ءتاڭىرتاۋ تورابى   ›   جاڭالىقتار   ›   ماڭىزدى حابارلار

شي جينپيڭ ۆيەتنامنىڭ مەملەكەت ءتوراعاسى چىن داگۋاڭمەن كەڭەس وتكىزدى

  شينحۋا اگەنتتىگىنىڭ 13 - قاراشادا حانويدان بەرگەن حابارى (تىلشىلەر سۇن حاۋ، مياۋ شياۋجۋان.) ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 13 - قاراشادا حانويداعى ءتوراعا سارايىندا ۆيەتنامنىڭ مەملەكەت ءتوراعاسى چىن داگۋاڭمەن كەڭەس وتكىزدى.

  شي جينپيڭ ۆيەتنامنىڭ سوتسياليستىك جاڭالىققا كوشۋ، ەسىك اشۋ ىستەرىندە تاسقىنداعان تىرشىلىك تىنىسى ايگىلەنگەندىگىن، داناڭدا وتكىزىلگەن ازيا - تىنىق مۇحيت ەكونوميكالىق ىنتىماقتاستىق ۇيىمى مۇشەلەرى باسشىلارىنىڭ 25 - رەتكى بەيرەسمي ءماجىلىسىنىڭ تولىق تابىسقا قول جەتكىزگەندىگىن قۇتتىقتادى. شي جينپيڭ بىلاي دەپ اتاپ كورسەتتى: سوتسياليستىك كورشى ەل جانە ماڭىزدى ىنتىماقتاستىق سەرىك رەتىندە، ۇقساس ساياسي ءتۇزىم مەن ورتاق دامۋ نىساناسى جۇڭگو مەن ۆيەتنام پارتيالارىنىڭ، ەلدەرىنىڭ جانە ەكى ەل حالقىنىڭ تاعدىرىن تىعىز بايلانىستىرعان. جۇڭگو كومپارتياسى مەن ۇكىمەتى جۇڭگو مەن ۆيەتنامنىڭ قارىم - قاتىناسىنا ايرىقشا ءمان بەرەدى، ۆيەتناممەن دوستىقتى ساقتاۋدىڭ نەگىزگى باعىتىن تاباندىلىقپەن اتقارادى، ەكى ەلدىڭ جان - جاقتى ستراتەگيالىق ىنتىماقتاستىعىن نىعايتۋعا كۇش سالادى، ەكى ەل حالقىن شىنايى يگىلىككە كەنەلتەدى.

  شي جينپيڭ مىنانى باسا دارىپتەدى: حالىقارالىق جانە وڭىرلىك جاعدايدا تەرەڭ، كۇردەلى وزگەرىس بولعان، جۇڭگو مەن ۆيەتنامنىڭ رەفورما، دامۋ مىندەتتەرى اۋىرلاعان جاعدايدا، ەكى پارتيانىڭ، ەكى ەلدىڭ جوعارى جىكتەگىلەرى ستراتەگيالىق قارىم - قاتىناستى كۇشەيتىپ، جۇڭگو مەن ۆيەتنامنىڭ قارىم - قاتىناسىن دامىتۋ بەتالىسىن ءداپ باسىپ يگەرىپ، جۇڭگو مەن ۆيەتنام قارىم - قاتىناسى كەمەسىنىڭ دۇرىس بەتالىسپەن تولقىن جارا العا ىلگەرىلەۋىن جەبەۋى كەرەك. تاراپتار ەكى جاقتى ساۋدا مولشەرىنىڭ ورنىقتى ارتۋ بەتالىسىن ويداعىداي بەكەمدەپ، «ءبىر بەلدەۋ، ءبىر جولدى» «2 ءدالىز، ءبىر شەڭبەر» قۇرىلىسىمەن ءتۇيىلىستىرۋدى جەدەلدەتىپ، نەگىزدىك قۇرىلعى قۇرىلىسى، ءوندىرىس قۋاتى، شەكارا اتتاعان ەكونوميكالىق ىنتىماقتاستىق ءوڭىرى سياقتى ءتۇيىندى سالالارداعى ىنتىماقتاستىقتى العا ىلگەرىلەتىپ، ءتۇيىندى نىسانداردى مىقتى يگەرۋى كەرەك. گۋمانيتارلىق سالالارداعى ۇسىنىلىمدى ارتتىرىپ، حالىقتىق بارىس - كەلىستى كەڭ كولەمدى قانات جايدىرىپ، ەكى ەل حالقىنىڭ، وتە - موتە، جاس ۇرپاقتاردىڭ ءوزارا تۇسىنىستىگىن تەرەڭدەتىپ، جۇڭگو مەن ۆيەتنام قارىم - قاتىناسىنىڭ ەل رايى نەگىزىن بەكەمدەۋ كەرەك. الاۋىزدىقتاردى ۇيلەسىمدى مەڭگەرىپ، تەڭىزدەگى بەيبىتشىلىكتى، ورنىقتىلىقتى قورعاپ، بىرگە اشۋدى العا ىلگەرىلەتۋ كەرەك. تاراپتار وسى جولعى ساپاردىڭ تابىستارىن جان - جاقتى، تىڭعىلىقتى تياناقتاندىرۋى، جاڭا داۋىردە جۇڭگو مەن ۆيەتنام قارىم - قاتىناسىنىڭ اناعۇرلىم زور دامۋىن العا ىلگەرىلەتۋى كەرەك.

  چىن داگۋاڭ بىلاي دەدى: جۇڭگو كوممۋنيستىك پارتياسى مەملەكەتتىك 19 - قۇرىلتايىنىڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشى ورنىن تۇراقتاندىرعاندىعىن، شي جينپيڭ جولداستىڭ جۇڭگو كوممۋنيستىك پارتياسى ورتالىق كوميتەتىنىڭ باس شۋجيى بولىپ تاعى دا سايلانعاندىعىن قۇتتىقتايمىن. ۆيەتنام جۇڭگونىڭ ەكونوميكالىق، قوعامدىق دامۋدا قول جەتكىزگەن وراسان زور تابىستارىن، حالىقارالىق جانە وڭىرلىك بەيبىتشىلىك پەن گۇلدەنىپ - كوركەيۋگە قوسقان ماڭىزدى ۇلەستەرىن ايرىقشا باعالايدى. ۆيەتنام مەن جۇڭگونىڭ جان - جاقتى ستراتەگيالىق ىنتىماقتاستىق سەرىكتەستىك قارىم - قاتىناسىن بەكەمدەۋ جانە كۇشەيتۋ ەكى ەلدىڭ جانە ەكى ەل حالقىنىڭ ءتۇبىرلى مۇددەسىنە ۇيلەسەدى، سونداي - اق حالىقارالىق جانە وڭىرلىك بەيبىتشىلىككە، ورنىقتىلىققا پايدالى. ۆيەتنام جۇڭگومەن بىرگە قۇلشىنىپ، ەكى ەلدىڭ اعا بۋىن باسشىلارى تۇلعالاعان ۆيەتنام مەن جۇڭگونىڭ ءداستۇرلى دوستىعىن ويداعىداي جالعاپ، ءتوراعا شي جينپيڭنىڭ وسى جولعى ساپارىنداعى ماڭىزدى تابىستاردى تىڭعىلىقتى تياناقتاندىرىپ، ەكى پارتيانىڭ، ەكى ەلدىڭ جوعارى جىكتەگىلەرىنىڭ بارىس - كەلىسىن ساقتاپ، ءارقايسى سالالارداعى ناقتى اۋىس - كۇيىستى، ىنتىماقتاستىقتى العا ىلگەرىلەتىپ، ۆيەتنام مەن جۇڭگونىڭ قارىم - قاتىناسىنىڭ ىشكەرىلەي دامۋىن العا ىلگەرىلەتۋدى قالايدى.

     ديڭ شۋەشياڭ، ليۋ حى، ياڭ جيەچى قاتارلىلار كەڭەسكە قاتىناستى. ۆيەتنام جاقتان ۆيەتنام كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورىنباسار زۇڭلي، سىرتقى ىستەر مينيسترى فان پيڭميڭ، ۆيەتنام كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، ورتالىق كوميتەت ۇگىت - تاربيە ءبولىمىنىڭ باستىعى ۋ ۋىنشاڭ، ۆيەتنام كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورىنباسار زۇڭلي ۋاڭ تيڭحۇي، ۆيەتنام كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، ورتالىق كوميتەت ەكونوميكا ءبولىمىنىڭ باستىعى رۋان ۋىنپيڭ، ۆيەتنام كوممۋنيستىك پارتياسى ورتالىق كوميتەتى شۋجيچۋىنىڭ شۋجيى، ەڭ جوعارى حالىق سوتى مەكەمەسىنىڭ باستىعى رۋان حىپيڭ قاتارلىلار كەڭەسكە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى