ءتاڭىرتاۋ تورابى   ›   جاڭالىقتار   ›   ماڭىزدى حابارلار

شي جينپيڭ لاوس حالىقتىق توڭكەرىس پارتياسى ورتالىق كوميتەتىنىڭ باس شۋجيى، مەملەكەت ءتوراعاسى بىنياڭنىڭ قارسى الۋ قوناعاسىنا قاتىناستى

  شينحۋا اگەنتتىگىنىڭ 13 - قاراشادا ۆەنتياننان بەرگەن حابارى (تىلشىلەر شاڭ ياڭ، حى ۋيۋي.) ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 13 - قاراشادا ۆەنتياندا لاوس حالىقتىق توڭكەرىس پارتياسى ورتالىق كوميتەتىنىڭ باس شۋجيى، مەملەكەت ءتوراعاسى بىنياڭنىڭ قارسى الۋ قوناعاسىسىنا قاتىناستى.

  جەرگىلىكتى ۋاقىت كەشكى ساعات 7 مولشەرىندە، شي جينپيڭ مەن بىنياڭ مەملەكەت ءتوراعاسى سارايىنداعى قوناعاسى زالىنا بىرگە كىردى.

  بىنياڭ الدىمەن ءسوز سويلەپ بىلاي دەدى: شي جينپيڭ جولداستىڭ لاوستاعى وسى رەتكى تاريحي ساپارى لاوس پەن جۇڭگونىڭ ءداستۇرلى دوستىعىن تەرەڭدەتۋگە، لاوس پەن جۇڭگونىڭ جالپى بەتتىك ستراتەگيالىق ىنتىماقتاستىق سەرىكتەستىك قاتىناسىن ىلگەرىلەتۋگە ماڭىزدى ىقپال جاسايدى. لاوس حالىقتىق توڭكەرىس پارتياسى ج ك پ 19 - قۇرىلتايى قول جەتكىزگەن تابىستاردى شىن جۇرەكتەن قۇتتىقتايدى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جۇڭگو حالقىنىڭ «قوس 100 جىلدىق» ستراتەگيالىق نىسانانى ىسكە اسىرۋ ءۇشىن ۇدەرە العا تارتاتىنىنا سەنەدى.

  شي جينپيڭ ءسوز سويلەپ مىنانى اتاپ كورسەتتى: ارادا 7 جىل وتكەننەن كەيىن، لاوسقا تاعى ساپارلاي كەلىپ، لاوستىڭ ەكونوميكاسى دامىعانىن، قوعامى ورنىقتى ەكەنىن، ساياسي ىستەرىنىڭ ىلگەرى باسىپ، حالىقتىڭ كوڭىلى ورنىققانىن، ءتۇرلى ىستەرىنىڭ تىڭ تابىستارعا قول جەتكىزگەنىن كورگەندە، شىن جۇرەكتەن قۋاندىم. لاوس − شىعىس وڭتۇستىك ازياداعى ماڭىزدى مەملەكەت. جۇڭگو مەن لاوستىڭ تاۋ - وزەنى تۇتاسقان، ەكى ەل حالقىنىڭ دوستىق بارىس - كەلىسى ۇزاق تاريحقا يە، ءداستۇرلى دوستىق جۇرت كوڭىلىنە تەرەڭ ۇيالاعان. ديپلوماتيالىق قاتىناس ورناتقان 56 جىلدان بەرى، جۇڭگو مەن لاوستىڭ تاتۋ - ءتاتتى كورشىلىك، دوستىق قاتىناسى ۇزدىكسىز سۇبەلى تابىستارعا قول جەتكىزىپ، ەكى ەل حالقىنا ناقتى پايدا جەتكىزدى. جۇڭگو لاوسپەن بىرگە ءداستۇرلى دوستىقتى ساۋلەلەندىرىپ، ءوزارا تيىمدىلىك جەتكىزۋدى، ىنتىماقتاستىقتى تەرەڭدەتىپ، جۇڭگو مەن لاوستىڭ جالپى بەتتىك ستراتەگيالىق ىنتىماقتاستىق سەرىكتەستىك قاتىناسىن ۇزدىكسىز تىڭ ورەگە كوتەرىپ، جۇڭگو مەن لاوستىڭ ستراتەگيالىق ماڭىزعا يە تاعدىرلاس ورتاق تۇلعاسىن بىرگە قۇرۋعا پەيىل.

  قوناعاسى ىقىلاستى دا كوڭىلدى مەرەيدە ءوتتى.

  قوناعاسىدان بۇرىن، شي جينپيڭ جۇڭگودا وقىعان، قوناعاسىعا قاتىناسۋعا كەلگەن لاوستىق اعا بۋىن، ورتا، جاس بۋىن دوس قايراتكەرلەرمەن ءبىر - بىردەن قول الىسىپ، ىقىلاسپەن اڭگىمەلەسىپ، ولاردىڭ جۇڭگو مەن لاوس قاتىناسىنىڭ دامۋىنا قوسقان ۇلەسىن تولىق تۇراقتاندىردى، ولاردى جۇڭگو مەن لاوستىڭ دوستىعى ءۇشىن كۇش سالا بەرۋگە، اسىرەسە، جاستاردى جىگەرى مەن ومىرشەڭدىگى تاسقىنداعان باسىمدىعىن تولىق ساۋلەلەندىرىپ، ەكى ەلدىڭ ۇرپاقتان - ۇرپاققا جالعاسقان دوستىعىنىڭ ءىزباسارى بولۋعا شابىتتاندىردى.

     ديڭ شۋەشياڭ، ليۋ حى، ياڭ جيەچىلار قوناعاسىعا قاتىناستى. لاوس جاقتان لاوس حالىقتىق توڭكەرىس پارتياسى ورتالىق كوميتەتىنىڭ بۇرىنعى باس شۋجيى، بۇرىنعى مەملەكەت ءتوراعاسى جۇمالي، لاوس حالىقتىق توڭكەرىس پارتياسى ورتالىق كوميتەتى ساياسي بيۋروسىنىڭ مۇشەسى، پارلامەنت ءتوراعاسى باني، لاوس حالىقتىق توڭكەرىس پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، ورتالىق ءتارتىپ تەكسەرۋ كوميتەتىنىڭ شۋجيى، ورىنباسار زۇڭلي بىنتۇڭ، لاوس حالىقتىق توڭكەرىس پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ ۇنەمىلىك ىستەرگە جاۋاپتى شۋجيى، مەملەكەتتىڭ ورىنباسارءتوراعاسى پانكان، لاوس حالىقتىق توڭكەرىس پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، ورتالىق كوميتەت ۇيىمداستىرۋ ءبولىمىنىڭ باستىعى جانشي، لاوس پارتيا ورتالىق كوميتەتى ساياسي بيۋروسىنىڭ مۇشەسى، مەملەكەت قۇرۋ شەبىنىڭ ءتوراعاسى سايسۇڭپىڭ، لاوس حالىقتىق توڭكەرىس پارتياسى ورتالىق كوميتەتى ساياسي بيۋروسىنىڭ مۇشەسى، قورعانىس مينيسترى جانشامىڭ، لاوس حالىقتىق توڭكەرىس پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، پارتيا ورتالىق كوميتەتى كەڭسەسىنىڭ مەڭگەرۋشىسى كانپان، لاوس حالىقتىق توڭكەرىس پارتياسى ورتالىق كوميتەتى ساياسي بيۋروسىنىڭ مۇشەسى، ۆەنتيان قالالىق پارتكومنىڭ شۋجيى، قوسىمشا قالا باستىعى شينلافىڭ، لاوس حالىقتىق توڭكەرىس پارتياسى ورتالىق كوميتەتى ساياسي بيۋروسىنىڭ مۇشەسى، ورىنباسار زۇڭلي سۇڭساي، ت.ب قوناعاسىعا قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى