ءتاڭىرتاۋ تورابى   ›   جاڭالىقتار   ›   وقۋ-اعارتۋ

شينجياڭ 5 ءىرى شارا قولدانىپ، مەكتەپكە دەيىنگى قوس ءتىل وقىتۋشىسىنان 44 مىڭنان استامىن تولىقتادى

  شينحۋا اگەنتتىگىنىڭ 26 - قاراشادا ۇرىمجىدەن بەرگەن حابارى (ءتىلشى اينۇر). وقىتۋشىلاردىڭ وتە تاپشىلىعى ماسەلەسىن شەشۋ ءۇشىن، بيىل شينجياڭ 5 ءىرى شارا قولدانىپ، تيانشاننىڭ تۇستىگى مەن تەرىستىگىندەگى مەكتەپكە دەيىنگى قوس ءتىل بالاباقشالارىنا 44 مىڭ 500 قوس ءتىل وقىتۋشىسىن تولىقتادى.

  اۆتونوميالى رايوندىق وقۋ - اعارتۋ مەڭگەرمەسىنىڭ تانىستىرۋىنا قاراعاندا، مەملەكەت پەن اۆتونوميالى رايوننىڭ ۇسىنىلىم قوسۋ سەرپىنىنىڭ ۇزدىكسىز كۇشەيۋىنە ساي، بەرتىنگى جىلداردا شينجياڭ مەكتەپكە دەيىنگى قوس ءتىل وقۋ - اعارتۋىن اناعۇرلىم كەڭ كولەمدە، اناعۇرلىم ساپالى جالپىلاستىرعان، ايتسە دە قاتىناستىڭ قولايسىزدىعى، وقىتۋشىلاردىڭ زور مولشەردە كاسىپ اۋىستىرۋى سياقتى فاكتورلاردىڭ شەكتەمەسىنە ۇشىراعاندىقتان، شينجياڭدا، اسىرەسە، قاشقار، حوتان، قىزىلسۋ قىرعىز اۆتونوميالى وبلىسى، اقسۋ سياقتى وڭتۇستىك شينجياڭداعى 3 ايماق، ءبىر وبلىستاعى مەكتەپكە دەيىنگى قوس ءتىل وقۋ - اعارتۋىنا قاجەتتى وقىتۋشىلار سانى جاعىنان تىم تاپشى بولۋ، ساپاسى جاعىنان «قۇرىلىمدىق جەتىسپەۋ» سياقتى ماسەلەلەر ەرەكشە كورنەكتى بولىپ كەلگەن. وسىعان مەڭزەس، شينجياڭ بيىل مەملەكەتتىڭ «مەكتەپكە دەيىنگى قوس ءتىل وقىتۋشىلارىنىڭ ارنايى جۇمىس ورنى جوسپارى»، «اۆتونوميالى رايوننىڭ مەكتەپكە دەيىنگى ارنايى جۇمىس ورنى جوسپارى»، «اۆتونوميالى رايوننىڭ ستۋدەنتتەردىڭ پراكتيكا جاساپ، وقىتۋدى قولداۋ جوسپارى»، «كادرلاردى وقۋ - اعارتۋعا كومەككە تاڭداپ جىبەرۋ جوسپارى»، سونداي - اق ايماق، وبلىستاردىڭ ءوز الدىنا وقىتۋشى قابىلداۋى جانە كادرلاردى وقۋ - اعارتۋعا كومەككە تاڭداپ جىبەرۋى سياقتى شارالاردى قولدانىپ، وڭتۇستىك شينجياڭداعى 3 ايماق، ءبىر وبلىستى جانە اۋىل - قىستاق بالاباقشاسىن ماڭىزدى ءتۇيىن ەتىپ، مەكتەپكە دەيىنگى قوس ءتىل وقىتۋشىلارىنان جيىنى 44 مىڭ 500 ادامدى تولىقتاپ، مەكتەپكە دەيىنگى قوس ءتىل وقىتۋشىلارىنىڭ سانىن 70 مىڭعا جەتكىزىپ، وقىتۋشىلاردىڭ تاپشىلىعى جاعدايىن باسەڭدەتكەن.

  بيىل شينجياڭنىڭ جەر - جەرىندە 4387 اۋىل - قىستاق قوس ءتىل بالاباقشاسى جاڭادان سالىنىپ، كەڭەيتىپ سالىنىپ، اۋىل - قىستاقتاعى بالاباقشاعا تۇسكەن بالانىڭ جالپى سانى ءبىر ميلليون 128 مىڭ 900 ادامعا جەتىپ، اۋىل - قىستاقتا مەكتەپكە دەيىنگى 3 جىلدىق تەگىن قوس ءتىل وقۋ - اعارتۋى تۇگەلدەي جالپىلاستىرىلدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى