ءتاڭىرتاۋ تورابى   ›   بىلگەنگە مارجان   ›   بال داۋرەن

بالامىز وقۋدا ناشارلاسا ولاردى قالاي جەتەكتەۋىمىز كەرەك

  نۇرلان قاناش ۇلى

  ءار قانداي ءبىر اتا – انا بالاسىنىڭ ۇيرەنۋدە ۇزدىك، ءمورالدى ، مۇراتتى، احلاقتى، مىنەز- قۇلقى تاماشا، ىزگى -نيەتتى وقۋشىدان ەتىپ تاربيەلەۋدى ارماندايدى. ءبىراق، ناقتىلى ۇيرەنۋ بارىسىندا بۇنىڭ بارلىعى ويلاعانىمىزداي بولا بەرمەيدى. ال بالامىزدىڭ ۇيرەنۋ ناتيجەسى كۇرت تومەندەگەندە تومەندەگى ءبىرقانشا جاقتاردان ولارعا كومەك قولىمىزدى سوزۋىمىزعا ولار ەرەكشە مۇحتاج.

  ءبىرىنشى، ۇيرەنۋدە ناشارلاي باستاعاندا ولارعا يدەيالىق جاقتان كوپتەپ قولداۋ كورسەتۋىمىز كەرەك. ۇيرەنۋدە ناشارلاعان بالا ءوزىن ىشتەي قور ساناپ، وپىق جەپ، قينشىلىقتى جەڭۋ سەنىمى كۇن ساناپ السىرەيدى دە يدەيالىق جاقتان قاتتى قاربالاستىققا تۇسەدى. بۇل كەزدە اتا-انا ولاردىڭ ەرەكشەلىگىنە قاراي ولاردى كوپتەپ شابىتتاندىرىپ، دەمەپ، يدەيالىق جاقتان جەلپىندىرىپ وتىرۋعا ەرەكشە ءمان بەرۋى كەرەك. وسىلاي ىستەگەندە بالا دا اتا – اناسىنىڭ مەيىرىنە بولەنىپ، ولاردان جىلۋلىق تاپقانداي كوڭىل كۇيدە بولىپ، ۇيرەنۋگە قىزىعاتىن، جاڭالىققا جانى قۇمار ۇزدىك وقۋشى بولۋعا قاراي بۇرىلىس جاسايدى.

  ەكىنشى، اتا-انا بالاسىنىڭ ارتىقشىلىعىن بايقاعان زامان ماداقتاپ، شابىتتاندىرىپ وتىرۋى كەرەك. بۇل ءتۇيىن ەرەكشە ماڭىزدى. ءارقانداي ءبىر بالانىڭ ەرەكشەلىگى تۇرلىشە بولادى. بالاڭىز ۇيرەنۋدە ناشار بولعانىمەن باسقا ءبىر جاعىنان باسقا بالالاردان ىلعارى بولۋى مۇمكىن. ءسىز بالاڭىزدىڭ وسى ەرەكشەلىگىن ءداپ باسىپ بايقاپ، زور قولداۋ كورسەتسەڭىز بالاڭىزدىڭ ۇيرەنۋىندە ءسىز ويلاپ كورمەگەندەي ىلگەرىلەۋشىلىك بولارى داۋسىز.

  ءۇشىنشى ، ولاردى وڭاي ماسەلەلەردى ءبىر جايلى ەتكىزىپ، قارپايىم بىرەر ءىستى ىستەتۋ ارقىلى ولاردىڭ تابىسقا جەتۋ سەنىمىن بەكەمدەۋ. ءسىز بالاڭىزدىڭ شاماسى، قابىلەتى تولىق جەتەتىن ءىستى ىستەتسەڭىز وزىنە بولعان سەنىمى ارتىپ، ۇمىتكەرلىك كوزقاراس ورناتىپ، سەنىمى بەكەمدەلە تۇسەرى داۋسىز.

  ءتورتىنشى، بالاعا بولعان سەنىمىمىزدى بارىنشا كۇشەيتۋىمىز كەرەك. اتا-انالار بالانىڭ قىزىعۋ اۋەسىنە، ەرەكشەلىگىنە جانە ءار جاقتاعى بەلسەندىلىگىنە قاراتا وقىتۋشىمەن كوبىرەك پىكىر الماستىرىپ وتىرۋى كەرەك. سونىمەن بىرگە، بالامىزعا وسى كلاس كوللەكتيۆىندەگى ورىنىنىڭ ماڭىزدىلىعىن، وقىتۋشىنىڭ ماداقتاعانىن، ساباقتاستارىنىڭ دا ءوزىن ەرەكشە جاقسى كورەتىندىكتەرىن بالاعا ۇعىندىرۋ ارقىلى، كلاس كوللەكتيۆىندەگى ابىرويىن اقىرىن – اقىرىن تىكتەۋ ارقىلى ولاردىڭ ۇيرەنۋگە بولعان قىزعىندىلىعىن بارىنشا جوعارىلاتۋ كەرەك.

  بەسىنشى، ۇلگىلىك تيىپتەگى ماتەريالداردى كوپتەپ كورسەتۋ ارقىلى ولاردىڭ ۇيرەنۋىنە شابىت بەرۋ. كەيبىر وقۋشىلار ۇلى ادامداردىڭ اڭگىمەسىن وقۋدى، عالىمداردىڭ ءومىر بايانىن، عىلىم جولىنداعى باسىپ وتكەن بۇراڭدىقتارىن بىلۋگە، ال كەيبىرەۋى قاھارمانداردىڭ ىزگى ىستەرىن ءبىلۋدى ۇناتادى. اتا-انا بالانىڭ جوعارىداعى قىزىعۋ اۋەسىنە قاري كىتاپ الىپ بەرىپ، ولارعا ءبىلىم يگەرۋدىڭ ماڭىزدىلىعىن جىڭىشكەلىكپەن ۇعىندىرىپ وتىرۋ كەرەك.

  دەمەك، بالانىڭ ۇيرەنۋدە ناشارلاۋى ءبىر مەزەتتىك ءىس. ول بالاڭىزدىڭ بۇكىل ءومىرىن بەينەلەۋى ناعايبىل. اتا - انا، وقىتۋشى مەن بالا تىعىز سايكەسەتىن بولسا، ۇيرەنۋ بارىسىندا ساقتالعان قينىشىلىق بىرتىندەپ جەڭىلدەپ، بالاڭىزدىڭ ەڭ ۇزدىك بولىپ شىعاتىنا سەنىڭىز.

  اۆتوردىڭ قىزمەت ورنى: قۇتىبي اۋدانى تورعايتى قالاشىق باستاۋىش مەكتەپ

جاۋاپتى رەداكتور : نۇرجان مينۋار قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ءار ۇلت حالقى اۆتونوميالى رايوننىڭ پارتيا 19 - قۇرىلتايىن قارسى الۋداعى «فلاش» قيمىلىنا بەلسەنە قاتىناستى
  • ءۇرىمجى كىتاپحاناسىندا 19-قۇرىلتايدى قارسى الۋدى نەگىزگى تاقىرىپ ەتىپ باسپادان شىققان كىتاپتار ارناۋلى سورەگە قويىلىپ ساتىلدى
  • «پارتيانىڭ شۇعىلاسى تيانشاندى نۇرعا بولەدى» ادەبيەت-كوركەمونەر ساۋىق كەشى پارتيا 19-قۇرىلتايىنا تارتۋ ەتىلدى

ءوتىمدى اقپارات

بىزبەن بايلانىس جارناما قىزمەتى لەبىز قالدىرۋ ءبىز تۋرالى