ءتاڭىرتاۋ تورابى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

«ىنتىماقتىڭ مەيىرىن ۇرپاقتان - ۇرپاققا جالعايمىز»

  قابا اۋدانىنا قوڭىر كۇز كەلىپ، سالقىن تارتىسىمەن الا جازداي وندىرىسپەن قاربالاس بولعان شارۋالاردىڭ قولى بوساي قالدى. ءبىراق شينجياڭ ءوندىرىس - قۇرىلىس بيڭتۋانى 10 - ديۆيزياسى 185 - پولك 8 - روتاسىنىڭ جۇمىسشىسى يان دىجىن ونان ارى قاربالاستاپ كەتتى، ول ۇنەمى قابا اۋدانى ساربۇلاق قالاشىعى القابەك، قىزىلقايىڭ قىستاعىنداعى گىميڭقان ماناپ ۇلىنىڭ وتباسىنا بارىپ، ونىڭ مالىن باعىسىپ، قوراسىن تازالاسادى.

  يان دىجىن بەسباقانمەن وقىرعا ءشوپ سالىپ جاتىپ: قىستا مال باعىمدى اسا قاجەت ەتەدى عوي، جاقسىراق كۇتىمدەمەسە بولمايدى، ادەتتە بۇلار بىزگە كومەكتەسەدى، قازىر ءبىزدىڭ وندىرىستەن قولىمىز بوسادى، ەندى ءبىز ولارعا كومەكتەسپەسەك بولماس، - دەدى. يان دىجىڭ مەن گىميڭقاننىڭ 25 جىلدان بەرگى ەتەنە دوستىعى تەرەڭگە تامىر تارتىپ، اۋىزدان - اۋىزعا تارالۋدا.

  1992 - جىلى 26 جاستاعى يان دىجىن ءبىر كومباين ساتىپ الىپ، اۋقاتتانۋ جولىنا ءتۇسۋ بەكىمىنە كەلەدى. ول كەزدە ءبىر كومباين 40 مىڭ يۋان ەدى، يان دىجىن ودان - بۇدان قۇراستىرىپ 30 مىڭ يۋاننان استام اقشا قۇراسا دا، تاعى 2000 يۋان جەتپەي قالادى.

  يان دىجىن: كىشكەنە كەزىمدە اكەم روتانىڭ مالىن، ال گىميڭقاننىڭ اكەسى قىستاقتىڭ مالىن باعۋعا جاۋاپتى بولاتىن. روتا مەن قىستاقتىڭ اراسى جاقىن بولاتىن، مالى ورىستە ارالاس - قورالاس جاتاتىن، ءسويتىپ، ءبىزدىڭ اكەلەرىمىز اراسىنان قىل وتپەيتىن جاقسى دوستارعا اينالدى. سونىمەن مەن اقشا قارىز الۋعا گىميڭقاندى ىزدەدىم، - دەيدى.

  ول تۇستا گىميڭقاننىڭ قارتايعان اكە - شەشەسى بار، بالالى - شاعالى ەدى دە، تۇرمىستارى جۇپىنى بولاتىن. يان دىجىن گىميڭقاننىڭ ۇيىنە كەلىپ بۇيىمتايىن ايتىسىمەن، گىميڭقان ەشتەڭە دەمەستەن ۇيىنەن 2000 يۋان الىپ شىعىپ بەرەدى. يان دىجىن مۇنى كۇنى بۇگىنگە دەيىن ەسىنەن شىعارعان ەمەس، گىميڭقان: ول كەزدە مەنىڭ باس قۇراعانىما ۇزاق بولماعان، ءبىر سيىر ساتىپ العام، ونىڭ ۇستىنە جيعان - تەرگەنىم 2000 يۋان عانا، وعان ۇيىمە ءۇي جيھازدارىن ساتىپ الايىن دەپ جۇرگەن ەدىم، ءبىراق دوسىمنىڭ قيىنشىلىعى بولعاندىقتان وعان، ءسوز جوق، كومەكتەسۋىم قاجەت بولدى، - دەيدى.

  وسىدان كەيىن، ول ەكى وتباسىنىڭ اراسى بارعان سايىن جاقىنداسىپ، دوستىق قاتىناسى بارعان سايىن تەرەڭدەي تۇسەدى. ءار جولعى مەرەكە - مەيرامداردا ەكى وتباسى ءبىر اراعا باس قوسادى، اسىرەسە، كوكتەم مەرەكەسى كەزىندە، گىميڭقان بالا - شاعاسىن ەرتىپ، ءوزى جاساعان قازى - قارتا، جال - جايا جانە قۇرت - مايىن الىپ، اعاسى يان دىجىننىڭ ۇيىنە شاعانشىلاي بارادى. ال ءار جىلعى قۇربان ايت مەرەكەسىندە، يان دىجىن دا بالا - شاعاسىن ەرتىپ، ءوزىنىڭ قايىرىمدى ءىنىسى گىميڭقاننىڭ ۇيىنە بارىپ، قۇربان ايتتى بىرگە تويلايدى.

  يان دىجىننىڭ يان سۋ اتتى قىزى بار، گىميڭقاننىڭ قىزىمەن كىشكەنتايىنان ەگىز قوزىداي تەل وسكەن، يان سۋ جوعارى مەكتەپتى تاۋىسقاننان كەيىن، ۇرىمجىدەگى ءبىر مەكتەپتە مۇعالىم بولادى. گىميڭقاننىڭ قىزى ايجامال: يان سۋ اپەكەم ءبىزدىڭ ماقتانىشىمىز، ءار رەت ونىڭ اتىن اتاعانىمىزدا اكەم نەداۋىر مارقايىپ قالادى، ءبىر جولى اپەكەم ۇيگە تۋىسشىلاي كەلگەندە، اكەم قۋانعانىنان وعان ءبىر قوي بەردى. مەن ءار رەت ۇرىمجىگە بارعان كەزىمدە، يان سۋ اپەكەم دە مەنى ۇيىنە شاقىرادى، - دەيدى.

  2016 - جىلى ساۋىردە يان دىجىڭنىڭ ايەلى موتوتسيكل شىرعالاڭىنا ۇشىرايدى، يان دىجىن ۇيدە جالعىز قالىپ، ءبىر جاعىنان، مالىن باعىپ، ءبىر جاعىنان، جەرىن سالىپ، شالعايداعى قابا اۋداندىق حالىق شيپاحاناسىندا ەمدەلىپ جاتقان ايەلىنە قارايلاسۋعا مۇرساسى كەلمەيدى، قىزى ۇرىمجىدە قىزمەت ىستەيدى، بۇل ءىس ونىڭ وتباسىن ابىگەرگە تۇسىرەدى. وسى كەزدە، قابا اۋدانى قالاشىعىندا پراكتيكا جاساپ جاتقان ايجامال ىرىقتىلىقپەن حانزۋ شەشەسىنە قارايلاسۋ مىندەتىن ءوز ۇستىنە الادى، ءار رەت شيپاحاناعا بارىپ حانزۋ شەشەسىنىڭ تاماعىن بەرىپ، استى - ۇستىن تازالاپ تۇرادى. يان دىجىننىڭ ايەلى اسەرلەنگەنىنەن: وسىنداي قازاق قىزىمنىڭ بولعانى مەنىڭ ومىرلىك باقىتىم، ول مەنىڭ تۋعان قىزىم! - دەيدى.

 گىميڭقان: مەنىڭ اكەمنەن مەنىڭ بالاما دەيىن، ءبىز ءۇش ۇرپاق ادامدارى ءبىر - بىرىمىزگە كومەكتەسىپ، ءبىر - بىرىمىزدەن ۇيرەنىپ، بىرگە اۋقاتتاندىق. ءبىر پارتيا مۇشەسى رەتىندە، ۇلتتار ىنتىماعىنىڭ مەيىرىن ۇرپاقتان - ۇرپاققا جالعاستىرۋ -− مەنىڭ بۇلتارماس بورىشىم. قازىر بالالارىمىز ءبىر - بىرىمەن بايلانىس جاساپ تۇرادى، الداعى جەردە نەمەرەلەرىمىزدى دە وسى جولعا باستايمىز، ويتكەنى ءبىز ءبارىمىز ءبىر ءۇيلى جاندارمىز، - دەيدى اسەرلى سەزىممەن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى