ءتاڭىرتاۋ تورابى   ›   جاڭالىقتار   ›   اۋىل تىنىسى

قۇرىلتايدىڭ رۋحى ءسىڭىپ كوڭىلگە، قالىڭ مالشى باسىن قوستى ەمىلدە

 

ماقسات قيزات ۇلى مەن ەرمۇرات قابىل ۇلى حابارلايدى.  پارتيا 19 - قۇرىلتايىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى قازىرگى جانە بۇدان بىلايعى ءبىر مەزگىلدەگى ماڭداي الدى ساياسي مىندەت ەتكەن، باس شۋجي شي جينپيڭنىڭ ۇيتقىلىق ورنىن باتىل قورعاپ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن جەتەكشى ەتىپ، شينجياڭنىڭ قوعام ورنىقتىلىعى مەن باياندى تىنىشتىق نىساناسىن قۇلشىنا ىلگەرلەتۋدى ماقسات ەتكەن ماڭىزدى ءبىر باس قوسۋ 5 - قاراشا ءدوربىلجىن اۋدانىنىڭ ەمىل مال فەرماسىندا وتكىزىلدى.

اۋداندىق پارتكوم مەن ۇكىمەتتىڭ ەرەكشە ءمان بەرۋىندە وتكىزىلگەن قيمىلعا اۋدان اكىمى ماقسۇتقان ءجامساپ ۇلى ءوزى باس بولىپ قاتىناسىپ، نەگىزگى ساتىداعى مالشىلارعا قۇرىلتاي رۋحىن ىشكەرىلەي ءتۇسىندىرىپ، قالىڭ حالىق بۇقاراسىنا پارتيامىزدىڭ ابزال ساياساتتارى مەن كەلەلى شەشىمدەرى تۋراسىندا ءسوز قوزعادى.

«باس شۋجي شي جينپيڭ بايانداماسىنىڭ ءبىر كەزەگىندە: ‹اۋىل شارۋاشىلىعى، اۋىل-قىستاق، ديقاندار ماسەلەسى – حالىق شارۋاشىلىعى مەن ەل تۇرمىسىنا قاتىستى ءتۇبىرلى ماسەلە، بۇل ماسەلەنى ويداعىداي شەشۋدى باستان-اياق بۇكىل پارتيا قىزمەتىنىڭ ەڭ ماڭىزدى ءتۇيىنى ەتۋ قاجەت. اۋىل شارۋاشىلىعىن، اۋىل - قىستاقتاردى الدىمەن دامىتۋعا تاباندى بولىپ، شارۋاشىلىعى شالقىعان، ەكولوگيالىق ورتاسى جايلى، اۋىل سالتى وركەنيەتتى، باسقارۋى ۇتىمدى، تۇرمىسى اۋقاتتى بولۋ سىندى جالپى تالاپقا ساي قالا مەن اۋىلدى توعىستىرا دامىتاتىن ءتۇزىلىس مەحانيزمدەردى جانە ساياسات جۇيەسىن ورناتىپ، اقاۋسىزداندىرىپ، اۋىل شارۋاشىلىعىنىڭ، اۋىل - قىستاقتاردىڭ وسىزاماندانۋىن تەزدەتۋ كەرەك› دەپ اتاپ كورسەتتى، مىنە بۇل وسىندا وتىرعان ءسىز بەن ءبىزدىڭ تۇرمىسىمىزعا تىكەلەي قاتىستى ساياسات، بۇل ءبىز ءۇشىن قۋانارلىق جاڭالىق، پارتيا مەن ۇكىمەتىمىز الداعى كۇندەردە نەگىزگى ساتىداعى بۇقارانىڭ تۇرمىسىنىڭ تىڭايىپ، ءومىرىنىڭ گۇلدەنۋى ءۇشىن قارجى جاقتان، تەحنيكالىق جاقتان كومەك كورسەتىپ، اۋىل - قىستاعىمىزدىڭ كوركەيۋى ءۇشىن ەسەلى ەڭبەك قوسقالى وتىر، ءبىز مىنە وسىنداي قوي ۇستىنە بوز تورعاي جۇمىرتقالاعان شات زاماننىڭ قادىرىنە جەتىپ، پارتيا مەن ۇكىمەتىمىزدىڭ ابزال ساياساتىنا ءۇن قوسىپ، ءبىر نيەت، ءبىر تىلەكتە جۇڭگو ارمانىن ىسكە اسىرىپ، جۇڭحۋا ۇلتىنىڭ ۇلى گۇلدەنۋى ءۇشىن ايانباي ەڭبەك ەتۋىمىز كەرەك»،-دەدى اۋدان اكىمى ماقسۇتقان ءجامساپ ۇلى بۇقاراعا قۇرىلتاي رۋحىن نانىمدى دا شىنايى مىسالدارمەن ءتۇسىندىرىپ.

19-قۇرىلتاي رۋحىن نەگىزگى ساتىداعى مالشىلارىمىزعا جەتكىزۋدى كوزدەگەن ماڭىزدى قيمىلدى اۋداندىق پارتكوم ۇگىت ءبولىمنىڭ باستىعى گۇلبارشىن قۇسايىن قىزى باسقاردى. «ءبىز پارتيا 19-قۇرىلتايىنىڭ رۋحىن، وتە - موتە، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن ۇيرەنۋدى، ۇگىتتەۋدى، دايەكتىلەندىرۋدى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن ۇيرەنۋمەن، دايەكتىلەندىرۋمەن تىعىز ۇشتاستىرامىز. سونىمەن بىرگە، <پارتيانىڭ 19-قۇرىلتايىنىڭ رۋحىن وتباسىلارعا جەتكىزۋ> ۇگىتتەۋ قيمىلىن كەڭ كولەمدە قانات جايدىرىپ، پارتيانىڭ 19-قۇرىلتاي رۋحىنىڭ اۋدانىمىزداعى بارلىق وتباسىنا جەتكىزىلۋىنە، بار ادامنىڭ كوكەيىنەن ورىن الۋىنا كۇش سالامىز»،-دەدى گۇلبارشىن الداعى ۇگىت قىزمەتى جايىندا توقتالىپ.

اۋداندىق پارتكوم مەن ۇكىمەتتىڭ ارنايى ۇيىمداستىرۋىمەن وتكىزىلگەن قيمىل ناتيجەلى بولدى. قيمىل سوڭى اقىندار ايتىسىنا ۇلاستى. اقىندار 19-قۇرىلتاي رۋحىن شابىتپەن جىرلادى. كورەرمەندەر قۇرىلتاي رۋحىمەن قاناتتانىپ، قۇرىلتاي رۋحىنان مول كۇش - قۋات الدى.

  « ءموپ-ءمولدىر قاي - قاشاندا ايدىنىمىز،

  جارقىراپ كوكتە تۋدى اي - كۇنىمىز،

  دانىشپان پارتيانىڭ ارقاسىندا،

  اسقاقتاپ توسكە ورلەدى ايبىنىمىز،

  قۇرىلتاي رۋحىمەنەن قاناتتانىپ،

  ۇمىتتىق تۇرمىستاعى قايعىنى ءبىز،

  دوڭگەلەك داۋلەت دەگەن جاقىن قالدى،

  ال جۇرتىم نار كوڭىلدى جاي قىلىڭىز»،-دەپ جىرلادى جاس ايتىس اقىنى ەرزات ءارىن ۇلى قيمىلدىڭ سىرگە جيار ساتىندە.

تىلشىلەردىڭ قىزمەت ورنى: شينجياڭ گازەتى مەكەمەسى
ءدوربىلجىن اۋداندىق پارتكوم ۇگىت ءبولىمى
جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ءار ۇلت حالقى اۆتونوميالى رايوننىڭ پارتيا 19 - قۇرىلتايىن قارسى الۋداعى «فلاش» قيمىلىنا بەلسەنە قاتىناستى
  • ءۇرىمجى كىتاپحاناسىندا 19-قۇرىلتايدى قارسى الۋدى نەگىزگى تاقىرىپ ەتىپ باسپادان شىققان كىتاپتار ارناۋلى سورەگە قويىلىپ ساتىلدى
  • «پارتيانىڭ شۇعىلاسى تيانشاندى نۇرعا بولەدى» ادەبيەت-كوركەمونەر ساۋىق كەشى پارتيا 19-قۇرىلتايىنا تارتۋ ەتىلدى

ءوتىمدى اقپارات

بىزبەن بايلانىس جارناما قىزمەتى لەبىز قالدىرۋ ءبىز تۋرالى