ءتاڭىرتاۋ تورابى   ›   زاڭ تارازى   ›   قوعام قويناۋىنان

ءۇنحاتتان دۇرىس پايدالانىپ، ونەگەلى ءۇن قاتايىق

نۇرسەرىك قۇرمەت قىزى

  زاماننىڭ دامۋى كۇندەلىكتى تۇرمىسىمىزعا قاتىستى بولعان سان سالالى ىستەردىڭ ءبارىن ەرەسەن قولايلىلاستىردى. بۇرىن كوپ كۇش، ۇزىن ۋاقىت، مول تەحنيكا جۇمساپ ىستەلەتىن جۇمىستاردىڭ ءبارى وتە وڭاي ىستەلەتىن، دەرەۋ شەشىم تاباتىن بولدى. سونىڭ ءبىرى − حابار - بايلانىس سالاسىنداعى قيىنشىلىقتاردى جەڭىلدەتىپ، جۇرتتىڭ قىزۋ قارسى الۋىنا يە بولعان ءۇنحات.

      قازىر قول تەلەفون پايدالانبايتىن ادام از، ونىڭ ۇستىنە سونىڭ ءبىر ءبولىمى ءۇنحاتتىڭ حابار - بايلانىستاعى ارتىقشىلىعىنا بولا ءۇي تەلەفونىنا قاناعاتتانباي قول تەلەفون ۇستاعاندار. ءۇنحات، شىنىندا، قولايلى، ءۇنحات ارقىلى قاتىستى جۇمىسىمىز بار اداممەن بەتپە - بەت وتىرعانداي سويلەسۋىمىزگە ءارى سول سوزدەردى ساقتاپ قويىپ قايتا - قايتا تىڭداۋىمىزعا؛ قارسى جاقتىڭ قالدىرعان ءسوزىن ءمالىم ۋاقىت وتكەننەن كەيىن تىڭداۋىمىزعا؛ وزىمىزگە قاجەت بولعان سۋرەتتەردى، ماتەريالداردى ءوزارا جولداۋىمىزعا؛ قىزمەتتەستەر، تۋىستار، دوستار، ساباقتاستار ارا توپتار قۇرىپ، ءبىر - بىرىمىزبەن ۇنەمى حابارلاسىپ تۇرۋىمىزعا؛ جۇمىستان شارشاعان كەزدە كەڭەس قۇرۋىمىزعا بولادى.

     ءۇنحات تۇرمىسىمىزعا كوپتەگەن قولايلىلىقتار اكەلدى. ءۇنحاتتا الىستى جاقىنداتىپ، قيىندى وڭايلاستىرىپ، اۋىردى جەڭىلدەتكەندەي ارتىقشىلىق بارى انىق، ءبىراق ول جەكەلىك مۇلىك ەمەس، ول ينتەرنەتتىك قوعامدىق حابار - بايلانىس جۇيەسى. وندا ايتقان سوزدەرىمىز، جولداعان نارسەلەرىمىز تالاي جەرگە تارالۋى مۇمكىن، سوندىقتان ءۇنحات حابار - بايلانىسىندا اركىم ءوزىن دۇرىس مەڭگەرىپ، قاي - قاشاندا وڭ ەنەرگيا تاراتۋعا، بەرەكە - بىرلىكتىڭ، قوعام ورنىقتىلىعىنىڭ، دامۋدىڭ جارشىسى بولۋعا بەرىك تۇرۋى كەرەك.

     ءىشىنارا ادامدار ءۇنحاتتىڭ قوعامدىق رولىن وتە تومەن باعالايدى، ونى وتە قاراپايىم حابار - قاتىناس جۇيەسى ساناپ، وزىنە قىزىقتى رولى بار سياقتانعان ىستەردى، جولدامالاردى، سۋرەتتەردى توپتاردا تاراتادى، دوستىق شەڭبەرىنە شىعارادى، ناشار ىقپال قالدىراتىن سوزدەردى سويلەيدى. كەيبىرەۋلەر ءتۇرلى باس قوسۋلاردا، ءتۇرلى قيمىلداردا اينالاسىنداعىلاردى سۋرەتكە تۇسىرەدى دە وزىنە كۇلكىلى، ەرسى سەزىلگەندەرىن ونداعى ادامداردىڭ بەينەسى قانداي بولىپ تۇرعانىنا، كورگەن ادامعا قانداي اسەر بەرەتىندىگىنە قاراماستان توپتاردا تاراتادى. جوقتان وزگەنى تالقىعا سالىپ، باسقالاردىڭ اعاتتىعىن قازبالاۋدى تاڭسىق كورەتىندەر ونى بىرەۋدەن - بىرەۋگە جەتكىزەدى، سونىمەن ول جولداما بۇكىل دۇنيەنى كەزەدى، بۇل سول ءۇنحاتقۇمارلار ءۇشىن قىزىقتى، ءماندى، ماعىنالى سەزىلگەنىمەن، باسقالار ءۇشىن ولاي ەمەس. ول ءمالىم ادامداردىڭ كوڭىلىنە قاياۋ سالۋى، جولداستار ارا رەنىش تۋدىرۋى مۇمكىن. ءبىزدىڭ ءۇنحاتىمىزعا كەلىپ جاتاتىن جاعىمسىز سۋرەت، ۇنامسىز كەسكىن، ءمان - ماعىناسىز حاتتاردىڭ ءبارى وسىنداي جولمەن كەلگەنى انىق. ءۇنحاتتا مۇنداي سودەگەي ءسوز، ەرسى قىلىق، ماسقارا ەتۋگە كەلمەيتىن اعاتتىقتارعا زاڭ دا، ءمورال دا جول قويمايدى. ادامدىق ءمورال ءبىر - ءبىرىمىزدى ماسقارالاۋدى ەمەس، دوستىق كومەكتى دارىپتەيدى. سوندىقتان ءۇنحاتتى العا باسۋدىڭ دانەكەرى ەمەس، بوس مىلجىڭنىڭ ۇيىندىسىنە اينالدىرعانداردى كورگەندە ولاردىڭ ءجون - جوسىقتان بەيحابار ەكەندىگىنە ءىشىڭ اشيدى.

    كەزەكتە ءۇنحاتتان دۇرىس پايدالانۋ جالپى بەتتىك دارىپتەلىپ وتىر، ءۇنحات − ويىن ەمەس. ويتكەنىءۇنحاتتان دۇرىس پايدالانا بىلمەۋدەن تۋىلاتىن زارداپ اۋىر. ءۇنحاتتىڭ سوڭىنا ءتۇسىپ بارلىق ۋاقىتىن سوعان جۇمساعاندىقتان قىزمەت اقساتۋ، جۇمىستان ايرىلۋ، قاتىناس شىرعالاڭىنىڭ تۋىلۋىنا سەبەپشى بولۋ، وتباسىنىڭ بەرەكەسىنە نۇقسان جەتكىزۋ، بالا - شاعاسىنا، اينالاسىنا ۇلگى - ونەگە بولا الماۋ سياقتى ىستەر ءجۇز بەرەدى. تالاي ادام وبالدى بولادى. كۇندەلىكتى اقپاراتتان اۆتوكولىك جۇرگىزىپ كەلە جاتىپ ءۇنحاتتىڭ جەتەگىندە كەتكەندىكتەن، شىرعالاڭ تۋدىرعان شوفەرلەردى، جولدان ءوتىپ بارا جاتىپ تا ءۇنحاتتان باس الماعاندىقتان، ومىرىنە حاۋىپ تونگەندەردى، ءۇنحاتتاعى جولدامالاردىڭ مازمۇنىنا، ءسوز - سويلەمىنە قاراماي باسقالارعا جولداي سالىپ تەرىس ەنەرگيا تاراتىپ، جۇرت اراسىندا ناشار ىقپال تۋدىرعانداردى كورىپ تە، ەستىپ تە ءجۇرمىز. ەگەر كىمدە - كىم ۇلتتار ىنتىماعىنا، قوعام ورنىقتىلىعىنا، وتان تۇتاستىعىنا نۇقسان جەتكىزەتىن قاتە مازمۇنداردى تاراتسا، باسقا ادامداردىڭ باس بوستاندىعىنا، جەكە قۇپيالىعىنا نۇقسان جەتكىزەتىن ىستەردى جايىپ جىبەرسە زاڭدىق جاۋپكەرشىلىك ارقالايدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ءار ۇلت حالقى اۆتونوميالى رايوننىڭ پارتيا 19 - قۇرىلتايىن قارسى الۋداعى «فلاش» قيمىلىنا بەلسەنە قاتىناستى
  • ءۇرىمجى كىتاپحاناسىندا 19-قۇرىلتايدى قارسى الۋدى نەگىزگى تاقىرىپ ەتىپ باسپادان شىققان كىتاپتار ارناۋلى سورەگە قويىلىپ ساتىلدى
  • «پارتيانىڭ شۇعىلاسى تيانشاندى نۇرعا بولەدى» ادەبيەت-كوركەمونەر ساۋىق كەشى پارتيا 19-قۇرىلتايىنا تارتۋ ەتىلدى

ءوتىمدى اقپارات

بىزبەن بايلانىس جارناما قىزمەتى لەبىز قالدىرۋ ءبىز تۋرالى