ءتاڭىرتاۋ تورابى   ›   ۇيرەنۋ   ›   شولۋ

ءبىزدىڭ جاڭا ءداۋىر، تاريحتىڭ جاڭا مەرەيى

  − جاڭا جىلعا ارناۋ

  بايتاق جەرگە كۇن تاعى دا شۇلەن شۋاعىن توكتى، ءبىز جاڭا ءبىر جىلدى قارسى الدىق. سالەم، 2018! سالەم، ءبىزدىڭ جاڭا ءداۋىر!

  ۋاقىت ەڭ ۇلى سۋرەتكەر، كۇرەسكەرلەردىڭ باسقان ءىزىن قاشاندا ادالدىقپەن ەستەلىككە الىپ وتىرادى. 2017 - جىلعا قايىرىلىپ قاراساق، پارتيا 19 - قۇرىلتايى ماڭىزدى كەزەڭ تۇلعالادى، شي جينپيڭنىڭ جاڭا ءداۋىر جۇڭگوشا سوتسياليزم يدەياسى جۇڭگونى تۇلەتەتىن كۇش توپتادى، ءبىز جاڭا ءداۋىردىڭ جاڭا جورىعىن باستادىق. جاپپاي دوڭگەلەك داۋلەتتى قوعام ورناتۋ، وسىزاماندانعان ەل قۇرۋ، ۇلتتى كوركەيتۋ... جاڭا داۋىردەگى جۇڭگو، جۇڭگونىڭ جاڭا ءداۋىرى، ناقتى دەڭگەيدەن تارتىپ بولاشاقتى كەسكىندەۋگە دەيىن ءاربىر ادامدى «ۇلى تاريحتىڭ قۇشاعىندا تۇرعانداي» سەزىمگە بولەدى.

  2017 - جىلى ءبىز تاريح جاراتتىق. ەكونوميكا ورنىقتىلىق بارىسىندا ىلگەرىلەپ، جاعداي بۇرىنعىسىنداي تاماشا قالپىن ساقتادى؛ حالىق تۇرمىسىن جاقسارتۋ نىق قاداممەن ىلگەرىلەپ، 10 ميلليوننان استام ادام كەدەيلىكتەن قۇتىلدى؛ شيۇڭان جاڭا رايونى جوباسى جاسالىپ بولدى، «تاريحي ينجەنەريا» تياناقتاندى؛ «ءبىر بەلدەۋ، ءبىر جول» حالىقارالىق ىنتىماقتاستىق جوعارى دارەجەلىلەر تالقى مىنبەرى، بريكس ەلدەرى باسشىلارىنىڭ شيامىن باس قوسۋى ءوتتى، جۇڭگونىڭ اقىل - پاراساتى دۇنيە جۇزىنە جەتەكشىلىك ەتتى؛ «فۋشيڭ» اتتى ۇشقىر پويەز قاتىناپ، C919 تۇرپاتتى جولاۋشىلار ۇشاعى العاش رەت زەڭگىر كوككە سامعادى، ەلىمىز ءوزى جاساعان تۇڭعىش اۋياماتكا سۋعا ءتۇسىرىلىپ، كۆانتتىق كومپيۋتەر ءساتتى زەرتتەپ جاسالدى، عىلىم - تەحنيكاداعى جاسامپازدىق بولاشاققا انىقتاما بەردى. تاريح الدىندا ءبىز: وسى جىلدى جەڭىسپەن وتكىزدىك دەپ تارتىنباي ايتا الامىز!

  2017 - جىل − وزگەشە 5 جىلدىڭ سىرگەسى ءساتتى جيىلعان ءبىر جىل. تاريحي تابىستار مەن تاريحي وزگەرىستەر «جۇڭگو اتتى» الىپ كەمەنى جاڭا سۋ ايدىنىنا ەنگىزدى، جۇڭگوشا سوتسياليزم جاڭا داۋىرگە ءوتتى. بۇل − رەفورمانىڭ ايبىنى اسقاقتاعان ءداۋىر، تولقىن جارا ىلگەرىلەگەن ءداۋىر؛ بۇل − پارتيا ستيلى، ۇكىمەت ستيلى، حالىقتىق سالت - سانا شىت جاڭا بەينەگە ەنىپ، قوعام جاڭا سالتقا كوشكەن ءداۋىر، بۇل − دوڭگەلەك داۋلەتتى قوعام ورناتۋدا «بىردە - بىرەۋى قاعىس قالدىرىلماعان»، حالىق جاڭا تابىستارعا قول جەتكىزگەن ءداۋىر، جۇڭگو دۇنيە جۇزىنە وڭ ەنەرگيا قوسقان، جۇڭگو دۇنيە جۇزىنە ۇلەس قوسقان ءداۋىر، كۇش گۇلدەنىپ - كوركەيۋگە شوعىرلانىپ، رۋح گۇلدەنىپ - كوركەيۋ جولىندا تاسقىندادى، ىرگەلى ءىرى ەلدە، ايبىندى جۇڭحۋادا شۇلەن شۇعىلا شار تاراپقا تاراپ، بار الاپ تۇرلەندى، بايتاق جۇڭحۋا دالاسى كوركەيىپ - گۇلدەنۋدەي جالىندى تىرشىلىك تىنىسىنا يە بولدى.

  ادام ۋاقىتتىڭ تارازىسى. 2018 - جىل − پارتيا 19 - قۇرىلتايىنىڭ رۋحىن دايەكتىلەندىرۋ باستالعان جىل ءارى رەفورما جاساپ، ەسىك اشقانعا 40 جىل تولعان جىل. باس شۋجي شي جينپيڭ تۇراقتاندىرعان ءداۋىر كوورديناتاسىندا بۇل ەڭ الدىمەن جەتەتىن ۋاقىت كەزەڭى. 1978 - جىلى باستالعان قۇلشىنىس جۇڭگوشا سوتسياليزمدى جاراتتى جانە دامىتتى. «رەفورما» اسا زور ورتاق تانىم قالىپتاستىرىپ، ەڭ قۋاتتى ەنەرگيا تۋىنداتتى. شي جينپيڭنىڭ ءداۋىر جۇڭگوشا سوتسياليزم يدەياسىن جەتەكشى ەتىپ، اماليات بارىسىندا رەفورمانى ىلگەرىلەتۋ، رەفورما بارىسىندا ەسىكتى ايقارا اشۋ، 40 جىلدىق ساليقالى كەزەڭگە دەگەن ۇلكەن قۇرمەت سانالادى.

  وراي ىلۋدە ءبىر كەزدەسەدى، وراي كۇتىپ تۇرمايدى، جاڭا ءداۋىر ەسىگىن ايقارا اشتى. ۋاقىت تا، وراي دا وزىمىزگە بايلانىستى، قارىمى قايتپاي، قايراتتانا تۇسەتىن وسىنداي ءبىر تاريحي جاعدايدا، ءبىز بويكۇيەزدىككە سالىنبايتىن رۋحاني كۇيمەن جاڭا ءداۋىر جورىعىنا اتتانىپ، اتويلاپ العا ۇمتىلاتىن كۇرەسشەڭدىك ايبىنمەن تاريحتىڭ جاڭا مەرەيىن ايشىقتاۋىمىز كەرەك.

  كۇرەس ارقىلى ءبىر ءتۇرلى رۋحتى ساۋلەلەندىرەيىك. شارۋاشىلىق قۇرۋ جاپالى بولعانىمەن، كۇرەسسەك بولعانى ناتيجەلى بولادى. 40 جىلدان بەرى ءبىز تۇيىقتان جاڭا جول، جاقسى جول سالىپ، تايسالمايتىن، سىناق ەتۋدەن قورىقپايتىن باتىلدىقپەن، ءوز - ءوزىن جاڭالايتىن اقىل - پاراساتپەن، بىزدەن باسقا كىم ىستەيدى دەيتىن جاۋاپكەرلىكپەن جەر شارىنداعى ەڭ ءىرى وركەندەپ كەلە جاتقان ەلدى دۇنيە جۇزىندەگى 2 - ءىرى ەكونوميكالىق تۇلعاعا اينالدىردىق. وتكەن 5 جىلدا ءبىز اسۋلاردى باعىندىرىپ، وزەندەردى نوقتالاپ، تامشى تاما بەرسە تاس تەسەتىن، تالاپتى تاۋ جىعاتىن قايسارلىقپەن رەفورمانى جاپپاي تەرەڭدەتۋدىڭ الىپ تولقىنىن كوتەردىك. رەفورما جاساپ، جاڭالىق اشۋ 40 جىلعا جالعاسقان داۋىرلىك قاسيەت، قاشاندا «ارىنىمىزدى، جالىنىمىزدى» ساقتاۋىمىز، «قان مايداننان قايىسپاي جول اشاتىن» جىگەرىمىزدەن ايرىلماۋىمىز كەرەك. جاڭا جىلدا كۇرەسۋ رۋحىن، قايراتتانا ۇمتىلۋ ايبىنىن ساقتاعاندا عانا، 40 جىلدان بەرگى رۋحاني ساباقتاستىقتى ۇزبەي جالعاپ، جاڭا داۋىردە تولقىن جارا ۇدەرە العا تارتا الامىز.

  تاباندىلىق بارىسىندا جاڭا جول اشايىق. 40 جىلدىڭ الدىنداعى رەفورما جاساپ، ەسىك اشۋ جۇڭگو جولىنىڭ تىڭ باستاماسى بولدى. ۇرپاقتان - ۇرپاققا جالعاپ، بۇرىنعىلار ىسىنە مۇراگەرلىك ەتىپ، بولاشاققا جول اشتىق، سوتسياليستىك جۇڭگو دۇنيەنىڭ شىعىسىندا اسقاق ايبىنىن كورسەتتى. وتكەن 5 جىلدا تىڭ كۇرەستەر جۇرگىزىپ، جاڭا جاعداي اشىپ، شۇعىلالى شىڭعا تايادىق. تاياۋ زاماننان بەرى جاپا - ماشاقاتتى كوپ كورگەن جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە قاراي قانات قاقتى. بۇگىنگى جۇڭگو جۇڭحۋا ۇلتىنىڭ ۇلى گۇلدەنۋىندەي جۇڭگو ارمانىن جۇزەگە اسىرۋ نىساناسىنا تاريحتان بەرگى ءارقانداي كەزدەگىدەن جاقىنداي ءتۇستى، وعان سەنىمى دە، قابىلەتى دە بار. 2018 - جىلى رەفورمانىڭ تىرەكتەرىن بەكەمدەپ، 1500دەن كوبىرەك رەفورما شاراسىنان ناتيجەگە جەتۋىمىز كەرەك. وسى بەتالىسىمىزبەن جۇرە بەرسەك، جۇڭحۋا ۇلتىنىڭ ۇلى گۇلدەنۋى، ءسوز جوق، رەفورما جاساپ، ەسىك اشۋ بارىسىندا جۇزەگە اسادى. ستراتەگيالىق تۇراقتىلىقتى ساقتاعاندا عانا، تاريح پەن حالىق تاڭداعان وسى جول ءبىزدى الىستارعا اپارادى.

  سايىسۋ ارقىلى بولاشاق اشايىق. رەفورما جاساپ، ەسىك اشۋ، ۇلتتىڭ گۇلدەنۋى − بۇل ەرەكشە ايبىندى ساپار، سونداي - اق ەرەكشە ماشاقاتتى كەشۋ. ءبىز تاريحي دامۋدىڭ ورلەۋ كەزەڭىندە تۇرمىز، اناعۇرلىم وسىنداي كەزەڭدە تۇرعان سايىن وي - سانانى سولعۇرلىم سەرگەك ۇستاپ، دۇرىس تۇجىرىم جاساۋىمىز كەرەك. اۋىر قاتەرلەردەن ساقتانۋ جانە ونى ارىلتۋ، كەدەيلىكتەن دالمە - ءدال قۇتىلدىرۋ، لاستانۋدان ساقتانۋ، قامال الۋ شايقاسىندا جەڭىسكە جەتۋ وڭاي ءىس ەمەس؛ مەملەكەتتى عىلىم - تەحنيكامەن، وقۋ - اعارتۋمەن گۇلدەندىرۋ، مەملەكەتتى دارىندىلارمەن كۇشەيتۋ، اۋىل - قىستاقتاردى كوركەيتۋ سياقتى كوپتەگەن ستراتەگيالار ىسكە اسىرىلۋ الدىندا تۇر؛ دۇنيە جۇزىندە سوعىس، كەدەيلىك، ادىلەتسىزدىك ءالى دە ورىن تەبۋدە، جۇڭگو جوباسىن كەمەلدەندىرۋىمىز، جۇڭگونىڭ اقىل - پاراساتىمەن قامداۋىمىز كەرەك. قيىندىققا قارسى ۇمتىلساق، قيىنشىلىقتار كەرىسىنشە ۇلى، تاماشا تابىستارعا قول جەتكىزۋدىڭ ورايىنا اينالادى. حاۋىپ - قاتەردەن تايسالماي، سايىستارعا توتەپ بەرگەندە عانا، ماڭىزدى ستراتەگيالىق وراي مەزگىلىن مىقتاپ يگەرىپ، جاڭا ءداۋىردىڭ قۇلپىرعان كەلبەتىن كورەتىن بولامىز.

  ۋاقىت ماڭگى توقتامايدى، كۇرەسىمىز دە ماڭگى توقتامايدى. 2018 - جىلى رەفورما جاساپ، ەسىك اشۋ جولىمەن ۇدەرە تارتىپ، مىعىم كۇش ۇيىستىرىپ، قايتا گۇلدەنۋ جاعدايىن قالىپتاستىرساق بولعانى، بۇگىنگى كۇرەسىمىزدىڭ ناتيجەسىندە بولاشاقتىڭ مەرەيلى تۇستارىن تۇلعالايتىن بولامىز. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ باسشىلىعىندا، ۇدەرە العا تارتىپ، باتىلدىقپەن جاڭا جاعداي اشىپ، ارمانىمىزعا جەتىپ، ۇلى ءداۋىردىڭ ۇمىتىنە سايما - ساي كەلەيىك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى