ءتاڭىرتاۋ تورابى   ›   ۇيرەنۋ   ›   شولۋ

اۋىل - قىستاقتاردى كوركەيتۋدىڭ جۇڭگوشا سوتسياليستىك جولىمەن جۇرەيىك

  − ورتالىقتىڭ اۋىل - قىستاق قىزمەتى ءماجىلىسىنىڭ رۋحىن دايەكتىلەندىرۋ، تياناقتاندىرۋ تۋرالى (2)

  «اۋىل شارۋاشىلىعىن ءۇمىتتى كاسىپ سالاسىنا، شارۋانى تارتىمدى كاسىپكە، اۋىل - قىستاقتى الاڭسىز تىرشىلىك ەتەتىن كورىكتى مەكەنگە اينالدىرۋ كەرەك». ورتالىقتىڭ اۋىل - قىستاق قىزمەتى ماجىلىسىندە باس شۋجي شي جينپيڭ ءجۇز ميلليونداعان شارۋانىڭ ىرىس - قۇتىن كوزدە ۇستاپ، اۋىل - قىستاقتاردى كوركەيتۋدىڭ جۇڭگوشا سوتسياليستىك جولىمەن ءجۇرۋ سىندى كەلەلى مىندەتتى ايقىن ورتاعا قويىپ، اۋىل - قىستاقتاردى كوركەيتۋ ستراتەگياسىن اتقارۋ جونىندە 7 جاقتان ماڭىزدى ورنالاستىرۋ جاساپ، ءجۇز ميلليونداعان شارۋا ءۇشىن كورىكتى اۋىل - قىستاقتىڭ وسى زامانعى كورىنىسىن تۇلعالاپ بەردى، بۇل اۋىل - قىستاقتاردى كوركەيتۋدىڭ باس باعدارلاماسى، جاڭا داۋىردە اۋىل شارۋاشىلىعى، اۋىل - قىستاق، شارۋالار قىزمەتىن جاقسى ىستەۋدىڭ باعدار كارتاسى.

  اۋىل - قىستاقتاردى وركەندەتۋ ستراتەگياسىن اتقارۋددىڭ تەتىگى اۋىل - قىستاقتاردى كوركەيتۋدىڭ جۇڭگوشا سوتسياليستىك جولىمەن جۇرۋدە. ءبىز، ءسوزسىز، باس شۋجي شي جينپيڭنىڭ پارتيا 19 - قۇرىلتايىنا جاساعان بايانداماسىندا العا قويعان جالپى تالاپتارى بويىنشا، كاسىپ سالالارىن گۇلدەندىرۋدى ءتۇيىن، ەكولوگياسى قونىسقا جايلى بولۋدى تەتىك، اۋىل سالتى وركەنيەتتى بولۋدى قامتاماسىزدىق، جونگە سالۋى ۇتىمدى بولۋدى نەگىز، تۇرمىسى باي بولۋدى ءتۇبىرلى تياناق ەتىپ، قالا مەن اۋىل توعىسىپ داميتىن ءتۇزىلىس، مەحانيزم جانە ساياسات جۇيەسىن قۇرىپ، كەمەلدەندىرىپ، اۋىل شارۋاشىلىعىنىڭ، اۋىل - قىستاقتاردىڭ وسىزاماندانۋىن جەدەل ىلگەرىلەتۋىمىز كەرەك. ءبىز، ءسوزسىز، اۋىل شارۋاشىلىعىن، اۋىل - قىستاقتى الدىمەن دامىتۋدى وسىزامانداندىرۋ قۇرىلىسىنىڭ ماڭىزدى پرينسيبى ەتىپ، «ءىرى ەل، ءالسىز اۋىل شارۋاشىلىعى» سىندى نەگىزگى مەملەكەت جاعدايىن، اۋىل شارۋاشىلىعى جاعدايىن تياناق ەتىپ، اۋىل شارۋاشىلىعىنىڭ دەڭگەيىن جاپپاي كوتەرۋدى، اۋىل - قىستاقتى جاپپاي العا ىلگەرىلەتۋدى، شارۋالاردى جاپپاي دامىتۋدى كۇش سالا ىلگەرىلەتىپ، اۋىل - قىستاقتى گۇلدەندىرىپ، ءجۇز ميلليونداعان شارۋانىڭ كەنەلۋ سەزىمىن ارتتىرا ءتۇسۋىمىز كەرەك.

  اۋىل - قىستاقتاردى كوركەيتۋدىڭ قانداي جۇڭگوشا سوتسياليستىك جولىمەن ءجۇرۋ كەرەك؟ ورتالىقتىڭ اۋىل - قىستاق قىزمەتى ءماجىلىسى مىنالاردى ايقىن ورتاعا قويدى: قالا مەن اۋىلدىڭ توعىسپالى دامۋ جولىمەن ءجۇرۋ، بىرگە بايۋ جولىمەن ءجۇرۋ، ساپا ارقىلى اۋىل شارۋاشىلىعىن كوركەيتۋ جولىمەن ءجۇرۋ، اۋىل - قىستاقتىڭ جاسىل دامۋ جولىمەن ءجۇرۋ، اۋىل - قىستاق وركەنيەتىن گۇلدەندىرۋ جولىمەن ءجۇرۋ، اۋىل - قىستاقتى شەبەرلىكپەن جونگە سالۋ جولىمەن ءجۇرۋ، كەدەيلەر سانىن ازايتۋدىڭ جۇڭگوشا جولىمەن ءجۇرۋ كەرەك. بۇل «7 جول» اۋىل - قىستاقتاردى كوركەيتۋ ستراتەگياسىن اتقارۋدىڭ نىسانالىق جۇلگەسىن ايقىنداپ، اۋىل - قىستاقتاردى كوركەيتۋدىڭ جۇڭگوشا سوتسياليستىك جولىنىڭ ناقتى مازمۇنىن تۇلعالادى. مىنانى جەتە تانۋىمىز كەرەك: قالا - قالاشىق پەن اۋىل - قىستاق ءبىرىن - ءبىرى جەبەپ، ءبىرىن - ءبىرى ىلگەرىلەتەدى، بىرگە تىرشىلىك ەتىپ، بىرگە ءومىر سۇرەدى، بىرگە بايۋ جۇڭگوشا سوتسياليزمنىڭ ءتۇبىرلى پرينسيبى، ساپا ارقىلى اۋىل شارۋاشىلىعىن كوركەيتۋگە تاباندى بولعاندا عانا، ەلىمىز اۋىل شارۋاشىلىعىنىڭ جالپىلىق ونىمدىلىگى مەن باسەكەلىك قۋاتىن جوعارىلاتۋعا بولادى، تاماشا ەكولوگيالىق قورشاعان ورتا اۋىل - قىستاقتىڭ ەڭ ۇلكەن باسىمدىعى جانە قىمباتتى بايلىعى، تاڭداۋلى اۋىل - قىستاق مادەنيەتى اۋىل - قىستاقتاردىڭ ارىنىن ارتتىرىپ، شارۋالاردىڭ ۇيىسۋ قۋاتىن كۇشەيتىپ، تاماشا قوعامدىق سالت تۇلعالايدى. اۋىل - قىستاقتى شەبەرلىكپەن جونگە سالعاندا عانا، اۋىل - قىستاق قوعامىنىڭ ومىرشەڭدىگى قاۋلاي تۇسەدى ءارى جاراسىمدى دا ءتارتىپتى بولادى، كەدەيلەر سانىن ازايتۋدىڭ جۇڭگوشا جولى رەفورما جاساپ، ەسىك اشقان 40 جىلعا تاياۋ ۋاقىتتان بەرگى جۇرگەن ءساتتى جول، بۇل جولمەن ءسوزسىز، بۇلجىماي ءجۇرۋ كەرەك. اۋىل - قىستاقتاردى كوركەيتۋدىڭ جۇڭگوشا سوتسياليستىك جولىنىڭ رۋحاني ءمانى مەن باي مازمۇنىن يگەرسەك، اۋىل - قىستاقتاردى كوركەيتۋدىڭ جۇڭگوشا سوتسياليستىك جولىمەن جۇرۋدەگى سانالىلىعىمىز بەن بەكەمدىگىمىزدى كۇشەيتە الاتىن بولامىز.

  اۋىل - قىستاقتاردى كوركەيتۋدىڭ جۇڭگوشا سوتسياليستىك جولىمەن قالاي ءجۇرۋ كەرەك؟ ورتالىقتىڭ اۋىل - قىستاق قىزمەتى ءماجىلىسىنىڭ ناقتى ورنالاستىرۋلارىنا ساي، قالا مەن اۋىل قاتىناسىن قايتا تۇلعالاپ، ونەركاسىپ ارقىلى اۋىل شارۋاشىلىعىن تولىقتاپ، قالا ارقىلى اۋىلدى جەتەكتەپ، ونەركاسىپ پەن اۋىل شارۋاشىلىعى ءبىرىن - ءبىرى جەبەيتىن، قالا مەن اۋىل ءبىرىن - ءبىرى تولىقتايتىن، جان - جاقتى توعىسقان، بىرگە گۇلدەنىپ - كوركەيەتىن جاڭاشا ونەركاسىپ پەن اۋىل شارۋاشىلىعى، قالا مەن اۋىل - قىستاق قاتىناسىن جەدەل قالىپتاستىرۋ؛ اۋىل - قىستاقتارداعى نەگىزگى شارۋاشىلىق ءتۇزىمىن بەكەمدەپ جانە كەمەلدەندىرىپ، شارۋالاردىڭ شاعىن شارۋاشىلىعى مەن وسى زامانعى اۋىل شارۋاشىلىعىنىڭ دامۋىن ورگانيكالى ۇشتاستىرۋ؛ اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن تەرەڭدەتىپ، اۋىل شارۋاشىلىعىنداعى ءىرى ەلدەن اۋىل شارۋاشىلىعىنداعى قۇدىرەتتى ەلگە اينالۋ ؛ ادام مەن تابيعاتتىڭ جاراسىمدى بىرگە ءومىر سۇرۋىنەن جازباي، تاماشا ەكولوگيانى اۋىل - قىستاقتاردى كوركەيتۋدىڭ تىرەگى ەتۋ؛ ەگىنشىلىك وركەنيەتىن جالعاستىرىپ، دامىتىپ، دەڭگەيىن جوعارىلاتىپ، وركەنيەتتى اۋىل سالتىن، تاماشا وتباسى سالتىن، اق جارقىن حالىق سالتىن قالىپتاستىرىپ، وركەنيەتتىڭ جاڭا رايىن الاۋلاتۋ كەرەك؛ اۋىل - قىستاقتاردى جونگە سالۋ جۇيەسىندە جاڭالىق اشىپ، پارتكوم باسشىلىق ەتەتىن، ۇكىمەت جاۋاپتى بولاتىن، قوعام سايكەسەتىن، جۇرتشىلىق ات سالىساتىن، زاڭمەن قامتاماسىز ەتىلەتىن وسى زامانعى اۋىل - قىستاق قوعامىن جونگە سالۋ ءتۇزىلىسىن ورناۋ، كەمەلدەندىرۋ،ءوزىن - ءوزى جونگە سالۋ، زاڭمەن جونگە سالۋ، ءمورال ارقىلى جونگە سالۋ ۇشتاسقان اۋىل - قىستاق جونگە سالۋ جۇيەسىن كەمەلدەندىرۋ؛ كەدەيلىكتەن دالمە - ءدال قۇتىلدىرۋدان قامال الۋ شايقاسىن تىڭعىلىقتى جۇرگىزىپ، كەدەيلىكتەن قۇتىلدىرۋ ساپاسىن جوعارىلاتۋدى ماڭداي الدى ورىنعا قويىپ، كەدەيلەردىڭ ىشكى قوزعاۋشى كۇشىن قاۋلاتۋدى، دامۋ قابىلەتىن ارتتىرۋدى ءتۇبىرلى شارا ەتۋ كەرەك. وسى ناقتى ورنالاستىرۋلاردى شىنايى تياناقتاندىرعاندا عانا، اۋىل - قىستاقتاردى كوركەيتۋدىڭ قۇدىرەتتى قوزعاۋشى كۇشىن جالىنداتۋعا بولادى.

  اۋىل - قىستاقتاردى كوركەيتۋ ستراتەگياسىن اتقارۋ پارتيامىزدىڭ اۋىل شارۋاشىلىعى، اۋىل - قىستاق، شارۋالار قىزمەتى جونىندەگى ءبىر قىدىرۋ باعىت - ساياساتتارىنىڭ جالعاستىرىلۋى جانە دامىتىلۋى، ول ءجۇز ميلليونداعان شارۋانىڭ كوكەي تەستى ءۇمىتى. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ورتالىقتىڭ اۋىل - قىستاق قىزمەتى ءماجىلىسىنىڭ رۋحىن دايەكتىلەندىرىپ، تياناقتاندىرىپ، اۋىل - قىستاقتاردى كوركەيتۋدىڭ جۇڭگوشا سوتسياليستىك جولىمەن ويداعىداي جۇرسەك بولعانى، ءبىز، ءسوزسىز، اۋىل شارۋاشىلىعىن كۇشەيتىپ، اۋىل - قىستاقتاردى كوركەيتىپ، شارۋالاردى بايىتا الامىز، ءجۇز ميلليونداعان شارۋانى باقىتقا كەنەلتۋ سىندى ماڭىزدى مىندەتتى تىڭعىلىقتى ارقالاي الامىز.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى