ءتاڭىرتاۋ تورابى   ›   جاڭالىقتار   ›   باتىل ءۇن قاتىپ، ايقىن پوزيتسيا ءبىلدىرۋ

جاڭا ءداۋىردى ەستەلىككە الىپ، تىڭ تابىستى ايگىلەيمىز

شينجياڭ گازەتى مەكەمەسى پارتكومىنىڭ مۇشەسى، ورىنباسار باس رەداكتور

تەگىس زايبەك ۇلى

  مەن جەمەنەي اۋدانىنداعى قاراپايىم قازاق وتباسىندا دۇنيەگە كەلدىم، پارتيانىڭ قامقورلىعىندا ۇيرەنۋ جانە قىزمەت ىستەۋ ورايىنا قول جەتكىزىپ، پارتيانىڭ تاربيەلەۋى مەن باۋلۋىندا بىرتىندەپ پارتيالى كادر بولىپ جەتىلدىم. ومىرىمدە ەڭ ماقتانىش سەزىنەتىن ءىسىم − جۇڭگو كوممۋنيستىك پارتياسىنا مۇشە بولعاندىعىم، ەڭ رازى بولاتىن ءىسىم − مەملەكەتتە ءبىر تۇتاس قولدانىلاتىن ءتىل - جازۋدى ۇيرەنىپ، يگەرگەندىگىم بولدى. اقپارات شەبىندە قىزمەت ىستەگەن نەشە ون جىلدا شينجياڭنىڭ زور وزگەرىسىن باسىمنان وتكەرىپ، كۋا بولدىم. اسىرەسە، پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ىقىلاستى قامقورلىعىندا، باۋىرلاس ولكە، قالالاردىڭ قالتقىسىز كومەگىندە تيانشاننىڭ تۇستىگى مەن تەرىستىگىندە تەرەڭ دە تەبىرەنەرلىك تاريحي وزگەرىستەر تۋىلدى. مەن قىزمەت بارىسىندا «پارتيانىڭ مەيىرى اتا - انانىڭ مەيىرىنەن دە تەرەڭ»، «وتان دەپ سوققان جۇرەك»، «اقىماش استاناعا اتتاندى» سياقتى قىرۋار ساپالى حابار - ماقالالار جازدىم، اۆتونوميالى رايوندىق پارتكومنىڭ پارمەندى باسشىلىعىندا، ءار ۇلت بۇقاراسىنىڭ ۇلتتار ىنتىماعىن باتىل قورعاعاندىعىنا، وتاندى ءسۇيىپ، زاڭعا بويسۇنىپ، كورىكتى مەكەنىن قورعاعاندىعىنا، شينجياڭ قىزمەتىنىڭ باس نىساناسىن تاباندىلىقپەن باتىل تياناقتاندىرعاندىعىنا قاتىستى قىرۋار اقپارات تۋىندىلارىن رەداكسيالاپ، جاريالاپ، ءار ۇلت كادرلارى مەن بۇقاراسىنىڭ پارتياعا، ۇلى وتانعا دەگەن العىس ءۇنىن، قولداۋ ءۇنىن، مەملەكەت پەن حالىققا دەگەن ادالدىق ءۇنىن، جاۋاپكەرلىك ءۇنىن، «ءۇش ءتۇرلى كۇشپەن» باتىل كۇرەسۋدەگى اقيقات ءۇنىن جەتكىزدىم.

  قازىر شينجياڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋدىڭ، جاپپاي دوڭگەلەك داۋلەتتى قوعام قۇرۋدىڭ شەشۋشى ساتىندە تۇر، بۇل ءبىز سياقتى اقپارات قىزمەتكەرلەرىنە ءتىپتى جوعارى تالاپ قويۋدا. اقپارات شەبىندە ۇزاق ۋاقىت قىزمەت ىستەگەن از ۇلت پارتيالى كادر رەتىندە، وزىندىك باسىمدىعىمدى ساۋلەلەندىرىپ، قالىڭ اقپارات قىزمەتكەرلەرىمەن بىرگە ماڭىزدى ساتتەردە باتىل ءۇن قاتىپ، ايقىن پوزيتسيا ءبىلدىرىپ، ءار ۇلت بۇقاراسىن قىراعىلىقتى ارتتىرىپ، دۇرىس پەن بۇرىستى ايىرىپ، «ءۇش ءتۇرلى كۇشپەن» باتىل كۇرەسىپ، لاڭكەستىككە قارسى تۇرىپ، ورنىقتىلىقتى قورعاۋ شايقاسىندا تۋ ۇستاۋعا، اتويلاپ العا شىعۋعا، باستاماشى بولۋعا جەتەكشىلىك ەتۋ جاۋاپكەرلىگىم، بورىشىم بار.

  كەزەكتەگى جانە مۇنان بىلايعى قىزمەتتە ساياسيدى دارىپتەۋدى ماڭداي الدى تالاپ ەتىپ، ساياسي تانىمدى، جالپى جاعداي تانىمىن، ۇيتقى تانىمىن، ساپ تۇزەۋ تانىمىن شىنايى كۇشەيتىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى اناعۇرلىم سانالىلىقپەن ساقتاپ، يدەيادا ۇيتقىنى مويىندايمىن، ساياسيدا ۇيتقىنى قورعايمىن، ۇيىمدىق جاقتا ۇيتقىعا بويسۇنامىن، ارەكەتتە ۇيتقىعا تىعىز ىلەسەمىن. شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن وي - سانامدى قارۋلاندىرىپ، گازەتتى ساياساتشىلار شىعارۋ تالابىنان جازباي، دۇرىس قوعامدىق پىكىر بەتالىسىن مىقتاپ يگەرەمىن. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن قۇلشىنا ۇيرەنەمىن، ۇگىتتەيمىن، پارتيا ورتالىق كوميتەتىنىڭ شينجياڭداعى ءار ۇلت بۇقاراسىنا كوڭىل بولگەندىگىن، قامقورلىق جاساعاندىعىن بارىنشا ۇگىتتەيمىن، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ شينجياڭداعى تابىستى امالياتىن بارىنشا ۇگىتتەيمىن. ساياسي تارتىپكە، ساياسي قاعيداعا قاتاڭ بويسۇنىپ، قاتە كوزقاراستارعا تۋىم ايقىن تۇردە قارسى تۇرامىن جانە ونى تەجەيمىن. ساياسيدا، مازمۇندا، تارتىپتە، تەحنيكادا وتكەلدى جاقسى مەڭگەرىپ، شەكتى ويداعىداي يگەرىپ، اقپاراتتىق قوعامدىق پىكىردىڭ تاراتۋ قۋاتىن، جەتەكشىلىك قۋاتىن، ىقپالىن، الەۋمەتتىك سەنىمدىلىگىن شىنايى جوعارىلاتىپ، نەگىزگى اۋەندى اسقاقتاتىپ، وڭ ەنەرگيا تاراتامىن. اۆتونوميالى رايوندىق پارتكومنىڭ حالىق تۇرمىسىن قامتاماسىز ەتۋ جانە جاقسارتۋ، كەدەيلىكتەن قۇتىلدىرۋدان قامال الۋ، ۇلتتار ىنتىماعىن كۇشەيتۋ سياقتى كەلەلى ورنالاستىرۋلارى مەن قول جەتكىزگەن كورنەكتى ناتيجەلەرىن ىشكەرىلەي ۇگىتتەيمىن؛ ءار ۇلت كادرلارى مەن بۇقاراسىنىڭ ەكونوميكالىق، قوعامدىق دامۋعا بەلسەنە ات سالىسقان جاندى امالياتىن ۇگىتتەپ، ءار ۇلت كادرلارى مەن بۇقاراسىنىڭ شينجياڭ قىزمەتىنىڭ باس نىساناسىن ىسكە اسىرۋداعى سەنىمى مەن بەكىمىن اناعۇرلىم بەكەمدەيمىن. ىنتىماقتىلىققا، ورنىقتىلىققا تالپىنۋدان، ۇنامدى جاقتان ۇگىتتەۋدى نەگىز ەتۋدەن جازباي، سوتسياليستىك وزەكتى قۇن كوزقاراسى مەن جۇڭحۋا ۇلتىنىڭ ۇلى گۇلدەنۋىندەي جۇڭگو ارمانىن ورىنداۋ جونىندەگى ۇگىت - تاربيەنى ىشكەرىلەي ورىستەتەمىن. پارتيا گازەتىنىڭ از ۇلت تىلىندەگى ماقالالاردى سوڭعى قاراۋشى رەتىندە، مەن يدەولوگيا سالاسىنداعى بولشەكتەۋشىلىككە قارسى تۇرۋ كۇرەسىنىڭ مىندەتىن، بورىشىن ىرىقتىلىقپەن ارقالاپ، قاتە يدەيالاردىڭ جەلىكتىرۋىنە ۇشىراماي، تار ءورىستى ۇلتشىلدىق يدەيانىڭ شىرعاسىنا تۇسپەي، كورنەۋدە ءبىر ءتۇرلى، كومەسكىدە ءبىر ءتۇرلى بولاتىن، كورىنىستە بويسۇنعانسىپ، كومەسكىدە قايشى كەلەتىن «ەكىبەتكەيلەردى» پارىقتاۋدا شەبەرلىك تانىتىپ، كۇڭگىرت تانىمدار جونىنەن كوزقاراستى باتىل ايقىنداپ، قاتە كوزقاراستارعا قارسى باتىل ءۇن قاتىپ، ايقىن پوزيتسيا بىلدىرەمىن.

  مىندەت پەن بورىشتى ەستە بەرىك ساقتاپ، پارتيا 19 - قۇرىلتايىنىڭ رۋحىن باستاماشىلدىقپەن ۇيرەنىپ، ۇگىتتەپ، دايەكتىلەندىرىپ، ساياسيدا اڭعارلى، سەنىمى بەكەم، ارەكەتى سانالى، قىزمەتتە شوگەل، ستيلدە شىنايى، كىرشىكسىز ادام بولۋعا تالپىنىپ، «4 تانىمدى» مىقتاپ ورناتىپ، «4 سەنىمدى» بەكەمدەپ، مىندەت پەن بورىشتى ەستە بەرىك ساقتاپ، جاڭا ءداۋىردى ەستەلىككە الىپ، تىڭ ىسكەرلىك تانىتىپ، دامۋعا تالپىنىپ، ورنىقتىلىققا قۇلشىنىپ، ءار ۇلت كادرلارى مەن بۇقاراسىنىڭ جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ورىنداۋ ءۇشىن ىنتىماقتاسا كۇرەسكەن ماداق جىرىن جىرلايمىن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى