ءتاڭىرتاۋ تورابى   ›   بىلگەنگە مارجان   ›   بال داۋرەن

بىلگەنىڭنەن تۇيگەنىڭ ارتىق

   (اتا - انالار ەسىنە سالا كەتەتىن ەرەجەلەر )

1. ءدال قازىردەن باستاپ بالانى جىگەرلەندىرۋگە، شابىتتاندىرىپ وتىرۋعا ءمان بەرەمىن، استە سىنداپ، جازعىرىپ، رەنجىتۋ ەمەس؛ ويتكەنى، جىگەرلەندىرۋ مەن شابىتتاندىرۋدىڭ بالاعا تەك سەنىم مەن جىگەر بەرىپ؛ ال سىنداۋ، جازعىرۋ، رەنجىتۋدىڭ تەك ءوز شەرىمدى تارقاتۋ ءتاسىلى ارقىلى بالانىڭ كوڭىلىن جارالاۋ ەكەنىن ابدەن بىلەمىن.

2. اۋىزبەن وراق ورعانشا، قازىردەن باستاپ ناعىز ءىس - ارەكەتىم ارقىلى بالاما ۇلگى بولامىن؛ ويتكەنى، بالانىڭ ءىس - ارەكەتى تەك تاربيە ارقىلى عانا قالىپتاسپايدى قايتا ۇلگى كورسەتۋ، ىقپال جاساۋ ارقىلى قالىپتاساتىنىن ابدەن بىلەمىن.

3. قازىردەن باستاپ بالامنىڭ ءسوزىن ءبولىپ، ونى بەتالدى جازعىرماي، ونىڭ ىشكى جان دۇنيەسىنە كوپ ءۇڭىلىپ، سوزىنە قۇلاق اسامىن؛ ويتكەنى، كوپ تىڭداۋدىڭ ەڭ تاماشا پىكىر الماستىرۋ ەكەنىن ابدەن بىلەمىن.

4. بالام قازىردەن باستاپ استە مەنىڭ تالابىما تولعان سەنى ەمەس، قايتا ەشقانداي سەبەپسىز ءوز قالپىڭداعى سەنى سۇيەمىن؛ ويتكەنى، بۇلاي ىستەۋ مەنىڭ اسىرە وزىمشىلدىگىم مەن ءوز قالاۋىم ەكەنىن ابدەن بىلەمىن.

5. قازىردەن باستاپ بالاممەن تەڭ دارەجەدە تۇرىپ سويلەسەمىن، استە مەن ۇلكەنمىن، سەن كىشىسىڭ دەپ بالانى جازعىرمايمىن؛ ويتكەنى، زورەكەرلىكتىڭ بالانىڭ ىشكى جان دۇنيەسىندە كۇشتى قارسىلىق پايدا قىلىپ، قارسى مىنەز قالىپتاستىراتىنىن ابدەن بىلەمىن.

6. قازىردەن باستاپ بارلىق زەيىن - زەردەممەن بالاممەن بىرگە بولامىن، استە بالاما جەڭىل - جەلپى قارامايمىن؛ ويتكەنى، بالا شىن پەيىلىڭمەن بىرگە بولعاندا عانا ماحابباتتىڭ مەيىرىن سەزىنە الاتىنىن ابدەن بىلەمىن.

7. قازىردەن باستاپ كوڭىل كۇيىمدى تەجەپ، الداعى ىستەردى بالاممەن سىپايى، تاتۋ وتىرىپ شەشەمىن؛ ويتكەنى، تەرىس مىنەز كورسەتۋ مەن ۇرىپ - سوعۋدىڭ تەك مەنى قولىنان ەشتەڭە كەلمەيتىن جاراماس ەتىپ كورسەتۋمەن قويماي، بالامنىڭ كوڭىلىن دە جارالايتىنىن ابدەن بىلەمىن.

8. قازىردەن باستاپ جۇبايىممەن بولعان قارىم - قاتىناسىمدى بەلسەندى تۇردە جاقسارتىپ، جاراسىمدى ورتا جاراتامىن، استە ەرلى - زايىپتىلاردىڭ قاقتىعىسى سەبەبىنەن بالامدى مازالامايمىن؛ ويتكەنى، ەرلى - زايىپتىلاردىڭ تاتۋ -ءتاتتى بولۋى بالاعا دەگەن ەڭ ۇلى ماحاببات ەكەنىن ابدەن بىلەمىن.

9. قازىردەن باستاپ بالامدى ءوز ارمانى بويىنشا تاربيەلەيمىن، استە ءوز قالاۋىم بويىنشا جول نۇسقامايمىن؛ ويتكەنى، بالا ماعان ءتان ەمەس، ول تەك مەن ارقىلى وسى دۇنيەگە كەلىپ، ءوز ارمان - مۇراتىن ىسكە اسىرۋشى ەكەنىن ابدەن بىلەمىن.

10. قازىردەن باستاپ بالام ءۇشىن جاقسىلىق جاساپ، بالام ءۇشىن جاقسى ءىس ىستەيمىن؛ ويتكەنى، جاقسىلىقتىڭ ۇقساماعان ءتاسىل ارقىلى بالامنىڭ الدىنان شىعارىنا ابدەن سەنەمىن، جاقسىلىققا جاقسىلىق، جاماندىققا جاماندىق كەز بولارى حاق.

11. قازىردەن باستاپ بالامنىڭ بويىنداعى ماسەلەلەر ارقىلى ءوز ماسەلەمدى تاۋىپ شىعىپ، ءوزىمدى تاربيەلەيمىن، تۇزەتەمىن؛ ويتكەنى، بالامنىڭ بويىنداعى بارلىق ماسەلەلەر مەنىڭ ماسەلەم ەكەنىن، مەنەن باستاۋ العانىن ابدەن بىلەمىن.

12. قازىردەن باستاپ، بالامنىڭ ومىردەگى ەڭ جاقسى سىرلاسى، ەڭ جاقىن اعايىنى، ەڭ مەيىرىمدى اكە (شەشەسى) بولامىن. بالام بىرلىكتە قۇلشىنايىق!

اتا-انالاردىڭ ەرەجەسىن وقىپ جوسپارعا ەنگىزىڭىز، بالاڭىزدىڭ ءسىزدى ءتىپتى دە كەمەلدەندىرە تۇسكەنىنە العىس ايتىڭىز.

  «جۇڭحۋا وتباسى تاربيەسى» تورىنان الىندى.

  حانزۋشادان اۋدارعان: ءمارپۋحان ومىربەك قىزى

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ءار ۇلت حالقى اۆتونوميالى رايوننىڭ پارتيا 19 - قۇرىلتايىن قارسى الۋداعى «فلاش» قيمىلىنا بەلسەنە قاتىناستى
  • ءۇرىمجى كىتاپحاناسىندا 19-قۇرىلتايدى قارسى الۋدى نەگىزگى تاقىرىپ ەتىپ باسپادان شىققان كىتاپتار ارناۋلى سورەگە قويىلىپ ساتىلدى
  • «پارتيانىڭ شۇعىلاسى تيانشاندى نۇرعا بولەدى» ادەبيەت-كوركەمونەر ساۋىق كەشى پارتيا 19-قۇرىلتايىنا تارتۋ ەتىلدى

ءوتىمدى اقپارات

بىزبەن بايلانىس جارناما قىزمەتى لەبىز قالدىرۋ ءبىز تۋرالى