ءتاڭىرتاۋ تورابى   ›   جاڭالىقتار   ›   شينجياڭ حابارلارى

پارتيا 19-قۇرىلتايى جونىندەگى اۆتونوميالى رايوندىق ۇگىت-لەكسيا ۇيىرمەسى قاشقاردا، قىزىلسۋدا ۇگىت-لەكسيا جاسادى

ۇگىت-لەكسيا جۇرتتى ءسۇيىندىردى، ناقتى ءىس ىستەۋ تاماشا ناتيجە جاراتتى

  پارتيا 19 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ جونىندەگى اۆتونوميالى رايوندىق ۇگىت - لەكسيا ۇيىرمەسى 11 - قاراشادا قاشقاردا، قىزىلسۋدا ۇگىت - لەكسيا جاسادى. ۇگىت - لەكسيا ۇيىرمەسىنىڭ مۇشەلەرى تارتىمدى ۇگىت - لەكسيا بايانداماسىن جاسادى، سونداي - اق جەرگىلىكتى كادرلارمەن، بۇقارامەن اڭگىمەلەستى، پىكىر اۋىستىردى. ءار ۇلت كادرلارى مەن بۇقاراسى بىلاي دەدى: ۇگىت - لەكسيانى دەن قويا تىڭداپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، سوتسياليستىك وسىزاماندانعان مەملەكەتتى جاپپاي قۇرۋدىڭ جاڭا جورىعىن باستاۋ سىندى ايبىندى نىسانانى اناعۇرلىم ايقىندادىق، شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن وي - سانانى قارۋلاندىرىپ، قىزمەتتەرگە جەتەكشىلىك ەتىپ، پارتيا 19 - قۇرىلتايىنىڭ رۋحىن ويداعىداي ۇيرەنىپ، ويداعىداي ۇگىتتەپ، ويداعىداي دايەكتىلەندىرىپ، پارتيا 19 - قۇرىلتايى رۋحىنىڭ تياناقتانىپ، تەرەڭ تامىر تارتىپ، گۇل اشىپ، جەمىس بەرۋىنە شىنايى مۇمكىندىك جاسايمىز.

  ۇگىت - لەكسيا ۇيىرمەسىنىڭ مۇشەلەرى پارتيا 19 - قۇرىلتايى بايانداماسىنىڭ ءتۇپ نۇسقاسىمەن تىعىز بىرلەستىرىپ، پارتيا 19 - قۇرىلتايىنىڭ نەگىزگى تاقىرىبى، شي جينپيڭنىڭ جاڭا ءداۋىر جۇڭگوشا سوتسياليزم يدەياسى، 18 - قۇرىلتايدان بەرگى پارتيا مەن مەملەكەت ىستەرى دامۋىنىڭ تاريحي وزگەرىسى، ەلىمىز قوعامىنداعى باستى قايشىلىقتىڭ وزگەرىسى، «ەكى ساتىعا ءبولىپ ءجۇرۋ»، «ەكى كەزەڭ» ستراتەگيالىق ورنالاستىرۋى، ەلىمىزدىڭ ەكونوميكالىق، قوعامدىق دامۋىنداعى كەلەلى ورنالاستىرۋ جانە پارتيانى جاپپاي قاتاڭ جونگە سالۋدى باتىل، مىزعىماي ىلگەرىلەتۋ سياقتى جاقتاردان جۇيەلى تۇسىنىك جاسادى. ۇگىت - لەكسيا بايانداماسى جۇيەلى، جان - جاقتى، دالمە - ءدال، شىنايى بولدى، ءتۇيىن مەن كولەمدى ۇشتاستىرىپ، ءتۇيىندى كورنەكتىلەندىرىپ، تەرەڭ ويدى ۇعىنىقتى تىلمەن قاراپايىم، تۇسىنىكتى بايانداپ، كادرلار مەن جۇرتشىلىقتىڭ كۇشتى اڭىسىن قوزعادى.

  قىزىلسۋ قىرعىز اۆتونوميالى وبلىسىنىڭ اتۇش قالاسىندا ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق پارتكوم ۇگىت ءبولىمىنىڭ ورىنباسار باستىعى ۋاڭ ۋلۇڭ تەلەۆيزور - تەلەفون ءماجىلىسى فورماسىندا 5000 نەشە ءار ۇلت كادرى مەن بۇقاراسىنا تارتىمدى ۇگىت - لەكسيا بايانداماسىن جاسادى. ول قىزىلسۋ وبلىسىنداعى «پارتيا 19 - قۇرىلتايىنىڭ رۋحى» جونىندەگى ۇگىت - لەكسيا تىرەكتى كادرلارىن باۋلۋ كۋرسىنداعى كۋرسانتتارمەن بىرگە نەگىزگى ساتىنىڭ ۇگىت - لەكسيا قىزمەتىن قالاي جاقسى ىستەۋ جونىندە اڭگىمە وتكىزدى. اتۇش قالاسىنىڭ ءۇستىن اتۇش قالاشىعىنىڭ قايراق قىستاعىنداعى قۇربانجان ءوماردىڭ مادەنيەت اۋلاسىندا ۋاڭ ۋلۇڭ قىستاق كادرلارىمەن جانە قىستاق تۇرعىندارىمەن پىكىر اۋىستىردى.

  قاشقار ايماعىنىڭ قاعىلىق اۋدانىندا ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق پارتكوم ۇيىمداستىرۋ ءبولىمىنىڭ ورىنباسار باستىعى جالەل ناسىر بەينە ەكران ءماجىلىسى فورماسىندا تۇتاس اۋدانداعى از ۇلت باسشى كادرلارىنا، «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتىنىڭ مۇشەلەرىنە، قىستاق كادرلارىنا، ۇگىت - لەكسياشىلارعا ۇيعۇر تىلىندە ۇگىت - لەكسيا جاسادى. قاعىلىق اۋدانى تەتىر اۋىلى يولعۇنجاي قىستاعىندا جالەل ناسىر قىستاقتاعى پارتيا مۇشەلەرىمەن، كادرلارمەن اڭگىمەلەسىپ، پىكىر اۋىستىرىپ، پارتيا 19 - قۇرىلتايى بايانداماسىن ۇيرەنۋ اسەرلەرىن ءبولىستى. ول تاعى مادەنيەت اۋلاسىنا بارىپ، قىستاق مادەنيەت قيمىلىنىڭ شەپ قۇرىلىسىن تاپتەشتەي ۇعىستى ءارى قىستاق تۇرعىندارىمەن، مادەنيەت شەبەرلەرىمەن، حالىقتىق كوركەمونەرشىلەرمەن پىكىر اۋىستىردى.

  «ۇگىت - لەكسيا بايانداماسىنان قاباعات تاربيە جانە اسەر الدىم». قىزىلسۋ وبلىستىق پارتكوم كەڭسەسى ينفورماتسيا ءبولىمىنىڭ قىزمەتكەرى ديڭ شاۋكاي بىلاي دەدى: «بۇدان كەيىنگى قىزمەتتە مەن اۋەلگى ماقساتتى ۇمىتپاي، بورىشتى ەستە بەرىك ساقتاپ، پارتيا 19 - قۇرىلتايى رۋحىن ءىس جۇزىندىك قىزمەتتەردە دايەكتىلەندىرىپ، تياناقتاندىرىپ، جاڭا داۋىردە جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن ويداعىداي جازۋعا ءوز ۇلەسىمدى قوسامىن».

  قىزىلسۋ وبلىستىق پارتكومنىڭ ورىنباسار باس حاتشىسى، ارىز - ارمان مەكەمەسىنىڭ باستىعى ءدىلشات حادىك بىلاي دەدى: تارتىمدى باياندامانى تىڭداپ، تەرەڭ اسەر الدىم. الداعى قىزمەتتە پارتياعا ابسوليۋتتى ادال بولىپ، وتاننىڭ تۇتاستىعىن سانالى تۇردە قورعايمىن، ۇلتتار ىنتىماعىن سانالى تۇردە قورعايمىن، قوعام ورنىقتىلىعىن سانالى تۇردە قورعايمىن.

  قاعىلىق اۋدانىنداعى 7 - باستاۋىش مەكتەپتىڭ وقىتۋشىسى اينۇر تۇردى بىلاي دەدى: «ۇگىت - لەكسيا بايانداماسى وتە جاقسى جاسالدى، ماسەلەگە تەرەڭ تالداۋ جاسادى. اسىرەسە، نازاريا مەن امالياتتى بىرلەستىرىپ، جاندى مىسالدار ارقىلى پارتيا 19 - قۇرىلتايىنىڭ رۋحىن قاراپايىم، ۇعىنىقتى ءتۇسىندىردى. مۇنداي بەينەلەۋ ءتاسىلى مەن ءتىل ۇلگىسىنەن تەرەڭ اسەر الدىم، سونداي - اق پارتيا 19 - قۇرىلتايىنىڭ رۋحىن قايتكەندە اناعۇرلىم جاقسى ادىستەرمەن وقۋشىلارعا جەتە ءتۇسىندىرۋدى ۇيرەندىم».

     «نەگىزگى ساتىنىڭ ۇگىت - لەكسياشىسى بولعان مەن <4 تانىمدى> ۇزدىكسىز كۇشەيتىپ، قاراپايىم، ۇعىنىقتى ءتىل ارقىلى نەگىزگى ساتىنىڭ ۇگىت - لەكسيا قىزمەتىن جاقسى ىستەپ، پارتيا 19 - قۇرىلتايىنىڭ رۋحىن جۇرتتىڭ جۇرەگىنە ۇيالاتامىن»، - دەدى قاعىلىق اۋدانىنداعى ۇگىت - لەكسيا ۇيىرمەسىنىڭ مۇشەسى تۇرسۇنگۇل سىدىق.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى