقتاردىڭ جارشىسى بولدى».

ءتىلشىنىڭ قىزمەت ورنى : شاۋەشەك حالىق راديو ستانسياسى

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ورتا تازالىق جۇمىسشىلارى شىت - جاڭا ۆەلوسيپەدكە يە بولدى
  • چۇڭچيڭ-گۇيياڭ تەمىر جولى بىرلەسپە سىناق جۇرگىزۋ مەزگىلىنە ءوتتى
  • ماسساي قىستاعى
  • «ىلە ايدىنى» جۋرنالى ادەبيەت سيلىعىن تاراتتى

ءوتىمدى اقپارات

بىزبەن بايلانىس جارناما قىزمەتى لەبىز قالدىرۋ ءبىز تۋرالى