ءتاڭىرتاۋ تورابى   ›   جاڭالىقتار   ›   شينجياڭ حابارلارى

شينجياڭنىڭ سۋ يگىلىگى مامانى دىڭ ميڭجياڭ جۇڭگو ينجەنەريا اكادەمياسىنىڭ اكادەميگى بولىپ سايلاندى

  اۆتونوميالى رايوندىق عىلىم - تەحنيكا قوعامىنان ۇعىسۋىمىزشا، جۇڭگو ينجەنەريا اكادەمياسى 2017 - جىلى سايلانعان اكادەميكتەردىڭ ەسىمدىگىن جۋىردا جاريالاعان، جاڭادان سايلانعان اكادەميكتەردىڭ اراسىندا رايونىمىزدىڭ سۋ يگىلىگى مامانى، شينجياڭ ەرتىس وزەنى اڭعارىن اشۋ ينجەنەرياسى قۇرىلىسىن باسقارۋ مەكەمەسىنىڭ پروفەسسور دارەجەلى اعا ينجەنەرى دىڭ ميڭجياڭ جۇڭگو ينجەنەريا اكادەمياسىنىڭ ءۇي قۇرىلىسى، سۋ يگىلىگى جانە قۇرىلىس ينجەنەرياسى ءبولىمىنىڭ اكادەميگى بولىپ سايلانعان، ول جۇڭگو ينجەنەريا اكادەمياسىنىڭ شينجياڭنان شىققان 7 - اكادەميگى.

  دىڭ ميڭجياڭ 1960 - جىلى تۋىلعان، 1982 - جىلى شينجياڭ اۋىل شارۋاشىلىق ۋنيۆەرسيتەتى سۋ يگىلىگى - سۋ ەلەكتر ينجەنەرياسى قۇرىلىسى ماماندىعىنان وقۋ تاۋىسىپ، باتىس سولتۇستىك شەكارا ءوڭىر سۋ يگىلىگى ينجەنەرياسى عىلىم - تەحنيكا سالاسىنىڭ الدىڭعى شەبىندە 35 جىل تاباندىلىقپەن قىزمەت ىستەگەن، شينجياڭ ەرتىس وزەنى اڭعارىن اشۋ ينجەنەرياسى قۇرىلىسىن باسقارۋ مەكەمەسىندە، شينجياڭ سۋ ىستەرى مەڭگەرمەسىندە 18 جىل باس ينجەنەر بولعان، رايونىمىزدىڭ سۋ ىستەرى سالاسى عىلىمىنىڭ سەركەسى. ول ىلگەرىندى - كەيىندى 4 تۇردەن مەملەكەتتىك عىلىم - تەحنيكا العاباسارلىعى ەكىنشى دارەجەلى سيلىعىن، شينجياڭ عىلىم - تەحنيكا العاباسارلىعى ەرەكشە سيلىعىن، حى شانحىڭ، لياڭ چيۋجۇي، حى تيان، لي گو - ۋي عىلىم جانە تەحنيكا جاسامپازدىعى سيلىعىن العان؛ 3 تۇردەن ولكە، مينيسترلىك دارەجەلى عىلىم - تەحنيكا العاباسارلىعى ءبىرىنشى دارەجەلى سيلىعىن، 6 تۇردەن ەكىنشى دارەجەلى سيلىعىن جانە 4 تۇردەن تاڭداۋلى ينجەنەريا بارلاۋ - جوبالاۋ ءبىرىنشى دارەجەلى سيلىعىن ەنشىلەگەن؛ 2 تۇردەن تاپقىرلىق پاتەنتىن العان، 7 كىتابى باسپادان شىققان، 100دەن استام عىلمي ماقالا جاريالاعان؛ 2004 - جىلى «شينجياڭدى اشۋ - گۇلدەندىرۋ وردەنىن» العان، 2010 - جىلى شينجياڭنىڭ 50 جىلدىق تاريحىنداعى 10 تاڭداۋلى عىلىم - تەحنيكا قايراتكەرىنىڭ ءبىرى بولىپ باعالانعان.

  دىڭ ميڭجياڭ قۇرعان قۋاڭ وڭىرلەردىڭ سۋ اينالىمىن مەڭگەرۋ نازارياسى جانە ينجەنەريا تەحنيكاسى جۇيەسى كەزەكتە سۋدى تىزگىندەپ، شينجياڭدى گۇلدەندىرۋدەگى كەلەلى جوباعا اينالدى؛ ول قوسىنداعىلاردى باستاپ، قۇمدى وڭىرلەرگە الىس ارالىقتان سۋ جەتكىزۋ ينجەنەرياسىنداعى كەلەلى تەحنيكالىق قيىن ماسەلەلەردى شەشىپ، سولتۇستىك شينجياڭ وڭىرىندە سۋ بايلىعىن مەڭگەرۋ قابىلەتىن جوعارىلاتتى؛ كولدەنەڭ كارىز جەر استى سۋ قويماسى جاڭا تەحنيكاسىن العا قويىپ، سۋ يگىلىگى ينجەنەرياسىنىڭ جاڭا ۇلگىسىن تاپقىرلادى؛ كولەمدى ەكولوگيالىق ورنالاستىرۋدى زەرتتەپ جانە امالياتتا ايگىلەپ، قۋاڭ وڭىرلەردە ەكولوگيانى قورعاۋدىڭ ۇلگىسىن ورناتتى؛ ەل ارالىق وزەندەردى زەرتتەۋ جانە اشۋ قۇرىلىسىنا ۇزاق ۋاقىت كۇش شىعارىپ، مەملەكەتتىڭ سۋ ۇقىعىنا يە بولۋىنا ەلەۋلى ۇلەس قوستى. كوپ جىلدان بەرى ونىڭ ينجەنەريا عىلىم - تەحنيكاسى سالاسىندا قول جەتكىزگەن ۇشان - تەڭىز جەتىستىكتەرىنىڭ ستراتەگيالىق ماڭىزى زور، وڭىرلىك ەرەكشەلىگى كورنەكتى، جاڭالىق سيپاتى كۇشتى، قولدانىلۋ ونىمدىلىگى جوعارى بولىپ، وسى كاسىپ سالاسىنداعى مامان - وقىمىستىلاردىڭ جاپپاي مويىنداۋىنا يە بولدى، شينجياڭنىڭ سۋ يگىلىگىنىڭ دامۋىنا، ەل ارالىق وزەندەردى اشۋ جانە قورعاۋعا، سونداي - اق «ءبىر بەلدەۋ، ءبىر جول» وزەكتى رايون نەگىزدىك قۇرىلعى قۇرىلىسىنا كورنەكتى ۇلەس قوستى.

  جۇڭگو ينجەنەريا اكادەمياسىنىڭ اكادەميگى مەملەكەت بەلگىلەگەن ينجەنەريا عىلىم - تەحنيكاسى جاعىنداعى ەڭ جوعارى عىلمي اتاق، ءار 2 جىلدا ءبىر رەت سايلانادى. 2015 - جىلى عىلىم - تەحنيكا قوعامى جۇيەسى جۇڭگو ينجەنەريا اكادەمياسىنىڭ اكادەميگىن كورسەتەتىن ارناعا اينالعاننان كەيىن، دىڭ ميڭجياڭ شينجياڭنان تۇڭعىش رەت عىلىم - تەحنيكا جۇيەسىنىڭ كورسەتۋىمەن سايلانعان جۇڭگو ينجەنەريا اكادەمياسىنىڭ اكادەميگى بولدى.

  ۇعىسۋىمىزشا، كەزەكتە جۇڭگو ينجەنەريا اكادەمياسىنداعى شينجياڭنان سايلانعان باسقا 6 اكادەميك جەكە - جەكە مىنالار: چىن شۋەگىڭ، وشىر سىلام، ۋ ميڭجۋ، ليۋ شوۋرىن، كاڭ يۇيجۋ، ۋاڭ شياۋدۇڭ.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى