ءتاڭىرتاۋ تورابى   ›   جاڭالىقتار   ›   شينجياڭ حابارلارى

2017 - جىلى اۆتونوميالى رايونىمىزدىڭ قالا - قالاشىقتارىندا 470 مىڭ ادام تىڭنان جۇمىسقا ورنالاستى

  8 - قاڭتاردا اشىلعان اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ قىزمەتى ماجىلىسىنەن ۇعىسۋىمىزشا، 2017 - جىلى اۆتونوميالى رايونىمىز جۇمىسقا ورنالاستىرۋ ارقىلى حالىققا تيىمدىلىك جاساۋ ينجەنەرياسىن تىڭعىلىقتى ىلگەرىلەتىپ، جۇمىسقا ورنالاستىرۋ، شارۋاشىلىق قۇرۋ قىزمەتىندە كورنەكتى تابىسقا جەتكەن، تۇتاس جىلدا قالا - قالاشىقتاردا 470 مىڭ ادام تىڭنان جۇمىسقا ورنالاستىرىلىپ، جىلدىق نىسانالى مىندەت %108ورىندالعان.

  اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى جۇمىسقا ورنالاستىرۋدى جەبەۋ باسقارماسىنىڭ باستىعى جاڭ رۇڭنىڭ تانىستىرۋىنشا، 2017 - جىلى اۆتونوميالى رايونىمىز «جۇمىسقا ورنالاستىرۋ ساياساتتارىن تياناقتاندىرۋ جىلى» قيمىلىن ورىستەتىپ، جەر - جەردىڭ تياناقتاندىرىلماعان جۇمىسقا ورنالاستىرۋ ساياساتتارىن ءتىزىم بويىنشا باسقارۋدى جولعا قويۋىنا قۋزاۋشىلىق جاساپ، ءتۇرلى ساياساتتاردىڭ تامىر تارتىپ، جەمىس بەرۋىنە كەپىلدىك ەتكەن. قالا، اۋىلداردا زور جۇمىسقا ورنالاستىرۋدى ءبىر تۇتاس اتقارىپ، جۇمىسقا ورنالاستىرۋدى قولداۋ ساياساتتارى ۇزدىكسىز تۇردە قالا - قالاشىقتارداعى جۇمىسقا ورنالاستىرۋدان اۋىل - قىستاقتارداعى جۇمىسقا ورنالاستىرۋعا، قالا - قالاشىق ەڭبەكشىلەرىنەن اۋىل - قىستاق ەڭبەكشىلەرىنە قاراي قانات جازعان، قالا، اۋىلداردىڭ كاسىپتىك تاربيە جۇيەسى جۇمىسقا ورنالاستىرۋدى باعدار ەتە وتىرىپ ءبىر تۇتاس جوسپارلانىپ، جۇمىسقا ورنالاستىرۋعا الەۋمەتتىك قىزمەت كورسەتۋدىڭ تەڭگەرىلگەن جۇيەسى جەدەل ورناتىلىپ، جۇمىسقا ورنالاستىرۋدىڭ قالا، اۋىلدار ءبىر تۇتاس جوسپارلانعان ساياساتتىق جۇيەسى مەن قىزمەت جۇيەسى قالىپتاسقان.

  2017 - جىلى اۆتونوميالى رايونىمىز جوعارى مەكتەپ بىتىرگەن تۇلەكتەردىڭ جۇمىسقا ورنالاسۋىن، شارۋاشىلىق قۇرۋىن جەبەۋ جوسپارىن اتقارۋ ارقىلى ولاردىڭ نەگىزگى ساتىدا، كاسىپورىنداردا جۇمىسقا تۇرۋى مەن دەربەس شارۋاشىلىق قۇرۋىن جەبەدى، اۆتونوميالى رايونعا قاراستى ادەتتەگى جوعارى مەكتەپتەردىڭ كەزەكتى تۇلەكتەرىنىڭ %89.6ى جۇمىسقا ورنالاسىپ، سايكەس مەزگىلدەگىدەن 5.42 پايىز كوتەرىلدى؛ ىشكى ولكەدەگى جوعارى مەكتەپتەردەن بىتىرگەن شينجياڭدىق تۇلەكتەردىڭ %93.74ى جۇمىسقا ورنالاستى، اۆتونوميالى رايونىمىز ادەتتەگى جوعارى مەكتەپتەن وقۋ تاۋىسىپ، جۇمىسقا ورنالاسپاعان 5442 وقۋشىنى شينجياڭعا باعىتتامالى كومەكتەسەتىن ولكە، قالالاردا تاربيە الۋعا جىبەردى.

  اۆتونوميالى رايونىمىز شارۋاشىلىق قۇرۋ ارقىلى جۇمىسقا ورنالاستىرۋدى بار كۇشپەن ىلگەرىلەتتى. 2017 - جىلى اۆتونوميالى رايونىمىز شينجياڭ شارۋاشىلىق قۇرۋعا قىزمەت كورسەتۋ وداعىن قۇرىپ، اۆتونوميالى رايونداعى شارۋاشىلىق قۇرۋعا تاربيەلەۋ، شارۋاشىلىق قۇرۋعا جەتەكتەۋ، شارۋاشىلىق قۇرۋدى قارجىلاندىرۋ، شارۋاشىلىق قۇرۋ ينكۋباتورى سياقتى بايلىقتاردى بىرىكتىرىپ، شارۋاشىلىق قۇرۋ ارقىلى جۇمىسقا ورنالاسۋدى جەبەۋدىڭ جاڭا مەحانيزمىن قالىپتاستىردى. تۇتاس جىلدا 76 مىڭ 800 ادام جاڭادان شارۋاشىلىق قۇرىپ، 165 مىڭ 900 ادامنىڭ جۇمىسقا ورنالاسۋىنا قوزعاۋشىلىق جاسادى. ءسويتىپ، جىلدىق نىسانالى مىندەت %256 جانە %184.3ورىندالدى.

  جۇمىسقا ورنالاسۋدى ىلگەرىلەتۋ قىزمەتىندە اۆتونوميالى رايونىمىز دالمە - ءدال سۇيەمەلدەۋدى كورنەكتىلەندىرىپ، جۇمىسقا ورنالاسۋدا قيىنشىلىققا ۇشىراعان ادامدارعا «بىرگە ءبىر» ۇلگىسى بويىنشا كومەكتەسۋ جانە بىردە - ءبىر ادامى جۇمىسقا ورنالاسپاعان وتباسىلارىنان كەم دەگەندە ءبىر ادامدى 24 ساعات ىشىندە جۇمىستاندىرۋ مەحانيزمىن ۇدايى اتقارىپ، «ءبىر ادامعا ءبىر شارا» بويىنشا كومەكتەسىپ سۇيەمەلدەۋ تۇزىمىنە تاباندى بولىپ، ءىز قۋا قىزمەت كورسەتۋدى كۇشەيتىپ، ساياسات، جۇمىس ورنى جانە قىزمەت كورسەتۋدىڭ ادام باسىنا دەيىن تياناقتانۋىنا كەپىلدىك ەتتى. 2017 - جىلى اۆتونوميالى رايون بويىنشا جۇمىسقا ورنالاسۋدا قيىنشىلىققا ۇشىراعان 58 مىڭ 500 ادام جۇمىسقا ورنالاسىپ، جىلدىق نىسانالى مىندەت %117 ورىندالدى، بىردە - ءبىر ادامى جۇمىسقا ورنالاسپاعان وتباسى سانى ۇزدىكسىز تۇردە نولدىكتى ساقتادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى