ءتاڭىرتاۋ تورابى   ›   جاڭالىقتار   ›   شينجياڭ حابارلارى

شاپاعات سەزىمى پارتياعا كىرۋ تىلەگىنە اينالدى

سۇيىسپەنشىلىك كومەك مامەتاليدى 33 جىلدان كەيىن ورنىنان قايتا تۇرعىزدى

  27 - قاراشادا، جاساندى اياق كيگەن 35 جاستاعى مامەتالي ءسىلام ۇشاققا وتىرىپ، ۇرىمجىدەن اۋىلى نيا اۋدانى سالعويزەك اۋىلىنىڭ باقچي قىستاعىنا قايتتى، سونىمەن ول شىت جاڭا ءومىر ساپارىن باستادى.

  ۇشاققا وتىرعان ساتتە مامەتاليدىڭ قولىندا شيپاحانادا جاتقان كەزىندە جازعان پارتياعا كىرۋ ءوتىنىشى بار ەدى، ءوتىنىشتى ول بىلاي دەپ جازعان: «كوممۋنيستىك پارتيا ماعان جاڭا ءومىر بەردى، مەن پارتياعا العىس ايتامىن، پارتيانىڭ سوزىنە قۇلاق اسامىن، پارتياعا ىلەسەمىن».

  مامەتالي 2 جاسىندا ابايسىزدا تونارعا ءتۇسىپ كەتەدى، ۇيىندەگىلەر ونى توناردان الىپ شىققان كەزدە، سول اياعى الدەقاشان كۇيىپ كەتكەن بولاتىن. دەر كەزىندە تولىق ەمدەلمەگەندىگى سەبەپتى، اياعى قيسايىپ كەمتار بولىپ 2 بالداققا سۇيەنىپ قالادى. ول: ەگىس جۇمىسىنا شامام كەلمەگەندىكتەن، ەڭ تومەنگى تۇرمىستى قامتاماسىزداندىرۋعا سۇيەنىپ كۇن كەشىردىم، وتباسىمداعىلارعا اۋىرتپالىق سالعانىما ىشتەي قاتتى قىنجىلاتىنمىن، - دەدى.

  بيىل قىركۇيەك ايىندا، شينجياڭ ەرەكشە تۇردەگى جابدىق تەكسەرۋ - زەرتتەۋ اكادەمياسىنان «ۇعىسۋ، تيىمدىلىك جاساۋ، توعىستىرۋ» قيمىلى بويىنشا نيا اۋدانى سالعويزەك اۋىلىنىڭ باقچي قىستاعىنا بارعان قىزمەت اترەتى مامەتاليدىڭ جاعدايىنان حابار تاپقاننان كەيىن، مەيىر باعىشتاۋ، جىلۋ جيۋ قيمىلىن ورىستەتەدى. 100 يۋان، 500 يۋان، 1000 يۋان... شينجياڭ ەرەكشە تۇردەگى جابدىق تەكسەرۋ - زەرتتەۋ اكادەمياسىنداعى 279 جۇمىسشى - قىزمەتكەر 23 مىڭ 525 يۋان جىلۋ جيادى.

  شينجياڭ ەرەكشە تۇردەگى جابدىق تەكسەرۋ - زەرتتەۋ اكادەمياسىنىڭ باستىعى، «ۇعىسۋ، تيىمدىلىك جاساۋ، توعىستىرۋ» قيمىلى بويىنشا باقچي قىستاعىندا تۇراتىن قىزمەت اترەتىنىڭ باستىعى جۋ گۋاڭ - ي باستاماشىلدىقپەن 1000 يۋان جىلۋ اتادى. ول: ءبىر جاقتا قيىنشىلىق بولسا، تۇس - تۇستان كومەك كورسەتۋ كەرەك! قيىنشىلىققا ۇشىراعان تۋىسقانىمىزعا كومەك كورسەتۋگە حاقىلىمىز، - دەيدى.

  11 - قازاندا مامەتالي شينجياڭ مەديتسينا ۋنيۆەرسيتەتىنە قاراستى 1 - شيپاحانانىڭ سانجى بولىمشەسىندە اياعىن كەستىرۋ وپەراتسياسىن جاساتادى. 7 - قازاندا شيپاحاناعا كىرىپ، 29 - قازاندا شيپاحانادان شىققانعا دەيىنگى ارالىقتا راسمياتتاردى ءبىتىرۋ، اقى تاپسىرۋ، اۋدارۋشىلىق ىستەۋ، يدەيالىق جاقتان تاربيە بەرۋ سياقتى جۇمىستاردا شينجياڭ ەرەكشە تۇردەگى جابدىق تەكسەرۋ - زەرتتەۋ اكادەمياسى لەفيت تەكسەرۋ 2 - ورنىنىڭ ورىنباسار باستىعى چىن في مەن ماشينالاردى تەكسەرۋ ورنىنىڭ تەكسەرۋشىسى ءيلحام يمىن باستان - اياق ونىڭ قاسىندا بولادى. «قۇلشىنۋ ارقىلى ونى قيىنشىلىق قىسپاعىنان قۇتىلدىرعانىمىزعا توتەنشە قۋانامىن»، - دەدى چىن في.

  17 - قاراشادا شينجياڭ گۋاڭليناي جاساندى اياق شەكتەۋلى سەرىكتەستىگىندە 20 كۇن دەنساۋلىعىن قالپىنا كەلتىرۋ ەمدەلۋىن قابىلداعاننان كەيىن، جاساندى اياق سالۋ مامانى حى لي وعان جاساندى اياق سالىپ بەرەدى. قالىپتى جۇرىستەن قالعانىنا 30 جىلدان اسقاندىعى سەبەپتى، باستابىندا قالاي جۇرەرىن بىلمەي قينالادى. حى لي مامەتاليگە قالاي ءجۇرۋدى سابىرلىلىقپەن ۇيرەتەدى. «شىنىن ايتقاندا، قازىر وعان بالداقتىڭ قاجەتى شامالى، تەك جۇرۋدەن قورعانباۋ ءۇشىن عانا كەرەك. ءبىر اي جاتتىعۋ ارقىلى ول تاياعىن تاستاپ، ەڭبەككە قاتىناساتىن، تاۋعا شىعا الاتىن، جۇگىرە الاتىن بولدى»، - دەيدى حى لي.

  بالاعىن ءتۇسىرىپ قويسا، ساۋ ادامنان پارقى جوق، مامەتاليدىڭ جۇزىنە باقىت كۇلكىسى ءۇيىرىلدى. بولاشاق جونىندە مامەتالي: قاجىرلىلىقپەن ەڭبەك ىستەپ، دوڭگەلەك داۋلەتتى ورەگە جەتۋگە قۇلشىنامىن، پارتيا مەن ۇكىمەتتىڭ قامقورلىعىن ەستەن شىعارمايمىن. پارتياعا كىرۋ وتىنىشىمدە جازعانىمداي، كومەككە مۇقتاج جاندارعا شامامنىڭ جەتىسىنشە كومەك كورسەتەمىن، - دەدى تەبىرەنگەن سەزىممەن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى