ءتاڭىرتاۋ تورابى   ›   جاڭالىقتار   ›   اۋىل تىنىسى

تارباعاتاي ايماعىنىڭ ۇگىت-لەكسيا ۇيىرمەسى تولى اۋدانىندا پارتيا 19-قۇرىلتايىنىڭ رۋحىن ۇگىتتەۋ قيمىلىن قانات جايدىردى

  ريشات سابىرباي ۇلى حابارلايدى. 29-قاراشا تۇستەن بۇرىن تارباعاتاي ايماعىنىڭ «پارتيا 19-قۇرىلتايىنىڭ رۋحىن ۇيرەنۋ، ۇگىتتەۋ، تياناقتاندىرۋ» ۇگىت-لەكسيا ۇيىرمەسى تولى اۋدانىندا ۇگىت-لەكسيا قيمىلىن قانات جايدىردى. تارباعاتاي ايماقتىق ۇگىت-لەكسيا ۇيىرمەسىنىڭ مۇشەسى، ايماقتىق پارتكوم پارتيا مەكتەبىنىڭ جوعارى دارەجەلى لەكتورى، وقىتۋدى زەرتتەۋ كەڭسەسىنىڭ مەڭگەرۋشىسى حۋ يحۇڭ تولى اۋدانىندا بەينە-ەكران جيىنىن اشىپ، ارناۋلى تاقىرىپتاعى ۇگىت-لەكسيا دوكلاتىن جاسادى.

  قىزمەت ورنىندا بار ءتورت القا باسشىلارى، اۋدانعا توتە قاراستى ورىندارمەن ورگانداردىڭ كادرلارى، اۋدان دارەجەلى ۇگىت-لەكسيا ۇيىرمەسىنىڭ ۋاكىلدەرى، ۇگىت كادرلارى، نەگىزگى ساتى ۇگىت تايانىشتارى سىندى 300 دەن استام ادام تولى اۋداندىق اكىمشىلىك ىستەر عيماراتىنىڭ ءبىرىنشى قاباتىنداعى جيىن زالىندا دوكلات مازمۇنىن تىڭدادى.

  بۇدان سىرت، تولى اۋدانىنداعى ءار قايسى اۋىل-قالاشىق، قىستاقتار مەن الەۋمەتتىك اۋماقتارعا ورنالاستىرىلعان 35 بولىمشە جيىن مايدانىندا اۋىل-قالاشىق ورگان كادرلارى، اۋدانعا توتە قاراستى ورىنداردىڭ نەگىزگى ساتىعا تۇسكەن كادرلارى، قىستاقتارمەن الەۋمەتتىك اۋماقتاردىڭ كادرلارى، ءار دارەجەلى «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ مۇشەلەرى، ۇگىت تايانىشتارى، نەگىزگى ساتى ۇگىتشىلەرى سىندى 900 دەن استام ادام بۇل رەتكى ۇگىت-لەكسيا بارىسىن بەينە ەكران ارقىلى كوردى.

  تولى اۋداندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى گۇلناز قاسىمحان قىزى ۇگىت-لەكسيا دوكلات جيىنىن باسقاردى. سونداي-اق بىلاي دەپ دارىپتەدى: «حۋ يحۇڭ مۇعالىم پارتيا 19-قۇرىلتايىنىڭ بايانداماسىنىڭ اۋەلگى نۇسقاسىن ارقاۋ ەتە وتىرىپ، امالياتپەن تىعىز ۇشتاستىرىپ، پارتيا 19-قۇرىلتايىنىڭ باس تاقىرىبىن، نەگىزگى ناتيجەسىن، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن، جۇڭگوشا سوتسياليزمنىڭ جاڭا داۋىرگە قادام باسۋى مەن ‹قوس 100 جىلدىق› كۇرەس نىساناسىنىڭ ستراتەگيالىق ورنالاستىرىلۋىن تارتىمدى ءتىل، يكەمدى تاسىلمەن تاماشا بەينەلەپ، پارتيانى جاپپاي قاتاڭ باسقارۋعا تاباندى بولىپ، باس شۋجي شي جينپيڭنىڭ ۇيتقىلىق ورنىن، پارتيا ورتالىق كوميتەتىنىڭ بەدەلىن قورعاۋ جونىندەگى جۇيەلى بايىمداۋلاردى جۇرەگىمىزگە تەرەڭ ءسىڭىردى. بۇل پارتيا 19-قۇرىلتاي رۋحىن تەرەڭ تۇسىنۋىمىزگە جاسالعان ءبىر رەتكى تاماشا پىسىقتاۋ بولدى».

  كوپشىلىك ۇگىت-لەكسيا بارىسىندا مۇقياتتىلىقپەن تىڭداپ، ەگجەي-تەگجەيلى ەستەلىك الىپ، پارتيا 19-قۇرىلتايىنىڭ رۋحىن بەرىلە ۇيرەندى. سونداي-اق بۇدان كەيىنگى قىزمەتتەرىندە پارتيا 19-قۇرىلتايىنىڭ رۋحىن جاپپاي ۇگىتتەپ، پارتيا 19-قۇرىلتاي رۋحىن ۇيرەنۋگە، دارىپتەۋگە تاباندى بولىپ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن جەتەكشى ەتىپ، جۇڭگو ارمانىنىڭ شينجياڭ تاراۋىن جازىپ، تەز ارادا كورىكتى دە، جاڭا تولى قۇرۋ جولىندا ۇلەس قوسۋعا دەگەن بەرىك سەنىمىن ايگىلەدى».

  ۇگىت-لەكسيا دوكلات جيىنى اقىرلاسقان سوڭ، حۋ يحۇڭ تولى قالاشىعى قاراعايباستاۋ الەۋمەتتىك اۋماعىنا بارىپ، تۇرعىندارمەن اڭگىمەلەسىپ، الەۋمەتتىك اۋماق كادرلارىنىڭ العان اسەرىن تىڭدادى. اڭگىمە جيىنى بارىسىندا اجەلەر ۇگىت-لەكسيا ۇيىرمەسى ءان ارقىلى وزدەرىنىڭ پارتياعا دەگەن شەكسىز العىسىن بىلدىرسە، وقىتۋشىلار ۋاكىلى جانە نەگىزگى ساتى ۇگىت قىزمەتكەرلەرى ءسوز كەزەگىن الىپ، اڭگىمە جيىنىنىڭ ماڭىزىن ودان ارى ارتتىرا ءتۇستى.

  اڭگىمە جيىنى بارىسىندا، تولى قالاشىعى قاراعايباستاۋ الەۋمەتتىك اۋماعىنىڭ ۇگىت-لەكسيا ۇيىرمەسىنىڭ مۇشەسى مۇراتجان تەبىرەنىستى كوڭىلىن بىلاي جەتكىزدى: «الەۋمەتتىك اۋماقتىڭ قىزمەتكەرى ءارى ۇگىت-لەكسيا ۇيىرمەسىنىڭ مۇشەسىمىن. بۇل جولعى ارناۋلى تاقىرىپتاعى ۇگىت-لەكسيا ارقىلى پارتيا 19-قۇرىلتاي رۋحىن ونان ارى بەرىلە ۇيرەنىپ، تۇسىنىگىمدى تەرەڭدەتىپ، شىنايى ارەكەتىممەن ۇگىت قىزمەتىن قانات جايدىرۋ سەنىمىمدى بەكەمدەي ءتۇستىم. بۇدان كەيىنگى قىزمەت بارىسىندا پارتيا 19-قۇرىلتايىنىڭ رۋحىن جەتەكشى ەتىپ، مىندەتىمدى ويداعىداي اتقارامىن».

  تولى قالاشىعى قاراعايباستاۋ الەۋمەتتىك اۋماعى پارتيا ياچەيكاسىنىڭ شۋجيى حۋ حۇيليڭ بىلاي دەدى: «ەندىگى قادامدا ءىس جۇزىندىك قىزمەتتەر نەگىزىندە ۇگىت-لەكسيا ۇيىرمەمىزدەگى جولداستاردىڭ رولىن تولىق ساۋلەلەندىرىپ، ۇقساماعان فورمادا سان-سالالى ۇگىت-لەكسيا قيمىلدارىن قانات جايدىرىپ، ءار ۇلت حالقىنىڭ تالابىن تولىق قاناعاتتاندىرىپ، ولاردىڭ باقىتتى تۇرمىسىمىزدى قاستەرلەۋ سەزىمىن جوعارىلاتۋعا كۇش سالامىز».

  ءتىلشىنىڭ قىزمەت ورنى: تولى اۋداندىق پارتكوم ۇگىت ءبولىمى

جاۋاپتى رەداكتور : نۇرجان مينۋار قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ءار ۇلت حالقى اۆتونوميالى رايوننىڭ پارتيا 19 - قۇرىلتايىن قارسى الۋداعى «فلاش» قيمىلىنا بەلسەنە قاتىناستى
  • ءۇرىمجى كىتاپحاناسىندا 19-قۇرىلتايدى قارسى الۋدى نەگىزگى تاقىرىپ ەتىپ باسپادان شىققان كىتاپتار ارناۋلى سورەگە قويىلىپ ساتىلدى
  • «پارتيانىڭ شۇعىلاسى تيانشاندى نۇرعا بولەدى» ادەبيەت-كوركەمونەر ساۋىق كەشى پارتيا 19-قۇرىلتايىنا تارتۋ ەتىلدى

ءوتىمدى اقپارات

بىزبەن بايلانىس جارناما قىزمەتى لەبىز قالدىرۋ ءبىز تۋرالى