ءتاڭىرتاۋ تورابى   ›   جاڭالىقتار   ›   شينجياڭ حابارلارى

پارتيا 19 - قۇرىلتايىنىڭ رۋحىن ۇيرەنىپ، ادەبي سىندى دامىتۋ تۋرالى وي ءبولىستى

  ءتىلشىمىز قالياكبار ۇسەمقان ۇلى ۇرىمجىدەن حابارلايدى. اۆتونوميالى رايوندىق ادەبيەت - كوركەمونەرشىلەر بىرلەستىگىنىڭ باس بولۋىمەن «شۇعىلا» جۋرنالى مەكەمەسى ۇيىمداستىرعان «19 - قۇرىلتايدىڭ رۋحىن ۇيرەنۋ جانە ادەبي سىن تۋرالى تالقى جيىنى» 11 - قاراشا كۇنى ۇرىمجىدە ءوتتى.

  پارتيا 19 - قۇرىلتايىنىڭ بايانداماسىن دەن قويا ۇيرەنىپ، رۋحاني ءمانىن يگەرىپ، شينجياڭنىڭ قوعام ورنىقتىلىعى مەن باياندى تىنىشتىعى باس نىساناسىن مىقتاپ ارقاۋ ەتىپ، قۇرىلتاي رۋحىن ادەبي جاسامپازدىقتىڭ قۋاتتى قوزعاۋشى كۇشى ەتۋ، ادەبيەتتىڭ يدەولوگيا سالاسىنداعى رولىن تولىق ساۋلەلەندىرىپ، سوتسياليستىك وزەكتى قۇن كوزقاراسىن دارىپتەيتىن تارتىمدى تۋىندىلار جازۋعا دەم بەرۋ، ادەبي سىننىڭ جاۋىنگەرلىك قۋاتىن ارتتىرۋ ماقساتىندا اشىلعان بۇل جيىنعا رايونىمىزداعى سىن جانرىنا قالام تارتىپ جۇرگەن ءبىر ءبولىم سىنشىلار قاتىناستى.

  جيىندا ماقالا وقىپ، ءسوز سويلەگەن قالامگەرلەر: ەلىمىز تاريحىنا عانا ەمەس، دۇنيە ءجۇزى تاريحىنا دا التىن ارىپپەن جازىلاتىن پارتيا 19 - قۇرىلتايىندا ورتاعا قويىلعان شي جينپيڭنىڭ جاڭا ءداۋىر جۇڭگوشا سوتسياليزم يدەياسى پارتيامىز ءۇشىن، ەلىمىز ءۇشىن، بارلىق سالا ءۇشىن، كوركەم ادەبيەت ءۇشىن كەرەمەت زور مانگە يە. سىنشى جونىنەن، ادەبيەتكە باعا بەرۋدەن بۇرىن، اۋەلى، ساياسي وتكەلدەن ءوتۋ مىندەت. ويتكەنى سىنشى، الدىمەن، وزىق ويدىڭ ادامى، سونسىن، ول قوعامدىق پىكىرگە جەتەكشىلىك ەتۋشى. بۇل ءۇشىن، ول، ەڭ اۋەلى، ساياساتكەر بولۋعا، پارتيانىڭ لۋشيان، باعىت، سالاساتتارىنان تولىق حابارلى جۇرۋگە، ماركسيزم - لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن، وتە - موتە، وسىلاردىڭ زاڭدى جالعاسى ءارى دامىتىلۋى بولعان شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ رۋحاني ءمانىن جەتە ۇعىنۋعا، ساناعا مىقتاپ سىڭىرۋگە مىندەتتى، - دەپ قارادى.

  پارتيا 19 - قۇرىلتايىنىڭ بايانداماسىندا: سوتسياليستىك ادەبيەت - كوركەمونەر − حالىقتىڭ ادەبيەت - كوركەمونەرى. حالىقتى وزەك ەتكەن جاسامپازدىق باعىتقا تاباندى بولىپ، ومىرگە ىشكەرىلەي ارالاسىپ، حالىقتىڭ اراسىنا تامىر تارتىپ، زامانعا لايىق ادەبيەت - كوركەمونەر تۋىندىلارىن جاراتۋ قاجەت. ادەبيەت - كوركەمونەر شىعارماشىلىعىن گۇلدەندىرۋدە يدەياسى تەرەڭ بولۋدىڭ، كوركەمدىك دەڭگەيى جوعارى بولۋدىڭ، شىعارماشىلىق شەبەرلىگى كۇشتى بولۋدىڭ بىرلىگىنە تاباندى بولىپ، رەال تاقىرىپتىق تۋىندى جاراتۋدى كۇشەيتىپ، پارتيانى، وتاندى، حالىقتى، قاھارمانداردى جىرلايتىن سارا تۋىندىلار جاراتۋعا كۇش سالۋ كەرەك. عىلىم دەموكراتياسىن، كوركەمونەر دەموكراتياسىن ساۋلەلەندىرىپ، ادەبيەت - كوركەمونەر ءتول شىعارماشىلىعى قۋاتىن جوعارىلاتىپ، ادەبيەت - كوركەمونەردە جاڭالىق اشۋدى ىلگەرىلەتۋ. ساپاعا، اۋەنگە، جاۋاپكەرشىلىككە ءمان بەرۋدى دارىپتەپ، انايىلىقتى، تۇرپايىلىقتى، جارامساقتىقتى تەجەۋ. ادەبيەت - كوركەمونەرشىلەر قوسىنى قۇرىلىسىن كۇشەيتىپ، ءمورالدى دا ونەرلى ايتۋلى الىپتاردى جەتىلدىرىپ، جوعارى ورەلى تۋىندى جاراتاتىن دارىندىلاردى جەتىلدىرۋ باسا دارىپتەلگەن بولاتىن. تالقى جيىندا وسى دارىپتەمەنى وزەك ەتە وتىرىپ ءسوز قوزعاعان سىنشىلار وقىرمان كوڭىلىنەن شىعاتىن تاڭداۋلى تۋىندىلار جازۋ، ادەبي سىننىڭ رولىن كورنەكتىلەندىرىپ، ادەبيەت - كوركەمونەر ىستەرىنىڭ گۇلدەنىپ - كوركەيۋىنە ەسەلى ۇلەس قوسۋ جونىندە ۇتىمدى ۇسىنىس، ورەلى ويلارىن ورتاعا سالدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى