ءتاڭىرتاۋ تورابى   ›   جاڭالىقتار   ›   اۋىل تىنىسى

قابا اۋدانىنداعى ايەلدەر ورايدى مىقتى يگەرىپ، كەستەشىلىكپەن كىرىستەرىن ارتتىردى

     ورال جانىمقان ۇلى حابارلايدى. قابا اۋدانى اقشي قالاشىعى دۇڭچۇان ساۋدا بازارىنا بارا قالساڭىز «ايدىنگۇل ۇلتتىق كەستەحاناسى» دەگەن ۆيۋەسكا ەڭ الدىمەن كوزىڭىزگە شالىنادى. بۇل كەستەشىلىك دۇكەنىندە تىگىلگەنءتۇرلى ويۋلى سىرماق، كەستەلى جاستىق قاپ، كورپە قاپ،ءتۇس كيىز، جاساۋ جابدىق قاتارلى بۇيىمدار كوزدىڭ جاۋىن الادى. ىسىمەر قولدان شىققان ۇلتتىق بۇيىمدار، ۇلگىسىنىڭ جاڭالىعى، ساپاسىنىڭ تولىمدىلىعىمەن الارمانداردى وزىنە بارىنشا باۋراپ وتىر. دۇكەن قوجايىنى ايدىنگۇل سۇلەيمەن قىزى كومەكشىسى ناديرامەن بىرلىكتە الارمانداردىڭ ارنايى زاكاز بەرگەنءتۇرلى قولونەر بۇيىمدارىن ۋاعىندا تىگىپ، كەستەلەپ بەرۋگە قاربالاستانۋدا.

    بيىل 40 تان اسقان ايدىنگۇل سۇلەيمەن قىزى جايىلما اۋىلى قاراعاش قىستاعىنىڭ تۇرعىنى،  كىشكەنتايىنان كەستەشىلىككە جانى قۇمار ول 2006 - جىلى وتباسىنىڭ قولداپ-قۋاتتاۋىندا ءوزى تۇرعان اۋىلدىق تاعانىنان وزىنە ءتان كەستەشىلىك دۇكەنىن قۇرىپ ارنايى كەستەشىلىكپەن  شۇعىلدانا باستايدى.

   ەلپەك تە ەڭبەكشىل ايدىنگۇل كاسىپ كولەمىن ءتىپتى دە كەڭەيتە ءتۇسۋ ءۇشىن، 2013 -جىلى جولداسى ايقىنمەن اقىلداسا كەلىپ 25 مىڭ يۋان قارجى شىعارىپ 6 دانا كەستە تىگۋ ماشينا ساتىپ الىپ، سول جىلى ماۋسىم ايىندا قابا اۋدانى اقشي قالاشىعى دۇڭچۇان ساۋدا بازارىنىڭ ىشىنەن 30 كۆادراتتىق ءۇيدى مايعا الىپ، كەستەشىلىك قىزمەتىن ونان ارى  دامىتادى. ايدىنگۇلدىڭ شەبەر ساۋساعىنان شىققان ۇلتتىق قولونەر بۇيىمدارى كوركەم دە ساپالى، ۇلگىسىنىڭ الۋان تۇرلىلىگىمەن قاريدالاردى باۋراپ، كەستەحانانىڭ كىرىسى كۇن سايىن ارتا تۇسەدى.

   قاريدارلارىنىڭ قاجەتىن ءتىپتى دە قاناعاتتاندىرۋ ءۇشىن ايدىنگۇل جۋىقتا ىشكەرىدەگى كولەمدى زاۆودپەن 150 مىڭ يۋاندىق توقتامعا قول قويىپ، ءتۇرلى رەڭدى ساپالى كيىزدەردى ارنايى دۇكەنىنە كىرگىزىپ، ساۋدا كولەمىن ونان ارى كەڭەيتىپ، اۋدان كولەمىندەگى كەستەحانالاردىڭ قاجەتىن ونان ارى قامداي باستادى.

   تالاپتىعا نۇر جاۋار دەگەندەي ايدىنگۇلدىڭ ۇزبەي  قۇلشىنىس جاساۋىندا، ونىڭ ونەرلى ساۋساقتارىنان شىققان كەستە تۋىندىلارى اۋدان، اۋىلداعى تۇتىنۋشىلاردىڭ جاقسى باعاسىنا يە بولىپ قالماستان، كورشى اۋداننان الارماندار كوپتەپ شىقتى . مىنە بۇگىن ايدىنگۇلدىڭ ىسىمەرلىگى مەن جاپاكەش، ەڭبەكشىلدىگى اۋىل ايەلدەرىنىڭ ۇيرەنۋىنە جانە اۋقاتتانۋ ۇلگىسىنە اينالدى.

ءتىلشىنىڭ قىزمەت ورنى: قابا اۋداندىق راديو- تەلەۆيزيا ستانسياسى

جاۋاپتى رەداكتور : نۇرجان مينۋار قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ءار ۇلت حالقى اۆتونوميالى رايوننىڭ پارتيا 19 - قۇرىلتايىن قارسى الۋداعى «فلاش» قيمىلىنا بەلسەنە قاتىناستى
  • ءۇرىمجى كىتاپحاناسىندا 19-قۇرىلتايدى قارسى الۋدى نەگىزگى تاقىرىپ ەتىپ باسپادان شىققان كىتاپتار ارناۋلى سورەگە قويىلىپ ساتىلدى
  • «پارتيانىڭ شۇعىلاسى تيانشاندى نۇرعا بولەدى» ادەبيەت-كوركەمونەر ساۋىق كەشى پارتيا 19-قۇرىلتايىنا تارتۋ ەتىلدى

ءوتىمدى اقپارات

بىزبەن بايلانىس جارناما قىزمەتى لەبىز قالدىرۋ ءبىز تۋرالى