ءتاڭىرتاۋ تورابى   ›   جاڭالىقتار   ›   شينجياڭ حابارلارى

2017 - جىلى اۆتونوميالى رايوننىڭ جۇمىستاندىرىپ حالىققا تيىمدىلىك جاساۋ قىزمەتىندە جىلدىق نىسانا %106 ورىندالدى

  اۋىل - قىستاقتاردا 2 ميلليون 750 مىڭ ادام - رەت ارتىق ەڭبەككۇش باسقا سالاعا ويىسىپ جۇمىسقا ورنالاستى

  8 - قاڭتاردا اشىلعان اۆتونوميالى رايوننىڭ ادام كۇشى بايلىعى جانە قوعامدىق قامتاماسىزداندىرۋ قىزمەتى ماجىلىسىنەن ۇعىسۋىمىزشا، اۆتونوميالى رايونىمىزدىڭ 2017 - جىلعى جۇمىستاندىرىپ حالىققا تيىمدىلىك جاساۋ قىزمەتىنىڭ ناتيجەسى كورنەكتى تابىسقا قول جەتكىزىپ، اۋىل - قىستاقتاردا 2 ميلليون 750 مىڭ ادام - رەت ارتىق ەڭبەككۇش باسقا سالاعا ويىسىپ جۇمىستانىپ، جىلدىق نىسانا %106ورىندالعان.

  جۇمىستاندىرۋ − حالىق تۇرمىسىنىڭ نەگىزى، اۋىل - قىستاقتارداعى ارتىق ەڭبەككۇشتەردى باسقا سالاعا ويىستىرىپ جۇمىستاندىرۋ اۆتونوميالى رايونىمىزدىڭ جۇمىستاندىرۋ قىزمەتىنىڭ ماڭىزدى ءتۇيىنى. 2017 - جىلى اۆتونوميالى رايون اۋىل - قىستاقتارداعى ارتىق ەڭبەككۇشتەردى ۇيىمدى تۇردە باسقا سالاعا ويىستىرىپ جۇمىستاندىرۋدى كوپ ارنالارمەن ىلگەرىلەتىپ، بەلسەنە ىزدەنىس جاساپ، سول جەردە، سول ماڭدا باسقا سالاعا ويىستىرىپ جۇمىستاندىرۋدىڭ جاڭا ءورىسىن كەڭەيتىپ، شاعىن زاۆودتىڭ، «حالىقتىق شەبەرحانانىڭ» جۇمىستاندىرۋىن ءوز جاعدايىنا قاراي جالپىلاستىرىپ، اۋىل - قىستاق ەڭبەك سەلبەستىك ۇيىمدارىنىڭ جۇمىستاندىرۋدى جەبەۋىن سۇيەمەلدەپ، اۋىل شارۋاشىلىق ۇيىمدارىنىڭ جۇمىستاندىرۋدىڭ كولەمىن كەڭەيتۋىن قولداپ، كاسىپ سالاسى (ونەركاسىپ باقشاسى) باقشا رايوندارىنىڭ جۇمىستاندىرۋدى ورنىقتىرۋىن العا ىلگەرىلەتىپ، شاعىن كاسىپورىنداردىڭ دەربەس شارۋاشىلىق قۇرىپ، قىسقا مەرزىمدىك، ماۋسىمدىق سيپاتتى ەڭبەكتەرگە ۇيىمداستىرۋىنا دەم بەردى. اۆتونوميالى رايون كولەمىندە باسقا سالاعا ويىستىرىپ جۇمىستاندىرۋدىڭ جيىنتىعىندا، سول جەردە، سول ماڭدا جۇمىستانعان ادام سانى جانە ىشكى وڭىرلەردەگى كاسىپورىندارعا ويىسىپ جۇمىستانعان ادام سانىندا كەڭ كولەمدە ارتۋ جاعدايى جارىققا شىقتى.

  2017 - جىلى اۆتونوميالى رايوننىڭ كوپتەگەن تاراۋى بىرلەسىپ ارەكەتتەنىپ، قاشقار مەن حوتان ايماقتارىنىڭ قالا، اۋىلدارىنداعى ارتىق ەڭبەككۇشتەردىڭ شينجياڭ كولەمىندە ءوڭىر اتتاپ ۇيىمدى تۇردە باسقا سالاعا ويىسىپ، جۇمىستانۋىن ىلگەرىلەتتى، مۇندا تۇتاس جىلدا 40 مىڭ ادامدى باسقا سالاعا ويىستىرىپ جۇمىستاندىرۋ جوسپارلانعان ەدى، ءىس جۇزىندە 47 مىڭ ادام باسقا سالاعا ويىسىپ جۇمىسقا ورنالاستى، ءسويتىپ، ۇكىمەت جەتەكشىلىك ەتۋدى نەگىز ەتكەن ۇيىمدى تۇردە باسقا سالاعا ويىستىرىپ جۇمىستاندىرۋدىڭ جاڭا مەحانيزمىن ورناتۋ جونىندە العاشقى قادامدا ىزدەنىس جاسالدى.

  اۆتونوميالى رايون ىشكى ولكەلەرگە ويىستىرىپ جۇمىستاندىرۋدىڭ كولەمىن تارتىپپەن كەڭەيتىپ، ءتۇزىمدى اقاۋسىزداندىرۋ، باسقارۋعا قىزمەت وتەۋدى كۇشەيتۋ، ناقتى وقىتۋ، تاربيەلەۋ سياقتى تاسىلدەر ارقىلى جۇمىستاندىرۋدى ورنىقتى ىلگەرىلەتىپ، ىشكى ولكەلەرگە، قالالارعا ويىستىرىپ جۇمىستاندىرۋدىڭ سانىن ورنىقتى ارتتىردى. 2017 - جىلى تۇتاس اۆتونوميالى رايون بويىنشا ىشكى ولكەلەردەگى كاسىپورىندارعا ويىسىپ جۇمىستانعاندار 20 مىڭ 859 ادامعا جەتىپ، جىلدىق نىسانا - مىندەتتىڭ %104ى ورىندالدى.

 ۇعىسۋعا قاراعاندا، اۆتونوميالى رايونىمىز ۇيىمدى تۇردە ىشكى ولكەلەردەگى كاسىپورىندارعا ويىستىرىپ جۇمىستاندىرۋ، شينجياڭ ىشىندە ءوڭىر اتتاپ باسقا سالاعا ويىستىرىپ جۇمىستاندىرۋ جانە سول جەردە، سول ماڭدا جۇمىستاندىرۋ سىندى 3 ءتۇرلى ارنا ارقىلى كەدەي وتباسىلارى ەڭبەككۇشتەرىنىڭ ورنىقتى تۇردە جۇمىسقا ورنالاسىپ، كەدەيلىكتەن ورنىقتى قۇتىلۋىنا كەپىلدىك ەتتى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى