ءتاڭىرتاۋ تورابى   ›   جاڭالىقتار   ›   ماڭىزدى حابارلار

شي جينپيڭنىڭ 2017 - جىلعى گۋاڭجوۋ «بايلىق» الەمدىك تالقى مىنبەرىنە جولداعان قۇتتىقتاۋ حاتى

  2017 - جىلعى گۋاڭجوۋ «بايلىق» الەمدىك تالقى مىنبەرىنىڭ اشىلۋى بايلانىسىمەن، تالقى مىنبەرىنىڭ وتكىزىلگەندىگىن قىزۋ قۇتتىقتايمىن! ماجىلىسكە قاتىناسۋ ءۇشىن ءارجاقتان جۇڭگوعا كەلگەن سيلى قوناقتاردى شىنايى قارسى الامىن!

  وسى كەزەكتى تالقى مىنبەرى «اشىق ۇستاۋ جانە جاڭالىق اشۋ: ەكونوميكانىڭ جاڭا جاعدايىن ورناتۋ» دەگەندى نەگىزگى تاقىرىپ ەتىپ، نازاردى الەمدىك دامۋدا ءدوپ كەلگەن شەشۋشى ماسەلەلەرگە شوعىرلاندىرادى، ماجىلىسكە قاتىناسقان سيلى قوناقتار بۇل جونىندە وي ورتاقتاسىپ، سىندارلى اقىل - كەڭەس بەرەدى، بۇل دۇنيە ءجۇزى ەكونوميكاسىنىڭ ارتۋىن جەبەۋ جونىنەن بەلسەندى ءمان الادى.

  تاياۋدا اشىلعان جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايىندا جاڭا داۋىردەگى جۇڭگوشا سوتسياليزمنىڭ ارەكەت باعدارناماسى مەن دامۋ جوباسى جاسالدى. ءبىز حالىقتى وزەك ەتكەن دامۋ يدەياسىنان جازباي، جاڭا دامۋ ۇستانىمىن ىشكەرىلەي دايەكتىلەندىرىپ، وسىزاماندانعان ەكونوميكالىق جۇيە ورناتامىز؛ رەفورمانى جاپپاي تەرەڭدەتىپ، تۇتاس قوعامنىڭ جاسامپازدىق قۋاتىن بارىنشا جۇمىلدىرىپ، دامۋ ومىرشەڭدىك كۇشىن ۇزدىكسىز ساۋلەلەندىرەمىز؛ اناعۇرلىم جوعارى دەڭگەيدەگى اشىق ەكونوميكانى دامىتىپ، «ءبىر بەلدەۋ، ءبىر جول» قۇرىلىسىن ىشكەرىلەي ىلگەرىلەتىپ، جاپپاي ەسىك اشۋ جاڭا جاعدايىنىڭ قالىپتاسۋىن جەبەيمىز. بولاشاقتا جۇڭگونىڭ دامۋ قوزعاۋشى كۇشى اناعۇرلىم جەتكىلىكتى، حالىقتىڭ تابىس سەزىمى اناعۇرلىم كوپ، دۇنيە جۇزىمەن ىقپالداستىعى اناعۇرلىم تەرەڭ بولىپ، الەمدىك دامۋعا اناعۇرلىم كوپ وراي جاراتادى، اناعۇرلىم زور ۇلەس قوسادى.

  جۇڭگونىڭ ەكونوميكاسى ۇزاق ۋاقىت جاقسارۋعا بەت تۇزەگەن جارقىن بولاشاققا يە، ورنىقتىلىق بارىسىندا ىلگەرىلەتۋدى، ءۇرتىس جاقسارۋدى جۇزەگە اسىرۋعا نەگىزى، شارت - جاعدايى، قوزعاۋشى كۇشى بار. جۇڭگونىڭ ەسىگى جابىلمايدى، تەك بارعان سايىن ايقارا اشىلادى، تيجارات ورتاسى اناعۇرلىم اشىق، جاريالى، جۇيەلى بولادى. جۇڭگو الەمدىك سەرىكتەستىك قاتىناستى ۇزدىكسىز دامىتىپ، ءار ەلمەن مۇددە توعىسى ءتۇيىنىن كەڭەيتىپ، ساۋدا مەن قارجى قوسۋدىڭ ەركىندىگىن، قولايلىلىعىن جەبەپ، ەكونوميكانى جاھانداندىرۋدىڭ اناعۇرلىم اشىق، قامتىمدى، جاپپاي تيىمدىلىك جاسالعان، تەڭ، ورتاق يگىلىككە كەنەلەتىن باعىتقا قاراي دامۋىن ىلگەرىلەتەدى. ءبىز دۇنيە جۇزىندەگى كاسىپورىنشىلاردىڭ جۇڭگوعا كەلىپ قارجى قوسىپ، شارۋاشىلىعىن شالقىتۋىن، جۇڭگونىڭ رەفورماسى، دامۋى الا كەلگەن ورايدى تەڭ ءبولىسىپ، جۇڭگو مەن شەتەلدىڭ ەكونوميكا - ساۋدا ىنتىماقتاستىعىنىڭ جارقىن بولاشاعىن بىرگە اشۋىن ىقىلاسپەن قارسى الامىز!

  2017 - جىلعى گۋاڭجوۋ «بايلىق» الەمدىك تالقى مىنبەرىنىڭ تولىق تابىستى بولۋىنا تىلەكتەستىك بىلدىرەمىن!

  جۇڭحۋا حالىق رەسپۋبليكاسىنىڭ ءتوراعاسى

شي جينپيڭ

  2017 - جىلى 6 - جەلتوقسان

 (شينحۋا اگەنتتىگىنىڭ 6 - جەلتوقساندا بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى