ءتاڭىرتاۋ تورابى   ›   جاڭالىقتار   ›   ۇعىسۋ، تيىمدىلىك جاساۋ، توعىستىرۋ

پارتيا 19 - قۇرىلتايىنىڭ رۋحىن بىرگە ۇيرەنىپ، ىنتىماق پەن دوستىقتى جىرلادى

دۇڭ شۋانبو، رىن مىڭ

  21 - قاراشا بۇراتالا موڭعۇل اۆتونوميالى وبلىستىق ساپانى تەحنيكالىق باقىلاۋ مەكەمەسىنىڭ «تۋىسشىلاۋ كۇنى» جۇپ قۇراپ، تۋىس بولعان 62 ادام پارتيا 19 - قۇرىلتايىنىڭ رۋحىن ۇيرەنۋ فورماسىمەن بىرلەسكەن دوستىق قيمىل وتكىزدى.

  وبلىستىق ساپانى تەحنيكالىق باقىلاۋ مەكەمەسىنىڭ باستىعى، بۇراتالا قالاسى شياۋيىڭپان قالاشىعىنا تۇسكەن «ۇعىسۋ، تيىمدىلىك جاساۋ، توعىستىرۋ» قيمىلى قىزمەت اترەتىنىڭ باس جەتەكشىسى، نۇكتەكەرىم قىستاعىنىڭ ءبىرىنشى شۋجيى ۋىن ليڭ پارتيا 19 - قۇرىلتايى بايانداماسىنداعى بۇقارا ەڭ كوڭىل بولەتىن حالىق تۇرمىسى ماسەلەسى جونىندە ۇگىت - لەكسيا جاساپ، تۇسىنىك بەردى. «تۋىستار» مەن مەكەمە ورگانىنداعى كادرلار، جۇمىسشى - قىزمەتكەرلەر باياندامانىڭ ءتۇپ نۇسقاسىن بىرگە وقۋ، اسەرلەرىن اڭگىمەلەۋ، قالاي ىستەۋ جونىندە ءسوز قوزعاۋ بارىسىندا كوپشىلىك تۇرمىستا شىنايى وزگەرىس تۋىلعانى جونىندە پىكىر اۋىستىرىپ، اسەرلەرىن بىرگە ءبولىستى.

  اڭگىمە بارىسىندا ءبىر تۇرعىن قازىر قىستاقتا بالاباقشانىڭ سالىنىپ، تۇرمىس اۋىرتپالىقتارىنىڭ جەڭىلدەپ قالعانىن ايتقاندا، ۋىن ليڭ «پارتيا 19 - قۇرىلتايى بايانداماسىندا، <ەمدەلۋدەن، كۇتىمدەلۋدەن، تۇرعىن ۇيدەن، كومەكتەن يگىلىكتەنۋ جاقتارىندا ۇزدىكسىز تىڭ ىلگەرىلەۋشىلىكتەرگە قول جەتكىزۋ كەرەك> دەلىندى. تەك عانا بارلىعىمىز بىرگە كۇرەس جۇرگىزسەك بولعانى، تۇرمىسىمىز جىلدان - جىلعا جاقساراتىن بولادى»، - دەدى ۇگىت - لەكسياسىن جالعاستىرىپ.

  قىستاق تۇرعىنى تۇقان: پارتيا مەن ۇكىمەتتىڭ حالىققا ءتيىمدى ساياساتىنىڭ ارقاسىندا قىستاعىمىزدىڭ بەت - بەينەسىندە وتە زور وزگەرىستەر تۋىلدى، قىستاق ورتاسى جاسىلداندى، جولعا شىراق ورناتىلدى، تۇرعىنداردىڭ تۇرمىسى كۇننەن - كۇنگە جاقساردى، - دەدى.

  «قىستاعىمىزداعى كەدەي وتباسىلار پارتيانىڭ جاقسى ساياساتىنا راقىمەت ايتادى، پارتيا مەن مەملەكەتتىڭ جاقسى ساياساتى وتباسىمنىڭ تۇرمىسىن جاقسارتتى، جۇپ قۇراعان تۋىسىمنىڭ وتباسىما قارايلاسقانىنا، كوڭىل بولگەنىنە راقىمەت ايتامىن»، - دەدى قىستاق تۇرعىنى جۇشلۇقجان.

  تۋىستارىنىڭ پارتيا 19 - قۇرىلتايىنىڭ رۋحىن جاقسى تۇسىنۋىنە مۇمكىندىك جاساۋ ءۇشىن، قىستاققا تۇسكەن قىزمەت اترەتى ولارعا 19 - قۇرىلتايدىڭ رۋحى جونىندە كىتاپشا جاساپ بەرىپ، ونى ۇيلەرىنە اپارعاننان كەيىن باسقا دا تۋىس - تۋعاندارىنا ۇگىتتەۋدى، ۇيرەتۋدى تاپسىردى. سونىمەن بىرگە كوپشىلىك ءان ايتۋ، سەرت بەرۋ، قىزىقتى ويىن ويناۋ، ۇلتتىق ءبي بيلەۋ، 19 - قۇرىلتاي بىلىمدەرى جونىندە تاباندا جاۋاپ قايتارۋ سياقتى قيمىلدار وتكىزىپ، پارتيانىڭ حالىققا ءتيىمدى ساياساتتارىنا ماداق ايتتى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى