ءتاڭىرتاۋ تورابى   ›   جاڭالىقتار   ›   عىلىم-تەحنيكا

ەلىمىز «بەيدوۋ - 3» جاساندى سەرىگىن ءساتتى ۇشىردى

جۇڭگونىڭ بەيدوۋى عالامدىق جەلى قۇراۋدىڭ جاڭا داۋىرىنە قادام تاستادى

  شينحۋا اگەنتتىگىنىڭ 5 - قاراشادا شيچاڭنان بەرگەن حابارى. 5 - قاراشا ساعات 19 دان 45 مينۋت وتكەندە، ەلىمىز شيچاڭ جاساندى سەرىك ۇشىرۋ ورتالىعىندا چاڭجىڭ 3 − B تاسىمال راكەتاسىمەن «بەيدوۋ − 3» عالامدىق جەلى قۇراۋ جاساندى سەرىگىنەن ەكەۋىن ءساتتى ۇشىردى.

  بۇل − «بەيدوۋ − 3» جاساندى سەرىگىنىڭ تۇڭعىش رەت ۇشىرىلۋى ءارى پارتيانىڭ 19 - قۇرىلتايى جەڭىسپەن اشىلعاننان كەيىن اتقارىلعان تۇڭعىش رەتكى عارىشقا ۇشىرۋ جۇمىسى سانالىپ، جۇڭگو بەيدوۋ جاساندى سەرىك باعىتتاۋ جۇيەسىنىڭ عالامدىق جەلى قۇراۋدىڭ جاڭا داۋىرىنە قادام تاستاعانىن كورسەتتى.

  «جاساندى سەرىك ۇشىرىلىپ وربيتاعا كىرگەن سوڭ، قاتىستى سىناقتاردى جانە جەلىگە كىرۋ تەكسەرۋىن جۇرگىزەدى ءارى ءساتى كەلگەندە سىرتقا قىزمەت كورسەتەدى»، - دەدى جۇڭگو بەيدوۋ جاساندى سەرىك باعىتتاۋ جۇيەسىنىڭ باس جوبالاۋشىسى ياڭ جاڭفىڭ.

  ەلىمىز 20 - عاسىردىڭ سوڭعى مەزگىلىنەن باستاپ مەملەكەت جاعدايىنا ۇيلەسەتىن جاساندى سەرىك باعىتتاۋ جۇيەسىن دامىتۋ جولى جونىندە ىزدەنىستەردى باستاپ، «ءۇش قاداممەن» دامىتۋ ستراتەگياسىن بىرتىندەپ قالىپتاستىردى، اتاپ ايتقاندا، 2000 - جىلدىڭ اياعىندا «بەيدوۋ - 1» جۇيەسىن قۇرىپ، جۇڭگوعا قىزمەت ەتۋ؛ 2012 - جىلدىڭ اياعىندا «بەيدوۋ - 2» جۇيەسىن قۇرىپ، ازيا - تىنىق مۇحيت وڭىرىنە قىزمەت ەتۋ؛ 2020 - جىلدىڭ الدى - ارتىندا بەيدوۋ عالامدىق جۇيەسىن قۇرىپ، بۇكىل جەر شارىنا قىزمەت ەتۋ.

  بۇگىندە الدىڭعى ەكى قادامداعى نىسانا جۇزەگە اسىپ، جۇڭگو ا ق ش مەن رەسەيدەن قالسا، دۇنيە جۇزىندەگى دەربەس جاساندى سەرىك باعىتتاۋىش جۇيەسى بار 3 - ەلگە اينالدى.

  تانىستىرۋعا قاراعاندا، «بەيدوۋ - 2» مەن سالىستىرعاندا، «بەيدوۋ - 3» جاساندى سەرىگىنە رولى ءتىپتى ساپالى، دۇنيە جۇزىندەگى باسقا جاساندى سەرىك باعىتتاۋىش جۇيەلەرىنە دە كەلەتىن ءتىپتى جاقسى BIC سيگنالى قوسىلادى؛ حالىقارالىق ولشەم بويىنشا جاساندى سەرىك نەگىزىن كۇشەيتۋ قىزمەتىن (SBAS)، سونداي - اق ىزدەۋ، قۇتقارۋ قىزمەتىن (SAR) ازىرلەيدى ەكەن.

  ياڭ چاڭفىڭ بىلاي دەدى: جاڭا داۋىردەگى بەيدوۋدى دامىتۋ جوباسى − مەملەكەتتىڭ امبەباپ PNT جۇيەسىن قۇرۋ، ياعني بەيدوۋ جاساندى سەرىك باعىتتاۋ جۇيەسىن وزەك ەتىپ، مەملەكەتتىڭ اسپان مەن جەر ءبىر تۇلعالانعان، قاپىسىز قامتىعان، حاۋىپسىز دە سەنىمدى، ءونىمدى دە قولايلى امبەباپ PNT جۇيەسىن قۇرىپ، مەملەكەتتىڭ ۋاقىت، كەڭىستىك جاعىنداعى ينفورماتسيا قىزمەتى قابىلەتىن كورنەكتى تۇردە جوعارىلاتىپ، حالىق شارۋاشىلىعى مەن مەملەكەت حاۋىپسىزدىگى قاجەتىن قاناعاتتاندىرىپ، جەر شارىنداعى تۇتىنۋشىلار ءۇشىن ءتىپتى ساپالى قىزمەت كورسەتۋ.

  جوسپارعا سايكەس، 2018 - جىلدىڭ اياقتاۋ الدى - ارتىندا «بەيدوۋ - 3» جاساندى سەرىگىنەن 18ى ۇشىرىلىپ، «ءبىر بەلدەۋ، ءبىر جول» بويىنداعى ەلدەر قامتىلادى؛ 2020 - جىلدىڭ اينالاسىندا، جەلى قۇرايتىن 30 نەشە جاساندى سەرىك ۇشىرىلىپ، بۇكىل جەر شارىنا قىزمەت ەتۋ قابىلەتى ىسكە اسىرىلادى.

  عارىشتىق عىلىم - تەحنيكا توبى 1 - مەكەمەسىنىڭ چاڭجىڭ −3A تاسىمال راكەتالارىنىڭ باس جوبالاۋشىسى يە چىڭمين: كەلەشەكتە ءبىر راكەتامەن ەكى سەرىك نەمەسە كوپ سەرىك ۇشىرۋ ۇلگىسىمەن «بەيدوۋ − 3» جاساندى سەرىگىن ۇشىرۋ قالىپتى جاعدايعا اينالادى، - دەدى.

  جاساندى سەرىك ۇشىرۋعا پايدالانىلعان چاڭجىڭ −3B تاسىمال راكەتاسى چاڭجىڭ −3A تاسىمال راكەتالارىنا ءتان. چاڭجىڭ −3A تاسىمال راكەتالارى − ەلىمىزدە قازىرگى تاڭدا ەڭ كوپ ۇشىرىلىپ وتىرعان بيىك وربيتاعا باراتىن ورتاشا تاسىمال راكەتاسى، 1994 - جىلى تۇڭعىش رەت ءساتتى ۇشىرىلعاننان بەرى جيىنى 81 رەت ۇشىرىلدى.

  شيچاڭ جاساندى سەرىك ۇشىرۋ ورتالىعى ادام كۇشى بايلىعى ءبولىمىنىڭ مەڭگەرۋشىسى لين يۇينان: قازىرگە دەيىن بارلىق بەيدوۋ جاساندى سەرىكتەرى وسى ارادان عارىشىقا %100 ءساتتى ۇشىرىلدى، - دەدى.
 1970 - جىلى جەلتوقساندا قۇرىلعان شيچاڭ جاساندى سەرىك ۇشىرۋ ورتالىعى − ەلىمىزدەگى جاساندى سەرىكتى ەڭ كوپ ۇشىرعان عارىش ايلاعى، بۇل جەردەگى ۇشىرۋ جۇمىستارى 100 رەتتەن استى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ءار ۇلت حالقى اۆتونوميالى رايوننىڭ پارتيا 19 - قۇرىلتايىن قارسى الۋداعى «فلاش» قيمىلىنا بەلسەنە قاتىناستى
  • ءۇرىمجى كىتاپحاناسىندا 19-قۇرىلتايدى قارسى الۋدى نەگىزگى تاقىرىپ ەتىپ باسپادان شىققان كىتاپتار ارناۋلى سورەگە قويىلىپ ساتىلدى
  • «پارتيانىڭ شۇعىلاسى تيانشاندى نۇرعا بولەدى» ادەبيەت-كوركەمونەر ساۋىق كەشى پارتيا 19-قۇرىلتايىنا تارتۋ ەتىلدى

ءوتىمدى اقپارات

بىزبەن بايلانىس جارناما قىزمەتى لەبىز قالدىرۋ ءبىز تۋرالى