ءتاڭىرتاۋ تورابى   ›   جاڭالىقتار   ›   باتىل ءۇن قاتىپ، ايقىن پوزيتسيا ءبىلدىرۋ

اۋەلگى ماقساتتى ۇمىتپاي، پارتيانىڭ مەيىر - شاپاعاتىنا العىس ايتىپ، پارتياعا ىلەسىپ، ماڭگى العا باسامىن

كەلپىن اۋداندىق بىرلىكساپ، ۇلت،ءدىن ىستەرى بىرلەسكەن پارتيا ياچەيكاسىنىڭ ورىنباسار شۋجيى، ۇلت - ءدىن ىستەرى كوميتەتىنىڭ مەڭگەرۋشىسى

اميرجان تيلام

  مەن بيىل 47 جاستامىن، قارشادايىمنان پارتيانىڭ نۇر شۇعىلاسىنا شومىلىپ، وتان ۇلى شاڭىراعىنىڭ مەيىر - شاپاعاتىنا بولەندىم. پارتيانىڭ تاربيەلەۋىندە، باۋلۋىندا ەسەيىپ - ەرجەتىپ پارتيالى كادر بولدىم. ءوزىمنىڭ ەسەيۋ بارىسىما قايىرىلا زەر سالعانىمدا، پارتيانىڭ قامقورلىعى مەن باۋلۋى بولماسا، ەسەيىپ - ەرجەتىپ، العا باسۋىمنىڭ بولمايتىنىن؛ جۇڭگو كوممۋنيستىك پارتياسى مەن ۇلى وتان بولماسا، ءبىزدىڭ شينجياڭنىڭ قازىرگىدەي گۇلدەنۋىنىڭ، دامۋىنىڭ جانە ءار ۇلت بۇقاراسىنىڭ باقىتتى تۇرمىسىنىڭ بولمايتىنىن جەتە ءتۇسىندىم.

  پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى قاي - قاشان دا شينجياڭداعى ءار ۇلت بۇقاراسىنا كوڭىل ءبولىپ، قامىن ويلاپ، شينجياڭنىڭ ەكونوميكالىق، قوعامدىق دامۋىن قولدايتىن ءبىرسىپىرا ءتيىمدى ساياسات بەلگىلەدى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ دەن قويا قولداۋىندا شينجياڭنىڭ ەكونوميكالىق، قوعامدىق ىستەرىندە شىت جاڭا وزگەرىستەر جارىققا شىقتى. اتاپ ايتقاندا، شينجياڭ تاريحتاعى ەڭ تاماشا دامۋ مەزگىلىندە تۇر، ءار ۇلت بۇقاراسىنىڭ ءوندىرىس، تۇرمىس ورەسى ۇزدىكسىز جوعارىلادى، ىشەر اس، كيەر كيىم، تۇرارجاي، قاتىناس جاقتارىندا بۇرىنعىمەن سالىستىرعاندا وتە زور وزگەرىس بولدى. قازىر ديقاندار ەگىن ەكسە مەملەكەت ءتۇرلى قوسىمشا قاراجات بەرەدى، ءار ۇلت بۇقاراسى جالپى حالىقتىڭ دەنساۋلىعىن تەگىن تەكسەرۋ سياقتى حالىققا ءتيىمدى ءبىر قىدىرۋ ساياساتتاردان يگىلىكتەنەتىن بولدى. كومپارتيا بولماسا، ءبىزدىڭ قازىرگىدەي باقىتتى تۇرمىسىمىز بولماس ەدى، پارتيانىڭ حالىققا ءتيىمدى ساياساتتارى قالىڭ حالىق بۇقاراسىنىڭ تۇرمىستا تارىقپاي، الاڭسىز تىرشىلىك ەتۋىنە، كۇن كورىستەرىنىڭ جىلدان - جىلعا جاقسارۋىنا مۇمكىندىك جاراتتى.

  باس شۋجي شي جينپيڭ بىلاي دەپ اتاپ كورسەتتى: «شينجياڭداعى ەڭ ۇزاق ۋاقىتتىق ماسەلە ءالى دە ۇلتتار ىنتىماعى ماسەلەسى». بۇل جونىندە مەندە تەرەڭ تۇسىنىك بار، ويتكەنى مەن كىشكەنتايىمنان ءار ۇلت بالالارىمەن بىرگە ويناپ، بىرگە وقىپ، بىرگە ەرجەتىپ، ولارمەن بىرگە تۋىسقانداي بولىپ كەتتىم. مەرەكە - مەيرامداردا ءبىر - ءبىرىمىزدىڭ ۇيىمىزگە قىدىرىپ، قۇتتى بولسىن ايتاتىنبىز. ءبىز تۇرعان الەۋمەتتىك اۋماقتا ۇلتتار ىنتىماعىنىڭ، جاراسىمدىلىقتىڭ، دوستىق سۇيىسپەنشىلىكتىڭ لەبى ەسىپ تۇراتىن.

  ىنتىماق، ورنىقتىلىق − قۇت، بولشەكتەۋشىلىك، بىلىقپالىق − جۇت. ۇلتتار ىنتىماعى ءار ۇلت حالقىنىڭ جان تامىرى، ۇلتتىق بولشەكتەۋشىلىككە قارسى تۇرۋ، وتاننىڭ تۇتاستىعىن قورعاۋ، ىتىماقتى، جاراسىمدى، گۇلدەنىپ - كوركەيگەن، باي، وركەنيەتتى، العا باسقان، حالقى الاڭسىز تىرشىلىك ەتەتىن جۇڭگوشا سوتسياليستىك شينجياڭ قۇرۋ − شينجياڭداعى ءار ۇلت كادر - جۇرتشىلىعىنىڭ شىنايى ارمانى جانە ورتاق تىلەگى. نەگىزگى ساتىداعى پارتيالى كادر رەتىندە، مەن «5 ورتاق تانىمدى» شىن مانىندە كۇشەيتىپ، «ءۇشتىڭ ءبىر - بىرىنەن ايرىلا الماۋ» يدەياسىن بەرىك ورناتىپ، ۇلتتار ىنتىماعى ۇلى تۋىن بيىك كوتەرىپ، ۇلتتار ىنتىماعىن كوز قاراشىعىمداي ايالاپ، ۇلتتار ىنتىماعىن ءومىرىمدى قاستەرلەگەندەي قاستەرلەپ، قاي - قاشان دا ۇلتتار ىنتىماعىنىڭ ۇلگىسى جانە جەتەكشىسى بولامىن. مەن ءار ۇلت كادرلارى مەن جۇرتشىلىعى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، اۆتونوميالى رايوندىق پارتكومنىڭ شەشىمدەرىن، ورنالاستىرۋلارىن دايەكتىلەندىرىپ، تياناقتاندىرىپ، ءبىر نيەتتە ىنتىماقتاسىپ، جۇمىلا كۇرەس جۇرگىزگەندە عانا، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن، ءسوزسىز، جۇزەگە اسىرا الاتىندىعىنا كامىل سەنەمىن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى