ءتاڭىرتاۋ تورابى   ›   جاڭالىقتار   ›   شۋجي ەستەلىگى

اۆتونوميالى رايوندىق پارتكوم تۇراقتى كوميتەت (كەڭەيتىلگەن) ءماجىلىسىن اشىپ، جاڭ ياڭنىڭ تارتىپكە، زاڭعا اۋىر قايشىلىق جاساۋ ماسەلەسىن، سونداي - اق بۋىنىپ ءولۋ جاعدايىن حابارلاندىردى

  شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى بۇلجىماي ساقتاپ، جەمقورلىققا قارسى تۇرۋ كۇرەسىن ماڭگى جالعاستىراتىن تاباندىلىقپەن جانە قاجىماس قايسارلىقپەن تەرەڭدەي ىلگەرىلەتەيىك

  چىن چۋانگو ءماجىلىستى باسقاردى

  اۆتونوميالى رايوندىق پارتكوم 27 - قاراشا كەشتە تۇراقتى كوميتەتتىڭ (كەڭەيتىلگەن) ءماجىلىسىن اشىپ، ورتالىقتىڭ قاتىستى حۇجاتىنىڭ رۋحىن جەتكىزىپ، جاڭ ياڭنىڭ تارتىپكە، زاڭعا اۋىر قايشىلىق جاساۋ ماسەلەسىن، سونداي - اق بۋىنىپ ءولۋ جاعدايىن حابارلاندىردى. ماجىلىسكە قاتىناسقان جولداستار ءبىر اۋىزدان: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ دۇرىس شەشىمىن باتىل قولدايمىز، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن باستان - اياق وسكەلەڭ ءبىر اۋىزدىلىقتى بۇلجىماي ساقتايمىز، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعايمىز، - دەدى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى.

  ءماجىلىس بىلاي دەپ اتاپ كورسەتتى: جاڭ ياڭمەن ۇيىمدىق سويلەسۋ، ونىڭ دەلوعا قاتىستى ماسەلەسىن تەكسەرىپ انىقتاۋ گو بوشيۇڭ، شۇي سايحوۋلاردىڭ كەسىرىن جاپپاي، تۇبەگەيلى الاستاۋدىڭ ماڭىزدى قۇرامداس بولىگى، پارتيا ستيلى، پاكتىك قۇرىلىسىن جانە جەمقورلىققا قارسى تۇرۋ كۇرەسىن تەرەڭدەي ىلگەرىلەتۋدەگى ماڭىزدى شارا، پارتيانىڭ تۇلعاسىن كىرشىكسىزدەندىرۋدىڭ، اسكەري قوسىندى كىرشىكسىزدەندىرۋدىڭ، جوعارى دارەجەلى كادرلار قوسىنىن كىرشىكسىزدەندىرۋدىڭ تابيعي تالابى، باتىل دا بۇلجىماس، بۇكىلدەي دۇرىس بۇل شارا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارتيانى جاپپاي قاتاڭ جونگە سالۋداعى، ارميانى جاپپاي قاتاڭ جونگە سالۋداعى ايقىن پوزيتسياسىن جانە باتىل بەكىمىن تولىق ايگىلەدى. جاڭ ياڭنىڭ تارتىپكە، زاڭعا اۋىر قايشىلىق جاساۋ ماسەلەسى پارتيا مەن ارميانىڭ ىستەرىنە اۋىر زيان جەتكىزدى، پارتيانىڭ وبرازىنا، ارميانىڭ وبرازىنا، ساياسي قىزمەتتىڭ وبرازىنا، باسشى كادرلاردىڭ وبرازىنا كىر كەلتىردى، ونىڭ ءوزىن مەرت قىلۋ تاسىلىمەن پارتيا ءتارتىبىنىڭ، مەملەكەت زاڭىنىڭ جازاسىنان قاشقالاقتاعان ارەكەتى توتەنشە جيىركەنىشتى بولدى.

  ءماجىلىس بىلاي دەپ اتاپ كورسەتتى: جاڭ ياڭنىڭ تارتىپكە، زاڭعا اۋىر قايشىلىق جاساۋ ماسەلەسىن ۇنامسىز ساباق ەتىپ، ودان ساباق الىپ، عيبىرات ەتىپ، مۇرات - سەنىمدى، باستى ماقساتتى بەكەمدەپ، كوممۋنيستەردىڭ رۋحاني الەمىن باتىل ساقتاپ، ساياسي تانىمدى، جالپى جاعداي تانىمىن، ۇيتقى تانىمىن، ساپ تۇزەۋ تانىمىن شىنايى كۇشەيتىپ، ساياسي ءتارتىپ پەن ساياسي قاعيداعا باتىل بويسۇنىپ، باس شۋجي شي جينپيڭنىڭ پارتيا ورتالىق كوميتەتىندەگى ۇيتقىلىق ورنىن، بۇكىل پارتياداعى ۇيتقىلىق ورنىن باتىل قورعاپ، ساياسي تۇرعى، ساياسي بەتالىس، ساياسي پرينسيپ، ساياسي جول جاعىندا شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاۋ، ءارقانداي ارەكەتتە پارتيا ورتالىق كوميتەتىنىڭ بۇيرىعى مەن قولباسشىلىعىنا بويسۇنۋ كەرەك.

  ءماجىلىس بىلاي دەپ اتاپ كورسەتتى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن مۇقيات ۇيرەنىپ، دايەكتىلەندىرىپ، جەمقورلىققا قارسى تۇرۋ كۇرەسىن ماڭگى جالعاستىراتىن تاباندىلىقپەن جانە قاجىماس قايسارلىقپەن تەرەڭدەي ىلگەرىلەتۋ كەرەك. وسى ارقاۋدى باستان - اياق قاتاڭ، بەرىك شيراتىپ، شينجياڭ بولشەكتەۋشىلىككە قارسى تۇرۋ كۇرەسىنىڭ الدىڭعى شەبى جانە نەگىزگى شايقاس شەبى بولسا دا، لاڭكەستىككە قارسى تۇرىپ، ورنىقتىلىقتى قورعاۋ مىندەتى اۋىر بولسا دا، ءبىراق، پارتيا ستيلى، پاكتىك قۇرىلىسىندا جانە جەمقورلىققا قارسى تۇرۋ كۇرەسىندە ەشقانداي ەرەكشەلەنبەيدى دەيتىن يدەيانى بەرىك ورناتىپ، ءبىر جاعىنان، بولشەكتەۋشىلىككە قارسى تۇرۋ كۇرەسىن يگەرۋگە، ەندى ءبىر جاعىنان، پارتيا ستيلى، پاكتىك قۇرىلىسىن جانە جەمقورلىققا قارسى تۇرۋ كۇرەسىن يگەرۋگە تاباندى بولۋ كەرەك. جەمقورلىققا قارسى تۇرۋ كۇرەسىن مىزعىماس بەرىك بەكىممەن العا ىلگەرىلەتىپ، ءىرىپ - ءشىرۋ بولادى ەكەن، ءسوز جوق، جازالاۋ، جەمقورلىق بولادى ەكەن، ءسوز جوق، الاستاۋ، شەكتەلگەن رايون بولماۋ، جالپى بەتتىك قامتۋ، تيتتەي دە راقىمدىلىق ەتپەۋ، قاتاڭ تيۋ، قاتتى قىسىم ءتۇسىرۋ، توقتاۋسىز ايبار كورسەتۋ، سول ارقىلى پارتيانىڭ تۇلعاسىنا جابىسقان دەرت اتاۋلىنى باتىل، ادا - كۇدە الاستاپ، جەمقورلىققا قارسى تۇرۋ كۇرەسىنىڭ تەگەۋرىندى كۇيىن بەكەمدەپ، جەمقورلىققا قارسى تۇرۋ كۇرەسىنىڭ ۇستەم جەڭىسىنە قول جەتكىزۋ كەرەك.

  ءماجىلىس مىنالاردى اتاپ كورسەتتى: پارتيا 19 - قۇرىلتايىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، وتە - موتە، قوعام ورنىقتىلىعى مەن باياندى تىنىشتىق باس نىساناسىن ىشكەرىلەي دايەكتىلەندىرىپ، تياناقتاندىرىپ، نازاردى باس نىساناعا شوعىرلاندىرىپ، كەشەندى شارالاردى ويداعىداي قولدانىپ، شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى باياندى كوركەيتۋگە تاباندى بولىپ، ىنتىماقتى، جاراسىمدى، گۇلدەنىپ - كوركەيگەن، باي، وركەنيەتتى، العا باسقان، حالقى الاڭسىز تىرشىلىك ەتەتىن جۇڭگوشا سوتسياليستىك شينجياڭ قۇرۋعا قۇلشىنۋ كەرەك.

  شوكىرات زاكىر، نايىم ياسىن، نۇرلان ءابىلماجىن ۇلى، سۇن جينلۇڭ، جۋ حايلۇن، شاۋكەت يمىن، شۇي حايرۇڭ، لي شۋەجۇن، ما شۋەجۇن، تيان ۋىن، لو دۇڭچۋان جانە اۆتونوميالى رايونداعى ورىنباسار ولكە دارەجەلىدەن جوعارى باسشى كادرلار ماجىلىسكە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى