ءتاڭىرتاۋ تورابى   ›   ۇيرەنۋ   ›   شولۋ

جۇڭگو حالقىنىڭ ارىنداعان جاسامپازدىق ۇلى كۇشىنە ماداق ايتامىز

  − ءتوراعا شي جينپيڭنىڭ 2018 - جاڭا جىلدى قۇتتىقتاۋ سوزىنەن تۋعان وي (2)

  تاماشا جۇڭگو حيكاياسىن حالىق بىرگە جازعان؛ تاڭعاجايىپ جۇڭگو مۇعجيزاسىن حالىق قول ۇستاسىپ بىرگە جاساعان.

  2018 - جاڭا جىلدى قۇتتىقتاۋ سوزىندە ءتوراعا شي جينپيڭ ءبىر جىلدان بەرگى عىلىم - تەحنيكادا جاڭالىق اشۋعا، ءىرى ينجەنەريالارعا قايىرىلا قاراپ، تەرەڭ سەزىممەن: مەن جۇڭگو حالقىنىڭ ارىنداعان جاسامپازدىق ۇلى كۇشىنە ماداق ايتامىن! - دەدى. بۇل ءبىر جاعىنان وتكەندەگى تابىستارعا دەگەن وسكەلەڭ ماداق، ونان دا ماڭىزدىسى، كەلەسىدەگى كۇرەسكە دەگەن شابىتتاندىرۋ، جەبەۋ ەسەپتەلەدى. «مەن كوپشىلىككە شىنايى العىسىمدى بىلدىرەمىن»، «مەن ۇلى حالقىمىزعا بارەكەلدى ايتامىن»، «مەن جولداستارعا قۇرمەت بىلدىرەمىن»... ءتوراعا شي جينپيڭنىڭ جۋىق جىلداردان بەرگى جاڭا جىلدى قۇتتىقتاۋ سوزدەرىندەگى حالىقتىڭ قولداۋىنا العىس ايتۋى، حالىقتىڭ ۇلەسىنە قۇرمەت ءبىلدىرۋى حالىققا دەگەن شىنايى سۇيىسپەنشىلىككە تولعان، ول ايقىن حالىقتىق تۇرعىنى ايگىلەپ، «حالىق بارلىعىنان جوعارى تۇرادى» دەگەن وزگەرمەس اۋەلگى ماقساتتى تانىتتى.

  وتكەن ءبىر جىلدا، جۇڭگو عىلىم - تەحنيكادا جاڭالىق اشۋدىڭ دابىلىن اسقاقتاتا سوقتى. اۋەدە، جەر استىندا، تەڭىز تۇبىندە ءبىر قىدىرۋ «جۇڭگو سىلكىنىسى» عىلىم - تەحنيكا دامۋىنىڭ «جۇڭگو تولقىنىن» كوتەرىپ، دۇنيە ءجۇزىنىڭ جاڭا كەلەشەگىن كورسەتتى. ومىرىمەن جەر بارلاۋ جابدىعىن جاساعان حۋاڭ دانيان، ليڭديڭياڭدا «تەڭىزدەن ەندەي وتكەن كوپىر» سالعان لين ميڭ، «شىعىستىڭ عاجايىپ كۇرىشىن» جەتىلدىرگەن يۋان لۇڭپيڭ، كۆانتتىق عىلىم - تەحنيكانىڭ الدىڭعى شەبىندە ارمانىن سومداعان فان جيانۋي، جۇلدىزعا اينالىپ «اسپان كوزىن» جاساعان نان رىندۇڭ... وسى ءبىر جىلدا، ولار 80 ميلليوننان استام عىلىم - تەحنيكا قىزمەتكەرىمەن بىرگە عىلىم - تەحنيكادا جاڭالىق اشۋدىڭ ۇشقىنىن تۇتاتىپ، ناعىز زەرگەردىڭ شەبەرلىگىمەن ءىرى ەلدىڭ اۋىر جابدىقتارىن سومداپ، جۇڭگونىڭ عىلىم - تەحنيكاسىن «ىلەسۋشىدەن» «قاتارلاسۋشىعا»، ءتىپتى، «باستاۋشىعا» اينالدىرىپ، عىلىم - تەحنيكا ارقىلى مەملەكەتتى قۇدىرەتتەندىرۋ جولىن نۇر - شۇعىلاعا بولەدى.

  ەكپىندەي ىلگەرىلەگەن 5 جىلدا، بارلىق ومىرشەڭدىك كۇش باسەكەلەسە جارىققا شىعىپ، بارلىق قاينار تولىق اشىلدى، ءبىر ميلليارد 300 ميلليوننان استام حالىقتىڭ اقىل - پاراساتى مەن كۇش - قايراتى ءداۋىردىڭ اساۋ اعىنىن قالىپتاستىرىپ، تاريحتىڭ بەتىنە جازىلدى. جۇڭگونىڭ 2017 - جىلداعى جاڭالىق اشۋ كورسەتكىشى 22 - ورىنعا كوتەرىلىپ، الەمدەگى ەكىنشى ءىرى كاسىپ اشۋ بازارىنا جانە «ساڭلاقتار» تۋاتىن جەرگە اينالدى؛ قامداۋ جاعىنداعى قۇرىلىمدىق رەفورماعا كۇش سالۋ، اۋىر كەدەيلىكتەن قامال الۋ، شيۇڭ - ان جاڭا رايونىن جوبالاۋ، جالعا الۋ مەن ساتىپ الۋ ۇقىعىن بىردەيلەستىرۋ جاعىندا ىزدەنىس جاساۋ، «كورىكتى جۇڭگونىڭ» كوركەم كارتيناسىن سالۋ، اۋىل شارۋاشىلىعى، اۋىل - قىستاق، شارۋالار قىزمەتىندە تىڭ پاراقتار اشۋ... سانسىز قامال بۇزىپ، وتكەلەكتەن وتۋدە، سانسىز باتىل ىزدەنىستەردە ميللياردتاعان حالىق ساقاداي سايلانىپ جورىققا شىعىپ، دامۋ امالياتىن ۇلى كۇشپەن ىلگەرىلەتىپ، «جۇڭگو» اتتى الىپ كەمەنى جاڭا سۋ ايدىندارىندا جەلكەن جايدىردى.

  بيىل رەفورما جاساپ، ەسىك اشۋعا 40 جىل تولادى. اناۋ جىلدارى، شياۋگاڭ قىستاعىنىڭ تۇرعىندارى ءونىمدى كوتەرمەگە بەرۋدى وتباستارىنا تۇراقتاندىرۋ كەلىسىمىنە بارماق مورلەرىن باسىپ، جۇڭگو رەفورماسىنىڭ شىمىلدىعىن اشتى؛ ي - ۋلىقتاردىڭ «تاۋىقتىڭ ءجۇنىن قانتقا ايىرباستاۋدان» جۇمىس باستاعان شاعىن تاۋار ساۋداسى دۇنيە ءجۇزىنىڭ ءىرى بازارىنا بەت الدى... بۇل ۇلى جاسامپازدىقتاردىڭ بارلىعى نەگىزگى ساتىداعى قۇنارلى توپىراقتان، ميللياردتاعان حالىق اراسىنا تامىر تارتۋدان كەلدى. جاڭا ءداۋىر، جاڭا ساپار ءالى دە حالىق اراسىنداعى جاسامپازدىقتىڭ ۇلى كۇشىن رەفورما ارقىلى ىشكەرىلەي وياتۋدى قاجەت ەتەدى. ماسەلەنى نىشان ەتۋدەن جازباي، جوعارى دەڭگەيدە جوبالاپ، نەگىزگى ساتىنىڭ ىزدەنىس جاساۋداعى ىشكى قوزعاۋشى كۇشىن قوزداتۋ كەرەك؛ قاساڭ قاعيدالاردى بۇزىپ، قورشاۋ - شەكتەمەدەن شىعىپ، جاڭالىق اشۋ، شارۋاشىلىق قۇرۋدىڭ تۇزىمدىك ورتاسىن جاقسارتۋ كەرەك. 9 ميلليون 600 مىڭ شارشى كيلومەتر كەلەتىن كەڭ - بايتاق تەرريتوريا، ءبىر ميلليارد 300 ميلليوننان استام جۇڭگو حالقىنىڭ اقىل - پاراساتى مەن ىستىق ىنتاسى ءبىزدىڭ تىنباي العا ىلگەرىلەۋىمىزدىڭ ەڭ ايبىندى قوزعاۋشى كۇشىمىز، ءبىزدىڭ گۇلدەنۋگە بەتتەۋدەگى ەڭ تەرەڭ تامىرىمىز.

 «سان ميللونداعان جاي بۇقارا ەڭ ۇلى». جۇڭگو كوممۋنيستىك پارتياسى جونىنەن «حالىق» ەڭ ءتۇبىرلى فيلوسوفيا. جاڭا ءداۋىردىڭ قاقپاسىن اشقاندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ باسشىلىعىندا، بۇكىل ەل حالقى تىزە قوسىپ، بىلەك سىبانىپ قۇلشىنا ىستەسە بولعانى، جۇڭگو ارمانىن ءبىر نيەتپەن سومداۋدىڭ ۇلى كۇشىن، ءسوزسىز، ۇيىستىرىپ، ىستەرىمىزدى العا ىلگەرىلەتەتىن بولادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى