ءتاڭىرتاۋ تورابى   ›   جاڭالىقتار   ›   ۇعىسۋ، تيىمدىلىك جاساۋ، توعىستىرۋ

«تورتتە جەتەكشىلىك ەتۋدىڭ» باعىتى ايقىن، كۇشى مىعىم

  جياڭ جيانگۋاڭ حابارلايدى. شونجى اۋدانى جۇپ قۇراپ، تۋىس بولۋ سىندى وسى ءبىر ماڭىزدى ءتۇيىن مەن شەشۋشى ءتۇيىندى مىقتى يگەرىپ، باسشى كادرلار ۇلگى كورسەتىپ جەتەكشىلىك ەتۋ، تيپتىك ۇلگىلەر جەتەكشىلىك ەتۋ، وزىق مادەنيەت يدەياسىمەن جەتەكشىلىك ەتۋ، حالىق تۇرمىسى قۇرىلىسىن دامىتۋ ارقىلى جەتەكشىلىك ەتۋدى جۇزەگە اسىردى.

  شونجى اۋدانىنداعى ءاربىر اۋدان دارەجەلى باسشى كادر نەگىزگى ساتى پارتيا ۇيىمدارىمەن، مەشىت باسقارۋ كوميتەتىمەن، نەگىزگى ساتىداعى ساقا پارتيا مۇشەلەرىمەن، جۇپ قۇراپ، تۋىس بولعان وتباسىلارمەن بايلانىس جاساۋ؛ نىسانانى، جاۋاپكەرشىلىكتى، ۋاقىتتى، سيلاۋ مەن جازالاۋدى تۇراقتاندىرۋ؛ ءار دارەجەلى ورىنداردىڭ نەگىزگى باسشىلارى بايلانىس ورناتقان قىستاققا بارىپ تۇرۋ؛ ءار دارەجەلى اكىمشىلىك ءىسورىندارىنداعى كادرلار مەن جۇمىسشى - قىزمەتشىلەر بىردەن تۋىس تابۋ قىزمەت مەحانيزمىنە بىرلەستىرىپ، اۋدان دارەجەلى ءاربىر كادر ءۇش وتباسىمەن تۋىس بولۋدى، ءبولىم دارەجەلى ءاربىر كادر ءبىر نەمەسە ەكى وتباسىمەن تۋىس بولۋدى بەلگىلەدى. وبلىس، اۋدان «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاققا تۇسكەن قىزمەت اترەتتەرى، شينجياڭعا كومەككە كەلگەن كادرلار، تۇتاس اۋدانداعى 6587 پارتيالى كادر، جۇمسشى - قىزمەتشى جەكە - جەكە تۇتاس اۋدانداعى از ۇلتتارمەن جانە وڭتۇستىك شينجياڭنان شونجى اۋدانىنا كەلگەن 150 ەڭبەكشىمەن تۇگەلدەي جۇپ قۇراپ، تۋىس بولدى.

  شونجى قالاشىعى ليحۋاجيان كوشەسىندە ءبىر مۋزيكا اسپاپتار دۇكەنى بار، جاز كۇندەرى بۇل دۇكەننەن تامىلجىعان گيتتار ءۇنى مەن ءان اۋەنى شارىقتاپ جاتادى. گيتتارمەن ءان شىرقايتىن ۇسەن ابدىرەشيت وسى مۋزيكا اسپاپتار دۇكەنىنىڭ يەسى. اكەدەن بالاعا جالعاسقان وسى ونەردىڭ ارقاسىندا، ۇسەن ابدىرەشيت كىشكەنتايىنان مۋزيكاعا اۋەس بولدى. 20 نەشە جىلدىڭ الدىندا، ول ءبىر كوركەمونەر مەكتەبىنە قابىلدانعان ەدى. ونىڭ مۋزيكانت بولۋ ارمانى ورىندالۋعا از قالعاندا، ءبىر رەتكى شىرعالاڭنان ونىڭ ەكى اياعىنىڭ كوپ جەرى سىنىپ، مۋزيكانت بولۋ ارمانى سەلگە كەتەدى. كەيىن ول باسىنا ءۇي تىگىپ، باۋىرىنا قازان اسادى، ءبىراق ايەلى اۋىر جۇرەك ناۋقاسىنا شالدىعىپ، ىلگەرىندى - كەيىندى 3 رەت وپەراتسيا جاساتىپ، ونىڭ وتباسى دا ەڭ تومەنگى تۇرمىسى قامتاماسىزداندىرىلاتىن وتباسىنا اينالادى. ونىڭ ۇستىنە وتكەن جىلى اۋدان قالاشىعى قۇرىلىسىن رەتتەگەن كەزدە، ول كاۋاپ ساتۋدان دا قالادى.

  وسىلايشا ۇسەن داعدارىپ تۇرعان كەزدە، اۋداندىق پارتكومنىڭ شۋجيى ما شۇيدۇڭ ونىڭ وتباسىنا كەلىپ، ىرىقتىلىقپەن ونىمەن تۋىس بولادى. اڭگىمەلەسۋ بارىسىندا، ۇسەننىڭ مۋزيكا جاعىنداعى ارتىقشىلىعى مەن ارمانىن ۇققاننان كەيىن، ما شۇيدۇڭ وعان كومەكتەسىپ، كوشە بويىنان تەگىن ءبىر ءۇي بەرەدى ءارى 32 گيتتار جانە ءبىر كۇي ساندىق اكەلىپ بەرىپ، ونىڭ مۋزيكا اسپاپتارى دۇكەنىن اشۋىنا كومەكتەسەدى. مۋزيكا اسپاپتارى دۇكەنى جۇمىس باستاعان كۇنى ما شۇيدۇڭ ارنايى كەلىپ قۇتتىقتاپ، ونى جاقسى ىستەۋگە شابىتتاندىرادى. وسىدان كەيىن، ما شۇيدۇڭ ۋاقىتى شىعا قالسا بولعانى ۇنەمى ۇسەننىڭ تۇرمىسى مەن ساۋدا جاعدايىن ۇعىسىپ، قيىنشىلىعىن شەشۋگە كومەكتەسەدى، كەيدە ايەلى مەن بالالارىن ارنايى ەرتىپ بارىپ، ۇسەن وتباسىمەن بىرگە تاماقتانىپ، سىر شەرتىسىپ، ەكى وتباسى ءبىر ءۇيلى جاندارداي تاتۋ - ءتاتتى وتەدى.

  جىل باسىندا، شونجى اۋدانى وتكىزگەن «ۇلتتار ىنتىماعىنىڭ بەرەكەلى شاڭىراعى» ساۋىق كەشىندە ۇسەن ورىنداعان مۋزيكا ءۇنى اسپاندى جاڭعىرتتى. قازىر ول «تيانشان ۇلانى»، «ءبىزدىڭ ءۇيدىڭ الما باعى»، «كورىكتى شونجى» سىندى ءۇش ءان - كۇي جيناعىن شىعارۋعا قامدانىپ جاتىر. ول: مەن كورىكتى شونجىنى، ءار ۇلتتىڭ تۋىسقاندىق سۇيىسپەنشىلىگىن انىمە ءسىڭىرىپ، بارلىق تىڭدارماندارعا جەتكىزەمىن! - دەيدى.

  ۇلگىنىڭ كۇشى شەكسىز، ادامدى جەلپىندىرەدى. شونجى اۋدانى «جارقىن تۇيىندەردى يگەرۋ، ىزگى ىستەردى تابۋ، ساحنالارعا الىپ شىعۋ، رۋحاني بەينەنى اسقاقتاتۋ» ءادىسىن قولدانىپ، «ۇلتتار ىنتىماعىنىڭ بەرەكەلى شاڭىراعى» قيمىلىندا بارلىققا كەلگەن اۋداندىق جول - قاتىناس ساقشىسى ۇلكەن اترەتى سياقتى 10 وزات كوللەكتيۆ پەن اۋداندىق پارتيا مەكتەبىنىڭ اعا وقىتۋشىسى لۋ جىن باستاعان 10 وزاتتى، جۇپ قۇراپ، تۋىس بولۋ قيمىلىنداعى 200 وزات تيپ پەن ۇلگىنى ماداقتاپ، سيلادى؛ بارلىق ادام ۇلتتار ىنتىماعىنىڭ ۇلگىسى بولاتىن، بارلىق ادامدى ۇلتتار ىنتىماعىنا ۇلەس قوسۋعا جەتەلەيتىن سالت ورناتىپ، «ۇلتتار ىنتىماعىنىڭ بەرەكەلى شاڭىراعى» قيمىلىنا بەلسەنە قاتىناسۋدى ءبىر ءتۇرلى سانالى ارەكەتكە اينالدىردى؛ سونىمەن بىرگە «ۇلتتار ىنتىماعىنىڭ بەرەكەلى شاڭىراعى» قيمىلىنان ۇلگى كورسەتۋ ءتۇيىنى قۇرىلىسىن مىقتى ۇستاپ، «جەتى ءبىر» قۇرىلىس ولشەمىن بەلگىلەپ، شيدي قالاشىعى چوزا قىستاعىنان «ۇلتتار ىنتىماعىنىڭ بەرەكەلى شاڭىراعى» اۋلاسىن جانە شونجى قالاشىعى شۇيموگوۋ وزەنى الەۋمەتتىك اۋماعى، گۋچىڭ اۋىلى باعبان قىستاعى، اۋداندىق بالاباقشاسى، شىعىس ۇلكەن مەشىت سياقتى 50 ۇلگى كورسەتۋ ءتۇيىنىن قۇرىپ، ءتۇيىن ارقىلى جەتەكتەپ، ءبىر تۇتاس ىلگەرىلەتتى.

  اۋدان «مادەنيەت ارقىلى اۋداندى كوركەيتۋ» ستراتەگياسىن اتقارۋ بارىسىندا، مادەنيەت رۋحىن قوعامدىق تۇرمىستىڭ بارلىق جاعىمەن توعىستىرىپ، ءار ۇلت ىنتىماقتاسا العا باساتىن ورتاق رۋحاني مەكەن قۇردى. 2017 - جىلى اۋدان «ءان ايتۋ، ولەڭ وقۋ، سۋرەت سالۋ» جاڭا جىل ساۋىق كەشىن وتكىزۋ ارقىلى، ءار ۇلت بۇقاراسىن دۇنيە ءجۇزىنىڭ الۋان مادەنيەتى مەن مۋزيكاسىنان سۋسىنداتتى؛ «ۇلتتار ىنتىماعىنىڭ بەرەكەلى شاڭىراعى» كوكتەم مەرەكەسى ساۋىق كەشىن وتكىزىپ، جۇڭحۋا ۇلتىنىڭ ءداستۇرلى مەرەكەسىن بىرگە تويلادى؛ يۋانشياۋ مەرەكەسى ويىنى جارىسىنا ءار ۇلت بۇقاراسى جاپپاي قاتىناسىپ، بىرگە شاتتىققا شومدى؛ 4 - كەزەكتى ءمورال ۇلگىلەرى جانە «8 - ناۋرىز» ايەلدەر مەرەكەسىن قۇتتىقتاۋ ساۋىق كەشىن وتكىزىپ، ۇلتتىق ءبي، كيىم - كەشەك سانگەرلىگى سياقتى فورمالار ارقىلى، از ۇلتتاردى «ۇلتتىق ءداستۇرلى كيىم - كەشەكتەردى كيۋگە، تاماشا وبرازىن ايگىلەي تۇسۋگە» باستادى؛ اۋىل - قالاشىقتار «ءبىر اۋىلدا ءبىر ەرەكشە» مادەنيەت ماركاسىن بەلسەنە جاراتىپ، بۇقارالىق مادەنيەت قيمىلدارىن ورىستەتۋ ارقىلى، بۇقارانىڭ مادەني تۇرمىسىن بايىتىپ، ءار ۇلت بۇقاراسىن بىرگە تۇرىپ، بىرگە ۇيرەنىپ، بىرگە ىستەپ، بىرگە شاتتانۋعا باستاپ، ۇلتتار ىنتىماعى تانىمىن وي - ساناعا ءسىڭىرىپ، ارەكەتپەن قابىستىردى.

  «ۇلتتار ىنتىماعىنىڭ بەرەكەلى شاڭىراعى» قيمىلىنىڭ نىساناسى − جالپى حالىق ىنتىماقتى، جاراسىمدى بولۋ، اۋقاتتانۋ جانە دامۋ. اۋدان اۋىل - قىستاقتاردا مەكتەپكە دەيىنگى تەگىن 3 جىلدىق «قوس ءتىل» وقىتۋىن اتقاردى؛ 2 - رەتكى جالپى حالىقتىڭ دەنساۋلىعىن تەگىن تەكسەرۋ ينجەنەرياسىن اتقارىپ بولدى؛ قوعامدىق يگىلىك باقشا رايونى، 12 اۋىل - قىستاقتا ءوزارا قارايلاسۋ باقىتتى اۋلا نىسانىن سالدى؛ 3942 ادامعا ارحيۆ تۇرعىزىپ، كارتچكا بەلگىلەپ، قازىرگى ولشەم بويىنشا ءبارىن كەدەيلىكتەن قۇتىلدىردى؛ كونە لاشىقتى اۋماقتاردى وزگەرتۋ، جينشي رۇڭزى، جينيۋان الەۋمەتتىك اۋماعى سياقتى ورىنداردا ءار ۇلتتى ارالاس قونىستاندىرۋ، ءار ۇلت شارۋاشىلىقتا ءبىر - ءبىرىن سۇيەمەلدەۋ، ءبىر - بىرىمەن ەتەنە ءوتۋ سىندى ءبىر تۇلعالى، كوپ نەگىزدى ءۇردىس قالىپتاستىردى؛ بيىل 7 ميلليارد 80 ميلليون يۋان قارجى ءبولىپ، 9497 وتباسىنىڭ لاشىق ءۇيىن وزگەرتىپ سالادى، بۇدان 30 مىڭعا جۋىق ادام يگىلىكتەنەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى