ءتاڭىرتاۋ تورابى   ›   ۇيرەنۋ   ›   شولۋ

ۇلكەننىڭ ۇلكەنگە ءتان بەينەسى بولۋى كەرەك

− باس شۋجي شي جينپيڭنىڭ جۇڭگولىق، شەتەلدىك تىلشىلەرمەن كەزدەسكەندەگى ءسوزى جونىندە تولعانىس (6)

  ەڭ كەرەمەت جەتىستىك − باسقالاردان وزۋ ەمەس، قايتا ءوزىن جەڭۋ؛ ەڭ قىمباتتى تاباندىلىق − تالاي سىننان ءوتۋ ەمەس، قايتا اۋەلگى ماقساتتى ماڭگى ساقتاۋ.

  «جۇڭگو كوممۋنيستىك پارتياسى دۇنيە جۇزىندەگى ەڭ ۇلكەن ساياسي پارتيا. ۇلكەننىڭ ۇلكەنگە ءتان بەينەسى بولۋى كەرەك». باس شۋجي شي جينپيڭنىڭ جۇڭگولىق، شەتەلدىك تىلشىلەرمەن كەزدەسكەندەگى ءسوزى ءارى ايبىندى مالىمدەمە، ءارى كۇشتى دەمەۋ بولدى. 5 جىلدىڭ الدىندا جۇڭگولىق، شەتەلدىك تىلشىلەرمەن كەزدەسكەندەگى «بۇكىل پارتيا، ءسوزسىز، قىراعى بولۋ كەرەك» دەگەن ىقىلاستى ءناسيحاتتان وسى رەتكى تەرەڭ ماعىنادا «ۇلكەننىڭ ۇلكەنگە ءتان بەينەسى بولۋى كەرەك» دەپ باسا دارىپتەۋىنە دەيىن، باستان - اياق اۋەلگى ماقساتتى ۇمىتپاۋدىڭ ىقىلاسى، بورىشتى ادا ەتۋدىڭ بەكىمى قامتىلعان.

  96 جىلدىڭ الدىندا شاڭحايدىڭ شىكۋمىنىندە قۇرىلعان، جالپى پارتيا مۇشەسى 60 ادامعا جەتپەيتىن جاڭادان شاڭىراق كوتەرگەن ساياسي پارتيادان دامىپ، زورايىپ، 89 ميلليوننان استام پارتيا مۇشەسى بار، ءبىر ميلليارد 300 ميلليوننان استام حالقى بار ءىرى مەملەكەتكە باسشىلىق ەتكەن دۇنيە جۇزىندەگى ءبىرىنشى ۇلكەن ساياسي پارتياعا اينالدى. ەگەر دۇنيە جۇزىندەگى ەڭ ءىرى دامۋ ۇستىندەگى مەملەكەتتى سوتسياليستىك وسىزاماندانعان قۇدىرەتتى ەل ەتىپ قۇرىپ شىعۋ ادامزات تاريحىندا بۇرىن بولىپ كورمەگەن ايبىندى ءىس دەسەك، وندا پارتيا مۇشەلەرىنىڭ سانى كوپتەگەن ەلدىڭ حالىق سانىنان دا كوپ ۇلكەن پارتيانىڭ اۋەلگى ماقساتتى ۇمىتپاي، بورىشتى ەستە بەرىك ساقتاۋى الەمدىك دارەجەدەگى سىناق بولماق. دۇنيە جۇزىندەگى ەڭ ۇلكەن پارتيانىڭ بەينەسىمەن جاڭا داۋىرگە جەتەكشىلىك ەتۋ، دۇنيە جۇزىندەگى ءىرى ەلدىك ارمان - مۇراتپەن جاڭا نىساناعا اتتانۋ كەرەك، باس شۋجي شي جينپيڭنىڭ بۇل ءسوزى ءبىزدى جىگەرلەندىرە ءتۇستى. جۇڭگو كوممۋنيستىك پارتياسىندا كەرەمەتتەر جاراتاتىن ەرىك - جىگەر، وزىنە توڭكەرىس جاسايتىن بەكىم بار. ءىرى ەل، ۇلكەن پارتيا مۇراتىن ورناتىپ، ءوزىن پارتياعا، وتانعا ارناۋداي اۋىر مىندەتتى ءبىز ارقالاماي، كىم ارقالايدى؟

  «ۇلكەننىڭ ۇلكەنگە ءتان بەينەسى بولۋى كەرەك» دەگەن ءسوزدىڭ ۇلىلىعى نەدە؟ سنوۋ جازعانداي، «قايسار دا ەلدەن ەرەك، شوگەل دە ءتوزىمدى، جەڭۋگە بولمايتىن» پارتيانىڭ بەينەسى «مەملەكەتتى كوركەيتۋدىڭ شۇعىلاسى»، ۇلى ارمانى بولماق. «كوممۋنيستەر» جۋرنالىنىڭ بەتاشارىندا ايتىلعانداي، «پارتيانى بولاتتاي بەكەمدەيتىن» پارتيانىڭ بەينەسىن قۇرىشتاي سومدايتىن نارسە − ونىڭ ارقالاعان ۇلكەن جاۋاپكەرلىگى بولماق. جاڭا داۋىرگە قادام باسقاندا، 5 جىل بويى پارتيانى جاپپاي قاتاڭ جونگە سالۋ ارقىلى پارتيانىڭ بەت - بەينەسى «ءبىر جىلدا ءبىر جاڭالانىپ، 5 جىلدا شىت جاڭا تۇسكە ەندى»، شي جينپيڭنىڭ جاڭا ءداۋىر جۇڭگوشا سوتسياليزم يدەياسى جۇڭگونى تاريحي تابىسقا قول جەتكىزۋگە، تاريحي وزگەرىس تۋدىرۋعا جەبەپ، پارتيامىزدىڭ ۇلى ۇلەسىن كەستەلەدى. «ۇلى كۇرەستەر جۇرگىزۋ، ۇلى ينجەنەريالار جۇرگىزۋ، ۇلى ىستەردى ىلگەرىلەتۋ كەرەك». پارتيا 19 - قۇرىلتايى جۇڭگونىڭ تاريحي بەلەسى مەن تاريحي بورىشىن ايشىقتى بايانداپ، پارتيامىزدىڭ كەڭ كوز اياسىن ايگىلەدى. «باستان - اياق دۇنيە ءجۇزى بەيبىتشىلىگىنىڭ قۇرۋشىسى، الەم دامۋىنىڭ ۇلەسكەرى، حالىقارالىق ءتارتىپتىڭ قورعاۋشىسى بولامىز». اسقاق سەرت ادامزاتتىڭ العا باسۋ ىستەرى جولىنداعى كۇرەستىڭ جالپى ارناسىنىڭ كۋاسى بولدى. «جۇڭگو كوممۋنيستىك پارتياسى باستان - اياق ادامزات ءۇشىن جاڭا دا اناعۇرلىم زور ۇلەس قوسۋدى ءوزىنىڭ بورىشى ەتەدى»، وزگەرمەس سەنىم ماركسيزمدىك ساياسي پارتيانىڭ الەمدى ەسىندە ساقتاعان ۇلى ءورىسىن ءتۇسىندىردى.

  «ۇلكەننىڭ ۇلكەنگە ءتان بەينەسى بولۋى كەرەك»، ول قالاي ۇلكەيەدى؟ تەمىر سوقساڭ قۇرىش بول. «ماڭگى حالىقتىڭ قىزمەتكەرى، ءداۋىردىڭ اۆانگاردى، ۇلتتىڭ تىرەگى بولامىز»، ءبىز باس شۋجي شي جينپيڭنىڭ جاڭا داۋىردە كوممۋنيستىك پارتيا مۇشەلەرىنە بەرگەن جاڭا مازمۇنىن مۇقيات ۇعىنۋىمىز كەرەك. «ماسەلەگە باتىلدىقپەن تىكە كەلىپ، مەرەزدەردى سىلىپ، ۋىتتى ايداپ، پارتيانىڭ العاباسارلىعى مەن كىرشىكسىزدىگىنە نۇقسان جەتكىزەتىن بارلىق فاكتوردى الاستاپ، پارتيانىڭ اقاۋسىز دەنەسىن شىرىتەتىن بارلىق ۆيرۋستى تازالاۋىمىز كەرەك»، پارتيا 19 - قۇرىلتايىنىڭ پارتيانى جاپپاي قاتاڭ جونگە سالۋ جونىندە العا قويعان جاڭا تالاپتارىن جان - جاقتى دايەكتىلەندىرۋىمىز كەرەك. پارتيا مۇشەلەرى قۇرىلىمىندا جارىققا شىققان تاريحي وزگەرىس الدىندا، پارتيانى جاپپاي قاتاڭ جونگە سالۋدى قالاي تەرەڭدەتۋ كەرەك؟ جاڭا يدەيامەن باستالعان جاڭا ساپاردا، بۇكىل پارتيا قايتكەندە اۋەلگى ماقساتتى ۇمىتپاي، بورىشتى ەستە بەرىك ساقتاۋ كەرەك؟ بۇل جاڭا تاقىرىپتارعا بەتپە - بەت كەلگەندە عانا، پارتيامىز داۋىلدى تولقىننىڭ سىنىنان ءوتىپ، ءبىر ۇلكەن پارتيانىڭ قاسيەتىن باستان - اياق ساقتاپ، باستان - اياق پارمەندى باسشىلىق ۇيتقىسى بولا الادى.

   «پارتيامىز ءوز قۇرىلىسىن تىڭعىلىقتى جۇرگىزىپ، دۇنيە جۇزىندەگى ەڭ قۇدىرەتتى ساياسي پارتياعا اينالۋى كەرەك»، باس شۋجي شي جينپيڭ كەزىندە وسىلاي دەپ ىقىلاسپەن جىگەرلەندىرگەن بولاتىن. ءبىز ءىرى ەلدە بيلىك جۇرگىزىپ وتىرعان ۇلكەن پارتيامىز، پارتيانىڭ بەينەسى پارتيانىڭ تاعدىرىنا سايىپ قانا قالماستان، مەملەكەتتىڭ تاعدىرىنا، حالىقتىڭ تاعدىرىنا، ۇلتتىڭ تاعدىرىنا سايادى. جۇڭگوشا سوتسياليزم جاڭا داۋىرگە وتكەندە، پارتيامىز دا كەلەسى 100 جىلدىق كۇرەس نىساناسىنىڭ جاڭا ساپارىن باستادى. گۇلدەندىرۋ جولىنداعى «پارتيانى قۇدىرەتتەندىرۋ جالپى جوباسىنىڭ» دۇنيە جۇزىندەگى ەڭ قۇدىرەتتى ساياسي پارتيانى تۇلعالاپ، سوتسياليستىك وسىزاماندانعان قۇدىرەتتى ەل قۇرۋ جولىندا حالىقتى باستاي بەرۋىن تىلەيمىز.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى