ءتاڭىرتاۋ تورابى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

ۇيعۇر، حانزۋ «اعالى - قارىنداس» بىرلەسىپ شارۋاشىلىق قۇرعان 14 جىل

  ىلە تىلشىلەر پۋنكتىندەگى ءتىلشىمىز جاڭ چيڭحۋا

  جۇمىستان بوساعان ءساناۋار ميجىت پەن جياڭسۋ ولكەسىنىڭ جاڭجياگاڭ قالاسىنان قۇلجا قالاسىنا تىرشىلىك قامىمەن جۇمىس ىزدەپ كەلگەن حانزۋ تىگىنشى لۋ يوۋشىڭ 14 جىلدىڭ الدىنداعى ءبىر جولعى سەلبەستىكتەن كەيىن، بىرلەسىپ شارۋاشىلىق قۇرۋ جولىن اشتى.

  لۋ ۇستازدىڭ كومەگىندە ءساناۋار ءوزىنىڭ شاعىن تىگىنشىلىك دۇكەنىن ءبىرشاما كولەمدەنگەن ۇلتتىق كيىم - كەشەك تىگۋمەن شۇعىلداناتىن كاسىپورنىنا اينالدىرىپ، 70تەن استام از ۇلت جۇمىسكەرلەرىن قىزمەتكە قابىلدادى، سونداي - اق شينجياڭنىڭ جەر - جەرىنەن «ونەر ۇيرەنۋگە» كەلگەن جاستارعا تەحنيكا ۇيرەتتى.

  ءساناۋار مەن لۋ يوۋشىڭ ءوزارا سەنىم ارتىپ، ءوزارا قول ۇشىن بەرىپ، بىرتە - بىرتە اعالى - قارىنداستاي جاقىن تۋىستارعا اينالدى. كاسىپورىندا جۇمىس ىستەيتىن ۇقساماعان 4 ۇلتتان قۇرام تاپقان قىزمەتكەرلەر «ءبىر ءۇيلى جاندارعا» اينالدى. ول ەكەۋىنىڭ ورتاق ارمانى − وسىنداي ۇلتتىق سۇيىسپەنشىلىكتى ۇزدىكسىز جالعاستىرىپ، اناعۇرلىم كوپ ادامعا ونەر ۇيرەتۋ بولدى.

  22 - قاراشا تۇستەن بۇرىن، لۋ يوۋشىڭ جايشىلىقتاعىداي تىگىن ماشيناسىنىڭ الدىندا جاڭا كەلگەن شاكىرتتەرگە قولما - قول شەبەرلىك ۇيرەتىپ جاتتى. ۇيعۇر، قازاق، وزبەك ۇلتتارىنان قۇرام تاپقان 30دان استام تىگىنشى بويجەتكەن سەحتا قاربالاس جۇمىس ىستەۋدە، ولاردىڭ باسىم كوپ ساندىسى اۋىل - قىستاقتان كەلگەن.

  وسى بويجەتكەندەر لۋ ۇستازدان ءبىر جاعىنان ونەر، ءبىر جاعىنان حانزۋ ءتىلىن ۇيرەنىپ، شەبەرلىگى كۇن سايىن ارتىپ، حانزۋ ءتىلىن دە بارعان سايىن جەتىك سويلەيتىن بولدى.

  لۋ ۇستاز ۇيرەتۋگە كەلگەندە اسا قۇنتتى ادام، بويجەتكەندەر دە ونىڭ ءسوزىن قالت جىبەرمەي مۇقيات ۇيرەندى. ءتۇسىنۋ ءبىرشاما قيىن كاسىپتىك اتاۋ - تەلىمدەرگە كەلگەندە ءساناۋار وزدىگىنەن كەلىپ بويجەتكەندەرگە اۋدارماشى بولىپ ءتۇسىندىرىپ بەرەدى. وسىنداي ىشتەي تۇسىنىسەتىن سايكەسۋدى قۇلجا قالاسى قازانشى ۇلتتىق قولونەر كاسىپ بازاسىنىڭ قۇلجا قالاسى ءتانناز ساۋدا شەكتى جاۋاپكەرلىك سەرىكتەستىگىنىڭ ءوندىرىس سەحىنان ۇنەمى كورەسىز.

  بۇگىنگى كۇندە، ءساناۋار ءتانناز ساۋدا شەكتى جاۋاپكەرلىك سەرىكتەستىگىنىڭ باس مەڭگەرۋشىسى بولسا، 48 جاستاعى لۋ يوۋشىڭ دا سەرىكتەستىكتىڭ كيىم - كەشەك جوبالاۋشىسى، ءپىشۋشىسى ءارى جوعارى تەحنيگىنە اينالدى.

  بۇرىنعى ىلە ءجۇن توقىماشىلىق زاۆودىندا 8 جىل ىستەگەن ءساناۋار 1997 - جىلى جۇمىس ورنىنان بوساعاننان كەيىن، زاۆودتان دولايلاستىرىپ بەرگەن كەزدەمەلەردى ۆەلوسيپەدىنە باسىپ الىپ كوشە - كوشەنى ارالاپ ساتتى. 2002 - جىلى ءجۇن توقىماشىلىق زاۆودىنىڭ اۋلاسىنان قولىنداعى بار جيعان تەرگەنىمەن 15 شارشى مەترلىك شاعىن دۇكەن اشتى، باستابىندا كەزدەمە عانا ساتىپ، كەيىن كەلە شاعىن دۇكەندى ءارى كەزدەمە ساتاتىن، ءارى كيىم - كەشەك تىگەتىن تىگىنشىلىك دۇكەنىنە اينالدىردى.

  ءساناۋار ىسمەر تىگىنشى ۇستازعا ءزارۋ بولىپ تۇرعاندا، تىلەگەنىن بەرگەندەي، لۋ يوۋشىڭعا جولىقتى.

  سونىمەن ەكەۋى بىرلەسىپ شارۋاشىلىق قۇردى.

  «ءبىزدىڭ قولدا تىگىلگەن كيىمدەر ساپالى، باعاسى لايىقتى، تاپسىرىستى دەر كەزىندە بىتىرەمىز، سونىمەن الارماندار بىرتە - بىرتە كوبەيدى»، - دەدى ءساناۋار، ءساناۋار مەن لۋ ۇستاز وسىلايشا ۇنەمى ءبىرىن - ءبىرى شابىتتاندىرىپ، دەم بەرىپ كەلەدى.

  كەيىن كەلە ءساناۋار قالاداعى ءبىرشاما دامىعان اۋماقتان 200 شارشى مەتردەن استام زاۆود ءۇيىن مايلاپ الىپ، 20دان استام قىزمەتكەر قابىلداپ، لۋ يوۋشىڭمەن بىرگە ءبىر جاعىنان، كيىم - كەشەك شارۋاشىلىعىمەن شۇعىلدانىپ، ءبىر جاعىنان، تىگىنشىلىك ۇيرەتتى.

  جۇمىسقا ورنالاستىرۋدى جەبەيتىن ءتۇرلى ساياساتتاردىڭ ىركەس - تىركەس شىعۋىنا ىلەسىپ، قۇلجا قالالىق ايەلدەر بىرلەستىگى مەن ەڭبەك، جۇمىسقا ورنالاستىرۋ تاراۋى شاعىن سومادا قارىز اقشا بەرۋ، اقىسىز تاربيەلەۋ، ىشكى ولكەگە ەكسكۋرسياعا، ۇيرەنۋگە جىبەرۋ سياقتى جولدارمەن ءساناۋاردى جانە ونىڭ كاسىپورنىن قارجى، تەحنيكا جانە باسقارۋ جاعىندا سۇيەمەلدەدى، مۇنان تىس، تاعى ءتۇرلى كورمەلەردى وتكىزىپ، ونىڭ كيىم - كەشەكتەردى ساتۋىنا جول اشىپ بەرىپ، كاسىپورىننىڭ اتاعىن ءتىپتى دە اسىردى.

  بۇگىندە، ءتانناز ساۋدا شەكتى جاۋاپكەرلىك سەرىكتەستىگى قۇلجا قالاسىنداعى تانىمالى ۇلتتىق كيىم - كەشەك وندىرەتىن كاسىپورىنعا اينالدى، جوعارى ساپالى، ورتاشا ساپالى كيىم - كەشەكتەردى، ءساندى كيىمدەردى جوبالاۋ، ءوندىرۋ جاعىندا بەلگىلى كولەم قالىپتاستىرىپ، 6 ارناۋلى ساتۋ دۇكەنىن اشتى.

  ۋاقىت جىلجي كەلە ءساناۋار مەن لۋ يوۋشىڭنىڭ ءۇي ىشىندەگىلەردىڭ قارىم - قاتىناسى بارعان سايىن قويۋلادى. «ءبىز بەينە ءبىر تۋىسقان اعالى - قارىنداستايمىز»، - دەيدى ءساناۋار، ول ءار جىلى وراز ايت، قۇربان ايت كەزدەرىندە لۋ ۇستاز بەن ونىڭ جۇبايىن جانە ولاردىڭ حانزۋ دوستارىن ۇيىنە قوناققا شاقىرىپ كۇتەدى؛ كوكتەم مەرەكەسى كەزىندە ءۇي ىشىندەگىلەردى ەرتىپ لۋ ۇستازدىڭ ۇيىنە شاعانشىلاماي قويمايدى.

  ءساناۋاردىڭ اتا - اناسى دا لۋ يوۋشىڭنىڭ ءۇي ىشىندەگىلەردى جاقسى كورەدى، 2 ءۇي باس قوسۋ وتكىزگەن كەزدەردە ءساناۋاردىڭ شەشەسى لۋ يوۋشىڭدى «مەنىڭ ۇلكەن ۇلىم كەلدى» دەپ ۇنەمى اۋزىنان تاستامايدى.

  جاقىنعى جىلداردان بەرى ءساناۋار مەن ونىڭ كاسىپورنى ىلگەرىندى - كەيىندى اۆتونوميالى رايون، اۆتونوميالى وبلىس، قۇلجا قالاسى جاعىنان تالاي رەت ماداقتالىپ، سيلاندى، ول وسىنىڭ ارقاسىندا ءوزىنىڭ ءتىپتى دە كوپ قوعامدىق جاۋاپكەرلىك ارقالاۋعا ءتيىستى ەكەنىن سەزدى.

  ءساناۋار ءوزىنىڭ بۇگىنگى قول جەتكىزگەن تابىسىن پارتيانىڭ ابزال ساياساتىنان، قوعامداعى ءار سالا، ءار كاسىپتەگىلەردىڭ قولداپ - قۋاتتاۋىنان بولە قاراۋعا بولمايتىندىعىن انىق بىلەدى. «كوپشىلىك ماعان كومەكتەسكەن ەكەن، مەن دە كوپشىلىككە كومەكتەسۋىم كەرەك»، - دەيدى ول. ءساناۋار قۇلجا قالالىق «مەيىربان انالار» ۇيىمىنا قاتىناسۋدان تىس، ءتۇرلى قوعامدىق الەۋمەتتىك يگىلىك قيمىلدارىنا دا بەلسەنە ات سالىسىپ، نەشە ون مىڭ يۋان قارجى شىعارىپ، تۇرمىسىندا قيىنشىلىعى بار ستۋدەنتتەرگە كومەكتەستى، تاعى ۇزاق ۋاقىتتان بەرى قۇلجا قالاسى بايانداي قالاشىعى گانگۇل باستاۋىش مەكتەبىندەگى تۇرمىسىندا قيىنشىلىعى بار 10 بالاعا ۇزبەي كومەكتەسىپ كەلەدى.

  2006 - جىلدان بەرى، ءساناۋاردىڭ كاسىپورنىنىڭ اتاعىن ەستىپ، شينجياڭنىڭ جەر - جەرىنەن ونەر ۇيرەنۋگە كەلگەندەردىڭ سانى 1000نان استى، ءساناۋار تۇرمىسىندا قيىنشىلىعى بار شاكىرتتەردەن وقۋ اقىسىن الماۋمەن بىرگە، جاتىن ورىن مەن تاماقتى دا اقىسىز قامدادى. قازىر ءساناۋاردىڭ كاسىپورنىنان ۇيرەنىپ شىققان شاكىرتتەر وزدەرىنىڭ تىگىنشىلىك ونەرىنە سۇيەنىپ تىرشىلىك جولىن تاپتى.

  تاياۋ جىلداردان بەرى ءبىرقانشا سەرىكتەستىكتەر لۋ يوۋشىڭدى وزىنە تارتۋ ءۇشىن جوعارى ەڭبەكاقى بەرەتىندىكتەرىن، تاماشا شارت - جاعداي جاراتاتىندىقتارىن كوپ ايتسا دا، ونى يلاندىرا المادى. «ەگەر اقشا تابۋدى كوزدەسەم الدەقاشان ىشكى ولكەگە بارۋشى ەدىم»، - دەدى لۋ يوۋشىڭ، ول ۇقساماعان ۇلتتارمەن ورناتقان وسىنداي تەرەڭ سۇيىسپەنشىلىكتى ومىرىندەگى باعا جەتپەس بايلىق دەپ قارايدى.

  ءساناۋار: لۋ ۇستاز مەنىڭ ارقا تىرەگىم، ول بار بولسا، بۇدان بىلايعى شارۋاشىلىق جولىمدا ءتىپتى دە الاڭسىز بولامىن، - دەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى