ءتاڭىرتاۋ تورابى   ›   ۇيرەنۋ   ›   شولۋ

بيىلعى ەكونوميكالىق قىزمەتتى تىڭعىلىقتى جاقسى ىستەۋدىڭ سەنىمى مەن بەكىمىن نىعايتايىق

  − اۆتونوميالى رايوندىق پارتكومنىڭ ەكونوميكالىق قىزمەت ءماجىلىسىنىڭ رۋحىن دايەكتىلەندىرۋ، تياناقتاندىرۋ تۋرالى (1)

  اۆتونوميالى رايوندىق پارتكومنىڭ ەكونوميكالىق قىزمەت ءماجىلىسى 3 - قاڭتاردا اشىلدى. ءماجىلىس پارتيا 19 - قۇرىلتايىنىڭ رۋحىن جاپپاي دايەكتىلەندىرىپ، شي جينپيڭنىڭ جاڭا ءداۋىر جۇڭگوشا سوتسياليزم ەكونوميكا يدەياسىن ىشكەرىلەي دايەكتىلەندىرىپ، ورتالىقتىڭ ەكونوميكالىق قىزمەت ءماجىلىسى مەن ورتالىقتىڭ اۋىل - قىستاق قىزمەتى ءماجىلىسىنىڭ رۋحىن دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، 2017 - جىلعى ەكونوميكالىق قىزمەتتى قورىتىندىلاپ، 2018 - جىلعى ەكونوميكالىق قىزمەتتەردى ورنالاستىردى. ماجىلىستە ورتاعا قويىلعان وي جەلى، بەلگىلەنگەن شارالار بۇكىل اۆتونوميالى رايوننىڭ يدەياسىن ونان ارى بىرلىككە كەلتىرۋ، نىسانانى ايقىنداۋ، بيىلعى ەكونوميكالىق قىزمەتتى ويداعىداي جاقسى ىستەۋدىڭ سەنىمى مەن بەكىمىن بەكەمدەۋ، ەكونوميكانىڭ، قوعامنىڭ باياندى، اقاۋسىز دامۋىن العا ىلگەرىلەتۋ جونىنەن اسا ماڭىزدى مانگە يە.

  يدەيا − ارەكەتتىڭ جەتەكشىسى، اۆتونوميالى رايوندىق پارتكومنىڭ ەكونوميكالىق قىزمەت ءماجىلىسىنىڭ رۋحىن ويداعىداي دايەكتىلەندىرۋدە، تياناقتاندىرۋدا يدەيانى بىرلىككە كەلتىرگەندە عانا، ارەكەت بىردەي بولادى. جۋىردا اشىلعان ورتالىقتىڭ ەكونوميكالىق قىزمەت ءماجىلىسى پارتيانىڭ 19 - قۇرىلتايىنان كەيىن شي جينپيڭ جولداستى ۇيتقى ەتكەن پارتيا ورتالىق كوميتەتى اشقان تۇڭعىش رەتكى مەملەكەتتىك ءماجىلىس بولىپ تابىلادى. باس شۋجي شي جينپيڭنىڭ ماڭىزدى ءسوزى اسا كۇشتى ساياسي سيپاتقا، يدەيالىق سيپاتقا، ستراتەگيالىق سيپاتقا، جەتەكشىلىك سيپاتقا، يكەمدىلىككە يە، ول شي جينپيڭنىڭ جاڭا ءداۋىر جۇڭگوشا سوتسياليزم ەكونوميكا يدەياسىنىڭ تيپتىك، سۇبەلى تۋىندىسى، قازىرگى جانە بۇدان بىلايعى ءبىر مەزگىلدەگى ەلىمىزدىڭ ەكونوميكالىق قىزمەتىن تىڭعىلىقتى جاقسى ىستەۋدىڭ، ەلىمىزدىڭ ەكونوميكاسىن ساپالىق دامۋ ساتىسىنا قادام تاستاۋعا جەتەلەۋدەگى ءتۇبىرلى ولشەم. ءبىز مۇقيات ۇيرەنۋىمىز، پارتيانىڭ 18 - قۇرىلتايىنان بەرگى ەلىمىز ەكونوميكاسىنىڭ دامۋىندا قول جەتكىزگەن تاريحي تابىستاردى، تۋىلعان تاريحي وزگەرىستەردى تەرەڭ ءتۇسىنۋىمىز؛ شي جينپيڭنىڭ جاڭا ءداۋىر جۇڭگوشا سوتسياليزم ەكونوميكا يدەياسىن تەرەڭ ءتۇسىنۋىمىز؛ باس شۋجي شي جينپيڭنىڭ ەلىمىز ەكونوميكاسى جاڭا داۋىرگە قادام تاستادى دەگەن كەلەلى تۇجىرىمىن تەرەڭ ءتۇسىنۋىمىز؛ باس شۋجي شي جينپيڭنىڭ 2018 - جىلعى ەكونوميكالىق قىزمەت جونىندەگى عىلمي ورنالاستىرۋىن تەرەڭ ءتۇسىنىپ، يدەيا مەن ارەكەتتى پارتيا 19 - قۇرىلتايىنىڭ رۋحىمەن شىن مانىندە بىرلىككە كەلتىرىپ، پارتيا ورتالىق كوميتەتىنىڭ بيىلعى ەكونوميكالىق قىزمەت جونىندەگى شەشىمدەرىمەن، ورنالاستىرۋلارىمەن بىرلىككە كەلتىرىپ، شي جينپيڭنىڭ جاڭا ءداۋىر جۇڭگوشا سوتسياليزم ەكونوميكا يدەياسىن جەتەكشى ەتۋگە تاباندى بولىپ، بۇكىل اۆتونوميالى رايون ەكونوميكاسىنىڭ جوعارى ساپالى دامۋدا تىنباي تىڭ ىلگەرىلەۋشىلىكتەرگە قول جەتكىزۋىن العا ىلگەرىلەتۋىمىز كەرەك.

  سەنىم پارتيا ورتالىق كوميتەتىنىڭ بيىكتەن الىستى بولجاعان عىلمي شەشىمىنەن، بىلتىردان بەرگى بۇكىل رايوننىڭ ەكونوميكالىق دامۋىنىڭ تاماشا بەتالىسىنان باستاۋ الادى. 2017 - جىلى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم، ۇكىمەت بۇكىل رايونداعى ءار ۇلت كادر - جۇرتشىلىعىن ىنتىماقتاستىرىپ، باستاپ، شي جينپيڭنىڭ جاڭا ءداۋىر جۇڭگوشا سوتسياليزم ەكونوميكا يدەياسىن مۇقيات دايەكتىلەندىرىپ، ەكونوميكانىڭ جاڭا داۋىرگە ءوتۋى تۋرالى تالابىنا ىرىقتى تۇردە ۇيلەسىپ، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، ورنىقتىلىق بارىسىندا ىلگەرىلەۋ سىندى قىزمەتتىڭ نەگىزگى اۋەنىنەن جازباي، جاڭا دامۋ ۇستانىمدارىن بۇلجىتپاي دايەكتىلەندىرىپ، ساپالى دامۋ مەن ونىمدىلىكتى وزەك، قامداۋ جاعىنداعى قۇرىلىمدىق رەفورمانى ىلگەرىلەتۋدى ارقاۋ ەتىپ، ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ - قاتەردەن ساقتانۋ سياقتى ءتۇرلى قىزمەتتەردى كۇش سالا جاقسى ىستەدى، بۇكىل رايون ەكونوميكاسى تاماشا دامۋ بەتالىسىن ساقتادى. بۇل شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ، ىقىلاستى قامقورلىعىنىڭ جەمىسى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن جاپپاي دايەكتىلەندىرۋدىڭ، تياناقتاندىرۋدىڭ، اسىرەسە، قوعام ورنىقتىلىعى مەن باياندى تىنىشتىق باس نىساناسىنىڭ جەمىسى، ورتالىق كوميتەتتىڭ جانە مەملەكەت ورگاندارىنىڭ، ورتالىق كاسىپورىندارىنىڭ، شينجياڭعا باعىتتامالى كومەكتەسىپ جاتقان ولكە، قالالاردىڭ شىنايى سۇيىسپەنشىلىكپەن جاردەم بەرىپ، قالتقىسىز كومەك كورسەتۋىنىڭ جەمىسى، بۇكىل رايونداعى ءار دارەجەلى پارتيا ۇيىمدارىنىڭ، قالىڭ پارتيا مۇشەلەرى مەن كادرلاردىڭ جانە ءار ۇلت بۇقاراسىنىڭ ءبىر نيەتپەن ىنتىماقتاسىپ، قۇلشىنا كۇرەس جۇرگىزۋىنىڭ جەمىسى، شينجياڭدا تۇراتىن حالىق ازاتتىق ارمياسىنىڭ، قارۋلى ساقشى بولىمدەرىنىڭ بەلسەنە ات سالىسۋىنىڭ، زور كۇشپەن قولداپ - قۋاتتاۋىنىڭ جەمىسى. ناتيجەنى تۇراقتاندىرۋمەن بىرگە، ءبىز مىنانى دا ايقىن كورە ءبىلۋىمىز كەرەك: شينجياڭ ءالى دە 2 «ءۇش مەزگىل قاباتتاسقان» قاتاڭ جاعدايدا تۇر، قوعامدىق، ەكونوميكالىق دامۋداعى قيىنشىلىقتار مەن ماسەلەلەر بار، بۇلاردىڭ بارلىعى بىزدەن ايرىقشا ءمان بەرۋدى، مۇقيات زەرتتەۋدى، پارمەندى شارالار قولدانىپ، شىنايى شەشۋدى كۇتەدى.

 2018 - جىل پارتيا 19 - قۇرىلتايىنىڭ رۋحىن دايەكتىلەندىرۋدىڭ العاشقى جىلى، رەفورما جاساپ، ەسىك اشۋدىڭ 40 جىلدىعى، جاپپاي دوڭگەلەك داۋلەتتى قوعام ورناتۋدىڭ شەشۋشى شايقاسىنىڭ، «13 - بەسجىلدىق» جوبانى اتقارۋدا باس - اياعىن ۇلاستىرۋدىڭ شەشۋشى جىلى. بيىلعى ەكونوميكالىق قىزمەتتەردى ويداعىداي ىستەۋدىڭ ءمانى زور، جاۋاپكەرشىلىگى اۋىر. جوعارى - تومەن ءبىر نيەتكە جۇمىلسا، كوپتىڭ كۇشى كول قوتارار. پارتيا ورتالىق كوميتەتىنىڭ تالابى، ءار ۇلت حالقىنىڭ ءۇمىت - تىلەگى الدىندا، ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە ءتىپتى دە تىعىز ىنتىماقتاسىپ، جىگەرلەنە العا ۇمتىلىپ، دەن قويا، قۇلشىنا ىستەپ، تىڭعىلىقتى قىزمەت ەتىپ، بيىلعى ەكونوميكالىق قىزمەتتىڭ جاقسى باستالۋىنا، ءۇرتىس اقاۋسىز دامۋىنا كەپىلدىك ەتىپ، 2020 - جىلى جاپپاي دوڭگەلەك داۋلەتتى قوعام ورناتۋعا بەرىك نەگىز قالاپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، حالقى الاڭسىز تىرشىلىك ەتەتىن جۇڭگوشا سوتسياليستىك شينجياڭ قۇرۋ ءۇشىن قۇلشىنا كۇرەسەيىك!

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى