ءتاڭىرتاۋ تورابى   ›   جاڭالىقتار   ›   شينجياڭ حابارلارى

پارتيا 19 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ جونىندەگى اۆتونوميالى رايوننىڭ ۇگىت - لەكسيا ۇيىرمەسى التايدا، تەكەستە، اقتاۋدا ۇگىت - لەكسيا جاسادى

نەگىزگى تاقىرىبى ايقىن، العا باسۋعا ىنتالاندىرادى

  12 - قاراشادا پارتيا 19 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ جونىندەگى اۆتونوميالى رايوننىڭ ۇگىت - لەكسيا ۇيىرمەسى التاي ايماعىندا، تەكەس اۋدانىندا، اقتاۋ اۋدانىندا جەكە - جەكە ۇگىت - لەكسيا جاسادى ءارى سول جەردەگى كادرلارمەن، جۇرتشىلىقپەن اڭگىمە وتكىزىپ، پىكىر اۋىستىردى. ۇگىت - لەكسيانى دەن قويا تىڭداعاننان كەيىن، ءار ۇلت كادرلارى مەن جۇرتشىلىعى جاڭا داۋىرگە ۇمتىلاتىن سەنىمى مەن بەكىمىن اناعۇرلىم بەكەمدەدى. كوپشىلىك: اۋەلگى ماقساتتى ۇمىتپاي، پارتيا 19 - قۇرىلتايىنىڭ رۋحىن بەلسەنە ۇگىتتەپ، دايەكتىلەندىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ءتۇرلى قىزمەتتىڭ جاڭا جاعدايىن اشىپ، شينجياڭنىڭ قوعام ورنىقتىلىعى مەن باياندى تىنىشتىعىنا ۇلەس قوسامىز، - دەستى.

  التاي ايماقتىق ءماجىلىس ورتالىعىندا ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق پارتكوم ساياسات زەرتتەۋ كەڭسەسىنىڭ ورىنباسار مەڭگەرۋشىسى حى گوچيڭ تەلەۆيزور - تەلەفون ءماجىلىسى فورماسىندا 4000نان استام كادر - جۇرتشىلىققا ۇگىت - لەكسيا بايانداماسىن جاسادى. باياندامانى ءار ۇلت كادر - جۇرتشىلىعى قىزۋ قارسى الدى، باياندامانى تىڭداعان كادر - جۇرتشىلىق ماڭىزدى تۇيىندەر مەن اسەرلەرىن ەستەلىككە الىپ وتىردى.

  التاي قالالىق قوعام حاۋىپسىزدىگى مەكەمەسى عيماراتىنىڭ 2 - قاباتىنداعى جيىن زالىندا ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق پارتكوم ۇگىت ءبولىمىنىڭ ورىنباسار باستىعى قىزىركەلدى ابدىراحمان ۇلى پارتيا 19 - قۇرىلتايى بايانداماسىنىڭ مازمۇنىن قازاق تىلىندە ءتۇسىندىردى. التاي قالاسىنداعى از ۇلت كادر - جۇرتشىلىعىنىڭ 300دەن استام ۋاكىلى، حالىق ۇگىتشىلەرى ۇگىت - لەكسيانى تىڭدادى.

  وسى كۇنى تۇستەن كەيىن، ۇگىت - لەكسيا ۇيىرمەسىندەگىلەر التاي قالاسى التىنتاۋ ءمالى باسقارماسى مادەنيەت جولى الەۋمەتتىك اۋماعىنا بارىپ، الەۋمەتتىك اۋماق تۇرعىندارىمەن، ساقا پارتيا مۇشەلەرىمەن، ساقا كادرلارمەن، ءمورال ۇلگىلەرىمەن اڭگىمە وتكىزىپ، پىكىر اۋىستىردى.

  التاي ايماقتىق 1 - ورتا مەكتەپتىڭ وقىتۋشىسى ارداق بىلاي دەدى: ۇگىت - لەكسيانى تىڭداپ، ەرەكشە اسەرلەندىم. پارتيالى وقىتۋشى ساناتىندا، ۇگىت - لەكسيا بايانداماسىنىڭ باستى مازمۇندارىن ساباقتا جانە ساباقتان تىسقى ۋاقىتتا وقۋشىلارعا جەتكىزىپ، ولاردىڭ پارتيا 19 - قۇرىلتايىنىڭ رۋحىن تۇسىنۋىنە كومەكتەسەمىن.

  مەملەكەتتىك ۇلتتار ىنتىماعى، العاباسارلىعىنىڭ ۇلگىسى، التاي ايماعىنداعى حالىق ۇگىتشىسى مادەنبەك مۇراتقان ۇلى بىلاي دەدى: بۇگىن اۆتونوميالى رايوننىڭ ۇگىت - لەكسيا ۇيىرمەسىنىڭ 19 - قۇرىلتاي رۋحىن قازاق تىلىندە تۇسىندىرگەنىن تىڭدادىم جانە ۇيرەندىم، مۇنىڭ ماعان پايداسى ەرەكشە كوپ بولدى. حالىق ۇگىتشىسى ساناتىندا، 19 - قۇرىلتايدىڭ رۋحىن الدىمەن ءوزىم جەتە ۇيرەنىپ، جەتە يگەرگەندە عانا، ونى ەگىن، مال شارۋاشىلىق رايوندارىنا اقىندار ايتىسى، تاقپاق سياقتى فورمالارمەن بەتپە - بەت، ىركىلىسسىز جەتكىزە الامىن، نەگىزگى ساتىداعى بۇقاراعا قاز - قالپىندا ايتىپ بەرە الامىن، 19 - قۇرىلتايدىڭ رۋحىن تولىق جەتكىزە الامىن.

  12 - قاراشا تۇستەن بۇرىن، پارتيا 19 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ جونىندەگى اۆتونوميالى رايوننىڭ ۇگىت - لەكسيا ۇيىرمەسىنىڭ ۇگىت - لەكسيا بايانداما جينالىسى تەكەس اۋدانىندا وتكىزىلدى، ۇگىت - لەكسيا ۇيىرمەسىنىڭ مۇشەسى، ىلە قازاق اۆتونوميالى وبلىستىق ساياسي كەڭەستىڭ ءتوراعاسى سەرجان ۇعىباي ۇلى 300دەن استام از ۇلت كادر - جۇرتشىلىققا قازاق تىلىندە تارتىمدى ۇگىت - لەكسيا بايانداماسىن جاسادى.

  جينالىستا پارتيا مۇشەلەرى مەن كادرلار باياندامانى مۇقيات تىڭداپ، قۇنتتاپ ەستەلىك الدى. كوپشىلىك بىلاي دەپ قارادى: تارتىمدى ۇگىت - لەكسيانى تىڭداۋ ارقىلى 19 - قۇرىلتايدىڭ بايانداماسى جونىندە تەرەڭ تۇسىنىككە يە بولدىق. مۇنان كەيىن 19 - قۇرىلتايدىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى قوزعاۋشى كۇش ەتىپ، ۇيرەنگەندەرىمىزدى قىزمەتىمىزبەن ۇشتاستىرىپ، نەگىزگى ساتىعا جەتكىزىپ، 19 - قۇرىلتاي رۋحىنىڭ تەرەڭ تامىر تارتۋىنا، گۇل اشىپ، جەمىس بەرۋىنە مۇمكىندىك جاسايمىز.

  تەكەس اۋداندىق ءان - ءبي ۇيىرمەسى پارتيا ياچەيكاسىنىڭ شۋجيى سۋ مىنجيە بىلاي دەدى: ءان - ءبي ۇيىرمەسى ءوزىنىڭ قىزمەت باسىمدىعىنا بىرلەستىرىپ، 19 - قۇرىلتايدىڭ رۋحىن ءتۇرلى تارتىمدى ادەبيەت - كوركەمونەر فورماسى ارقىلى نەگىزگى ساتىداعى بۇقاراعا جەتكىزەدى.

  12 - قاراشادا پارتيا 19 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ جونىندەگى اۆتونوميالى رايوننىڭ ۇگىت - لەكسيا ۇيىرمەسىنىڭ بايانداما جينالىسىنىڭ ۇلتتىق تىلدەگى لەكسياسى قىزىلسۋ قىرعىز اۆتونوميالى وبلىسىنىڭ اقتاۋ اۋدانىنداعى بەينە ەكران جينالىس ورتالىعىندا وتكىزىلدى. ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق پارتكوم ۇيىمداستىرۋ ءبولىمىنىڭ ورىنباسار باستىعى جالەل ناسىر ۇگىت - لەكسيا بايانداماسىن جاسادى. بايانداما جينالىسى تەلەۆيزور - تەلەفون ءماجىلىسى فورماسىندا ءوتتى. ءارقايسى اۋدان (قالا)، اۋىلدان (قالاشىق، فەرما) بولىمشە ءماجىلىس الاڭدارى اشىلىپ، تۇتاس وبلىس بويىنشا 4000نان استام ءار ۇلت كادر - جۇرتشىلىعى ۇگىت - لەكسيا بايانداماسىن تىڭدادى.

  ۇگىت - لەكسيانى تىڭداعاننان كەيىن، اقتاۋ اۋدانى بۇلۇڭكول اۋىلى چاقىلىق قىستاعىنداعى حالىق ۇگىتشىسى ياقۇپ كولبەك بىلاي دەدى: «ۇگىت - لەكسيانى تىڭداعاننان كەيىن، مەن 19 - قۇرىلتايدىڭ رۋحى جونىندە تەرەڭ تۇسىنىككە يە بولدىم، يدەيالىق جاقتان تىڭ دەڭگەيگە كوتەرىلدىم. مۇنان كەيىن قىزمەت بارىسىندا 19 - قۇرىلتايدىڭ رۋحىن مۇقيات ۇيرەنىپ، دەن قويا دايىندىق كورىپ، 19 - قۇرىلتايدىڭ رۋحىن بۇقاراعا تۇسىنىكتى تىلمەن جەتكىزىپ، بۇقاراعا ءوزارا سۇحباتتاسۋ فورماسىندا ۇگىت - لەكسيا جاساپ، وتباسىلارىن ارالاپ، 19 - قۇرىلتاي رۋحىن ۇگىتتەيمىن».
 سول كۇنى تۇستەن كەيىن، جالەل ناسىر اقتاۋ اۋدانى پىلال اۋىلى تۇگىچى قىستاعىنا بارىپ حالىق ۇگىتشىلەرىمەن، نەگىزگى ساتىداعى پارتيا مۇشەلەرىمەن جانە كادرلارمەن اڭگىمە وتكىزىپ، پىكىر اۋىستىردى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى