ءتاڭىرتاۋ تورابى   ›   جاڭالىقتار   ›   باتىل ءۇن قاتىپ، ايقىن پوزيتسيا ءبىلدىرۋ

پارتياعا كىرگەندەگى سەرتىمدى ەسىمدە بەرىك ساقتاپ، بورىشىمدى جانە جاۋاپكەرلىگىمدى استە ۇمىتپايمىن

قوبىقسارى موڭعۇل اۆتونوميالى اۋداندىق ايەلدەر بىرلەستىگىنىڭ ءتورايىمى

نۇرزات سەگىزباي قىزى

  مەن نۇرزات سەگىزباي قىزى بولامىن، قوبىقسارى موڭعۇل اۆتونوميالى اۋدانىنداعى ءبىر قازاق وتباسىندا تۋىلدىم، بالا كەزىمنەن باستاپ ءار ۇلت بالالارىمەن بىرگە تۇرمىس كەشىرىپ، بىرگە ەسەيىپ - ەرجەتتىم، ۇلتتاردىڭ ۇلى شاڭىراعىندا پارتيانىڭ قامقورلىعىن، ۇلتتاردىڭ ىنتىماعىن، كورشىلەردىڭ بەرەكە - بىرلىگىن تەرەڭ سەزىندىم.

  پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭ قىزمەتىنە وسكەلەڭ تۇرعىدا باسا ءمان بەرىپ، شينجياڭنىڭ دامۋىن قولداۋ جونىندە ءبىرسىپىرا تيىمدىلىك جاساۋ ساياساتتارىن شىعارىپ، شينجياڭداعى ءار ۇلت جۇرتشىلىعى بۇرىن - سوڭدى بولماعان يگىلىكتەرگە كەنەلدى، قالا مەن اۋىلدىڭ بەت - بەينەسىندە وراسان زور وزگەرىستەر تۋىلدى، ەكوميكالىق، قوعامدىق دامۋدا بۇرىن - سوڭدى بولماعان تابىستارعا قول جەتتى.

  كۇللى الەم كوز تىككەن جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايى بەيجيڭدە اشىلدى، بۇل پارتيامىزدىڭ جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە جەتۋ كەزەڭىندە، جۇڭگوشا سوتسياليزمنىڭ جاڭا داۋىرگە وتكەندىگىنىڭ شەشۋشى ساتىندە اشىلعان اسا ماڭىزدى قۇرىلتاي، بەرەكەلى قۇرىلتاي، جەڭىسكە تولى قۇرىلتاي، ەكپىندەي العا ىلگەرىلەگەن قۇرىلتاي بولدى، بۇل پارتيا مەن مەملەكەتتىڭ دامۋ اياق الىسى جونىندە اسا كەلەلى تاريحي مانگە يە. قۇرىلتاي العا باسۋ بەتالىسىمىزدى كورسەتىپ، كۇرەس نىسانامىزدى ايقىنداپ بەردى، كوممۋنيستىك پارتيا مۇشەسى رەتىندە، مەن مۇنان تەرەڭ شابىت الۋمەن بىرگە، بورىشىمنىڭ داڭقتى، جاۋاپكەرلىگىمنىڭ اۋىر ەكەندىگىن تەرەڭ سەزىندىم.

  2002 - جىلى شىلدەدە پارتياعا قابىلدانعاننان بەرى، پارتياعا كىرگەندەگى سەرتىمدى قاي - قاشان دا ەسىمدە بەرىك ساقتاپ، وعان تاباندى بولىپ كەلەمىن. بارلىق ادام تولىسىپ - جەتىلۋ بارىسىندا پارتيا مەن مەملەكەتتىڭ كوڭىل ءبولۋى مەن باۋلۋىنان قول ۇزە المايدى. ەلىمىز ءبىر تۇتاس كوپ ۇلتتى مەملەكەت، ءار ۇلت حالقى قول ۇستاسا ۇلى وتانىمىزدىڭ ىرگە تاسىن بىرگە قالاعان، وتان تۇتاستىعىن بىرگە قورعاۋ − ءار ۇلت حالقىنىڭ ءتۇبىرلى جاۋاپكەرلىگى. پارتيانى ءسۇيىپ، پارتيانى قولداپ، پارتيانىڭ باسشىلىعىنا بويسۇنىپ، پارتيانىڭ باسشىلىعىنا قايشى كەلەتىن، وعان زيان جەتكىزەتىن، مەملەكەت ءتۇزىمى مەن زاڭمەن جونگە سالۋعا زالال جەتكىزەتىن، قالىڭ حالىق بۇقاراسىنىڭ مۇددەسىن زياندايتىن بارلىق ءىس - ارەكەتتەرمەن تۋىمىز ايقىن تۇردە باتىل كۇرەسۋ − ءار ۇلت حالقىنىڭ ورتاق مۇددەسىن قورعاعاندىق، سونداي - اق ءار ۇلت بۇقاراسىنىڭ ساياسي تومەنگى شەگى سانالادى، ودان باتىل اۋىتقىماۋىمىز قاجەت.

  قازاقتا «اعايىن تاتۋ بولسا ات كوپ، ابىسىن تاتۋ بولسا اس كوپ» دەگەن ماقال بار. ءار ۇلت بۇقاراسىنىڭ جۇرەكتەرىنىڭ توعىسۋى سۇيىسپەنشىلىكتەرىنىڭ كۇشەيەگەندىگى سانالادى. قارا بۇلت كۇننىڭ كوزىن تورلاي المايدى، زۇلىمدىق ادىلەتتى ماڭگى جەڭە المايدى. پارتيا تالاي جىلدان بەرى باۋلىپ، تاربيەلەگەن از ۇلت پارتيالى كادر رەتىندە، مەن تۋىس - تۋعاندارىما، ماڭىمداعى ءار ۇلت كادر - جۇرتشىلىعىنا ءوز باسىمنان ونەگە كورسەتىپ، قىراعىلىقتى ارتتىرىپ، جاۋاپكەرلىكتى ارقالاپ، اق پەن قارانى ايىرىپ، جۇدىرىقتاي جۇمىلىپ، زۇلىم كۇشتەرگە قارسى باتىل ءۇن قاتىپ، ايقىن پوزيتسيا بىلدىرەمىن، «ءۇش ءتۇرلى كۇشپەن» سوڭىنا دەيىن باتىل كۇرەسەمىن.

  از ۇلت ايەل كادر رەتىندە، مەن ءتىل جاعىنداعى، بۇقارامەن كەڭىنەن بايلانىس جاساۋ جاعىنداعى باسىمدىعىمدى جەتە ساۋلەلەندىرىپ، ءار ۇلت ايەل قاۋىمىن پارتيانىڭ شاپاعاتىنا العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە باستاپ، وتان تۇتاستىعىن، ۇلتتار ىنتىماعىن، قوعام ورنىقتىلىعىن قورعاۋداعى سانالىلىعىمدى جانە ىرىقتىلىعىمدى شىن مانىندە كۇشەيتەمىن. نەگىزگى ساتىداعى ايەلدەر بىرلەستىگىنىڭ كادرى بولۋ رەتىندە، مەن اۆانگارد، ونەگە بولامىن، قىزمەتىمدى ويداعىداي ىستەپ، جاڭا داۋىردەگى جاڭا بورىشتى ىشكەرىلەي تۇسىنەمىن، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جاڭا داۋىردە ايەلدەر قىزمەتىن ويداعىداي ىستەۋدىڭ تاريحي بورىشى مەن جاۋاپكەرلىگىن شىن مانىندە كۇشەيتىپ، ايەلدەر بىرلەستىگى قىزمەتىندە رەفورما جاساۋدى جانە جاڭالىق اشۋدى جاپپاي ىلگەرىلەتەمىن، سونىمەن بىرگە كوپىرلىك جانە دانەكەرلىك رولىمدى ساۋلەلەندىرىپ، ءار ۇلت ايەل قاۋىمىن جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە جەتۋدىڭ جاڭا جورىعىندا جەلەكتىلەر ۇلەسىن قوسۋعا قاراي ىنتىماقتاستىرا باستايمىن.\

  اۋەلگى ماقساتتى ۇمىتپاي، بورىشتى ەستە بەرىك ساقتاپ، جالعاستى العا ىلگەرىلەيىك؛ بورىش جاۋاپكەرلىككە شاقىرادى، بورىش بولاشاققا جەتەلەيدى. جاڭا ءداۋىردىڭ باستاماسىندا ءبىر نيەتپەن كۇش بىرىكتىرىپ، نازاردى باس نىساناعا شوعىرلاندىرىپ، باس نىساناعا قىزمەت كورسەتىپ، باس نىسانانى تياناقتاندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ تامىر تارتۋىنا، قاۋاشاق جارىپ، ماۋە بەرۋىنە كەپىلدىك ەتىپ، شينجياڭنىڭ تىنىش، ىنتىماقتى، جاراسىمدى، ورنىقتى جالپى جاعدايىن بىرگە ويداعىداي باتىل قورعاپ، شينجياڭدى بىرگە كوركەيتىپ، وتان ارمانىن بىرگە جۇزەگە اسىرايىق!

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى