ءتاڭىرتاۋ تورابى   ›   زاڭ تارازى   ›   زاڭنان كەڭەس

تۇتىنۋشىنىڭ «10 ەسەلەپ تولەم الۋدى» تالاپ ەتۋى جونىندە

  سۇراۋ: 2017 - جىلى ءساۋىر ايىندا بەيجيڭ قالاسى شيچىڭ رايونىنىڭ ماليانداۋداعى ءمالىم ساۋدا سارايىنان 5 قوراپ تەگۋان - يىن شايىن ساتىپ الدىم. ۇيگە بارعان سوڭ شايدىڭ وندىرىلگەن ۋاقىتى جازىلماعانىن بايقاپ، قاتىستى تاراۋلاردان سۇراۋ سالعانىمدا، بۇل شايدى بازارعا سالۋشىلار باسقالاردىڭ ءوندىرىس رۇقسات ءنومىرى مەن تازالىق تولىمدىلىق نومىرىنەن پايدالانىپ وتىرعانىنان حابار تاپتىم، ياعني ولار جالعان زات ساتىپ وتىر ەكەن، ونىمدەرىنىڭ تىم قۇرىعاندا قاشان وندىرىلگەنى دە بەلگىسىز بولىپ شىقتى؛ قاتىستى تاراۋلاردىڭ ساراپتاۋى ارقىلى بۇل شايدىڭ ساپاسى مەملەكەتتىڭ ازىق - تۇلىك حاۋىپسىزدىگى ولشەمىنە جەتپەيتىنى دە انىقتالدى. بىلەيىن دەگەنىم، شايدىڭ قورابى اشىلماعان، پايدالانىلماعان جاعدايدا ساۋدالاۋشىدان «10 ەسە تولەم» تالاپ ەتۋىمە بولا ما؟

  جاۋاپ: «جۇڭحۋا حالىق رەسپۋبليكاسىنىڭ ازىق - تۇلىك حاۋىپسىزدىگى زاڭىنىڭ» 67 - تارماعىندا بىلاي دەپ بەلگىلەنگەن: «الدىن الا قوراپتالعان ازىق - تۇلىكتەردىڭ ەسكەرتپە قاعازى بولۋى كەرەك. وندا مىنالار ەسكەرتىلەدى: (1) اتى، (2) ولشەمى، (3) تازا ماسساسى، (4) وندىرىلگەن ۋاقىتى؛(5) ءوندىرۋ رۇقسات ءنومىرى».

  «جۇڭحۋا حالىق رەسپۋبليكاسىنىڭ ازىق - تۇلىك حاۋىپسىزدىگى زاڭىنىڭ» 148 - تارماعىنىڭ 2 - ابزاسىندا بىلاي دەپ بەلگىلەنگەن: «ازىق - تۇلىك حاۋىپسىزدىگى ولشەمىنە جەتپەگەن ازىق - تۇلىكتەردى ءوندىرۋ نەمەسە ازىق - تۇلىك حاۋىپسىزدىگى ولشەمىنە جەتپەيتىنىن بىلسە دە ازىق - تۇلىكتەردى ساۋدالاۋ جايتى بايقالعاندا تۇتىنۋشى زيانىن تولەتىپ الۋدان تىس، ءوندىرۋشى نەمەسە تيجاراتشىدان ءونىم قۇنىنىڭ 10 ەسەسىندەي نەمەسە زياننىڭ 3 ەسەسىندەي تولەماقى تالاپ ەتۋىنە بولادى...».

  ءسىز ساتىپ العان شايدىڭ قورابىنا وندىرىلگەن ۋاقىتى، تازا ماسساسى، ءونىمنىڭ ولشەمدى ۋاكىلدىك ءنومىرى جازىلماعان، ساۋدالاۋشى باسقا كاسىپورىننىڭ ءوندىرىس رۇقسات ءنومىرى مەن تازالىق تولىمدىلىق ءنومىرىن قولدانعان، بۇل ارەكەت ەلىمىزدىڭ «ازىق - تۇلىك حاۋىپسىزدىگى زاڭىنىڭ» الدىن الا قوراپتالعان ازىق - تۇلىكتەرگە قاتىستى بەلگىلەمەلەرىنە قايشى؛ ساراپتاۋ ارقىلى شايدىڭ ساپاسى مەملەكەتتىڭ ازىق - تۇلىك حاۋىپسىزدىگى ولشەمىنە جەتپەيتىنى دە انىقتالعان. وسىنىڭ ءبارى شايدى ساۋدالاۋ ارەكەتىنىڭ «ازىق - تۇلىك حاۋىپسىزدىگى زاڭىنىڭ» قاتىستى بەلگىلەمەلەرىنە قايشى ەكەنىن، سونداي - اق شايدىڭ ساپاسى ازىق - تۇلىك حاۋىپسىزدىگى ولشەمىنە جەتپەيتىنىن دالەلدەپ وتىر. مۇندايدا شايدى ءوندىرۋشى نەمەسە ساۋدالاۋشى ءونىمىنىڭ زاڭدا بەلگىلەنگەن حاۋىپسىزدىك ولشەمىنە جەتكەنىن دالەلدەپ بەرە الماسا، بۇل ءونىمدى حاۋىپسىزدىك ولشەمىنە جەتپەيدى دەپ قاراۋعا بولادى.

  ەلىمىزدىڭ «ازىق - تۇلىك حاۋىپسىزدىگى زاڭى» تۇتىنۋشىلار 2 ءتۇرلى ۇقىعىن دارىپتەۋىنە بولادى دەپ بەلگىلەگەن، ءبىرى، حاۋىپسىزدىك ولشەمىنە جەتپەگەن ءونىمنىڭ قۇنىن «10 ەسەلەپ تولەتۋ ۇقىعى»، ەندى ءبىرى، وسى سەبەپتى ۇشىراعان زياندى تولەتىپ الۋ ۇقىعى. تۇتىنۋشى ازىق - تۇلىك پەن زياننىڭ سەبەپ - سالدارلىق بايلانىسىن دالەلدەپ بەرە الماسا دا، ءتىپتى زيان تۋىلماعان كۇننىڭ وزىندە دە تۇتىنۋشى 10 ەسە تولەم تالاپ ەتۋگە ۇقىقتى، ياعني زياندالۋ 10 ەسەلەپ تولەم الۋدىڭ العى شارتى ەمەس، سوندىقتان ساۋدالاۋشىدان «10 ەسە تولەم» الۋعا ابدەن قاقىڭىز بار.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ءار ۇلت حالقى اۆتونوميالى رايوننىڭ پارتيا 19 - قۇرىلتايىن قارسى الۋداعى «فلاش» قيمىلىنا بەلسەنە قاتىناستى
  • ءۇرىمجى كىتاپحاناسىندا 19-قۇرىلتايدى قارسى الۋدى نەگىزگى تاقىرىپ ەتىپ باسپادان شىققان كىتاپتار ارناۋلى سورەگە قويىلىپ ساتىلدى
  • «پارتيانىڭ شۇعىلاسى تيانشاندى نۇرعا بولەدى» ادەبيەت-كوركەمونەر ساۋىق كەشى پارتيا 19-قۇرىلتايىنا تارتۋ ەتىلدى

ءوتىمدى اقپارات

بىزبەن بايلانىس جارناما قىزمەتى لەبىز قالدىرۋ ءبىز تۋرالى