ءتاڭىرتاۋ تورابى   ›   جاڭالىقتار   ›   وقۋ-اعارتۋ

1000 ۇزدىك جوعارى مەكتەپ جەتەكشىسىنىڭ مەكتەپتەردى ارالاپ لەكسيا سويلەۋ قيمىلى شينجياڭدا ورىستەتىلدى

  28 - قاراشادا وقۋ - اعارتۋ مينيسترلىگى ۇيىمداستىرعان «پارتيا 19 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ − 1000 ۇزدىك جوعارى مەكتەپ جەتەكشىسىنىڭ <مەكتەپتەردى ارالاپ لەكسيا سويلەۋ> جانە <ينتەرنەتتىك ەكسكۋرسيا> قيمىلى» بويىنشا شينجياڭنىڭ جوعارى مەكتەپتەرىندە ارناۋلى بايانداما جاساۋ ءماجىلىسى شينجياڭ ۋنيۆەرسيتەتىندە اشىلدى. شينجياڭ ۋنيۆەرسيتەتى، شىحىزى ۋنيۆەرسيتەتى سياقتى 20 نەشە جوعارى مەكتەپتىڭ جەتەكشىلەرى مەن وقۋشى ۋاكىلدەرىنەن 1000نان استام ادام قاتىناستى.

  مەملەكەتتىك جوعارى مەكتەپ جەتەكشىلەرى بويىنشا 9 - كەزەكتى جىلدىق تۇلعا، شانشي ولكەلىك پارتكوم جوعارى مەكتەپ وقۋ - اعارتۋ قىزمەتى كوميتەتى وقۋشىلار قىزمەتى ءبولىمىنىڭ ورىنباسار باستىعى كۇراش يبىرايىم قاتارلى بايانداما جاساۋ ۇيىرمەسىنىڭ 5 مۇشەسى ىلگەرىندى - كەيىندى بايانداما جاساپ، پارتيا 19 - قۇرىلتايى بايانداماسىنداعى جاستار ءىسى، وقۋ - اعارتۋ ىستەرى، جۇمىسقا ورنالاستىرۋ ساپاسى، عىلىم - تەحنيكادا جاڭالىق اشۋ سياقتى مازمۇنداردى تۇسىنىكتى تىلمەن بايانداپ، جان - جاقتى ءتۇسىندىرىپ، جۇرتتى جەلپىندىردى.

  باياندامانى تىڭداعاننان كەيىن، شينجياڭ ۋنيۆەرسيتەتى حيميا، حيميا ونەركاسىبى ينستيتۋتىنىڭ جەتەكشىسى ءماردان ءومار بىلاي دەدى: «جەتەكشى رەتىندە، مەن پارتيا 19 - قۇرىلتايىنىڭ رۋحىن وي - ساناما بەرىك ۇيالاتىپ، قىزمەتتە ايگىلەپ، امالياتتا ونىمدىلىگىن كورسەتەمىن، اۋەلگى ماقساتتى ۇمىتپاي، بورىشتى ەستە بەرىك ساقتاپ، وقۋشىلاردىڭ تولىسۋىنداعى سىرلاسى، دارىندى بولىپ جەتىلۋىندەگى جول باستاۋشىسى بولامىن».

  اۆتونوميالى رايوندىق پارتكوم وقۋ - اعارتۋ قىزمەتى كوميتەتىنىڭ ورىنباسار شۋجيى حۋ جۇنحاي بىلاي دەدى: جەتەكشىلەر − ستۋدەنتتەرگە يدەيا - ساياسي جاقتان تاربيە بەرەتىن تىرەكتى كۇش، بايانداما جاساۋ ءماجىلىسى قالىڭ جەتەكشىلەر مەن جاس وقۋشىلاردى بىرگە ۇيرەنۋگە، بىرگە دارىپتەۋگە، بىرگە تۇسىنۋگە جۇمىلدىرىپ، ۇزدىك جەتەكشىلەردىڭ جەتەكشىلىك، ۇلگىلىك رولىن ساۋلەلەندىرىپ، پارتيا 19 - قۇرىلتايىنىڭ رۋحىن مەكتەپتەرگە جەتكىزۋدى ىلگەرىلەتتى، پارتيا 19 - قۇرىلتايىنىڭ رۋحىنىڭ شينجياڭنىڭ وقۋ - اعارتۋ سالاسىندا تۇبەگەيلى تياناقتانۋىن پارمەندى تۇردە جەبەيتىندىگى داۋسىز.

 ۇعىسۋعا قاراعاندا، «پارتيا 19 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ − 1000 ۇزدىك جوعارى مەكتەپ جەتەكشىسىنىڭ <مەكتەپتەردى ارالاپ لەكسيا سويلەۋ> جانە <ينتەرنەتتىك ەكسكۋرسيا> قيمىلى» ناقتى تۇرمىستا جانە جەلىدە لەكسيا جاساۋ سىندى 2 بۋىننان قۇرالعان. «ناقتى تۇرمىستا ارالاپ لەكسيا جاساۋ» قيمىلىن وقۋ - اعارتۋ مينيسترلىگى 30 ۇزدىك جەتەكشىدەن مەملەكەتتىك بايانداما جاساۋ ۇيىرمەسىن ۇيىمداستىرىپ، 6 گرۋپپاعا ءبولىپ، 31 ولكەدە (اۆتونوميالى رايون، قالا) ۇلگى كورسەتۋ فورماسىندا ارالاپ لەكسيا جاسايدى، ءار ولكە (اۆتونوميالى رايون، قالا) ءوز جەرىنەن 30 ۇزدىك جەتەكشىنى ۇيىمداستىرىپ، ولكەگە قاراستى جوعارى مەكتەپتەردە وڭىرلىك ارالاپ لەكسيا جاسايدى؛ «جەلىدە لەكسيا جاساۋ» قيمىلىندا حالىق سايتى، ساۋلە سايتى سياقتى اقپارات قۇرالدارىندا ارناۋلى تاقىرىپ اشىپ، جەلىدە ۇيرەنۋ، پىكىر اۋىستىرۋ ورىستەتىلىپ، ۇيرەنۋمەن، ۇگىتتەۋمەن جاپپاي قامتۋدى ىلگەرىلەتەدى ەكەن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى