ءتاڭىرتاۋ تورابى   ›   جاڭالىقتار   ›   شۋجي ەستەلىگى

چىن چۋانگو ءۇرىمجى قالاسىندا پارتيا 19 - قۇرىلتايىنىڭ رۋحى جونىندە ۇگىت - لەكسيا جاساعاندا پارتيا 19 - قۇرىلتايى رۋحىنىڭ تيانشاننىڭ وڭتۇستىگى مەن سولتۇستىگىندە تۇبەگەيلى تياناقتانۋىن ىلگەرىلەتىپ، جاڭا داۋىردە جۇڭگوشا سوتسياليستىك شينجياڭنىڭ تىڭ داستانىن جازۋدى باسا دارىپتەدى

  اۆتونوميالى رايوندىق پارتكومنىڭ شۋجيى چىن چۋانگو 3 - قاراشادا ءۇرىمجى قالاسىنداعى كاسىپورىنداردى، الەۋمەتتىك اۋماقتاردى ارالاپ، پارتيانىڭ 19 - قۇرىلتايىنىڭ رۋحى جونىندە ۇگىت - لەكسيا جاسادى. سۋرەتتە: چىن چۋانگو ءۇرىمجى قالاسى سايباق رايونىنىڭ پيڭديڭشان الەۋمەتتىك اۋماعىندا نەگىزگى ساتىداعى پارتيالى كادرلارعا، جۇرتشىلىققا پارتيانىڭ 19 - قۇرىلتايىنىڭ رۋحى جونىندە ۇگىت - لەكسيا جاساۋدا. سۋرەتتى ءتىلشىمىز سۇي جىجيان تۇسىرگەن

   اۆتونوميالى رايوندىق پارتكومنىڭ شۋجيى چىن چۋانگو 3 - قاراشادا ءۇرىمجى جوعارى، جاڭا تەحنيكالىق اشۋ رايونىنا، سايباق رايونىنا بارىپ، كاسىپورىنداردى، الەۋمەتتىك اۋماقتاردى ارالاپ، پارتيا 19 - قۇرىلتايىنىڭ رۋحى جونىندە ۇگىت - لەكسيا جاسادى. ول بىلاي دەپ باسا دارىپتەدى: پارتيا 19 - قۇرىلتايىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى قازىرگى جانە بۇدان بىلايعى ءبىر مەزگىلدەگى ماڭداي الدى ساياسي مىندەت ەتىپ، «4 تانىمدى» بەرىك ورناتىپ، باس شۋجي شي جينپيڭنىڭ ۇيتقىلىق ورنىن باتىل قورعاپ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن جەتەكشى ەتىپ، شينجياڭنىڭ قوعام ورنىقتىلىعى مەن باياندى تىنىشتىعىن قۇلشىنا العا ىلگەرىلەتۋ كەرەك.

  چىن چۋانگو بارعان جەرىنىڭ بارىندە نەگىزگى ساتىنىڭ پارتيا 19 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ جاعدايىن ەگجەي - تەگجەيلى ۇعىسىپ، پارتيا 19 - قۇرىلتايىنىڭ كەلەلى ماڭىزى، تاريحي ورنى جانە 19 - قۇرىلتاي بايانداماسىنىڭ باي مازمۇنى، رۋحاني ءمانى جونىندە تەرەڭنەن تولعاپ، ۇگىت - لەكسيا جاسادى.

  شينجياڭ لايۋو عىلىم - تەحنيكا شەكتى جارنا سەرىكتەستىگى حالىقاراداعى تاڭداۋلى كاسىپورىنمەن بىرلەسىپ قۇرعان اۋىل شارۋاشىلىعى وندىرىسىنە پايدالانىلاتىن زەردەلى جارعاق جانە جوعارى يقۋاتتى، ورتانى قورعايتىن قوراپتاۋ جارعاعى نىسانى ءوندىرىس تەحنولوگياسى، ەنەرگيا ۇنەمدەۋ، ورتانى قورعاۋ سياقتى جاقتاردا دۇنيە ءجۇزى بويىنشا وزىق ورەگە جەتكەن. چىن چۋانگو كاسىپورىننىڭ ءوندىرىس سەحىنا بارىپ، كاسىپورىننىڭ جاۋاپتىلارىمەن سويلەسە ءجۇرىپ سەحتى ارالاپ، تەحنولوگيالىق ورەسى، عىلىم - تەحنيكالىق زەرتتەۋ - اشۋ، كولەمى، ونىمدىلىگى سياقتى جاعدايلاردى ەگجەي - تەگجەيلى ۇعىستى. چىن چۋانگو كاسىپورىن جاۋاپتىلارىن شابىتتاندىرىپ: باس شۋجي شي جينپيڭ پارتيا 19 - قۇرىلتايىنا جاساعان بايانداماسىندا «جاڭالىق اشۋ دامۋعا جەتەكشىلىك ەتەتىن 1 - قوزعاۋشى كۇش، وسىزاماندانعان ەكونوميكالىق جۇيەنى قۇرۋداعى ستراتەگيالىق تىرەك» دەپ اتاپ كورسەتتى. كاسىپورىن عىلىم - تەحنيكا ۇسىنىلىمىن ونان ارى ارتتىرىپ، عىلىم - تەحنيكا دارىندىلارىن ەنگىزىپ، عىلىم - تەحنيكا جەتىستىكتەرىن كادەگە جاراتۋدى جەبەپ، جاڭالىق اشا دامۋدى، باياندى دامۋدى جۇزەگە اسىرۋى كەرەك، - دەدى.

  سايباق رايونى پيڭديڭشان الەۋمەتتىك اۋماعى شاليجين كيىم - كەشەك شەكتى سەرىكتەستىگىنىڭ جۇمىسقا ورنالاستىرۋ تاربيەلەۋ ءبولىمى مەن اينۇر جىبەك گۇل جاساۋ، جۇمسىقا ورنالاستىرۋ تاربيەلەۋ تۇيىنىندە چىن چۋانگو كاسىپورىن جاۋاپتىلارىمەن جانە جۇمىسشىلارمەن ىقىلاستى قول الىسىپ، كاسىپورىننىڭ كولەمى، ونەرگە تاربيەلەۋ جانە جۇمىسشى - قىزمەتشىلەردىڭ كىرىسى سياقتى جاعدايلاردى ەگجەي - تەگجەيلى ۇعىستى. چىن چۋانگو بىلاي دەدى: پارتيا 19 - قۇرىلتايىنىڭ بايانداماسىندا «جۇمىسقا ورنالاسىترۋ − ەڭ ۇلكەن حالىق تۇرمىسى» دەپ اتاپ كورسەتىلدى. پارتيا مەن ۇكىمەت، ءسوز جوق، اناعۇرلىم زور كۇش جۇمساپ، ءار ۇلت جۇرتشىلىعىنىڭ جۇمىسقا ورنالاسۋ ماسەلەسىن ءتۇرلى جولدارمەن تىڭعىلىقتى شەشىپ، بارلىق ادامنىڭ قاجىرلى ەڭبەك ارقىلى ءوزىن دامىتۋ ورايىنا يە بولۋىنا مۇمكىندىك جاسايدى. چىن چۋانگو جۇمىسشىلاردى مەملەكەتتە ءبىر تۇتاس قولدانىلاتىن ءتىل - جازۋدى ويداعىداي ۇيرەنىپ، ونەرىن جاقسى ۇشتاپ، ەڭبەكشىل قوس قولدارىمەن باقىتتى تۇرمىس جاراتىپ، ءوز ارماندارىن جۇزەگە اسىرۋعا ىنتالاندىردى.

  الەۋمەتتىك اۋماقتىڭ حالىققا قولايلىلىق جاساۋ ماقساتىنداعى كوكونىستەردى تىكە ساتۋ دۇكەنىنە بارعاندا چىن چۋانگو كوكونىس پەن جەمىس - جيدەكتىڭ باعاسىن، زات اكەلۋ جولدارىن دەن قويا ۇعىستى. ول ءۇرىمجى قالاسىنداعى جاۋاپتى جولداستارعا تىكە ساتۋ دۇكەندەرىندەگى ءونىم تۇرلەرىنىڭ مول، ساپاسىنىڭ حاۋىپسىز، باعاسىنىڭ لايىقتى بولۋىنا، ءسوز جوق، كەپىلدىك ەتۋدى، حالىقتىڭ كۇن سايىن ارتقان باقىتتى تۇرمىسقا دەگەن قاجەتىن بارىنشا جاقسى قاناعاتتاندىرۋدى تاپسىردى.

  الەۋمەتتىك اۋماقتىڭ قيمىل ۇيىندە چىن چۋانگو الەۋمەتتىك اۋماقتىڭ كادرلارىمەن، تۇرعىندارىمەن جانە نەگىزگى ساتى پارتيا مۇشەلەرىمەن اڭگىمەلەسىپ، كوپشىلىكتىڭ اسەرىن، تۇسىنىگىن تىڭداپ، نەگىزگى ساتىداعى پارتيالى كادرلارعا، جۇرتشىلىققا پارتيانىڭ 19 - قۇرىلتايىنىڭ رۋحى جونىندە ۇگىت - لەكسيا جاسادى. چىن چۋانگو الەۋمەتتىك اۋماق كادرلارىن پارتيانىڭ 19 - قۇرىلتايىنىڭ رۋحىن باستاماشىلدىقپەن ۇيرەنۋگە، ۇگىتتەۋگە، دايەكتىلەندىرۋگە، ساياسيدا اڭعارلى، سەنىمدە بەرىك، ارەكەتتە سانالى، قىزمەتتە شوگەل، ستيلدە ناقتى، پاكتىكتە كىرشىكسىز ادام بولۋعا ىنتالاندىردى؛ نەگىزگى ساتى پارتيا مۇشەلەرى مەن بۇقاراسىن ءىس جۇزىندىكتى تياناق ەتىپ، پارتيانىڭ 19 - قۇرىلتايىنىڭ رۋحىن ويداعىداي ۇيرەنىپ، ونان ويداعىداي پايدالانىپ، تىنىش، وركەنيەتتى، باي، كوركەم الەۋمەتتىك اۋماقتى قۇلشىنا قۇرۋعا شابىتتاندىردى.

  چىن چۋانگو بىلاي دەپ اتاپ كورسەتتى: پارتيانىڭ 19 - قۇرىلتايىنىڭ رۋحىن مۇقيات ۇيرەنۋ، ۇگىتتەۋ، دايەكتىلەندىرۋ پارتيا مەن مەملەكەت قىزمەتىنىڭ جالپى جاعدايىنا، جۇڭگوشا سوتسياليزم ىستەرىنىڭ ۇزاق بولاشاقتىق دامۋىنا، ەڭ كەڭ حالىقتىڭ ءتۇبىرلى مۇددەسىنە بارىپ سايادى. مۇقيات ۇيرەنۋ، كەڭ كولەمدى ۇگىتتەۋ، مۇقيات ۇگىت - لەكسيا جاساۋ، جاپپاي دايەكتىلەندىرۋ، يدەيانى پارتيانىڭ 19 - قۇرىلتايىنىڭ رۋحىمەن شىنايى بىرلىككە كەلتىرۋ، كۇش - قۋاتتى پارتيانىڭ 19 - قۇرىلتايىندا بەلگىلەنگەن مىندەتتەرگە ۇيىستىرۋ كەرەك. ۇيرەنۋدى تەرەڭدەتىپ، پارتيانىڭ 19 - قۇرىلتايىنىڭ بايانداماسى مەن پارتيا ۋستاۆىن مۇقيات، زەر سالا وقىپ، باس شۋجي شي جينپيڭنىڭ پارتيا 19 - كەزەكتى ورتالىق كوميتەتىنىڭ ءبىرىنشى جالپى ماجىلىسىندەگى ماڭىزدى ءسوزىنىڭ رۋحىن ۇيرەنىپ، ءتۇپ نۇسقانى وقۋعا، ءتۇپ نۇسقانى ۇيرەنۋگە، قاعيدانى تۇسىنۋگە تاباندى بولىپ، جاپپاي دالدىكتى، شىنايى ۇيرەنۋدى، شىنايى ءتۇسىنۋدى جۇزەگە اسىرىپ، 10 «تەرەڭ ءتۇسىنۋدى» كۇش سالا مىقتى يگەرۋ كەرەك. ءتۇيىندى كورنەكتىلەندىرىپ، كۇش سالۋ ءتۇيىنىن شي جينپيڭنىڭ جاڭا داۋىردەگى جۇڭگوشا سوتسياليزم يدەياسىنىڭ پارتيامىز، ءسوز جوق، ۇزاق ۋاقىت تاباندى بولۋعا ءتيىستى جەتەكشى يدەيا ەكەندىگىنە، 5 جىلدان بەرى پارتيا مەن مەملەكەت ىستەرىندە قول جەتكەن تاريحي جەتىستىكتەر مەن جارىققا شىققان تاريحي وزگەرىستەرگە، جۇڭگوشا سوتسياليزم جاڭا داۋىرگە ءوتتى، ەلىمىز قوعامىنداعى باستى قايشىلىق حالىقتىڭ كۇن سايىن ارتىپ وتىرعان تاماشا تۇرمىس قاجەتى مەن دامۋدىڭ بىركەلكى، تولىق بولماۋى اراسىنداعى قايشىلىققا وزگەردى دەگەن سياقتى ماڭىزدى ساياسي تۇجىرىمداردىڭ تەرەڭ ىقپالىنا، پارتيا 19 - قۇرىلتايىنىڭ ماڭىزدى شەشىم - ورنالاستىرۋلارىن دايەكتىلەندىرۋگە، تياناقتاندىرۋعا، شي جينپيڭ جولداستى ۇيتقى ەتكەن جاڭا كەزەكتى پارتيا ورتالىق كوميتەتىنىڭ بۇكىل پارتيا، بۇكىل ەلدەگى ءار ۇلت حالقى قولداعان جانە سەنىم ارتقان باسشىلىق كوللەكتيۆ ەكەندىگىنە، باس شۋجي شي جينپيڭنىڭ بۇكىل پارتيا قولداعان، حالىق قادىرلەگەن، اتى زاتىنا ساي ناعىز پارتيانىڭ كوسەمى ەكەندىگىنە شوعىرلاندىرۋ كەرەك. فورماسى ءار الۋان بولۋ، ءارى قاتاڭ، ءارى جاندى بولۋ، تۇرلىشە شوعىرعا سايكەس تۇرلىشە فورما، ءتاسىل جانە تۇعىر دانەكەرىن قولدانىپ، ۇيرەنۋدىڭ، ۇگىتتەۋدىڭ باعىتتامالىلىعىن، ناقتى ونىمدىلىگىن كۇشەيتۋ كەرەك؛ نەگىزگى ساتىداعى ۇيرەنۋدە، ۇگىتتە بۇقاراعا تۇسىنىكتى تىلمەن سويلەۋ، بۇقارا قۋانىشپەن ات سالىساتىن فورمانى قولدانۋ، ءار ۇلت جۇرتشىلىعىنىڭ ۇعىنۋىنا، تۇسىنۋىنە، تياناقتاندىرۋىنا مۇمكىندىك جاساۋ كەرەك. دايەكتىلەندىرۋ ناقتى بولۋ، «4 تانىمدى» بەرىك ورناتۋ، باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى ورنىن، بۇكىل پارتيانىڭ ۇيتقىسى ورنىن باتىل قورعاۋ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاۋ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن جەتەكشى ەتىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، وتە - موتە، قوعام ورنىقتىلىعى مەن باياندى تىنىشتىق باس نىساناسىن ىشكەرىلەي دايەكتىلەندىرىپ، جۇڭگوشا سوتسياليستىك شينجياڭ قۇرۋعا قۇلشىنىپ، جاڭا داۋىردە جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن تىڭعىلىقتى جازۋ كەرەك.

     اۆتونوميالى رايوندىق پارتكومنىڭ تۇراقتى مۇشەسى، ءۇرىمجى قالالىق پارتكومنىڭ شۋجيى شۇي حايرۇڭ وسى قيمىلداردا بىرگە بولدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى