ءتاڭىرتاۋ تورابى   ›   جاڭالىقتار   ›   باتىل ءۇن قاتىپ، ايقىن پوزيتسيا ءبىلدىرۋ

اقپارات، ۇگىت قىزمەتىن ويداعىداي ىستەپ، ۇلتتار ىنتىماعىن بەكەمدەيمىن

  شينجياڭ گازەتى مەكەمەسى 2 - رەداكسيا گازەت شىعارۋ ءبولىمىنىڭ ورىنباسار مەڭگەرۋشىسى

ماۋلان سابيت

  پارتيا 19 - قۇرىلتايى بايانداماسىندا «مەملەكەت مۇددەسىن بارىنەن جوعارى قويۋعا، حالىقتىڭ حاۋىپسىزدىگىن باستى ماقسات ەتۋگە، ساياسي حاۋىپسىزدىكتى ارقاۋ ەتۋگە تاباندى بولۋ»، «مەملەكەت حاۋىپسىزدىگى ءتۇزىمى جۇيەسىن كەمەلدەندىرىپ، مەملەكەت حاۋىپسىزدىگى قۋاتى قۇرىلىسىن كۇشەيتىپ، مەملەكەتتىڭ يەلىك ۇقىعىن، حاۋىپسىزدىگىن جانە دامۋ مۇددەسىن باتىل قورعاۋ» كەرەكتىگى اتاپ كورسەتىلدى. ەلىمىز ەجەلدەن بەرى، بىرلىككە كەلگەن كوپ ۇلتتى مەملەكەت، ءار ۇلت حالقى قول ۇستاسا وتىرىپ ۇلى وتاننىڭ ىرگە تاسىن بىرگە قالاعان، وتان تۇتاستىعىن قورعاۋ − ءار ۇلت حالقىنىڭ ءتۇبىرلى مۇددەسىنىڭ ارقاۋى. مەن «تەك جۇڭگو كوممۋنيستىك پارتياسىنىڭ باسشىلىعىندا ءار ۇلت حالقى تىعىز ىنتىماقتاسقاندا عانا، مەملەكەت كوركەيىپ، قۇدىرەتتەنەدى» دەگەن تانىمنان ەشقاشان دا جازعان ەمەسپىن؛ تەك ءوز تاعدىرىمىزدى جۇڭحۋا ۇلتىنىڭ تاعدىرىمەن تىعىز بايلانىستىرعانىمىزدا، جۇڭحۋا ۇلتى ورتاق تۇلعاسى تانىمىن بەكەمدەگەنىمىزدە عانا، جەكە تۇلعا جان - جاقتى تولىسىپ، كەمەلدەنەدى.

  شينجياڭ ەجەلدەن بەرى وتانىمىزدىڭ ايرىلماس ءبىر بولىگى، نەشە مىڭ جىلدان بەرى، شينجياڭداعى ءار ۇلت حالقى تيانشاننىڭ تۇستىگى مەن تەرىستىگىندە ءوزارا مەيىر باعىشتاپ، قۋانىش پەن جۇبانىشتا بىرگە بولىپ، ۇزاق تاريحتى، شۇعىلالى مادەنيەتتى بىرگە جاراتتى. شينجياڭدىق كادر ساناتىندا ءبىز، ءسوزسىز، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن اۋىتقىماي، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، ءتۇرلى قىزمەتتەردى ىلگەرىلەتۋىمىز كەرەك.

  مەن وڭتۇستىك شينجياڭداعى اۋىل - قىستاقتا تۋىلدىم، اكەم ازىق - تۇلىك سەرىكتەستىگىنىڭ قىزمەتكەرى ەدى، پارتيانىڭ شاپاعاتىنا العىس ايتۋ، پارتيانىڭ سوزىنە قۇلاق اسۋ، پارتياعا ىلەسۋ اكەمنىڭ عۇمىرلىق بۇلجىماس سەنىمى بولدى. اكە - شەشەمنىڭ تاربيەسى جانە قۇلشىنىسىمنىڭ ارقاسىندا مەن جوعارى مەكتەپ تابالدىرىعىن اتتادىم، جوعارى مەكتەپتى تاۋىسقاننان كەيىن، داڭقپەن پارتيا گازەتىنىڭ قىزمەتكەرى بولدىم. تولىسىپ، جەتىلۋ بارىسىمداعى ءاربىر قادامىمدى پارتيا مەن مەملەكەتتىڭ كوڭىل ءبولۋى مەن قامقورلىعىنان، پارتيا مەن مەملەكەتتىڭ تاربيەسى مەن باۋلۋىنان، ءار ۇلت حالقىنىڭ كوڭىل ءبولۋى مەن كومەگىنەن بولە قاراۋعا بولمايدى، پارتيا باۋلىپ، تاربيەلەمەگەندە مەنىڭ بۇگىنگى كۇنىم دە بولماق ەمەس.

  پارتيانىڭ باسشىلىعىندا، پارتيا ساياساتىنىڭ نۇر شۇعىلاسىندا اۋىلىمىزدا تاريحي وزگەرىستەردى ءوز كوزىممەن كوردىم. وسىنداي تاماشا داۋىردە جاساپ جاتقانىمدى باقىت سەزىنەمىن، ءار ۇلت حالقى تىنىش تىرشىلىك ەتىپ، سان سالالى ىستەر قارىشتاپ دامىدى، وسىناۋ كەنىشتى مەكەندە جاساپ جاتقان ءار ۇلت باۋىرلاستار شينجياڭدى بىرگە دامىتىپ، گۇلدەندىردى، تيانشاننىڭ تۇستىگى مەن تەرىستىگىندە جالىندى كۇش قاۋلادى، شينجياڭ حالقى بۇكىل ەلدەگى ءار ۇلت حالقىمەن بىرگە جاپپاي دوڭگەلەك داۋلەتتى قوعام قۇرۋعا قاراي قادام تاستادى. اماليات جۇڭگو كوممۋنيستىك پارتياسىنىڭ دۇرىس باسشىلىعى بولماسا، شينجياڭنىڭ بۇگىنگىدەي دامىپ، كوركەيۋى، شينجياڭداعى ءار ۇلت حالقىنىڭ باقىتتى تۇرمىسىنىڭ بولمايتىنىن سىپاتتادى، سوندىقتان ءار ۇلت حالقى بۇگىنگىدەي تاماشا تۇرمىستارىن بارىنشا قاستەرلەۋى، ايالاۋى ءتيىس.

  پارتيانىڭ 19 - قۇرىلتايى بايانداماسىندا پارتيانىڭ ۇلت ساياساتىن جاپپاي دايەكتىلەندىرىپ، ۇلتتار ىنتىماعى، العاباسارلىعى تاربيەسىن ىشكەرىلەتۋ، جۇڭحۋا ۇلتى ورتاق تۇلعاسى تانىمىن بەرىك ورناتىپ، ۇلتتاردىڭ ارالاسۋ، ىشتەسۋ، توعىسۋىن كۇشەيتىپ، ۇلتتاردىڭ اناردىڭ دانىندەي تىعىز ۇيىسۋىن جەبەپ، بىرگە ىنتىماقتاسا كۇرەس جاساپ، بىرگە كوركەيىپ، دامۋى كەرەكتىگى ورتاعا قويىلدى. پارتيالى كادر ساناتىندا، مەن ءوز باسىمنان ونەگە كورسەتىپ، باستاماشىلدىقپەن باتىل ءۇن قاتىپ، ايقىن پوزيتسيا بىلدىرەمىن، «ءۇش ءتۇرلى كۇشپەن» باتىل كۇرەسەمىن؛ مۇرات - سەنىمىمدى بەكەمدەپ، پارتياعا ابسوليۋتتى ادال بولۋدىڭ ونەگەسى، ۇگىت جۇرگىزۋدىڭ، بۇقارانى اتتانىسقا كەلتىرۋدىڭ ونەگەسى، قىزمەت ستيلىنە بۇرىلىس جاساۋدىڭ ونەگەسى بولۋعا قۇلشىنامىن، «ءۇش ءتۇرلى كۇشكە»، «ەكىبەتكەيلەرگە» قاي - قاشان دا بەرىك، بەكەم تۇرعىدا باتىل سايىس جاريالايمىن؛ ۇلتتار ىنتىماعىن، قوعام ورنىقتىلىعىن، وتان تۇتاستىعىن باستاماشىلدىقپەن باتىل قورعايمىن، وتباسىمداعىلاردى، تۋىس - تۋعان، دوس - جاراندارىمدى، ماڭىمداعى ءار ۇلت كادر - جۇرتشىلىعىن وتان تۇتاستىعىن قورعاۋ مەن ۇلتتار ىنتىماعىن بەكەمدەۋدىڭ ونەگەسى بولۋعا جەتەكتەيمىن.

  از ۇلت اقپارات قىزمەتكەرى رەتىندە، مەن كوممۋنيستىك پارتيا مۇشەسى بولۋدىڭ ءبىرىنشى سالاۋاتىم، پارتيا ءۇشىن قىزمەت ىستەۋدىڭ ءبىرىنشى جاۋاپكەرلىگىم ەكەندىگىن قاي - قاشان دا ەسىمدە بەرىك ساقتايمىن، پارتياعا كىرگەندەگى سەرتىمدى ەسىمدە بەرىك ساقتاپ، پارتيانىڭ مۇددەسىن ەڭ جوعارى مۇددە، پارتيانىڭ ىستەرىن ەڭ وسكەلەڭ ءىس ساناپ، پارتياعا ماڭگى ابسوليۋتتى ادال بولامىن، پارتيا گازەتىن ويداعىداي شىعارۋعا كۇش سالامىن، ءار ۇلت جۇرتشىلىعىن پارتيانىڭ شاپاعاتىنا العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە باستايمىن، ىنتىماقتى، جاراسىمدى قوعامدىق پىكىر ورتاسىن جاراتۋعا، شينجياڭنىڭ قوعام ورنىقتىلىعى مەن باياندى تىنىشتىعى باس نىساناسىن جۇزەگە اسىرۋعا، اناعۇرلىم شۇعىلالى دا جارقىن بولاشاق جاراتۋ جولىندا قۇلشىنا كۇرەس جاسايمىن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى