ءتاڭىرتاۋ تورابى   ›   زاڭ تارازى   ›   قوعام قويناۋىنان

بەتالدى كەسكىنگە ءتۇسىرىپ، ينتەرنەت جەلىسىنە شىعارۋعا بولمايدى

جاقىندا «شينجياڭ گازەتىنىڭ» ءبىر وقىرمانى (اتى - ءجونىن جازباعان) رەداكسياعا حات جازىپ، مىناداي ءبىر تۇيتكىلدى ماسەلەنى ورتاعا سالىپتى: سوڭعى كەزدەرى ادامداردىڭ تۇرمىس ورەسىنىڭ جاقسارۋىنا ساي، جۇرتتىڭ ءبارى كەسكىنگە تۇسىرۋگە جانە ينتەرنەتكە قوسىلۋعا يقۋاتتى قول تەلەفوندار ۇستايتىن بولدى. ءبىر جەرگە سەيىلدەپ بارسا دا، جاقسى تاماق ىشسە دە جەلىگە شىعارۋدى ادەتكە اينالدىرعان جۇرتقا ۋيچاتتىڭ دوستار شەڭبەرى ءتىپتى بولىپ بەردى. قيا باسقانىن قالت جىبەرمەي شەڭبەرشەككە شىعارىپ وتىرادى. ءتىپتى، كەيبىرەۋلەردىڭ ىڭعايسىز جاعدايدا وتىرعانىن نەمەسە توي - تومالاقتا بيلەپ، ەركىنىرەك جۇرگەنىنە دەيىن شەڭبەرگە نەمەسە توپتارعا جولدايدى. مۇنى جات نيەتتەگى كەيبىر ادامدار ءتىپتى جالاۋلاتىپ، بىرەۋدەن - بىرەۋگە جىبەردى. مۇنىڭ سوڭى رەنىشتەرگە، وتباسىلىق كيكىلجىڭدەرگە ۇلاسىپ جاتقانى دا جوق ەمەس. بىلەيىن دەگەنىم، بىرەۋدىڭ رۇقساتىنسىز سىرتىنان كەسىكىنگە الىپ جەلىگە شىعارۋعا، كەلەمەجدەۋگە زاڭدىق جاقتان توسقاۋىل قويۋعا بولار ما؟
   وقىرمانىمىز ورتاعا سالعان بۇل ماسەلە ءىشىنارالىق بولسا دا، قوعامدىق ورتادا ورىن الىپ وتىرعان ماسەلە ەكەنى راس. ناعىن ايتقاندا، بۇل كەلەڭسىزدىكتى زاڭدىق تيىمنان گورى، ازاماتتىق ءمورالدى دارىپتەۋ ارقىلى دا الدىن الۋعا بولادى. دەي تۇرعانمەن، ازاماتتاردىڭ زاڭدىق تانىمىن ايقىنداپ، ورىنسىز كيكىلجىڭدەردىڭ الدىن الۋ ءۇشىن، بۇل ماسەلەنىڭ زاڭعا ساياتىن جاقتارىن دا وقىرماندار نازارىنا سالا كەتۋ ماقساتىندا شينجياڭ باياندى ادۆوكاتتار ورنىنىڭ جاۋاپتىسى ناعاشىبەك ۇركىنباي ۇلىن زاڭدىق تۇرعىدان كەڭەس بەرۋگە شاقىردىق.
   ناعاشىبەك ۇركىنباي ۇلى: جەكەلەردىڭ الەۋمەتتىك ورىندارداعى نەمەسە باسقا دا جەرلەردەگى قيمىل - ارەكەتىن ونىڭ رۇقساتىنسىز بەينەجازباعا، فوتوعا ءتۇسىرىپ، جەلىگە شىعارۋ زاڭعا قايشى، ءمورالدىق داستۇرگە دە جات. زاڭدىق تۇرعىدان العاندا، مۇنداي ارەكەتتەر «جۇڭحۋا حالىق رەسپۋبليكاسىنىڭ نەگىزگى زاڭىنا»، «ازاماتتىق زاڭىنىڭ جالپى ەرەجەلەرىنە»، «ۇقىققا سۇعاناقتىق جاساۋ جاۋاپكەرشىلىگى زاڭىنا»، «ينتەرنەت حاۋىپسىزدىگى زاڭىنا»، «ازاماتتاردىڭ كىسىلىك ۇقىق، اتاق - ابىروي جونىندەگى ەڭ جوعارى حالىق سوتى مەكەمەسىنىڭ ءبىرقانشا ءتۇرلى تۇسىندىرمەلەرىنە» بۇكىلدەي قايشى. ەلىمىزدىڭ قاتىستى زاڭدارىندا جەكەلەردىڭ كىسىلىك ۇقىعى، اتاق - ابىروي ۇقىعى، پورترەت ۇقىعى، سۋرەت ۇقىعى... زاڭ جاعىنان قورعالاتىنى انىق بەلگىلەنگەن. 2017 - جىلى قازان ايىنان باستاپ اتقارىلعان «ازاماتتىق زاڭىنىڭ جالپى ەرەجەلەرىندە»: «جەكەلەردىڭ جەكەلىك ۇقىق، كىسىلىك قۇپيالىعى زاڭ جاعىنان قاتاڭ قورعالادى» دەپ قاتاڭ بەلگىلەندى. مىنە وسى زاڭدارعا نەگىزدەلگەندە، بىرەۋدىڭ رۇقساتىنسىز ونىڭ بيلەپ جۇرگەن، ۇيىقتاپ وتىرعان، ماس بولىپ جۇرگەن نەمەسە باسقا دا جاعدايلارىن كەسىكىنگە ءتۇسىرىپ، ونى جەلىگە شىعارسا، بۇل ونىڭ اتاق - ابىرويىنا، كىسىلىك ۇقىعىنا، پورترەت ۇقىعىنا سۇعاناقتىق جاساعاندىق سانالادى ءارى زاڭ بويىنشا جاۋاپكەرشىلىگى قۋزاستىرىلادى.
   ەگەر ءمالىم ءبىر ادام بىرەۋدىڭ رۇقساتىنسىز ونىڭ قيمىل - ارەكەتىن كەسكىنگە ءتۇسىرىپ، جەلىگە شىعارسا، زاڭدىق تۇرعىدان العاندا، ەڭ الدىمەن، ول سۇعاناقتىق ارەكەتىن توقتاتىپ، جەلىگە شىعارعان كەسكىندى ءوشىرۋى كەرەك. ەكىنشىدەن، گازەت - جۋرنال سياقتى باسىلىمداردا اشىق كەشىرىم سۇراۋى كەرەك. ۇشىنشىدەن، قارسى جاقتىڭ مۇددەسىنە زيان كەلتىرگەن بولسا، ونى تولەۋى كەرەك.
  سوڭعى جىلدارى ەلىمىز زاڭدارىنىڭ ۇزدىكسىز كەمەلدەنۋىنە ساي، ادامداردىڭ كىسىلىك ۇقىعىن دا زاڭ ارقىلى قورعاۋ تەبىنى كۇشەيتىلدى. اتاپ ايتقاندا، ازاماتتاردىڭ مال - مۇلىك ۇقىعى قورعالىپ عانا قالماستان، اتاق - ابىروي ۇقىعىن، پورترەت ۇقىعىن، جەكە قۇپيالىعىن دا زاڭ جاعىنان قورعاۋعا ءتىپتى دە دەن قويىلدى. دەمەك، بىرەۋدىڭ ەمىن - ەركىن جۇرگەن جاعدايىن ماقساتتى جانە ماقساتسىز تۇردە نەمەسە قالجىڭداپ، قىزىق ءۇشىن بولسا دا ينتەرنەت جەلىسىنە شىعارۋ ازاماتتاردىڭ اتاق - ابىروي ۇقىعىنا، پورترەت ۇقىعىنا، جەكە قۇپيالىق ۇقىعىنا سۇعاناقتىق جاساۋعا سايادى. ەگەر ءسىز كەسكىنگە ءتۇسىرىپ، جەلىگە شىعارعان ادام نارازىلىق تانىتىپ، زاڭ ورىندارىنا ارىزداناتىن بولسا، قاتىستى ورىندار ارىزدانۋشىنىڭ ۇقىق - مۇددەسىن قورعاۋ ماقساتىندا مۇنىڭ جاۋاپكەرشىلىگىن زاڭ بويىنشا قۋزايدى.
   ءمورالدىق تۇرعىدان العاندا دا، بىرەۋدىڭ رۇقساتىنسىز ونىڭ سۋرەتىن نەمەسە بەينە جازباسىن دۇيىم جۇرت قاراپ وتىرعان ينتەرنەت جەلىسىنە سالۋ ۇلكەن قۇرمەتسىزدىك سانالادى. اسىرەسە، ىڭعايسىز جاعدايىن نەمەسە ەمىن - ەركىن جۇرگەن شاقتاعى جۇرت نازارىن اۋداراتىنداي ارەكەتىن كورسەتۋ ءۇشىن، جەلىگە شىعارۋ سول ادامنىڭ قوعامدىق ورتاداعى بەت - بەدەلىنە، وبرازىنا نۇقسان كەلتىرەتىنى انىق. سوندىقتان بىرەۋدىڭ ارەكەتىن قىزىق كورىپ، كەسكىنگە ءتۇسىرىپ، جەلىگە شىعاراردا ونىڭ سوڭعى زاردابىن دا ويلاعان ابزال.   

 كەڭەستى ازىرلەگەن: قالياكبار ۇسەمقان ۇلى

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ءار ۇلت حالقى اۆتونوميالى رايوننىڭ پارتيا 19 - قۇرىلتايىن قارسى الۋداعى «فلاش» قيمىلىنا بەلسەنە قاتىناستى
  • ءۇرىمجى كىتاپحاناسىندا 19-قۇرىلتايدى قارسى الۋدى نەگىزگى تاقىرىپ ەتىپ باسپادان شىققان كىتاپتار ارناۋلى سورەگە قويىلىپ ساتىلدى
  • «پارتيانىڭ شۇعىلاسى تيانشاندى نۇرعا بولەدى» ادەبيەت-كوركەمونەر ساۋىق كەشى پارتيا 19-قۇرىلتايىنا تارتۋ ەتىلدى

ءوتىمدى اقپارات

بىزبەن بايلانىس جارناما قىزمەتى لەبىز قالدىرۋ ءبىز تۋرالى