ءتاڭىرتاۋ تورابى   ›   جاڭالىقتار   ›   شينجياڭ حابارلارى

پارتيا 19 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ جونىندەگى اۆتونوميالى رايوننىڭ ۇگىت - لەكسيا ۇيىرمەسى جەر - جەردە ۇگىت - لەكسيا جاسادى

نەگىزگى تاقىرىبى ايقىن، مازمۇنى مول، ۇعىمعا جەڭىل بولدى

  10 - قاراشادا پارتيا 19 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ جونىندەگى اۆتونوميالى رايوننىڭ ۇگىت - لەكسيا ۇيىرمەسى 8 گرۋپپاعا ءبولىنىپ، ءۇرىمجى، ىلە، قاشقار، قارامايلى، تارباعاتاي، تۇرپان، بايىنعولين، بۇراتالا سياقتى ايماق، وبلىس، قالالاردا ۇگىت - لەكسيا باياندامالارىن جاساپ، سول جەردەگى كادر - جۇرتشىلىقپەن اڭگىمە وتكىزىپ، پىكىر اۋىستىردى. كوپشىلىك پارتيا 19 - قۇرىلتايىنىڭ نەگىزگى رۋحى مەن ماڭىزدى ءمانىن اناعۇرلىم جان - جاقتى تاني تۇستىك؛ جەتە ۇيرەنۋ، جەتە ءتۇسىنۋ، شىنايى تياناقتاندىرۋعا شىن مانىندە كۇش سالىپ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىمەن وي - سانانى قارۋلاندىرىپ، امالياتقا جەتەكشىلىك ەتىپ، قىزمەتتى ىلگەرىلەتەتىندىكتەرىن ءبىلدىردى.

  ۇگىت - لەكسيا ۇيىرمەسىنىڭ مۇشەلەرى پارتيا 19 - قۇرىلتايىنىڭ رۋحىنا تىعىز بىرلەستىرىپ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسى سىندى نەگىزگى جەلىنى بەرىك ارقاۋ ەتىپ، پارتيا 19 - قۇرىلتايىنىڭ نەگىزگى تاقىرىبى، شي جينپيڭنىڭ جاڭا داۋىردەگى جۇڭگوشا سوتسياليزم يدەياسى، وتكەن 5 جىلدا پارتيا مەن مەملەكەت ىستەرىندە قول جەتكەن تاريحي تابىستار مەن جارىققا شىققان تاريحي وزگەرىستەر، جۇڭگوشا سوتسياليزمنىڭ جاڭا داۋىرگە ءوتۋى، جاڭا داۋىردەگى جۇڭگو كوممۋنيستىك پارتياسىنىڭ تاريحي بورىشى سياقتى جاقتاردان پارتيانىڭ 19 - قۇرىلتايىندا ورتاعا قويىلعان جاڭا يدەيا، جاڭا تۇجىرىمداما، جاڭا نىسانا، جاڭا تالاپ، جاڭا مىندەتتەر جونىندە جان - جاقتى، جۇيەلى، ءتۇيىنى كورنەكتىلەنگەن تۇسىنىك جاسادى. ۇگىت - لەكسيا باياندامالارىنىڭ نەگىزگى تاقىرىبى ايقىن، مازمۇنى مول، يدەياسى تەرەڭ، ۇعىمعا جەڭىل بولدى، نازاريالىق جيناقتاۋمەن قاتار، امالياتقا جەتەكشىلىك ەتۋگە ءمان بەرىلدى. تىڭداۋشىلار دەن قويا تىڭداپ، ەگجەي - تەگجەيلى ەستەلىك الىپ، زەيىن - زەردەنى شوعىرلاندىرىپ، كوپ پايدا الدى.

  ءۇرىمجى قالاسىندا، ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق ءتارتىپ تەكسەرۋ كوميتەتىنىڭ ورىنباسار شۋجيى پۋ شۋەمەي اۆتونوميالى رايونعا توتە قاراستى ورگانداردان 115 تاراۋ، مەكەمەدەگى 800 پارتيا مۇشەسى مەن كادرعا ۇگىت - لەكسيا بايانداماسىن جاسادى، ول تاعى اۆتونوميالى رايوننىڭ قاتىستى مەڭگەرمە، مەكەمەلەرىندەگى كادر - جۇرتشىلىقپەن اڭگىمە وتكىزىپ، پىكىر اۋىستىردى، ولار بەلسەنە ءسوز الىپ، مەرەيلى دە دۋماندى بەينەدە اڭگىمەلەستى.

  تارباعاتاي ايماعىندا، ۇگىت - لەكسيا ۇيىرمەسىنىڭ مۇشەسى، شينجياڭ قوعامدىق عىلىمدار اكادەمياسى پارتكومىنىڭ ورىنباسار شۋجيى، اكادەميا باستىعى گاۋ جيانلۇڭ شاۋەشەك نيڭچىڭ قوناق ءۇيىنىڭ ءماجىلىس ورتالىعىندا ۇگىت - لەكسيا بايانداماسىن جاسادى. ول تاعى شاۋەشەك قالاسى شينچىڭ ءمالى باسقارماسى قۇلجا الەۋمەتتىك اۋماعىنا بارىپ، قايتكەندە جاستار مەن ورەندەر اراسىندا پارتيا 19 - قۇرىلتايىنىڭ رۋحىن ءتىپتى ويداعىداي ۇگىتتەپ، قايتكەندە حالىققا ۇعىمدى تۋىندىلار جاراتۋ ارقىلى پارتيا 19 - قۇرىلتايىنىڭ رۋحىن ۇگىتتەۋگە بولاتىنى جونىندە الەۋمەتتىك اۋماقتاعى پارتيا مۇشەلەرىمەن، كادرلارمەن، بۇقارامەن، نەگىزگى ساتىداعى ۇگىتشىلەرمەن اڭگىمە وتكىزىپ، پىكىر اۋىستىردى. ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق قوعامدىق عىلىمدار بىرلەستىگى پارتيا باسشىلىق گرۋپپاسىنىڭ مۇشەسى، ورىنباسار ءتوراعاسى ەركەش قۇرمانبەك قىزى تولى اۋدانىندا قازاق تىلىندە ۇگىت - لەكسيا بايانداماسىن جاسادى ءارى تولى اۋدانى تولى قالاشىعىنىڭ بايگەتوبە الەۋمەتتىك اۋماعىندا قايتكەندە ساقا پارتيا مۇشەلەرى مەن قارت كادرلاردىڭ، حالىق ۇگىتشىلەرىنىڭ پارتيا 19 - قۇرىلتايىن ۇگىتتەۋدەگى رولىن تولىق ساۋلەلەندىرۋگە بولاتىنى جونىندە الەۋمەتتىك اۋماق كادرلارىمەن تالقى ورىستەتتى.

  ىلە قازاق اۆتونوميالى وبلىسىندا، ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق پارتكوم ساياسات زەرتتەۋ كەڭسەسىنىڭ ورىنباسار مەڭگەرۋشىسى حى گوچيڭ قۇلجا قالاسىنداعى قالىڭ پارتيا مۇشەلەرى مەن كادرلارعا ۇگىت - لەكسيا بايانداماسىن جاساپ، پارتيا 19 - قۇرىلتايىنىڭ رۋحىن قايتكەندە جاپپاي، ىشكەرىلەي ۇيرەنۋگە، ۇگىتتەۋگە، دايەكتىلەندىرۋگە بولاتىنىن جۇيەلى بايىمداپ، تەرەڭدەي ءتۇسىندىردى. ول تاعى قۇلجا قالاسىنىڭ سايبويى ءمالى باسقارماسىنا بارىپ، ءمالى باسقارماسىنان، الەۋمەتتىك اۋماقتان جانە ءبىر ءبولىم كاسىپورىنداردان، ۇلت - ءدىن جۇيەسىنەن كەلگەن پارتيا مۇشەلەرىمەن، كادرلارمەن قايتكەندە نەگىزگى ساتىدا پارتيا 19 - قۇرىلتايىنىڭ رۋحىن ويداعىداي ۇگىتتەۋگە بولاتىنى جونىندە ىشكەرىلەي تالقى ورىستەتتى. ۇگىت - لەكسيا ۇيىرمەسىنىڭ مۇشەسى، ىلە قازاق اۆتونوميالى وبلىستىق ساياسي كەڭەستىڭ ءتوراعاسى سەرجان ۇعىباي ۇلى كۇنەس اۋدانىندا قازاق تىلىندە 300دەن اسا از ۇلت كادر - جۇرتشىلىعىنا تاماشا ۇگىت - لەكسيا بايانداماسىن جاسادى ءارى پارتيانى جاپپاي قاتاڭ جونگە سالۋ جونىندە پارتيا مۇشەلەرىمەن، كادرلارمەن تالقى ورىستەتتى.

  قارامايلى قالاسىندا، ۇگىت - لەكسيا ۇيىرمەسىنىڭ مۇشەسى، شينجياڭ ۋنيۆەرسيتەتى پارتكومىنىڭ ورىنباسار شۋجيى، مەكتەپ باستىعى ءۋالي بارات پارتيا 19 - قۇرىلتايىنىڭ رۋحىن ۇيرەنۋ، دايەكتىلەندىرۋ بارىسىندا كادر - جۇرتشىلىق جاپپاي نازار اۋدارىپ وتىرعان ءتۇيىندى ماسەلەلەر جونىندە ىشكەرىلەي تۇسىنىك بەرىپ، ارناۋلى پىسىقتاۋ جاسادى. ول تاعى الەۋمەتتىك اۋماقتارعا، مۇناي الابى كاسىپورىندارىنا بارىپ، الەۋمەتتىك اۋماق كادرلارىنىڭ، «ۇعىسۋ، تيىمدىلىك جاساۋ، توعىستىرۋ» قيمىلى بويىنشا الەۋمەتتىك اۋماقتا تۇراتىن قىزمەت اترەتتەرىنىڭ مۇشەلەرىنىڭ، الەۋمەتتىك اۋماق تۇرعىندارىنىڭ جانە مۇناي سالاسىنىڭ ءبىرىنشى شەبىندەگى جۇمىسشى - قىزمەتكەرلەردىڭ، جوعارى، ورتا تەحنيكۋم مەكتەپتەرىنىڭ وقىتۋشى - وقۋشىلارىنىڭ زەينەتكەرلىك، ەمدەۋ، وقۋ - اعارتۋ، مادەنيەت قۇرىلىسى، ەكولوگيالىق وركەنيەت قۇرىلىسى، ۇلتتار ىنتىماعى، قاتىناستىڭ دامۋى، ت.ب جونىندەگى ماسەلەلەرىنە شينجياڭ مەن قارامايلىنىڭ دامۋ امالياتىنا ۇشتاستىرا وتىرىپ ءبىر - بىردەن تۇسىنىك جاساپ، پىكىر اۋىستىردى.

  قاشقار ايماعىندا، ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق پارتكوم ۇيىمداستىرۋ ءبولىمىنىڭ ورىنباسار باستىعى جالەل ناسىر، ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق پارتكوم ۇگىت ءبولىمىنىڭ ورىنباسار باستىعى ۋاڭ ۋلۇڭ جەكە - جەكە ياركەن اۋدانى مەن قاشقار قالاسىندا ۇيعۇر ءتىلى جانە مەملەكەت تىلىندە ۇگىت - لەكسيا بايانداماسىن جاسادى. ۇگىت - لەكسيا بايانداما جينالىسى بەينەجازبا تۇرىندە قاشقار ايماعىنداعى 12 اۋدان، قالانى تەگىس قامتىدى، باياندامانى جالپى 9000نان اسا ءار ۇلت پارتيا مۇشەسى مەن كادر زەر سالا تىڭدادى. 3 ساعاتتان اسا جالعاسقان بايانداما جينالىسىندا، تىڭداۋشىلار مۇقيات ەستەلىك الدى، جينالىس زالىنان ءالسىن - ءالى كۇندەي كۇركىرەگەن شاپالاق ءۇنى كوتەرىلدى. ۋاڭ ۋلۇڭ تاعى قاشقار قالاسى شىنجىن - قاشقار 1 - ورتا مەكتەبىندەگى ءار ۇلت وقىتۋشى - وقۋشىلارىمەن مەملەكەت ءتىلى تاربيەسىن ىلگەرىلەتۋ جونىندە قىزۋ تالقى ورىستەتتى. جالەل ناسىر تاعى ياركەن اۋدانى ودانلىق اۋىلى ياندۇما حان ارىق قىستاعىنا بارىپ، «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇراتىن قىزمەت اترەتىنىڭ مۇشەلەرىمەن، قىستاق «ەكى كوميتەتىنىڭ» مۇشەلەرىمەن، قىستاق تۇرعىندارىنىڭ ۋاكىلدەرىمەن اڭگىمە وتكىزىپ، پىكىر اۋىستىردى.

  بايىنعولين موڭعۇل اۆتونوميالى وبلىسىندا، ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق ەكونوميكا جانە ينفورماتسيالاندىرۋ كوميتەتى پارتيا باسشىلىق گرۋپپاسىنىڭ شۋجيى، مەڭگەرۋشىسى حۋ كايجياڭ كورلا قالاسىندا ۇگىت - لەكسيا بايانداماسىن جاسادى. بايانداما جينالىسى تەلەۆيزور - تەلەفون ءماجىلىسى تۇرىندە ءوتتى، بايىنعولين وبلىسىنىڭ اۋدان، قالالارىنان، كورلا ەكونوميكالىق - تەحنيكالىق اشۋ رايونىنان، اۋىل - قالاشىق، ءمالى باسقارمالارىنان بولىمشە ءماجىلىس الاڭدارى اشىلىپ، جالپى 5400دەن اسا كادر - جۇرتشىلىق باياندامانى تىڭدادى. حۋ كايجياڭ كورلا قالاسىنداعى شاڭكۋ ونەركاسىپ باقشاسىنا بارىپ، قايتكەندە پارتيا 19 - قۇرىلتايىنىڭ رۋحىن ناقتى قىزمەتتەردە تياناقتاندىرۋعا بولاتىنى جونىندە كاسىپورىننىڭ كادر، جۇمىسشى - قىزمەتكەرلەرىمەن پىكىر اۋىستىردى.

  بۇراتالا موڭعۇل اۆتونوميالى وبلىسىندا، ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق پارتكوم ۇيىمداستىرۋ ءبولىمىنىڭ ورىنباسار باستىعى، اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى پارتيا باسشىلىق گرۋپپاسىنىڭ شۋجيى، مەڭگەرمەنىڭ ورىنباسار باستىعى ياڭ يۇڭ تەلەۆيزور - تەلەفون ءماجىلىسى تۇرىمەن بۇراتالا وبلىسىنداعى 1600دەن استام كادر - جۇرتشىلىققا ۇگىت - لەكسيا بايانداماسىن جاسادى. ول تاعى ىلگەرىندى - كەيىندى بۇراتالا قالاسى چىندەل قالاشىعىنىڭ بۇرتا قىستاعىنا، بۇراتالا قالاسى كىرگىنجو ءمالى باسقارماسىنىڭ گۋاڭبويۋان الەۋمەتتىك اۋماعىنا بارىپ، حالىق ۇگىتشىلەرىمەن، نەگىزگى ساتىداعى پارتيالى كادرلارمەن اڭگىمە وتكىزىپ، پىكىر اۋىستىردى ءارى نەگىزگى ساتى كادرلارىنىڭ سۇراۋىنا ءبىر - بىردەن جاۋاپ بەردى.

    تۇرپان قالاسىندا، ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق پارتكوم پارتيا مەكتەبىنىڭ (اۆتونوميالى رايوندىق اكىمشىلىك ينستيتۋتى) ورىنباسار باستىعى دۋان لياڭ تەلەۆيزور - تەلەفون ءماجىلىسى تۇرىمەن تۇرپان قالاسىنداعى ءار دارەجەلى پارتيا، ۇكىمەت ورگاندارىنداعى، كاسىپورىن، ءىسورىندارداعى كادرلار مەن جۇمىسشى - قىزمەتكەرلەردىڭ ۋاكىلدەرىنەن 20 مىڭعا جۋىق ادامعا ۇگىت - لەكسيا بايانداماسىن جاسادى. دۋان لياڭ تاعى ەدىقوت رايونىنىڭ بويلىق قالاشىعى جالىنتاۋ الەۋمەتتىك اۋماعىندا پارتيا مۇشەلەرىمەن جانە بۇقارامەن پىكىر اۋىستىردى، «2 - كەزەكتى جەردى كوتەرمەگە الۋدىڭ مەرزىمى تاعى دا 30 جىل ۇزارتىلاتىنى» سىندى «كوڭىل ورنىقتىرار جاڭالىققا» توقتالعاندا، تىڭداۋشىلار شاتىرلاتا شاپالاق سوقتى. ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق قوعامدىق عىلىمدار بىرلەستىگىنىڭ ورىنباسار ءتوراعاسى ابدىرەيىم حالىق ءپىشان اۋدانىندا 7000نان اسا كادر - جۇرتشىلىققا ۇيعۇر تىلىندە ۇگىت - لەكسيا جاسادى ءارى ءپىشان اۋدانى ءپىشان قالاشىعىنىڭ حۇڭيان الەۋمەتتىك اۋماعىنا بارىپ، الەۋمەتتىك اۋماق كادرلارىمەن، تۇرعىندارمەن ەمدەۋ ساقتاندىرۋى، زەينەتكەرلىك ساقتاندىرۋى سياقتى بۇقارا كوڭىل بولەتىن ماسەلەلەر جونىندە قىزۋ تالقى ورىستەتتى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى