ءتاڭىرتاۋ تورابى   ›   ۇيرەنۋ   ›   نازاريا

تىڭ جورىقتى باستاپ، تىڭ تاريحي داستان جازدى

  − شي جينپيڭ جولداستى ۇيتقى ەتكەن پارتيا ورتالىق كوميتەتى جۇڭگوشا سوتسياليزمدى جاڭا داۋىرگە قادام باستىردى

  شينحۋا اگەنتتىگىنىڭ ءتىلشىسى

   ءبىر جاڭا ءداۋىر كەلگەن شاقتا، ۋاقىت وزگەشە ماعىناعا يە بولادى − 2012 − 2017.

  پارتيانىڭ 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، پارتيا مەن مەملەكەتتىڭ ىستەرىندە تاريحي وزگەرىستەر جارىققا شىقتى، تاريحي تابىستارعا قول جەتتى، جۇڭگوشا سوتسياليزم جاڭا داۋىرگە قادام تاستادى.

  ۋاقىتتىڭ قادامى ماڭگى تىنىستامايدى.

      2018 - جىلعا قادام تاستاعان جۇڭگو جاڭا داۋىردە «قوس 100 جىلدىق» كۇرەس نىساناسىنىڭ تاريحي توعىسۋ كەزەڭىندەگى مىندەتتەردى جاپپاي ورنالاستىرىپ، ءوزىنىڭ ۇلى ارمانىنا قاراي شەرۋ تارتتى −

بۇل بۇرىنعىعا مۇراگەر، كەيىنگىگە بۇيداگەر بولاتىن جاڭا ءداۋىر

− جاڭا داۋىردەگى جۇڭگو كوممۋنيستەرىنىڭ يدەيالىق تۋىن اسقاق جەلبىرەتىپ، جاڭا تاريحي شارت - جاعدايدا جۇڭگوشا سوتسياليزمنىڭ ۇلى جەڭىسىنە ۇزبەي قول جەتكىزەيىك

  مۇنداي اسقاق ۇران تاريحتىڭ اسپانىندا ۇزاققا دەيىن جاڭعىرىقتى.

  «ادامزاتتىڭ جالپى جان سانىنىڭ تورتتەن ءبىرىن ۇستايتىن جۇڭگولىقتار وسى ساتتەن باستاپ ورنىنان تۇردى»، بۇل 1949 - جىلعى جۇڭگو؛ «ءوز جولىمىزبەن ءجۇرىپ، جۇڭگوشا سوتسياليزم قۇرايىق»، بۇل 1978 - جىلعى جۇڭگو.

  ارادا اتتاي جەلىپ 30 نەشە جىل وتە شىقتى، ۋاقىت تاعى ءبىر ماڭىزدى كەزەڭگە تۋرا كەلدى −

  2017 - جىلى 18 - قازان تۇستەن بۇرىن، بەيجيڭدەگى حالىق سارايىنىڭ 10 مىڭ ادامدىق ۇلكەن زالى.

  «ۇزاق ۋاقىتتىق قۇلشىنۋ ارقىلى جۇڭگوشا سوتسياليزم جاڭا داۋىرگە ءوتتى»، باس شۋجي شي جينپيڭ پارتيانىڭ 19 - قۇرىلتايىندا بۇكىل دۇنيە جۇزىنە وسىلاي دەپ سالتاناتپەن جاريالادى.

  پارتيانىڭ 19 - قۇرىلتايىنىڭ يدەيالىق شۇعىلاسى تاريحتا جارقىراي بەرەتىنى داۋسىز.

  وسى جولعى پارتيا قۇرىلتايى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن پارتيانىڭ جەتەكشى يدەياسى ەتىپ تۇراقتاندىردى، پارتيا 18 - كەزەكتى ورتالىق كوميتەتىنىڭ التىنشى جالپى ءماجىلىسى «شي جينپيڭ جولداستى ۇيتقى ەتكەن پارتيا ورتالىق كوميتەتىن» تۇراقتاندىرعاننان كەيىن، پارتيانىڭ ۋستاۆىندا باس شۋجي شي جينپيڭنىڭ ۇيتقىلىق باسشىلىق ورنى ايقىندالدى.

  «ەكى تۇراقتاندىرۋ» ماركسيزمدىك وسى ساياسي پارتيانىڭ بارىنشا تولىسقانىن، بارىنشا قۇدىرەتتەنگەنىن، بارىنشا ىنتىماقتاسقانىن، جاۋىنگەرلىك قۋاتىنىڭ بارىنشا نىعايعانىن اڭعارتتى.

  «حالىققا باسشىلىق ەتىپ ۇلى قوعامدىق توڭكەرىس جۇرگىزگەن جۇڭگو كوممۋنيستىك پارتياسى وزىنە دە ۇلى توڭكەرىس جۇرگىزە الادى».

  2017 - جىلى 25 - قازاندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى بولىپ قايتالاي سايلانعان شي جينپيڭ نىق سەنىممەن سويلەدى.

  جۇڭگونىڭ ىستەرىن ويداعىداي ىستەۋدىڭ تەتىگى پارتيادا.

  5 جىلدان بەرى، پارتيانىڭ جاپپاي باسشىلىعىنا تاباندى بولۋ جانە ونى كۇشەيتۋ تۋ ۇستاپ، بەتالىستى بەلگىلەيتىن تانىم نازارياسىنا اينالۋمەن بىرگە، ونان دا ماڭىزدىسى، ەل باسقارۋدىڭ ءادىس نازارياسىنا اينالدى.

  «پارتيا، ۇكىمەت، ارميا، مادەنيەت، وقۋ - اعارتۋ قاتارلى بارلىق سالاعا جانە بارلىق جەرگە پارتيا باسشىلىق ەتەدى». وسى كەلەلى پرينسيپ جاڭادان وزگەرىس ەنگىزىلگەن پارتيا ۋستاۆىنا جازىلدى.

  بۇل بولاشاقتىق ۇلى ءىستى مۇرات تۇتقان 100 جىلدىق ءىرى پارتيانىڭ ءدال كەمەلىنە كەلگەن كەزى؛ دۇنيە ءجۇزىنىڭ شىعىسىندا قاسقايىپ تۇرعان حالىق رەسپۋبليكاسىنىڭ قايراتى تاسىپ، جىگەرى قاۋلاۋدا.

  ۋاقىت − ەڭ جاقسى ورنالاستىرۋ.

  ەندى ءبىر ايدان استام ۋاقىت وتكەننەن كەيىن، «كومپارتيا جارناماسىنىڭ» جاريالانعاندىعىنا 170 جىل تولادى. وسى شۇعىلالى تۋىندى كوممۋنيستەردىڭ رولىنا باعا بەرگەندە مىناداي بولجال جاساعان: ولار بۇگىنگى كۇننىڭ قوزعالىسىندا سول قوزعالىستىڭ كەلەشەگىن دە جاقتايدى −

  2018 - جىلى ءبىز رەفورما جاساۋدىڭ، ەسىك اشۋدىڭ 40 جىلدىعىن قارسى الامىز؛

  2019 - جىلى ءبىز جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قارسى الامىز؛

  2020 - جىلى ءبىز جاپپاي دوڭگەلەك داۋلەتتى قوعام ورناتامىز؛

  2021 - جىلى ءبىز جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قارسى الامىز.

  ۋاقىت جاڭا ءداۋىردىڭ قىزمەت كوورديناتاسىن بەلگىلەدى، ارماننىڭ اسەم كارتيناسى بىرتە - بىرتە تۇلعالانا باستادى...

بۇل ۇدەرە العا تارتقان جاڭا ءداۋىر

 − تاريح توعىسىنىڭ شەشۋشى تۇيىنىندە جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزىپ، جاپپاي سوتسياليستىك وسىزاماندانعان قۇدىرەتتى ەل قۇرۋ نىساناسىن بەتكە الىپ قاجىماي - تالماي كۇرەس جۇرگىزەيىك 

  2017 - جىلى شىلدە، جياڭشيدىڭ جيڭگاڭشان تاۋىنداعى شىنشان قىستاعى ءبىر «شەتەلدىكتى» قارسى الدى؛ ا ق ش وقىمىستىسى روبەرت كۋن ءبىر العاشقى جاسامپازدىقتىڭ ءمان - جايىن ۇعىسۋ ءۇشىن كەلدى.

  قىزىل ءتۇس − ەڭبەك قابىلەتىنەن بۇكىلدەي ايرىلعان، ساياساتتىق جاقتان قامتاماسىزداندىرىلۋدى قاجەت ەتەتىن كەدەي وتباسىلار ارحيۆىنىڭ بەلگىسى؛ كوك ءتۇس − ەڭبەككۇشى بار بولعانىمەن، قارجىسى نەمەسە تەحنيكاسى جوق، ءونىمدى كومەككە، سۇيەمەلدەۋگە مۇقتاج كەدەي وتباسىلار ارحيۆىنىڭ بەلگىسى − بۇل تاپقىرلىق «قىزىل - كوك كارتچكا» دەپ اتالادى.

  دوڭگەلەك داۋلەتتى تۇرمىسقا جەتتى مە، جوق پا دەگەندە، باستىسى، اۋىلداستارعا قاراۋ كەرەك.

  2017 - جىلى اقپاندا شىنشان قىستاعى جيڭگاڭشان تاۋىنداعى بارلىق كەدەي قىستاقتارمەن بىرگە كەدەيلىك قالپاعىن الىپ تاستادى. 5 جىلدان بەرى جۇڭگودا 60 نەشە ميلليون ادام كەدەيلىكتەن ورنىقتى قۇتىلدى.

  ۋاقىت − مىندەتتى تارازىلايتىن ولشەم.

  جۇڭگونىڭ وسىزاماندانۋىنىڭ شەشۋشى بارىسى رەتىندە جاپپاي دوڭگەلەك داۋلەتتى قوعام ورناتۋ كەرى ۋاقىتتى شەگەرىپ ساناۋ مەزگىلىنە ءوتتى.

  2017 - جىلى 29 - قىركۇيەكتە قۇلاق تۇندىراتىن گۋدوك ۇنىمەن قوسا 886 كيلومەترلىك لانجوۋ - چۇڭچيڭ تەمىر جولى تۇتاس لەنيا بويىنشا ىسكە قوسىلدى. «مەملەكەت قۇرۋدىڭ جالپى جوباسىنداعى» «عاسىر تەمىر جولى» سانالاتىن وسى تەمىر جول دۇنيە جۇزىلىك دەڭگەيدەگى تالايلاعان قيىن تۇيىندەرگە سايىس جاريالاپ، اقىرى اياعىندا سالىنىپ بولدى.

  سان وزگەرىستەر تۋىلىپ، ۇلى بۇرىلىستار بولدى.

  وسىزاماندانۋ بۇگىنگى جۇڭگودا «قارقىنىن تەزدەتە ءتۇستى» − سيفرلىق ەكونوميكا كولەمى دۇنيە ءجۇزى بويىنشا 2 - ورىنعا ءوتتى، ينتەرنەتتىك ساتىپ الۋ تۇتىنۋى بۇكىل دۇنيە ءجۇزى بويىنشا 1 - ورىندا تۇر، جوعارى قارقىندى تەمىر جول، الەۋمەتتىك ۆەلوسيپەد سياقتىلار دۇنيەگە تانىلدى... جۇڭگونىڭ وسىزاماندانۋىنا داۋىرلىك بەلگى سالىنىپ، ەڭ جاڭا تۇسىنىكتەر بەرىلدى.

  جاڭا ءداۋىر جورىعىندا 3 كۇرەس نىساناسى شام - شىراقتاي جارقىراۋدا؛

  − 2020 - جىلعا بارعاندا جاپپاي دوڭگەلەك داۋلەتتى قوعام ورناتىپ، 1 - ءجۇز جىلدىق كۇرەس نىساناسى جۇزەگە اسادى؛

  − 2035 - جىلى سوتسياليستىك وسىزامانداندىرۋ نەگىزىنەن جۇزەگە اسادى؛

  − وسى عاسىردىڭ ورتاسىنا بارعاندا، باي، دەموكراتيالى، وركەنيەتتى، جاراسىمدى، گۇلدەنگەن، جاپپاي سوتسياليستىك وسىزاماندانعان قۇدىرەتتى ەل قۇرۋ جۇزەگە اسادى.

  ءبىر ساياسي پارتيا، ءبىر مەملەكەت كۇرەس كەزەڭدەرىن عاسىرعا ءبولىپ جوبالاسا، وندا بۇل ونىڭ، ءسوز جوق، 10 مىڭ شاقىرىمدىق ۇزاق ساپاردى كوزدەگەنى.

  بەلگىلى ءبىر جاۋاپكەرشىلىك، بەلگىلى ءبىر جالپى جوبا ۇلتتىڭ ۇلى ارمانىن ارقالاسا، وندا بۇل، ءسوز جوق، سان عاسىرلىق ۇلى ءىستى ويىنا العانى.

  ۋاقىتپەن جارىسىپ، ارمانعا قانات قاعامىز.

  جۇڭگونىڭ وسىزاماندانۋى «ادامنىڭ» وسىزاماندانۋى، «كوركەمدىكتىڭ» وسىزاماندانۋى، «قۇدىرەتتىلىكتىڭ» وسىزاماندانۋى بولماق.

بۇل حالىقتى بارىنەن جوعارى قويعان جاڭا ءداۋىر

− حالىقتى وزەك ەتكەن دامۋ يدەياسى بويىنشا، تاماشا ومىرگە تىنباي تالپىنىپ، جالپى حالىقتىڭ بىرگە بايۋىن بىرتىندەپ جۇزەگە اسىرايىق

  ۋاقىت − ەڭ ادال كۋاگەر.

  قادامى سارى توپىراقتان باستالعان باس شۋجي شي جينپيڭ «حالىق ءۇشىن ناقتى ءىس ىستەيمىن» دەگەن ساياسي سەنىمدى بەرىك ورناتىپ، حالىقتى وزەك ەتكەن دامۋ يدەياسى ارقىلى جاڭا داۋىردەگى بيلىك جۇرگىزۋ ۇستانىمىن ايگىلەدى.

  2017 - جىلى 21 - ماۋسىم، سانشي لۇيلياڭشان تاۋلى رايونىنداعى جاۋجياۋا قىستاعى. باس شۋجي شي جينپيڭ سۇپى شەتىندە وتىرىپ، جۇرتشىلىقپەن اڭگىمە دۇكەن قۇردى.

  «قازىر پارتيا ورتالىق كوميتەتىنىڭ اۋىل - قىستاق، شارۋالار جونىندەگى ساياساتتارىنىڭ ءبارى <بەرۋدى> كوزدەيدى، مۇنداعى ماقسات − حالىقتى وزەك ەتكەن دامۋ يدەياسىن جۇزەگە اسىرۋ، سوتسياليزمنىڭ كۇشتى شوعىرلاندىرىپ، ءىرى ءىس تىندىراتىن ارتىقشىلىعىن ساۋلەلەندىرۋ»، - دەدى باس شۋجي شي جينپيڭ.

  «جۇڭگو كوممۋنيستەرىنىڭ اۋەلگى ماقساتى مەن بورىشى − جۇڭگو حالقىنىڭ باقىتىن كوزدەۋ، جۇڭحۋا ۇلتىنىڭ گۇلدەنۋىن كوزدەۋ» دەپ باسا دارىپتەدى باس شۋجي شي جينپيڭ پارتيا 19 - قۇرىلتايىنا جاساعان بايانداماسىندا.

  حالىقتىڭ تاماشا تۇرمىسقا دەگەن تالپىنىسىن كۇرەس نىساناسى ەتۋگە تاباندى بولىپ، دامۋ جەمىستەرىنەن بارشا حالىقتى ءتىپتى دە مول، ءتىپتى دە ءادىل يگىلىكتەندىرۋگە مۇمكىندىك جاساۋ، بۇل جاڭا داۋىردە شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ەل باسقارۋداعى شىعار ءتۇيىنى مەن تياناعى −

  مەملەكەتتىك ساناق مەكەمەسىنىڭ 2017 - جىلى قاراشادا جاريالاعان مالىمەتىندە كورسەتىلۋىنشە، 11 ىستىق ءتۇيىندى قالاداعى تىڭنان سالىنعان تاۋار ۇيلەردىڭ باعاسى ءبىر جىلدىڭ الدىنداعىدان تومەن بولعان.

  قازىر ءۇي - قورا - جاي بازارىندا «بۇرىن بولماعان» تەرەڭ وزگەرىس تۋىلۋدا.

  «ءۇي ساۋدالاۋعا ەمەس، تۇرۋعا ارنالعان»، بۇل ايقىن انىقتامانىڭ پارتيا 19 - قۇرىلتايىنىڭ بايانداماسىنا جازىلۋى قوعامدا كۇشتى اڭىس قوزعادى.

  حالىق تىلەگى − ەڭ زور ساياسي.

  حالىق تۇرمىسىنداعى «ۇساق ىستەردى» شەشۋ − ەكونوميكانىڭ جوعارى ساپامەن دامۋىن ىلگەرىلەتۋگە قاتىستى «ءىرى ءىس»، جاڭا دامۋ ۇستانىمىن نەگىزگى مازمۇن ەتكەن شي جينپيڭنىڭ جاڭا ءداۋىر جۇڭگوشا سوتسياليزم ەكونوميكالىق يدەياسى دامۋدى جاڭا بەتالىسقا جەتەكتەدى −

  نارەستەلەردى كۇتىمدەۋ جانە بالدىرعانداردىڭ العاشقى تاربيەسى بويىنشا قىزمەت كورسەتۋ ماسەلەسىن ويداعىداي شەشۋ، ينتەرنەتتە جالعان ينفورماتسيا جولداۋ الدامشىلىعى، جەكەلىك ينفورماتسيانى ساۋدالاۋ سياقتى كورنەكتى ماسەلەلەردى شەشۋگە كۇش سالۋ كەرەك....

  بۇل پارتيا 19 - قۇرىلتايىنان كەيىن اشىلعان ورتالىقتىڭ العاشقى مەملەكەتتىك ءماجىلىسى − ورتالىقتىڭ ەكونوميكالىق قىزمەت ماجىلىسىندە جاسالعان جاڭا ورنالاستىرۋ، ول جاڭا داۋىردەگى دامۋ ۇستانىمىنىڭ كەلەلى وزگەرىسىن كورسەتتى.

  جاڭا داۋىرگە قادام تاستاعان جۇڭگو ەكونوميكاسى «سانعا، ارتۋعا ءمان بەرۋدەن» «حالىقتىڭ جاڭا سۇرانىسىن ويداعىداي قاناعاتتاندىرۋعا» قاراي وزگەرىپ، «تىڭ تىنىس بايقاتتى».

 بۇل دۇنيەگە قۇشاق جايعان جاڭا ءداۋىر

− الەمدى كەڭ كوكىرەگىنە سيدىرىپ، ءوزىن دە، وزگەنى دە ويلادى، ەلىمىز دۇنيە ساحناسىنىڭ تورىنە بارعان سايىن جاقىنداپ، ادامزات ءۇشىن تىڭ دا اناعۇرلىم زور ۇلەستەر قوسادى

  «جۇڭگو كوممۋنيستىك پارتياسى ادامزاتقا تىڭ دا اناعۇرلىم زور ۇلەستەر قوسۋدى باستان - اياق ءوزىنىڭ بورىشى ساناپ كەلدى». پارتيا 19 - قۇرىلتايىندا باس شۋجي شي جينپيڭ مۇنى سالتاناتپەن جاريالاپ، دۇنيە جۇزىندەگى ەڭ ءىرى ساياسي پارتيانىڭ دارقان پەيىلىن بەينەلەدى.

  پارتيا 18 - قۇرىلتايىنان بەرى، ادامزاتتىڭ تاعدىرلاس ورتاق تۇلعاسىنان تارتىپ، ىنتىماقتاستىق، تەڭ يگىلىككە كەنەلۋدى ۇيتقى ەتكەن جاڭاشا حالىقارالىق قاتىناسقا دەيىن، «ءبىر بەلدەۋ، ءبىر جول» دارىپتەمەسىنەن تارتىپ، دۇرىس بورىش - مۇددە كوزقاراسىنا دەيىن... باس شۋجي شي جينپيڭ ءىرى ەل كوسەمىنە ءتان كەڭ كوز ايامەن جانە ستراتەگيالىق ويلامىمەن ادامزاتتىڭ بولاشاعىنا، تاعدىرىنا قاتىستى ءبىر قىدىرۋ جاڭا ۇستانىمداردى، جاڭا يدەيالاردى، جاڭا دارىپتەمەلەردى العا قويدى.

  ول 29 رەتكى ساپارىندا 5 قۇرلىقتاعى 57 ەلگە، سونداي - اق باستى حالىقارالىق جانە وڭىرلىك ۇيىمدارعا ساپارلاي باردى؛ ەلىمىزدە شەتەل باسشىلارىنان، ۇكىمەت باسشىلارىنان مولشەرمەن 290 نەشە ادام - رەت قابىلدادى... 5 جىلدان بەرى ءتوراعا شي جينپيڭنىڭ ءجيى ديپلوماتيالىق كۇن ءتارتىبى جۇڭگونىڭ دۇنيە جۇزىمەن اراداعى شىت جاڭا كوورديناتىن بەلگىلەدى.

  «ءبىز شەتەلدىڭ ۇلگىسىن <ەنگىزبەيمىز>، جۇڭگونىڭ ۇلگىسىن دە <شىعارمايمىز>، باسقا ەلدىڭ جۇڭگونىڭ ءادىسىن <كوشىرىپ قولدانۋىن> دا تالاپ ەتپەيمىز». باس شۋجي شي جينپيڭنىڭ ءسوزى وركەندەپ كەلە جاتقان ەلدەردىڭ «ءوز جولىمەن ءجۇرۋ» سەنىمىن تاسقىنداتتى.

  «ءبىر بەلدەۋ، ءبىر جول» − تاريحتىڭ تەرەڭ قويناۋىنان كەلگەن ىنتىماقتاستىق، تەڭ يگىلىككە كەنەلۋ جولى، تاراپتاردىڭ 4 جىلدان ارتىق ۋاقىتتان بەرگى قۇلشىنىسىمەن، 2017 - جىلى بەيجيڭدە الەمدىك شاڭىراقتىڭ تۇڭعىش رەتكى باسشىلار باس قوسۋىن وتكىزدى.

  بىرتىندەپ قالىپتاسىپ كەلە جاتقان جاھاندىق ىنتىماقتاستىق جاڭا جاعدايىندا، جۇڭگو حالىقارالىق جۇيەگە قاتىسۋشىدان الەۋمەتتىك ونىمدەردى ازىرلەۋشىگە جانە وزگەرىستىڭ «موتورىنا» اينالدى.

  2018 - جىلدان باستاپ، جۇڭگو جۇڭگو حالىقارالىق يمپورت كورمەسىن وتكىزىپ، ءوزارا تيىمدىلىك جاساۋدىڭ، ءوزارا ىنتىماقتاستىقتىڭ جاڭا مىنبەرىن اشادى.

  «دۇنيە جۇزىنە نە بولدى، ءبىز ەندى قايتۋىمىز كەرەك» دەگەن داۋىرلىك سۇراققا ءدوپ كەلگەندە، ءتوراعا شي جينپيڭ 2017 - جىلى ب م ۇ - نىڭ جەنەۆاداعى باس شتابىنا بارعاندا «جۇڭگونىڭ جوباسى: ادامزاتتىڭ تاعدىرلاس ورتاق تۇلعاسىن قۇرىپ، بىرگە تابىسقا جەتۋ، تەڭ يگىلىكتەنۋدى جۇزەگە اسىرۋ» دەپ جاۋاپ بەردى.

  ءتوراعا شي جينپيڭنىڭ ادامزاتتىڭ تاعدىرلاس ورتاق تۇلعاسىن ورناتۋ جونىندەگى جوباسىن جانە ونىڭ ىلگەرىلەۋىن دۇنيە ءجۇزى بارعان سايىن مويىنداپ كەلەدى.

  ۇلى بريتانيا كەمبريدج ۋنيۆەرسيتەتىنىڭ زەرتتەرمەنى مارتين ياك «بۇل ۇستانىم ورمان ەرەجەسىنەن بەزىپ، وركەنيەتتى دامۋدىڭ جاڭا جولىن اشىپ، الەمدى جونگە سالۋ ءۇشىن جاڭا مۇمكىندىك ازىرلەدى» دەپ قارادى.

  الەمنىڭ ءبىر شاڭىراق ەكەنىنە ۋاقىت كۋا بولادى.

 بۇل بولاشاق اشاتىن جاڭا ءداۋىر

 − ميلليونداعان حالىقتىڭ كۇشىن ۇيىستىرىپ، رەفورما جاساپ، ەسىك اشۋدى تەرەڭدەي ىلگەرىلەتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن كۇش سالا جۇزەگە اسىرايىق

  ۋاقىت − بولاشاققا جول العان كەمە.

  2018 - جىلى جۇڭگونىڭ رەفورما جاساپ، ەسىك اشقانىنا 40 جىل بولادى.

  وسىنداي ماڭىزدى تۇستا تاريحقا قايىرىلا قاراپ، تاجىريبە - ساباق الۋدىڭ ءوزى جاڭا داۋىرمەن قاۋىشىپ، جاڭا جورىق باستاۋدىڭ ەڭ جاقسى بەينەسى ەسەپتەلەدى −

  40 جىلدىڭ الدىندا باستالعان رەفورما جاساپ، ەسىك اشۋ سىندى شىت جاڭا ۇلى توڭكەرىس جۇڭگونىڭ دۇنيە ءجۇزىنىڭ اعىمىنا ءجىتي ىلەسۋىنىڭ جاڭا جاعدايىن اشتى.

  باس شۋجي بولىپ قايتا سايلانعان شي جينپيڭ جۇڭگولىق، شەتەلدىك تىلشىلەرمەن كەزدەسكەندە: «مەن جۇڭحۋا ۇلتىنىڭ ۇلى گۇلدەنۋىنىڭ رەفورما جاساۋ، ەسىك اشۋ بارىسىندا، ءسوز جوق، جۇزەگە اساتىندىعىنا كامىل سەنەمىن»، - دەدى ايبىندى تۇردە.

  بۇل − بۇرىنعىعا مۇراگەر، كەيىنگىگە بۇيداگەر بولعان، ءورىس اشا ىلگەرىلەگەن رەفورما جولى −

  بۇكىل ەلىمىزدىڭ جەر - جەرىندە مەملەكەتتىڭ باقىلاۋ - تەكسەرۋ ءتۇزىلىس رەفورماسىن تۇيىندەردە سىناق ەتۋ قىزمەتى باستالدى؛ قامداۋ جاعىنداعى قۇرىلىمدىق رەفورما تەرەڭدەتىلىپ، ەكونوميكانىڭ جوعارى ساپامەن دامۋى جەبەلدى؛ اۋىل - قىستاق كوللەكتيۆ مال - مۇلىك ۇقىعى ءتۇزىمى رەفورماسىن سىناق ەتۋ تۇيىندەرى 2018 - جىلى 129دان 300گە ارتتىرىلادى، اۋىل - قىستاقتى كوركەيتۋ ستراتەگيالىق ورنالاستىرۋى اتقارىلادى........

  جاڭا ءداۋىردىڭ تابالدىرىعىن اتتاعان جۇڭگو رەفورما جاساپ، ەسىك اشۋدى نىق قاداممەن ىلگەرىلەتۋ ارقىلى دامۋدىڭ سارقىلماس قوزعاۋشى كۇشىن توپتايدى.

  بۇل − ماڭگى قاجىماي - تالماي، ۇدەرە العا تارتاتىن جول −

  جۋىقتا باس شۋجي شي جينپيڭ شينحۋا اگەنتتىگىنىڭ «فورماشىلدىقتىڭ، تورەشىلدىكتىڭ جاڭا بەينەلەرىنەن قىراعى بولايىق» دەگەن تاقىرىپتاعى ماقالاسىنا ماڭىزدى نۇسقاۋ جازىپ، جەر - جەردەن، تاراۋلاردان جانە ءار دارەجەلى باسشى كادرلاردان ستيل قۇرىلىسىن ۇزدىكسىز نىعايتۋ جونىندە ايقىن تالاپ قويدى.

  ستيل قۇرىلىسىن تالىقپاي ىلگەرىلەتۋگە تاباندى بولىپ، پارتيانى جاپپاي قاتاڭ جونگە سالۋدان اۋىتقىماي، قالىڭ پارتيا مۇشەلەرى مەن كادرلار تاماشا ستيل ارقىلى تىلەكتى توعىستىرىپ، كۇش ۇيىستىرىپ، جاڭا جورىقتا، ءسوزسىز، ۇزدىكسىز تىڭ جەڭىسكە قول جەتكىزۋ كەرەك.

  بۇل − اۋەلگى ماقساتتى ماڭگى ۇمىتپاي، كۇش ۇيىستىراتىن گۇلدەنۋ جولى −

  1921 - جىلى ساپارىن قىزىل قايىقتان باستاعان جۇڭگو كوممۋنيستىك پارتياسى جۇڭگو حالقىن باستاپ، ءداۋىردىڭ تۇنەك تۇمانىن كەسىپ ءوتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ سىندى جاڭا عاسىرعا شەرۋ تارتتى.

  پارتيا 19 - قۇرىلتايىنىڭ جەڭىسپەن جابىلعانىنا ءبىر اپتا بولعان تۇستا، باس شۋجي شي جينپيڭ ورتالىق كوميتەت ساياسي بيۋروسىنىڭ تۇراقتى مۇشەلەرىن باستاپ نانحۋ كولىندەگى قىزىل قايىقتى قۇرمەتپەن كورە بارعاندا، «جۇدىرىقتاي جۇمىلىپ، قاجىرلىلىقپەن ىستەيتىن، ناقتى ىستەيتىن بولساق، ءسوز جوق، تولقىن جارا ىلگەرىلەيمىز......»، - دەپ اشىق جاريالادى.

  ۋاقىت − دامۋدىڭ ءورىسى.

  ءدال وسى ساتتە، ءبىز جۇڭحۋا ۇلتىنىڭ ۇلى گۇلدەنۋ نىساناسىنا تاريحتاعى ءارقانداي كەزدەگىدەن دە جاقىنداي تۇستىك، وسى نىسانانى جۇزەگە اسىرۋعا تاريحتاعى ءارقانداي كەزدەگىدەن دە سەنىمىمىز كامىل، كۇشىمىز قاپتال جەتەدى.

  شي جينپيڭنىڭ جاڭا ءداۋىر جۇڭگوشا سوتسياليزم يدەياسى ۇلى تۋىن بيىك ۇستاپ، ماڭگى قاجىمايتىن رۋحاني كۇيمەن جانە ۇدەرە العا تارتاتىن كۇرەسكەرلىك تۇلعامەن جۇڭحۋا ۇلتىنىڭ جاڭا داۋىردەگى تاريحي كەرەمەتتەرىن جازىپ، جەڭىستەن - جەڭىسكە جەتە بەرەيىك!

(تىلشىلەرىمىز چين جيە، جاڭ شۇيدۇڭ، ۋاڭ ميڭ، ليۋ جيڭ، شيۇڭ جىڭيان، حى يۇيشين، باي جيە، جۋ جيچاي)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى