ءتاڭىرتاۋ تورابى   ›   ۇيرەنۋ   ›   ماڭىزدى حۇجاتتار

ماركسيزمدىك بيلىك باسىنداعى پارتيا قۇرۋدىڭ شۇعىلالى جەتەكشىسى

  − «جۇڭگو كوممۋنيستىك پارتياسى ۋستاۆىنا (وزگەرىس ەنگىزىلگەن نۇسقاسى)» وزگەرىس ەنگىزىلۋ بارىسى تۋرالى

  شينحۋا اگەنتتىگىنىڭ تىلشىلەرى جاۋ چاۋ، چىن ۋيۋي

  ءداۋىردىڭ تولقىنى العا قاراي جوڭكىلەدى، نارت قىزىل پارتيا ۋستاۆى بولاشاقتى تانىتادى.

  كوممۋنيستەر حالىقتى باستاپ، تىنباي كۇرەس جۇرگىزىپ، جۇڭحۋا ۇلتىنىڭ ۇلى گۇلدەنۋى سىندى ارمان تيەلگەن كەمەمەن جاڭا داۋىرگە قادام تاستادى.

  جاڭا تاريحي بەلەستە، جاڭا تاريحي باستامادا تۇرىپ، جاڭا تاريحي جورىقتى باستاپ، پارتيا 19 - قۇرىلتايىنىڭ جاڭا داۋىرگە، جاڭا مىندەتكە نەگىزدەلە وتىرىپ، پارتيا ۋستاۆىنا قالاي ۇيلەسىمدى وزگەرىس ەنگىزىپ، وسى اسقاق تۋعا جاڭا يدەيالىق ءتۇس قوساتىندىعىن حالىق ارمانداپ، دۇنيە ءجۇزى كوز تىگىپ وتىر.

  «ماقۇلداندى!»

  24 - قازان تۇستەن بۇرىن، بەيجيڭ حالىق سارايى، باس شۋجي شي جينپيڭ قۇرىلتايدا «جۇڭگو كوممۋنيستىك پارتياسىنىڭ ۋستاۆى <وزگەرىس ەنگىزىلگەن نۇسقاسى>» جونىندەگى قاۋلىنىڭ داۋىسقا سالىنىپ ماقۇلدانعانىن اسقاق ۇنمەن، ايبىندى سالتاناتپەن جاريالادى.

  10 مىڭ ادامدىق ۇلكەن زالدى قىزۋ قول شاپالاق ءۇنى كەرنەدى.

  بۇل پارتيا مەن حالىقتىڭ ورتاق تىلەگى − قۇرىلتاي شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن ماركسيزم - لەنينيزممەن، ماۋ زىدۇڭ يدەياسىمەن، دىڭ شياۋپيڭ نازارياسىمەن، «ۇشكە ۋاكىلدىك ەتۋ» ماڭىزدى يدەياسىمەن، عىلمي دامۋ كوزقاراسىمەن بىرگە پارتيانىڭ ارەكەت باعدارلاماسى ەتىپ تۇراقتاندىرۋعا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاۋدى پارتيا ۋستاۆىنا ەنگىزۋگە ءبىر اۋىزدان قوسىلدى.

  بۇل پارتيا مەن حالىقتىڭ ورتاق يراداسى − قۇرىلتاي «قوس 100 جىلدىق» كۇرەس نىساناسىن جۇزەگە اسىرۋدى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانى ۇلى نىساناسىن جۇزەگە اسىرۋدى پارتيا ۋستاۆىنا ەنگىزۋگە ءبىر اۋىزدان قوسىلدى.

  بۇل پارتيا مەن حالىقتىڭ ورتاق جۇرەك ءۇنى − قۇرىلتاي پارتيا 19 - قۇرىلتايىنىڭ جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋ جونىندەگى كەلەلى ساياسي تۇجىرىمىن، كەلەلى ستراتەگياسىن، كەلەلى شاراسىن پارتيا ۋستاۆىنا ەنگىزۋگە ءبىر اۋىزدان قوسىلدى.

  بۇل پارتيا مەن حالىقتىڭ ورتاق سەنىمى − قۇرىلتاي پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارتيانىڭ باسشىلىعىنا تاباندى بولىپ جانە ونى كۇشەيتىپ، پارتيانى جاپپاي قاتاڭ جونگە سالعان جاڭا تاجىريبەلەرىن پارتيا ۋستاۆىنا ەنگىزۋگە ءبىر اۋىزدان قوسىلدى.

  جاڭا داۋىرگە قادام تاستاپ، جاڭا جورىق باستاپ، شۇعىلالى تۋدى اناعۇرلىم اسقاق جەلبىرەتەيىك.

پارتيانىڭ ۇزاق بولاشاقتىق دامۋىنا ساياتىن كەلەلى شەشىم

      − پارتيا 19 - قۇرىلتايىنىڭ پارتيا ۋستاۆىنا ۇيلەسىمدى وزگەرىس ەنگىزۋى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جاڭا داۋىردەگى پارتيا ىستەرىنىڭ دامۋىن جانە پارتيا قۇرىلىسى جالپى جاعدايىن تياناق ەتىپ، جاڭا ءىس جۇزىندىك وزگەرىستەر مەن مىندەتتەرگە، تالاپتارعا ساي شىعارعان ۇيعارىمى

  شاڭحاي لاۋچىڭدۋ سولتۇستىك جولى، جۇڭگو كوممۋنيستىك پارتياسىنىڭ 2 - قۇرىلتايى اشىلعان جەردەگى ەسكەرتكىش ساراي. شىت جاڭا پارتيا ۋستاۆى كورمە زالىنىڭ ىشىندە ءار داۋىردەگى قىمباتتى پارتيا ۋستاۆىنىڭ 60 نەشە تۇردەن اساتىن نۇسقاسى تۇتاس ءبىر قابىرعانى الىپ تۇر.

  1922 - جىلى جۇڭگو كوممۋنيستىك پارتياسىنىڭ ءبىرىنشى پارتيا ۋستاۆى وسى ارادا دۇنيەگە كەلگەن. پارتيانىڭ 3 - قۇرىلتايىنان باستاپ، پارتيانىڭ 5 - قۇرىلتايىنان سىرت، پارتيانىڭ ءار رەتكى قۇرىلتايىندا پارتيا ۋستاۆىنا تۇرلىشە دارەجەدە وزگەرىس ەنگىزىلىپ وتىردى.

  «پارتيانىڭ 19 - قۇرىلتايىنىڭ بايانداماسىندا تۇراقتاندىرىلعان كەلەلى نازاريالىق كوزقاراستار مەن كەلەلى ستراتەگيالىق يدەيالاردى پارتيا ۋستاۆىنا ەنگىزىپ، پارتيا ۋستاۆىنىڭ ماركسيزمنىڭ جۇڭگوشالانۋىنىڭ ەڭ جاڭا جەتىستىكتەرىن تولىق بەينەلەۋىنە، پارتيانىڭ 18 - قۇرىلتايىنان بەرى پارتيا ورتالىق كوميتەتى العا قويعان ەل باسقارۋداعى جاڭا ۇستانىمدارىن، جاڭا يدەيالارىن، جاڭا ستراتەگيالارىن تولىق بەينەلەۋىنە، پارتيانىڭ باسشىلىعىنا تاباندى بولىپ جانە ونى كۇشەيتىپ، پارتيانى جاپپاي قاتاڭ جونگە سالعان جاڭا تاجىريبەلەردى تولىق بەينەلەۋگە مۇمكىندىك جاراتىپ، پارتيانى اناعۇرلىم جالىندى دا جىگەرلى، قۇدىرەتتى دە پارمەندى ەتىپ قۇرىپ، پارتيانىڭ حالىق بۇقاراسىمەن ەتەنە بايلانىسىن باستان - اياق ساقتاۋىمىز كەرەك».

  18 - قىركۇيەكتە پارتيانىڭ 19 - قۇرىلتايى اشىلاردان ءبىر اي بۇرىن، ورتالىق كوميتەتتىڭ ساياسي بيۋروسى ءماجىلىس اشىپ، «جۇڭگو كوممۋنيستىك پارتياسىنىڭ ۋستاۆى <وزگەرىس ەنگىزۋ جوباسى>» نۇسقاسىن قامتىعان پارتيا 18 - كەزەكتى ورتالىق كوميتەتىنىڭ جەتىنشى جالپى ءماجىلىسىنىڭ تالقىسىنا ۇسىنىلاتىن حۇجاتتاردى زەرتتەدى. سىرتقى سالاداعىلار پارتيا 19 - قۇرىلتايىندا پارتيا ۋستاۆىنا وزگەرىس ەنگىزىلەتىندىگىنەن تۇڭعىش رەت حابار تاپتى.

  «جۇڭگو كوممۋنيستىك پارتياسىنىڭ پارتيا ۋستاۆىنان جۇڭگونىڭ كەلەسى قادامداعى دامۋ بەتالىسىن كورۋگە بولادى»، - دەلىندى سينگاپۋر «بىرىككەن تاڭ گازەتىنىڭ» حابارىندا.

  بۇل رەفورما جاساپ، ەسىك اشقاننان بەرى جۇڭگو كوممۋنيستىك پارتياسىنىڭ پارتيا ۋستاۆىنا 8 - رەت وزگەرىس ەنگىزۋى. پارتيانىڭ 12 - قۇرىلتايىندا قازىرگى پارتيا ۋستاۆى ماقۇلدانعاننان باستاپ، پارتيامىز جۇڭگوشا سوتسياليزمگە تاباندى بولۋ جانە ونى دامىتۋداعى تابىستى تاجىريبەلەردى مۇقيات قورىتىندىلاپ ءارى پارتيا قۇرىلتايىندا وزگەرىس ەنگىزىلگەن پارتيا ۋستاۆىن ىلگەرىندى - كەيىندى 6 رەت ماقۇلداپ، پارتيانىڭ ءىس جۇزىندىك دامۋى مەن نازاريالىق جاڭالىق اشۋداعى كەلەلى جەتىستىكتەرىن پارتيا ۋستاۆىندا دەر كەزىندە بەينەلەپ، پارتيا ۋستاۆىنىڭ پارتيا مەن مەملەكەتتىڭ ىستەرىن ىلگەرىلەتۋدەگى، پارتيا قۇرىلىسىن كۇشەيتۋدەگى ماڭىزدى جەتەكشىلىك رولىن ساۋلەلەندىردى.

  تۋدى بيىك ۇستاپ، بۇرىنعىعا مۇراگەر، كەيىنگىگە بۇيداگەر بولۋ.

  پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى اسا زور ساياسي باتىلدىقپەن جانە كۇشتى جاۋاپكەرلىكپەن ەل باسقارۋداعى ءبىرسىپىرا جاڭا ۇستانىمداردى، جاڭا يدەيالاردى، جاڭا ستراتەگيالاردى العا قويىپ، ءبىر قىدىرۋ كەلەلى باعىت، ساياسات بەلگىلەپ، ءبىرسىپىرا كەلەلى شارالاردى ورتاعا قويىپ، ءبىر قىدىرۋ كەلەلى جۇمىستاردى ىلگەرىلەتىپ، ۇزاق ۋاقىتتان بەرى شەشۋدى ويلاساق تا شەشە الماعان ءبىرتالاي قيىن ماسەلەلەردى شەشىپ، ىلگەرى ىستەۋدى ويلاساق تا ىستەي الماعان ءبىرتالاي ىستەردى ىستەپ، پارتيا مەن مەملەكەت ىستەرىندە تاريحي سيپاتتى وزگەرىستەردىڭ جارىققا شىعۋىن، جۇڭگوشا سوتسياليزمنىڭ جاڭا داۋىرگە قادام تاستاۋىن ىلگەرىلەتتى.

  بۇل − بۇرىنعىعا مۇراگەر، كەيىنگىگە بۇيداگەر بولىپ بولاشاققا جول اشاتىن، جاڭا تاريحي شارت - جاعدايدا جۇڭگوشا سوتسياليزمنىڭ ۇلى جەڭىسىنە ۇزدىكسىز قول جەتكىزەتىن ءداۋىر. «قوس 100 جىلدىق» كۇرەس نىساناسىنىڭ تاريحي توعىسۋ كەزەڭىندە، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل ەلدەگى ءار ۇلت حالقىن باستاپ، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزىپ، جاپپاي سوتسياليستىك وسىزاماندانعان ەل قۇرۋدىڭ جاڭا جورىعىن باستايدى.
 بۇل − بۇكىل جۇڭحۋا پەرزەنتتەرىنىڭ ءبىر نيەتتە سەلبەسىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا قۇلشىناتىن ءداۋىر. بۇكىل ەلدەگى ءار ۇلت حالقى ىنتىماقتاسا كۇرەس جۇرگىزىپ، تىنباي تاماشا تۇرمىس جاراتىپ، بۇكىل حالىقتىڭ ورتاق اۋقاتتانۋىن بىرتىندەپ جۇزەگە اسىرىپ، جۇڭحۋا ۇلتى اناعۇرلىم اسقاق بەينەمەن دۇنيە ءجۇزى ۇلتتارى قاتارىندا قاسقايىپ تۇراتىن بولادى.

  جاڭا ءداۋىر، جاڭا نىسانا، جاڭا جورىق شۇعىلالى تۋدىڭ جەتەكشىلىگىن قاجەت ەتەدى.

  پارتيا ۋستاۆى پارتيانىڭ باس ۋستاۆى، پارتيانىڭ باسشىلىعىن كۇشەيتۋ، پارتيانىڭ قۇرىلىسىن كۇشەيتۋ جونىنەن ءتۇبىرلى جۇيەگە ءتۇسىرۋ جانە جەتەكشىلىك ەتۋ رولىن اتقارادى. دۇنيە ءجۇزىنىڭ جاعدايىنداعى، مەملەكەتتىڭ جاعدايىنداعى، پارتيانىڭ جاعدايىنداعى وزگەرىستىڭ پارتيامىزعا قويعان جاڭا تالابىنا، حالىق بۇقاراسىنىڭ تاماشا تۇرمىسقا دەگەن جاڭا تالپىنىسىنا سايكەسكەندە عانا، پارتيانىڭ باس ۋستاۆى بۇكىل پارتيانىڭ، بۇكىل ەلدەگى ءار ۇلت حالقىنىڭ قۇدىرەتتى كۇشىن تاسقىنداتىپ، پارتيا مەن حالىق ىستەرىنىڭ جاڭا داۋىردەگى ايبىندى تىڭ تاراۋىن جازۋعا جەتەكشىلىك ەتە الادى.

  كەلگەن حاتتار مەن تەلەفوندار... جۋىق جىلداردان بەرى، كوپتەگەن پارتيا مۇشەلەرى مەن پارتيا ۇيىمدارى پارتيا ورتالىق كوميتەتىنىڭ قاتىستى تاراۋلارى پارتيانىڭ ءىس جۇزىندىك وزگەرىسى مەن مىندەت تالابىنا ساي، پارتيانىڭ 19 - قۇرىلتايىندا پارتيا ۋستاۆىنا ۇيلەسىمدى وزگەرىس ەنگىزۋدى ۇسىنىس ەتتى.

  2017 - جىلى قاڭتاردا، پارتيا ورتالىق كوميتەتى پارتيانىڭ 19 - قۇرىلتايىنىڭ بايانداماسىنىڭ تالقى تاقىرىبى جونىندە كەڭ كولەمدى پىكىر الۋ بارىسىندا، كوپتەگەن جەرگىلىكتى ورىندار مەن تاراۋلارداعى پارتيا ۇيىمدارى پارتيا ورتالىق كوميتەتىنە وسىنداي ۇسىنىستار قويدى.

  شي جينپيڭ جولداستى ۇيتقى ەتكەن پارتيا ورتالىق كوميتەتى پارتيا ۋستاۆىنا وزگەرىس ەنگىزۋ ۇسىنىسىنا وسكەلەڭ ءمان بەرىپ، پارتيا ورتالىق كوميتەتىنە قاتىستى ورىنداردان ۋاقىتتى مىقتى ۇستاي وتىرىپ زەرتتەۋىن جانە سىپاتتاۋىن تالاپ ەتىپ، پارتيا ۋستاۆىنا وزگەرىس ەنگىزۋ ۇيعارىمىن سالماقتىلىقپەن بايىپتىلىقپەن جاسادى.

  ىشكەرىلەي تەكسەرۋ، سىپاتتاۋ نەگىزىندە 18 - مامىردا باس شۋجي شي جينپيڭ ج ك پ ورتالىق كوميتەتى ساياسي بيۋروسى تۇراقتى كوميتەتىنىڭ ءماجىلىسىن باسقارىپ اشىپ، پارتيا 19 - قۇرىلتايىندا پارتيا ۋستاۆىنا لايىقتى وزگەرىس ەنگىزۋ جونىندە كەلەلى ۇيعارىم جاسادى.

  پارتيا ورتالىق كوميتەتى بىلاي دەپ قارادى: ءار ءتۇرلى فاكتورلاردى جان - جاقتىلى ويلاستىرا وتىرىپ، پارتيا 19 - قۇرىلتايىندا پارتيا ۋستاۆىنا لايىقتى وزگەرىس ەنگىزۋ قاجەتتى، سونداي - اق ءار دارەجەلى پارتيا ۇيىمدارى مەن جالپى پارتيا مۇشەلەرىنىڭ تىلەگىنە ۇيلەسەدى.

  − جاڭا داۋىردە دۇرىس باعىتپەن العا باسۋعا كەپىلدىك ەتۋ داۋىرمەن بىرگە العا باساتىن عىلمي نازاريانىڭ جەتەكشىلىگىن قاجەت ەتەدى.

  پارتيا 18 - قۇرىلتايىنان بەرى پارتيا مەن مەملەكەت ىستەرىندە تاريحي سيپاتتى وزگەرىستەردى جارىققا شىعارىپ، ەل بيلەۋدە، پارتيانى باسقارۋدا، پارتيانى جونگە سالۋدا تىڭ دەڭگەي جاراتۋداعى ەڭ ءتۇبىرلى سەبەپ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعى، باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحى مەن ەل باسقارۋداعى جاڭا ۇستانىمدارىنىڭ، جاڭا يدەيالارىنىڭ، جاڭا ستراتەگيالارىنىڭ دۇرىس جەتەكشىلىگى بولعاندىعى. باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحى مەن ەل بيلەۋدەگى جاڭا ۇستانىمدارىن، جاڭا يدەيالارىن، جاڭا ستراتەگيالارىن نازاريالىق جاقتان تىڭنان تۇجىرىمداۋ ءارى ماركسيزم - لەنينيزممەن، ماۋ زىدۇڭ يدەياسىمەن، دىڭ شياۋپيڭ نازارياسىمەن، «ۇشكە ۋاكىلدىك ەتۋ» ماڭىزدى يدەياسىمەن، عىلمي دامۋ كوزقاراسىمەن بىرگە پارتيانىڭ ارەكەت قىبلاناماسى رەتىندە پارتيا ۋستاۆىنا ەنگىزىپ، پارتيانىڭ جەتەكشى يدەياسىنىڭ داۋىرمەن بىرگە العا باسۋىن ىسكە اسىرۋ تىڭ تاريحي باستامادا ۇلى كۇرەستەر جۇرگىزۋ، ۇلى ينجەنەريالار اتقارۋ، ۇلى ىستەردى ىلگەرىلەتۋ، ۇلى ارماندى ورىنداۋ جونىنەن كەلەلى رەالدىق مانگە جانە ۇزاق تاريحي مانگە يە.

  − جاڭا داۋىردە دۇرىس بەتالىسپەن العا باسۋعا كەپىلدىك ەتۋ ماڭىزدى ستراتەگيالىق شارالاردىڭ جانە كەلەلى ساياسات، كەمەل باعىتتىڭ تىرەك بولۋىن قاجەت ەتەدى.

  پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس جوسپارلاپ، ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، ورنىقتىلىق بارىسىندا العا باسۋ سىندى قىزمەت نەگىزگى اۋەنىنەن جازباي، قيىندىقتاردان تايسالماي، ءورىس اشا العا باسىپ، رەفورما، دامۋ، ورنىقتىلىق، ىشكى ساياسات، سىرتقى ديپلوماتيا، مەملەكەت قورعانىسى، پارتيانى جونگە سالۋ، مەملەكەتتى جونگە سالۋ، ارميانى جونگە سالۋ سياقتى جاقتاردان مول امالياتتىق تاجىريبە توپتاپ، ءبىر قىدىرۋ جاڭا نىسانانى، جاڭا ساياساتتى، جاڭا شارانى، جاڭا ورنالاستىرۋدى تۇلعالادى. وسىنداي ەڭ جاڭا امالياتتىق جەتىستىكتەردى پارتيا ۋستاۆىنا ەنگىزۋ تۇتاس پارتيانىڭ يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى باستان - اياق ساقتاۋىنا، پارتيا ورتالىق كوميتەتىنىڭ شەشىمدەرىن، ورنالاستىرۋلارىن بۇلجىتپاي اتقارۋىنا، جۇڭگوشا سوتسياليزمدى تىڭ ورەگە جەتكىزۋىنە ءتيىمدى.

  − جاڭا داۋىردە دۇرىس بەتالىسپەن العا باسۋعا كەپىلدىك ەتۋ پارتيا قۇرىلىسىنداعى جاڭا، ۇلى ينجەنەريانى بۇلجىتپاي ىلگەرىلەتۋدىڭ كەپىل بولۋىن قاجەت ەتەدى.

  پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى مىزعىماس ەرىكپەن جانە بۇرىن - سوڭدى بولماعان سەرپىنمەن پارتيانى جاپپاي قاتاڭ جونگە سالۋدى تىڭعىلىقتى ىلگەرىلەتىپ، پارتيانىڭ ساياسي قۇرىلىسى، يدەيالىق قۇرىلىسى، ۇيىمدىق قۇرىلىسى، ستيل قۇرىلىسى، ءتارتىپ قۇرىلىسى جانە ءتۇزىم قۇرىلىسى، جەمقورلىققا قارسى تۇرۋ كۇرەسى جاقتارىندا تاريحي سيپاتتى جەتىستىكتەرگە قول جەتكىزىپ، پارتيا تىلەگىنەن، جۇرت قالاۋىنان شىقتى. وسىنداي ءونىمدى ادىستەر مەن تاجىريبەلەردى سۇرىپتاپ پارتيا ۋستاۆىنا ەنگىزۋ تۇتاس پارتياداعى جولداستاردىڭ وي - سانانى سەرگەك ۇستاپ، پارتيانى جاپپاي قاتاڭ جونگە سالۋ ماڭگى جالعاسادى دەگەن ساياسي تۇراقتىلىقتى ارتتىرىپ، پارتيا قۇرىلىسىنىڭ ساپاسىن ۇزبەي جوعارىلاتىپ، پارتيانىڭ ومىرشەڭدىك كۇشىن ماڭگى ساقتاۋىنا ءتيىمدى.

  سونىمەن قاتار، پارتيا ورتالىق كوميتەتى بىلاي دەپ قارادى: پارتيا 19 - قۇرىلتايى بايانداماسىندا تۇراقتانعان ماڭىزدى نازاريالىق كوزقاراستار مەن كەلەلى ستراتەگيالىق يدەيالاردى پارتيا ۋستاۆىندا بەينەلەپ، پارتيا ۋستاۆى مەن پارتيا 19 - قۇرىلتاي بايانداماسىنىڭ تىعىز ۇشتاسۋىن ىسكە اسىرۋ تۇتاس پارتيانىڭ پارتيا 19 - قۇرىلتايىنىڭ رۋحىن اناعۇرلىم جاقسى ۇيرەنۋىنە، تۇسىنۋىنە، دايەكتىلەندىرۋىنە، تياناقتاندىرۋىنا ءتيىمدى.

    پارتيا ورتالىق كوميتەتى وسى رەت پارتيا ۋستاۆىنا وزگەرىس ەنگىزۋدە، ءسوز جوق، بويسۇنۋعا ءتيىستى مىناداي پرينسيپتى تۇراقتاندىردى: ماركسيزم - لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن جەتەكشى ەتۋدەن جازباي، باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحى مەن ەل باسقارۋداعى جاڭا ۇستانىمدارىن، جاڭا يدەيالارىن، جاڭا ستراتەگيالارىن ىشكەرىلەي دايەكتىلەندىرۋ، تياناقتاندىرۋ؛ دەموكراتيانى ساۋلەلەندىرۋدەن جازباي، تۇتاس پارتيانىڭ اقىل - پاراساتىن شوعىرلاندىرىپ، پارتيا ۋستاۆىنىڭ تۇتاس تۇلعالىق ورنىقتىلىعىن ساقتاپ، ءسوز جوق، وزگەرتۋگە ءتيىستى، پارتيا ىشىندە الدەقاشان ورتاق تانىم رەتىندە قالىپتاسقان مازمۇنداردى عانا وزگەرتۋ، وزگەرتۋگە دە، وزگەرتپەۋگە دە بولاتىندارىن وزگەرتپەۋ، پىسىپ - جەتىلمەگەن پىكىرلەردى وزگەرتپەۋ.

  ورنى دۇرىس، بەتالىسى ايقىن.

  باس شۋجي شي جينپيڭ وسكەلەڭ ءمان بەرىپ، ءوزى كىرىسىپ، پارتيا ۋستاۆىنا وزگەرىس ەنگىزۋ قىزمەتىنە باستان - اياق نازار اۋدارىپ، جەتەكشىلىك ەتتى.

  پارتيا ورتالىق كوميتەتى ليۋ يۇنشان جولداس گرۋپپا باستىعى، ۋاڭ چيشان جولداس ورىنباسار گرۋپپا باستىعى بولعان پارتيا ۋستاۆىنا وزگەرىس ەنگىزۋ گرۋپپاسىن قۇردى، بۇل پارتيا ورتالىق كوميتەتى ساياسي بيۋروسى تۇراقتى كوميتەتىنىڭ تىكە باسشىلىعىندا قىزمەت ورىستەتتى.

  19 - ماۋسىم، بەيجيڭدەگى جۇڭنانحاي. پارتيا ۋستاۆىنا وزگەرىس ەنگىزۋ گرۋپپاسى 1 - رەتكى جالپى جيىنىن اشىپ، پارتيا ۋستاۆىنا وزگەرىس ەنگىزۋ قىزمەتىن رەسمي باستادى.

  سىرتتا مي قايناعان ىستىق، پارتيا ۋستاۆىنا وزگەرىس ەنگىزۋ گرۋپپاسىنداعى جولداستاردىڭ كوكەيىندە تۋلاعان وتتاي ىستىق اسقاق سەزىم مەن كۇشتى جاۋاپكەرلىك سەزىم. پارتيا ۋستاۆىنا وزگەرىس ەنگىزۋ گرۋپپاسى پارتيا ورتالىق كوميتەتىنىڭ ماڭىزدى تاپسىرماسى مەن تۇتاس پارتياداعى جولداستاردىڭ ءۇمىتىن ەستە بەرىك ساقتاپ، قىزمەتكە بۇكىل ىنتا - پەيىلىمەن كىرىستى.

    تۇتاس پارتيانىڭ ەرىك - جىگەرىن شوعىرلاندىرۋدىڭ جاندى امالياتى

       − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، پارتيا ۋستاۆىنا وزگەرىس ەنگىزۋدە دەموكراتيانى تولىق ساۋلەلەندىرىپ، تۇتاس پارتيانىڭ اقىل - پاراساتىن شوعىرلاندىرىپ، يدەيانى بىرلىككە كەلتىرىپ، ورتاق تانىم قالىپتاستىرىپ، تۇتاس پارتيانىڭ جاسامپازدىق قۋاتىن، ۇيىستىرۋ قۋاتىن، جاۋىنگەرلىك قۋاتىن تاسقىنداتتى

  جوعارى دارەجەلى پارتكومنىڭ پارتيا ۋستاۆىنا وزگەرىس ەنگىزۋگە پىكىر الۋ اڭگىمە ماجىلىسىنە قاتىناسۋعا ۇسىنىس ەتۋ ۇقتىرۋىن تاپسىرىپ العاندا پارتيا 19 - قۇرىلتايىنىڭ ۋاكىلى، انشان بولات - تەمىر سەرىكتەستىگىنىڭ جۇمىسشىسى گو ميڭ - ي «گو ميڭ - ي مەيىرىمدى توبىمەن» بىرگە لياۋنيڭ ولكەسى چاۋياڭ قالاسىنىڭ اۋىل - قىستاقتارىندا كەدەيلەردى دالمە - ءدال سۇيەمەلدەۋ جونىندە تەكسەرۋ - زەرتتەۋ جۇرگىزىپ جاتقان ەدى.

  «توتەنشە قاجەتتى! باس شۋجي شي جينپيڭ ءبىزدى باستاپ، جۇڭگوشا سوتسياليزم ىستەرىنىڭ جاڭا جاعدايىن اشتى، بۇقارانىڭ تۇرمىسى بارعان سايىن جاقساردى، پارتيا ورتالىق كوميتەتى، باس شۋجي شي جينپيڭ العا قويعان باعىت - شارالاردى قوس قولداپ قۇپتايمىز. پارتيا ۋستاۆى وسى قۇندى يدەيالار مەن تاجىريبەلەردى تۇراقتاندىرىپ، پارتيامىز بەن مەملەكەتىمىزدىڭ تىڭ جورىقتا ۇزبەي العا باسۋىنا جەتەكشىلىك ەتەدى».

  ءبىر كۇندىك تەكسەرۋ - زەرتتەۋىن تامامداسىمەن گو ميڭ - ي اسىعىس - ۇسىگىس تاماعىن ىشە سالدى دا، بولمەسىنە كىرىپ، 4 بەتتىك پىكىر جانە ۇسىنىس جازدى.

  پارتيا ۋستاۆى − تۇتاس پارتيانىڭ ەرىك - جىگەرىنىڭ، حالىق تىلەگىنىڭ شوعىرلى بەينەسى.

  2 - ماۋسىمدا پارتيا ورتالىق كوميتەتى پارتيا ۋستاۆىنا وزگەرىس ەنگىزۋ قىزمەتى جونىندە جەر - جەرگە، تاراۋلارعا پىكىر الۋ ۇقتىرۋىن تاراتتى.

  ورتالىقتاعى باسشى جولداستاردان تارتىپ جەر - جەردەگى، تاراۋلارداعى قاتىستى جاۋاپتى جولداستارعا دەيىن، ودان نەگىزگى ساتىداعى پارتيا مۇشەلەرىنە، كادرلارعا دەيىن پارتيا ۋستاۆىنا وزگەرىس ەنگىزۋ قىزمەتىنە تۇگەلدەي ات سالىسىپ، وسى رەتكى پارتيا ۋستاۆىنا وزگەرىس ەنگىزۋدى پارتيا ىشىندەگى دەموكراتيانى ساۋلەلەندىرۋدىڭ جاندى امالياتى ەتۋگە مۇمكىندىك جاسادى.

  پارتيا ۋستاۆىنا وزگەرىس ەنگىزۋ گرۋپپاسىنداعى قاتىستى جاۋاپتى ادامنىڭ تانىستىرۋىنا قاراعاندا، وزگەرىس ەنگىزۋ قىزمەتى باستالىسىمەن، پارتيا ورتالىق كوميتەتى يدەيانى ازات ەتۋدەن، شىندىقتى ءىس جۇزىنەن ىزدەۋدەن، كوپتىڭ اقىل - پاراساتىن ساۋلەلەندىرۋدەن جازباي، وزگەرىس ەنگىزىلگەننەن كەيىنگى پارتيا ۋستاۆىندا پارتيانىڭ نازاريالىق جاڭالىق اشۋى مەن امالياتتىق جاڭالىق اشۋىنداعى ەڭ جاڭا جەتىستىكتەرىن تولىق ايگىلەۋگە قۇلشىنىپ، پارتيا مەن حالىق ىستەرىنىڭ، پارتيا قۇرىلىسىنىڭ تىڭ دامۋ قاجەتىنە ۇيلەسۋدى ايقىن العا قويدى.

  پارتيا ۋستاۆىنا وزگەرىس ەنگىزۋ قىزمەتى پارتيا ىشىندەگى دەموكراتيانى ساۋلەلەندىرۋدى ءارقايسى بۋىندا، ءارقايسى جاقتا ايگىلەپ، پارتيا مۇشەلەرىنىڭ جاي - جاپساردى ءبىلۋ ۇقىعىنا، ات سالىسۋ ۇقىعىنا، ايتۋ ۇقىعىنا قۇرمەت ەتۋگە باستان - اياق تاباندى بولدى.

  − پارتيا ۋستاۆىنا وزگەرىس ەنگىزۋ بارىسىندا، باس شۋجي شي جينپيڭ ورتالىقتىڭ قاتىستى ءماجىلىسىن 6 رەت باسقارىپ اشىپ، پارتيا ۋستاۆىنا وزگەرىس ەنگىزۋ قىزمەتىن اقىلداسىپ، پارتيا ۋستاۆىنا وزگەرىس ەنگىزۋگە قاتىستى حۇجاتتاردى قارادى؛ 6 رەت اڭگىمە ءماجىلىسىن باسقارىپ اشىپ، پارتيا ۋستاۆىنا وگەرىس ەنگىزۋگە قاتىستى پىكىرلەر مەن ۇسىنىستاردى بەتپە - بەت تىڭدادى.

  «پارتيا ۋستاۆى − پارتيانىڭ ءتۇبىرلى زاڭى، پارتيا ۋستاۆىنا وزگەرىس ەنگىزۋ توتەنشە كەلەلى، توتەنشە ماڭىزدى ءىس، پارتيا مۇشەلەرى مۇنان زور ءۇمىت كۇتىپ وتىر». باس شۋجي شي جينپيڭ پارتياعا، پارتيا ىستەرىنە وسكەلەڭ دارەجەدە جاۋاپتى بولۋ رۋحىمەن پارتيا ۋستاۆىنا وزگەرىس ەنگىزۋ قىزمەتىن ويداعىداي ىستەۋ كەرەكتىگىن تالاي رەت باسا دارىپتەدى.

  پارتيا ۋستاۆىنا وزگەرىس ەنگىزۋ قىزمەتىندەگى ءار ءبىر ماڭىزدى تۇيىندە، باس شۋجي شي جينپيڭ مالىمەتتى ءوزى تىكە تىڭداپ، الدىڭعى كەزەڭدەگى قىزمەتتەردى قورىتىندىلاپ، كەلەسى كەزەڭدەگى قىزمەت تالاپتارىن العا قويىپ، بەتالىستى ايقىن كورسەتىپ وتىردى.

  «پارتيا ۋستاۆىنا وزگەرىس ەنگىزۋ قىزمەتى − پارتيا 19 - قۇرىلتايى حۇجاتتارىن جازۋ قىزمەتىنىڭ ماڭىزدى قۇرامداس بولەگى». 20 - جانە 24 - شىلدەدە، ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسى، ورتالىق كوميتەت ساياسي بيۋروسىنىڭ ءماجىلىسى پارتيا ۋستاۆىنىڭ وزگەرىس ەنگىزىلگەن جوباسىن (قاراۋعا ۇسىنىلعان نۇسقا) قارادى، ماجىلىستە باس شۋجي شي جينپيڭ پارتيا 18 - قۇرىلتايىنان بەرى پارتيانىڭ باسشىلىعىن كۇشەيتۋ مەن پارتيانىڭ وزىندىك قۇرىلىسىن كۇشەيتۋدە قول جەتكەن ماڭىزدى جەتىستىكتەردى، پارتيا ۋستاۆىندا دەر كەزىندە، تولىق ايگىلەپ، ونى بۇكىل پارتيانىڭ ورتاق تىلەگىنە، ورتاق بويسۇناتىن ولشەمىنە اينالدىرۋدى باسا دارىپتەدى، سونداي - اق پارتيا ۋستاۆىنىڭ وزگەرىس ەنگىزىلگەن جوباسىن جەر - جەرگە، تاراۋلارعا جەتكىزىپ پىكىر الۋ قىزمەتىن ويداعىداي ىستەۋ جونىندە ايقىن تالاپ قويدى.

  21 - تامىزدان 25 - تامىزعا دەيىن باس شۋجي شي جينپيڭ جۇڭنانحايدا ىركەس - تىركەس 6 رەت اڭگىمە ءماجىلىس اشىپ، ءارقايسى ولكەلەردەگى، اۆتونوميالى رايوندارداعى، توتە قاراستى قالالارداعى، ازاتتىق ارميانىڭ ۇلكەن ورىندارىنداعى جانە اسكەري كوميتەت ورگانىنداعى، تاراۋلارىنداعى نەگىزگى جاۋاپتى جولداستاردىڭ پىكىرىن بەتپە - بەت وتىرىپ تىڭداپ، پارتيا ۋستاۆىنا وزگەرىس ەنگىزۋ ماسەلەسىن كوپشىلىكپەن بىرگە ىشكەرىلەي اقىلداستى.
 «پارتيا ۋستاۆىنىڭ وزگەرىس ەنگىزىلگەن جوباسىنىڭ پارتيا 19 - قۇرىلتايىنىڭ ماقۇلداۋىنان ءوتۋ، وتپەۋى، قۇرىلتاي ۋاكىلدەرىنىڭ قۇپتاۋىنا يە بولۋ، بولماۋى، پارتيا ۋستاۆىنا وزگەرىس ەنگىزۋ قىزمەتىنىڭ ءساتتى، ءساتسىز بولعاندىعىن سىنايتىن تىكە سىن». 14 - جانە 18 - قىركۇيەكتە، باس شۋجي شي جينپيڭ ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسىن، ورتالىق كوميتەت ساياسي بيۋروسى ءماجىلىسىن جەكە - جەكە باسقارىپ اشىپ، پارتيا ۋستاۆىنىڭ وزگەرىس ەنگىزىلگەن جوباسىن (تالقى نۇسقاسى) قاراپ، ماجىلىستە العا قويىلعان پىكىرلەر نەگىزىندە قاتىستى حۇجاتتارعا وزگەرىس ەنگىزۋدى مىقتى يگەرۋدى باسا دارىپتەپ، پارتيا 18 - كەزەكتى ورتالىق كوميتەتىنىڭ جەتىنشى جالپى ماجىلىسىندە قاراۋعا ۇسىنۋدان ىلگەرى، جەر - جەردىڭ، تاراۋلاردىڭ اڭىس ەتكەن پىكىرىن قايتالاي اقىلداسىپ، قابىلداپ، مۇقيات وڭدەپ، كەمەلدەندىرە ءتۇسىپ، يدەيالىق كوزقاراسىنىڭ دۇرىس، تولىقتانعان مازمۇنىنىڭ ورىندى، ءسوز - سويلەمىنىڭ جاتىمدى بولۋىن تالاپ ەتتى.

  پارتيا 18 - كەزەكتى ورتالىق كوميتەتىنىڭ جەتىنشى جالپى ءماجىلىسى كەزىندە، 13 - قازان كەشتە، ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسى جالپى ماجىلىستەگى ۇسىنىس پەن پىكىرگە نەگىزدەلىپ وزگەرىس ەنگىزىلگەننەن كەيىنگى پارتيا ۋستاۆىنىڭ وزگەرىس ەنگىزىلگەن جوباسى نۇسقاسىن قارادى، باس شۋجي شي جينپيڭ پارتيا ۋستاۆىنا وزگەرىس ەنگىزۋ قىزمەتىن اناعۇرلىم ويداعىداي ىستەۋ جونىندە ايقىن تالاپ قويدى.

  پارتيا 19 - قۇرىلتايى كەزىندە، پارتيا ۋستاۆىنىڭ وزگەرىس ەنگىزىلگەن جوباسى نۇسقاسىنا قۇرىلتاي ۋاكىلدەرىنىڭ العا قويعان پىكىرلەرى مەن ۇسىنىستارى قابىلدانىپ، اناعۇرلىم وزگەرىس ەنگىزىلىپ، كەمەلدەندىرىلدى. 21 - قازان كەشتە، باس شۋجي شي جينپيڭ قۇرىلتاي ءتوراعالار القاسى تۇراقتى كوميتەتىنىڭ ءبىرىنشى ءماجىلىسىن باسقارىپ اشىپ، پارتيا ۋستاۆىنىڭ وزگەرتىلگەن نۇسقاسىنا وزگەرىس ەنگىزۋ جاعدايىن تىڭداپ، وزگەرىس ەنگىزىلگەن تىڭ مازمۇنداردى ءبىر - بىردەن تالقىلادى.

  − پارتيا ۋستاۆىنا وزگەرىس ەنگىزۋ بارىسىندا، جەر - جەر، تاراۋلار ورتالىقتىڭ 2 رەتكى پىكىر الۋى بارىسىندا 2165 پىكىر جانە ۇسىنىس بەرىپ، حانزۋ ارىپىمەن جالپى ءبىر ميلليون ارىپتەن اساتىن، 2000 نەشە بەتتىك جازباشا بايانداما تاپسىردى.

  ءار جولعى وزگەرىس ەنگىزىلگەن پارتيا ۋستاۆىنا، بۇكىل پارتيانىڭ اقىل پاراساتى مەن جۇرەك قانى سىڭگەن.

  ماۋسىمنىڭ باسى جانە ورتا شەنىندە، پارتيا ورتالىق كوميتەتى ۇقتىرۋىنداعى تالاپتار بويىنشا، جەر - جەر، تاراۋلار دەن قويا ۇيىمداستىرىپ، اڭگىمە ءماجىلىس اشىپ، كەڭ كولەمدە پىكىر جانە ۇسىنىس الدى. ماجىلىستەن ىلگەرى، ماجىلىسكە قاتىناساتىن جولداستار پارتيا ۋستاۆى مەن باس شۋجي شي جينپيڭنىڭ جەلىلەس ماڭىزدى سوزدەرىن مۇقيات ۇيرەنىپ، جاڭا داۋىردەگى پارتيا مەن مەملەكەت ىستەرىنىڭ دامۋ جالپى جاعدايى تۇرعىسىنان ىشكەرىلەي وي جۇگىرتۋمەن بىرگە، ءوز رايوندارىنىڭ، ءوز سالالارىنىڭ قىزمەت امالياتىمەن ۇشتاستىرۋعا دا ءمان بەرىپ، نەگىزگى ساتىداعى پارتيا مۇشەلەرىنىڭ، بۇقارانىڭ تىلەگىن ايگىلەپ، سىندارلى پىكىرلەر بەردى؛ ماجىلىستە كوپشىلىك بۇكپەسىز اڭگىمەلەسىپ، قىزۋ تالقى بارىسىندا ورتاق تانىم قالىپتاستىردى.

  ماۋسىمنىڭ اياق شەنىندە، جەر - جەر، تاراۋلار 118 جازباشا بايانداما تاپسىرىپ، قازىرگى پارتيا ۋستاۆىنا لايىقتى وزگەرىس ەنگىزۋدى، سونداي - اق پارتيا ۋستاۆىنىڭ تۇلعالىق ورنىقتىلىعىن ساقتاۋدى ءبىر اۋىزدان قۇپتاپ، پارتيا ورتالىق كوميتەتىنىڭ تۇراقتاندىرعان وزگەرىس ەنگىزۋ پرينسيبىن تولىق قۇپتاپ، وزگەرىس ەنگىزۋ جونىندە 1775 پىكىر جانە ۇسىنىس بەردى.

  5 - تامىزدا ورتالىق كوميتەت «جۇڭگو كوممۋنيستىك پارتياسىنىڭ ۋستاۆى (وزگەرىس ەنگىزىلگەن جوبا)» جونىندە پىكىر الۋ نۇسقاسىن پارتيا 19 - قۇرىلتايىنىڭ بايانداماسى جونىندە پىكىر الۋ نۇسقاسىمەن بىرگە باسىپ رايوندارعا، تاراۋلارعا تاراتتى، پارتيا 18 - قۇرىلتايىنىڭ ۋاكىلدەرى مەن پارتيا 19 - قۇرىلتايىنا جاڭادان سايلانعان ۋاكىلدەرى تالقىعا قاتىناستى.

  تامىزدىڭ اياق شەنىندە، جەر - جەر، تاراۋلار ورتالىق كوميتەتكە قايتالاي 118 جازباشا بايانداما تاپسىردى، ۋاكىلدەر جاپپاي وسى رەتكى وزگەرىس ەنگىزۋ قىزمەتى بەلسەندى، ورىندى، ناقتى، ۇقىپتىلىقپەن ىستەلدى، جەتەكشى يدەياسى، وزگەرىس ەنگىزۋ پرينسيبى، وزگەرىس ەنگىزۋ ءتارتىبى، وزگەرىس ەنگىزۋ مازمۇنى دۇرىس دەپ قارادى، سونىمەن قاتار 390 وزگەرىس ەنگىزۋ پىكىرىن العا قويدى.

  − پارتيا ۋستاۆىنا وزگەرىس ەنگىزۋ بارىسىندا، پارتيا ۋستاۆىنا وزگەرىس ەنگىزۋ گرۋپپاسى ارت - ارتىنان 5 رەت جالپى ءماجىلىس، 30 نەشە رەت قىزمەت القاسى ءماجىلىسىن اشىپ، پارتيا ۋستاۆىنا وزگەرىس ەنگىزۋ نۇسقاسى مەن وزگەرىس ەنگىزۋ بارىسى نۇسقاسىنان 30 نەشەسىن جازدى.

  ءاربىر پىكىرگە دەن قويا قاراۋ، ءاربىر وزگەرىس ەنگىزۋ مازمۇنىن قايتا - قايتا وي ەلەگىنەن وتكىزۋ، ءاربىر ءتارتىپتى مۇقيات اتقارۋ، ءاربىر قىزمەتتى دەر كەزىندە تياناقتاندىرۋ، بۇل پارتيا ورتالىق كوميتەتىنىڭ العا قويعان تالابى ءارى پارتيا ۋستاۆىنا وزگەرىس ەنگىزۋ گرۋپپاسىنىڭ سانالى ارەكەتى.

  19 - ماۋسىمدا پارتيا ۋستاۆىنا وزگەرىس ەنگىزۋ گرۋپپاسىنىڭ ءبىرىنشى جالپى جيىنى اياقتالىسىمەن، پارتيا ورتالىق كوميتەتى تاراۋلارىنىڭ قىزمەت القاسىنداعىلار تۇرعان جەرلەرىنە كەلىپ، قىزمەتتى تياناقتاندىرۋ جونىندە ورنالاستىرۋ جاساپ، ناقتى مىندەتتەردى، ۋاقىت بارىسىن جانە قىزمەت تالاپتارىن ايقىندادى.

  وسىدان كەيىنگى ءبىر اپتادان استام ۋاقىتتا، پارتيا ۋستاۆىنا وزگەرىس ەنگىزۋ گرۋپپاسى جەر - جەردىڭ، تاراۋلاردىڭ بايانداماسىن كۇندى - تۇنگە جالعاپ مۇقيات رەتتەپ، 600 نەشە بەتتىك، 300 مىڭ ارىپتەن اساتىن پىكىر جيناعىن شىعاردى. وسى نەگىزدە، پارتيا ۋستاۆىنا وزگەرىس ەنگىزۋ گرۋپپاسى پارتيا ۋستاۆىنا وزگەرىس ەنگىزۋ ۇسىنىس جوباسىن العا قويىپ، پارتيا ۋستاۆىنىڭ 99 جەرىنە وزگەرىس ەنگىزىپ، 1278 پىكىردى قابىلدادى نەمەسە ايگىلەدى.

  تامىز ايىنىڭ سوڭىنان قىركۇيەك ايىنىڭ باسىنا دەيىن، پارتيا ۋستاۆىنا وزگەرىس ەنگىزۋ گرۋپپاسى جەر - جەردىڭ، تاراۋلاردىڭ پارتيا ۋستاۆىنا وزگەرىس ەنگىزۋ جوبا نۇسقاسى جونىندە اڭىس ەتكەن وزگەرىس ەنگىزۋ پىكىرلەرى مەن ۇسىنىستارىن ءبىر - بىرلەپ رەتتەپ، ءبىرشاما شوعىرلى پىكىرلەردى لايىقتى قابىلداپ، 31 جەرىنە وزگەرىس ەنگىزدى، مۇنىڭ بەسەۋى تىڭنان وزگەرىس ەنگىزىلگەن جەر، قالعانى الدىڭعى اينالىمداعى وزگەرىس ەنگىزىلگەن جەرلەردىڭ 26سىنا ەنگىزىلگەن وزگەرىس بولدى.

  دۇنيەدەگى ۇلكەن ىستەر ۇساق ىستەردى جىنتىكتى ىستەۋدەن باستالادى.

  ءار رەت ورتالىق كوميتەت ساياسي بيۋروسىنىڭ تۇراقتى كوميتەت ءماجىلىسى مەن ورتالىق كوميتەت ساياسي بيۋروسىنىڭ ءماجىلىسى پارتيا ۋستاۆىنا وزگەرىس ەنگىزۋ جوباسىن قاراعان سوڭ، پارتيا ۋستاۆىنا وزگەرىس ەنگىزۋ گرۋپپاسى دەرەۋ باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنىپ، ماجىلىستە ورتاعا قويىلعان ماڭىزدى پىكىرلەردى تياناقتاندىردى.

  بۇل − قاتاڭ ساياسي مىندەت، ول، ءسوز جوق، اماليات پەن حالىقتىڭ تەكسەرۋىنەن ءوتۋى كەرەك. پارتيا ۋستاۆىنا وزگەرىس ەنگىزۋ گرۋپپاسى كۇشتى جاۋاپكەرلىك پوزيتسيامەن، عىلمي، شوگەل ستيلمەن، ماڭىزدى ايتىلىمنان ءار ءۇتىر - نۇكتەگە دەيىن قايتا - قايتا قاداعالاي پىسىقتاپ، قايتا - قايتا سارالاپ، قايتا - قايتا سالىستىردى. قىزمەت ىستەگەن جەردىڭ سونبەي جانىپ تۇرعان شامى پارتيا ۋستاۆىنا وزگەرىس ەنگىزۋ گرۋپپاسىنداعى جولداستاردىڭ كۇنى - ءتۇنى قاربالاس ىستەگەن بەينەسىنە، سونداي - اق پارتيا ۋستاۆىنا وزگەرىس ەنگىزۋ جوباسىنىڭ بىرتىندەپ كەمەلدەنىپ، تولىسا تۇسكەنىنە كۋا بولدى.

  11 - قازاننان 14 - قازانعا دەيىن، پارتيا 18 - كەزەكتى ورتالىق كوميتەتىنىڭ جەتىنشى جالپى ءماجىلىسى اشىلدى. ليۋ يۇنشان جولداس «جۇڭگو كوممۋنيستىك پارتياسى ۋستاۆىنىڭ (وزگەرىس ەنگىزۋ جوباسى)» تالقى نۇسقاسى جونىندە جالپى ماجىلىسكە تۇسىنىك جاسادى. ماجىلىسكە قاتىناسقان جولداستار مۇقيات زەرتتەپ جانە تالقىلاپ، 49 ءتۇرلى وزگەرىس ەنگىزۋ پىكىرى مەن ۇسىنىسىن ورتاعا قويدى. ورتالىق كوميتەت ساياسي بيۋروسىنىڭ تۇراقتى كوميتەتى پارتيا ۋستاۆىنا وزگەرىس ەنگىزۋ گرۋپپاسى ورتاعا قويعان وزگەرىس ەنگىزۋ جوباسىن تالقىلاپ ماقۇلدادى. جالپى ماجىلىستە «جۇڭگو كوممۋنيستىك پارتياسى ۋستاۆى (وزگەرىس ەنگىزۋ جوباسى)» ماقۇلدانىپ، پارتيا 19 - قۇرىلتايىندا قاراۋعا ۇسىنۋ ۇيعارىلدى.
 18 - قازاننان 24 - قازانعا دەيىن، پارتيا 19 - قۇرىلتايى اشىلدى، 38 ۇيىرمەنىڭ ۋاكىلدەرى، ۇسىنىس ەتىلگەن ۋاكىلدەر پارتيا ۋستاۆىنا وزگەرىس ەنگىزۋ جوباسىن مۇقيات قارادى. كوپشىلىك جابال بىلاي دەستى: وزگەرىس ەنگىزىلگەننەن كەيىنگى پارتيا ۋستاۆى پارتيا تىلەگىنەن، حالىق قالاۋىنان شىعىپ، ءداۋىر اعىمىنا ۇيلەستى، ول پارتيامىزدىڭ جۇڭگوشا سوتسياليزمنىڭ جاڭا داۋىرىندە پارتيا قۇرىلىسىنىڭ ساپاسىن ونان ارى جوعارىلاتۋىندا، پارتيانىڭ بيلىك جۇرگىزۋ قابىلەتى مەن باسشىلىق دەڭگەيىن جوعارىلاتۋىندا، پارتيا مەن حالىق ىستەرىنىڭ دامۋىنا ءتىپتى دە جاقسى جەتەكشىلىك ەتۋىندە ايرىقشا ماڭىزدى ءمان الادى. سونىمەن بىرگە، ۋاكىلدەر بەلسەنە پىكىر - ۇسىنىس بەرىپ، جيىنى 51 ءتۇرلى پىكىر جانە ۇسىنىس ورتاعا قويدى، پارتيا ۋستاۆىنا وزگەرىس ەنگىزۋ گرۋپپاسى تاعى دا وزگەرىس ەنگىزدى. ول قۇرىلتاي ءتوراعالار القاسىنىڭ تۇراقتى كوميتەتىنىڭ جيىنىندا تالقىلانىپ، ماقۇلدانىپ، ۋاكىلدەردىڭ قاراۋىنا قايتا ۇسىنىلدى.

   ۇلى جەڭىستى قولعا كەلتىرۋدىڭ ارەكەت باعدارناماسى

        − وزگەرىس ەنگىزىلگەننەن كەيىنگى پارتيا ۋستاۆىنىڭ ءون بويىنا شي جينپيڭنىڭ جاڭا داۋىردەگى جۇڭگوشا سوتسياليزم يدەياسى ءسىڭىرىلدى، ونىڭ جۇڭگو كوممۋنيستىك پارتياسىن جاڭا داۋىردە تاريحي بورىشىن جۇزەگە اسىرۋعا جەتەكتەيتىن شۇعىلالى تۋعا اينالارى ءسوزسىز 

  24 - قازاندا پارتيا 19 - قۇرىلتايىنىڭ جابىلۋ ماجىلىسىندە «جۇڭگو كوممۋنيستىك پارتياسىنىڭ ۋستاۆى (وزگەرىس ەنگىزىلگەن نۇسقا)» جونىندەگى قاۋلى داۋىسقا سالىنعان كەزدە، پارتيا 19 - قۇرىلتايىنىڭ ۋاكىلى، حىنان ولكەسى حۇيشيان قالاسى جاڭسۇن اۋىلى پەيجاي قىستاعى پارتيا باس ياچەيكاسىنىڭ شۋجيى پەي چۇنلياڭ وڭ قولىن بيىك كوتەردى.

  19 - قازان كەشتە سياسى كەپبەگەن «جۇڭگو كوممۋنيستىك پارتياسىنىڭ ۋستاۆىنىڭ (وزگەرىس ەنگىزىلگەن نۇسقا)» تالقى نۇسقاسى قولىنا تيگەندە، پەي چۇنلياڭ پارتيا 19 - قۇرىلتايىنىڭ بايانداماسىمەن سالىستىرا وتىرىپ، قايتا - قايتا ۇڭىلە وقىپ، باسقا ۋاكىلدەرمەن قىزۋ پىكىر اۋىستىردى.

  «پارتيا ۋستاۆى بيىكتە تۇرىپ الىستى بولجاپ، جاڭا ستيل كورسەتىپ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن تولىق ايگىلەدى، بۇدان مەن پارتيامىزدىڭ، مەملەكەتىمىزدىڭ ءتىپتى دە نۇرلى بولاشاعىن كوردىم»، - دەيدى پەي چۇنلياڭ.

  قۇرىلتايدا ماقۇلدانعان پارتيا ۋستاۆىنىڭ وزگەرىس ەنگىزىلگەن نۇسقاسىندا جيىنى 107 جەرگە وزگەرىس ەنگىزىلگەن، مۇنىڭ ىشىندە، باس باعدارلاما ءبولىمىنىڭ 58 جەرىنە، تاراۋلار ءبولىمىنىڭ 49 جەرىنە وزگەرىس ەنگىزىلگەن.

  وزگەرىس ەنگىزىلگەن جەردىڭ اربىرىنە پارتيانىڭ 18 - قۇرىلتايدان بەرگى باي امالياتتىق ىزدەنىسى ءسىڭىپ، جاڭا داۋىردەگى پارتيا ءىسىنىڭ دامۋى مەن پارتيا قۇرىلىسىنا دەگەن تىڭ تالاپ قامتىلىپ، پارتيانىڭ العا باسۋ بەتالىسىن كورسەتتى.

  − شي جينپيڭنىڭ جاڭا داۋىردەگى جۇڭگوشا سوتسياليزم يدەياسى سىندى قىزىل ارقاۋ باسىنان - اياعىنا دەيىن تارتىلدى.

  پارتيا ۋستاۆىنا وزگەرىس ەنگىزىلگەن نۇسقاسىنىڭ ەڭ جارقىن ءتۇيىنى جانە تاريحي ۇلەسى شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن ماركسيزم - لەنينيزممەن، ماۋ زىدۇڭ يدەياسىمەن، دىڭ شياۋپيڭ نازارياسىمەن، «ۇشكە ۋاكىلدىك ەتۋ» ماڭىزدى يدەياسىمەن، عىلمي دامۋ كوزقاراسىمەن بىرگە پارتيانىڭ ارەكەت باعدارلاماسى ەتۋى بولدى.

  وزگەرىس ەنگىزىلگەننەن كەيىنگى پارتيا ۋستاۆى باس باعدارلاما بولىمىنە ارنايى ءبىر ابزاتس قوسىپ مىنالاردى باسا دارىپتەدى: شي جينپيڭنىڭ جاڭا داۋىردەگى جۇڭگوشا سوتسياليزم يدەياسى − ماركسيزم - لەنينيزمنىڭ، ماۋ زىدۇڭ يدەياسىنىڭ، دىڭ شياۋپيڭ نازارياسىنىڭ، «ۇشكە ۋاكىلدىك ەتۋ» ماڭىزدى يدەياسىنىڭ، عىلمي دامۋ كوزقاراسىنىڭ جالعاستىرىلۋى جانە دامىتىلۋى، ماركسيزمنىڭ جۇڭگوشالانۋىنىڭ ەڭ جاڭا جەتىستىگى، پارتيا مەن حالىقتىڭ امالياتتىق تاجىريبەلەرى مەن كوللەكتيۆتىك اقىل - پاراساتىنىڭ جاۋھارى، جۇڭگوشا سوتسياليزمنىڭ نازاريالىق جۇيەسىنىڭ ماڭىزدى قۇرامداس بولەگى، بۇكىل پارتيانىڭ، بۇكىل ەل حالقىنىڭ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىندا كۇرەس جۇرگىزۋىنىڭ قيمىل قىبلاناماسى، وعان ۇزاق ۋاقىت تاباندى بولىپ، ۇزدىكسىز دامىتۋ كەرەك. سونىمەن بىرگە، تاراۋلار بولىگىندە پارتيا مۇشەلەرىنىڭ، ءسوزسىز، اتقارۋعا ءتيىستى بورىشتارى، پارتيا كادرلارىنىڭ نەگىزگى شارتى جانە پارتيانىڭ نەگىزگى ساتى ۇيىمىنىڭ نەگىزگى مىندەتتەرى جونىندەگى مازمۇندارعا شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن ۇيرەنۋ، دايەكتىلەندىرۋ جونىندەگى مازمۇنداردى قوستى.

  تەرەڭ يدەيا قۇدىرەتتى اقيقات كۇشىن ايگىلەدى.

  ۋاكىلدەر ءبىر اۋىزدان بىلاي دەپ قارادى: شي جينپيڭنىڭ جاڭا داۋىردەگى جۇڭگوشا سوتسياليزم يدەياسى جاڭا داۋىردە قانداي جۇڭگوشا سوتسياليزمگە تاباندى بولۋعا جانە ونى دامىتۋعا، جۇڭگوشا سوتسياليزمگە قالاي تاباندى بولۋعا جانە ونى قالاي دامىتۋعا بولادى دەيتىن كەلەلى داۋىرلىك تاقىرىپقا نازاريا مەن امالياتتى ۇشتاستىرا وتىرىپ جۇيەلى جاۋاپ بەردى. پارتيا ۋستاۆىندا شي جينپيڭنىڭ جاڭا داۋىردەگى جۇڭگوشا سوتسياليزم يدەياسىنىڭ تاريحي ورنىن تۇراقتاندىرۋ − مىعىم امالياتتىق نەگىزگە، يدەيالىق نەگىزگە، بۇقارالىق نەگىزگە يە، بۇكىل پارتيانىڭ ورتاق ەركى جانە بۇكىل ەلدەگى ءار ۇلت حالقىنىڭ ورتاق تىلەگى.

  جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدان ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل ەتىپ قۇرىپ شىعۋعا دەيىن؛ «بەستى ءبىر تۇلعالاندىرۋ» جالپى تۇلعالىق ورنالاستىرۋىن ءبىر تۇتاس ىلگەرىلەتۋ مەن «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتۋدەن «4 تانىمدى» بەرىك ورناتۋعا جانە «ءتورت سەنىمدى» بەكەمدەۋگە دەيىن؛ جاڭا دامۋ ۇستانىمىنان جازباۋدان قامداۋ جاعىنداعى قۇرىلىمدىق رەفورمانى ىلگەرىلەتۋگە دەيىن، جۇڭگوشا سوتسياليستىك زاڭمەن جونگە سالۋ جۇيەسىن كەمەلدەندىرۋدەن سوتسياليستىك وزەكتى قۇن كوزقاراسىن جەتىلدىرۋگە جانە اتقارۋعا دەيىن... وزگەرىس ەنگىزىلگەننەن كەيىنگى پارتيا ۋستاۆىنا باس شۋجي شي جينپيڭنىڭ پارتيا 18 - قۇرىلتايىنان بەرگى ماڭىزدى يدەيالارى، كوزقاراستارى جانە پارتيا 19 - قۇرىلتايىنىڭ بايانداماسىنداعى قاتىستى ايتىلىمدار تولىقتىرىپ كىرگىزىلدى.

  ۋاكىلدەر ءبىر اۋىزدان بىلاي دەپ قارادى: شي جينپيڭنىڭ جاڭا داۋىردەگى جۇڭگوشا سوتسياليزم يدەياسىنىڭ مازمۇنى باي، رۋحى تەرەڭ. پارتيا ۋستاۆىنداعى ءاربىر وزگەرىس تۇگەلدەي وسى ماڭىزدى يدەيانىڭ ناقتى ايگىلەنۋى، ناقتى تالاپتارى، ءبىر تال قىزىل ارقاۋ ونىڭ باسىنان - اياعىنا دەيىن تارتىلعان. شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن ۇيرەنۋ سانالىلىعى مەن تاباندىلىعىن ۇزدىكسىز كۇشەيتىپ، پارتيا 19 - قۇرىلتايىنىڭ بايانداماسى مەن پارتيا 18 - قۇرىلتايىنان بەرگى ۇلى امالياتتاردى ۇشتاستىرىپ، ءاربىر وزگەرىستىڭ قاپىسىز تۇسىن جۇيەلى ءتۇسىنىپ، تەرەڭ ۇيرەنىپ، تولىق يگەرىپ، جەتىك ءبىلىپ، قانىق مەڭگەرىپ، شىن مانىندە كوڭىلگە توقىپ، ارەكەتتە ايگىلەۋ كەرەك.

  ۇلى ءىس قۇدىرەتتى ۇيتقىنىڭ جول باستاۋىن قاجەت ەتەدى.

  پارتيا ۋستاۆىنىڭ وزگەرىس ەنگىزىلگەن نۇسقاسىنا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن قورعاۋ مازمۇنى قوسىپ جازىلدى ءارى پارتيا باسشىلىعىنىڭ ورنى مەن رولى كورنەكتى اتاپ كورسەتىلىپ، پارتيا، ۇكىمەت، ارميا، مادەنيەت، وقۋ - اعارتۋ قاتارلى بارلىق سالاعا جانە بارلىق جەرگە پارتيا باسشىلىق ەتەدى دەيتىن ماڭىزدى ساياسي پرينسيپ پارتيا ۋستاۆىنا كىرگىزىلىپ، جۇڭگو كوممۋنيستىك پارتياسىنىڭ باسشىلىعى جۇڭگوشا سوتسياليزمنىڭ ەڭ ماندىك ەرەكشەلىگى ەكەنى، جۇڭگوشا سوتسياليزم ءتۇزىمىنىڭ ەڭ زور باسىمدىعى ەكەنى ايقىندالدى. ۋاكىلدەر ءبىر اۋىزدان بىلاي دەدى: پارتيانىڭ ءتۇبىرلى زاڭىندا پارتيا بارلىعىنا باسشىلىق ەتۋدەي ماڭىزدى ساياسي پرينسيپتى ايقىنداۋ، شي جينپيڭ جولداستىڭ ۇيتقىلىق ورنىن تۇراقتاندىرۋ − تۇتاس پارتيادا «4 تانىمدى» بەرىك ورناتۋ، پارتيا ورتالىق كوميتەتىنىڭ بەدەلىن، پارتيانىڭ ىنتىماعىن، بىرلىگىن اناعۇرلىم سانالى قورعاۋ، پارتيا مەن مەملەكەت ىستەرىنىڭ گۇلدەنىپ دامۋىن جۇزەگە اسىرۋ جونىنەن ماڭىزدى مانگە يە.
 − جاڭا داۋىردە جۇڭگوشا سوتسياليزمنىڭ ۇلى جەڭىسىن قولعا كەلتىرۋدەگى العا باسۋ بەتالىسىن ايگىلەدى.

  پارتيا ۋستاۆىنىڭ وزگەرىس ەنگىزىلگەن نۇسقاسى پارتيا 18 - قۇرىلتايىنان بەرگى ءساتتى امالياتتار مەن نازارياداعى جاڭالىق اشۋ جەتىستىكتەرىن جۇيەلى قورىتىندىلاپ، جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋ، پارتيا مەن حالىق ىستەرىن ۇزاق ۋاقىت دامىتۋ تۇرعىسىنان، رەفورما جاساپ، ەسىك اشقاننان بەرى قول جەتكىزگەن بارلىق ناتيجەلەرىمىز بەن العا باسۋىمىزدىڭ ءتۇبىرلى سەبەبىنىڭ مازمۇنىن تولىقتىردى، سوتسياليزمنىڭ العاشقى كەزەڭى جاعىنداعى مازمۇنداردى تولىقتىردى، پارتيانىڭ نەگىزگى لۋشيانى جاعىنداعى مازمۇنداردى تولىقتىردى، ەكونوميكا قۇرىلىسى، ساياسي قۇرىلىس، مادەنيەت قۇرىلىسى، قوعامدىق قۇرىلىس، ەكولوگيالىق وركەنيەت قۇرىلىسى جاقتارىنداعى مازمۇنداردى تولىقتىردى، مەملەكەت قورعانىسى جانە ارميا قۇرىلىسى، ۇلت قاتىناسى، بىرلىكساپ، ديپلوماتيا جاقتارىنداعى مازمۇنداردى تولىقتىردى، رەفورمانىڭ، دامۋدىڭ، ورنىقتىلىقتىڭ، ىشكى ساياسات پەن سىرتقى ديپلوماتيانىڭ، مەملەكەت قورعانىسىنىڭ، پارتيانى جونگە سالۋدىڭ، مەملەكەتتى جونگە سالۋدىڭ، ارميانى جونگە سالۋدىڭ بارلىق جاعىن قامتىدى.

  ۋاكىلدەر ءبىر اۋىزدان بىلاي دەپ قارادى: بۇل قوسىلعان، رەتتەلگەن مازمۇندار ماسەلەنى نىشان ەتۋدى ايگىلەدى، ەلىمىزدىڭ كەزەكتەگى دامۋىندا ساقتالعان كورنەكتى ماسەلەلەرگە، رەفورمادان قامال الۋدا جانە دامۋ ءتاسىلىن وزگەرتۋدى جەدەلدەتۋدە ءدوپ كەلگەن قيىن ماسەلەلەرگە، كادر، بۇقارا جالپى بەتتىك كوڭىل ءبولىپ وتىرعان قولامتالى ماسەلەلەرگە بەلسەندىلىكپەن جاۋاپ قايتاردى، ول «4 سەنىمدى» ونان ارى كۇشەيتىپ، كۇش - قايراتتى اناعۇرلىم جاقسى ۇيىستىرۋعا، جاڭا ءداۋىر جۇكتەگەن داڭقتى دا جاپالى مىندەتتەردى ورىنداۋعا ءتيىمدى.

  − حالىقتى وزەك ەتكەن دامۋ يدەياسىن دايەكتىلەندىرۋدەي ستراتەگيالىق مىندەتتى ايگىلەدى.

  حالىقتىڭ تاماشا تۇرمىسقا دەگەن تالپىنىسى باستان - اياق پارتيامىزدىڭ كۇرەس نىساناسى، پارتيا ۋستاۆىندا پارتيامىزدىڭ وزگەرمەيتىن اۋەلگى ماقساتى تاسقا تاڭبا باسقانداي جازىلعان.

  پارتيا ۋستاۆىنىڭ وزگەرىس ەنگىزىلگەن نۇسقاسىندا ەلىمىزدىڭ كەزەكتەگى قوعامدىق دامۋىنىڭ كەزەڭدىك سيپاتتى ەرەكشەلىگى مىقتى يگەرىلىپ، حالىق جۇرتشىلىعى قاجەتىنىڭ كوپ نەگىزدى، كوپ ساتىلى، كوپ جاقتى ەرەكشەلىگىنەن جازباي، حالىقتى وزەك ەتكەن دامۋ يدەياسىنا، ءسوز جوق، تاباندى بولۋ جازىلدى؛ ەلىمىز قوعامىنداعى باستى قايشىلىق حالىقتىڭ كۇن سايىن ارتىپ وتىرعان تاماشا تۇرمىس قاجەتى مەن دامۋدىڭ بىركەلكى، تولىق بولماۋى اراسىنداعى قايشىلىق دەپ بايىمدالدى؛ ءارى جاقسى، ءارى تەز دامۋ اناعۇرلىم ساپالى، اناعۇرلىم ءونىمدى، اناعۇرلىم ءادىل، اناعۇرلىم باياندى دامۋ دەپ وزگەرتىلدى؛ حالىق جۇرتشىلىعىنىڭ تابىس سەزىمىن تىنباي نىعايتۋ مازمۇنى قوسىلدى...

  ۋاكىلدەر ءبىر اۋىزدان بىلاي دەپ قارادى: پارتيامىزدىڭ بارلىق كۇرەسى تۇگەلدەي حالىقتىڭ باق - ىرىسىن، ۇلتتىڭ گۇلدەنىپ - كوركەيۋىن كوزدەي وتىرىپ ورىستەتىلەدى، حالىقتى وزەك ەتكەن دامۋ يدەياسى پارتيا ۋستاۆىنا وزگەرىس ەنگىزۋدىڭ ءارقايسى جاقتارىندا ايگىلەندى، بۇل پارتيامىزدىڭ باستان - اياق اۋەلگى ماقساتتى ۇمىتپاي، بورىشتى ەستە بەرىك ساقتاپ، بۇكىل ىنتا - پەيىلمەن حالىق ءۇشىن قىزمەت ەتۋ سىندى ءتۇبىرلى ماقساتتى باستان - اياق امالياتتا ايگىلەگەندىگىن اڭعارتادى.

  − پارتيانى بۇلجىماي، جاپپاي، قاتاڭ جونگە سالۋ سىندى داۋىرلىك تالاپتى ايگىلەدى.

  جۇڭگوشا سوتسياليزم جاڭا داۋىرگە ءوتتى، پارتيامىزدا، ءسوز جوق، تىڭ ارىن، سونى لەپ بولۋى، جاڭا ىسكەرلىك بولۋى ءتيىس. پارتيا ۋستاۆىنىڭ وزگەرىس ەنگىزىلگەن نۇسقاسى پارتيانىڭ 18 - قۇرىلتايىنان بەرگى پارتيانى باسقارۋ، پارتيانى جونگە سالۋداعى امالياتتىق جاڭالىق پەن نازاريالىق جاڭالىق تابىستارىن سارالاپ، سۇرىپتاپ، ونى دەر كەزىندە تۇزىمدىك تابىس رەتىندە بەكەمدەدى.

  باس باعدارلاما بولىگىندە پارتيانى پارتيا باسقارۋعا، پارتيانى قاتاڭ جونگە سالۋعا تاباندى بولۋ پارتيانى پارتيا باسقارۋعا، پارتيانى جاپپاي قاتاڭ جونگە سالۋعا تاباندى بولۋ دەپ وزگەرتىلىپ، پارتيانىڭ قۇرىلىسىنىڭ جەتەكشى باعىتى دەپ اشالاي ايقىندالدى؛ پارتيانىڭ ساياسي قۇرىلىسىن جەتەكشى ەتىپ، پارتيانىڭ قۇرىلىسىنىڭ تۇلعالىق ورنالاستىرىلۋىن رەتكە سالىپ، تولىقتىرىپ، پارتيانىڭ ساياسي قۇرىلىسىن جەتەكشى ەتىپ، پارتيانىڭ ساياسي قۇرىلىسىن، يدەيالىق قۇرىلىسىن، ۇيىمدىق قۇرىلىسىن، ستيل قۇرىلىسىن، ءتارتىپ قۇرىلىسىن جاپپاي العا ىلگەرىلەتىپ، ءتۇزىم قۇرىلىسىن وسى بارىسقا ساباقتاستىرۋ اشالاي ايقىندالدى؛ پارتيانىڭ ىشكى ساياسي تۇرمىسىن كۇشەيتۋ جانە ارناعا ءتۇسىرۋ، پارتيانىڭ ىشكى ساياسي تۇرمىسىنىڭ ساياسي سيپاتىن، داۋىرلىك سيپاتىن، پرينسيپتىك سيپاتىن، جاۋىنگەرلىك سيپاتىن كۇشەيتۋ، پارتيانىڭ بەلسەندى، اقاۋسىز ىشكى ساياسي مادەنيەتىن دامىتۋ، ستيلى پاك، سالتى دۇرىس بولعان تاماشا ساياسي ەكولوگيانى تۇلعالاۋ سياقتى مازمۇندار قوسىلدى؛ پارتيانى قاتاڭ باسقارۋعا، پارتيانى قاتاڭ جونگە سالۋعا تاباندى بولۋدى پارتيانىڭ قۇرىلىسىندا، ءسوز جوق، باتىل جۇزەگە اسىرۋعا ءتيىستى نەگىزگى تالاپتاردىڭ ءبىرى رەتىندە پارتيا ۋستاۆىنا ەنگىزىپ، پارتيانىڭ قۇرىلىس نىساناسىنىڭ اناعۇرلىم ايقىندالۋىنا، ورنالاستىرىلۋدىڭ اناعۇرلىم كەمەلدى بولۋىنا مۇمكىندىك جاسادى.

  تاراۋلار بولىگىندە پارتيا مۇشەسىنىڭ بورىشى جانە پارتياعا مۇشە قابىلداۋ ولشەمى سياقتى مازمۇندار تولىقتىرىلدى؛ تولىق ارالاپ شىعۋدى جۇزەگە اسىرۋ، ورتالىقتاعى ورىنداردى ارالاۋ قىزمەتىن ورىستەتۋ، قالا، اۋدانداردى ارالاپ تەكسەرۋ سياقتى مازمۇندار قوسىلدى؛ نەگىزگى ساتىنىڭ ۇنىنە بەيىمدەلىپ، باس ياچەيكا كوميتەتىنىڭ، ياچەيكا كوميتەتىنىڭ ءار كەزەگىنىڭ مىندەت وتەۋ مەرزىمى 2 جىل نەمەسە 3 جىلدان 3 نەمەسە 5 جىلعا رەتتەلدى؛ كادرلاردى تاڭداپ ءوسىرۋ جانە باسشى كادرلاردىڭ شارتى سياقتى مازمۇندار تولىقتىرىلدى؛ پارتيا ءتارتىبى، پارتيانىڭ ءتارتىپ تەكسەرۋ ورگاندارى بولىگىنىڭ مازمۇندارى تولىقتىرىلدى...

  ۋاكىلدەر ءبىر اۋىزدان بىلاي دەپ قارادى: وسى ماڭىزدى وزگەرىستەر پارتيانىڭ ساياسي قۇرىلىسىن جەتەكشى ەتۋگە تاباندى بولىپ، پارتيانى جاپپاي قاتاڭ جونگە سالۋ تالابىن پارتيا قۇرىلىسىنىڭ ءارقايسى جاقتارىندا، بۇكىل بارىسىندا تياناقتاندىرىپ، جاڭا داۋىردە پارتيانىڭ قۇرىلىسىن العا ىلگەرىلەتۋ سىندى تىڭ دا ۇلى ينجەنەريانىڭ زاڭدىلىعى جونىندەگى تانىمنىڭ تەرەڭدەۋىن ايگىلەپ، پارتيامىزدىڭ تەمىر سوقساڭ قۇرىش بول دەيتىن بەرىك بەكىمىن بەينەلەدى.

  بۇل بەتالىسقا جەتەكشىلىك ەتەتىن تۋ، بۇل كۇش - قۋاتتى ۇيىستىراتىن تۋ.

  پارتيا ۋستاۆىنىڭ بەدەلى − ول بۇكىل پارتيانىڭ ەركىنىڭ شوعىرلى بەينەسى. پارتيانىڭ ۋستاۆىنىڭ جانى − بۇكىل پارتيانىڭ قۇرمەتتەۋىندە، جابال اتقارۋىندا.

  پارتيانىڭ 19 - قۇرىلتايىنىڭ جابىلۋ ءماجىلىسى «جۇڭگو كوممۋنيستىك پارتياسىنىڭ ۋستاۆى (وزگەرىس ەنگىزىلگەن نۇسقاسى)» تۋرالى قاۋلىنى ماقۇلداپ، پارتيانىڭ ءار دارەجەلى ۇيىمدارى مەن بۇكىل پارتيا مۇشەلەرىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جۇڭگوشا سوتسياليزم ۇلى تۋىن بيىك ۇستاپ، ماركسيزم - لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن جەتەكشى ەتىپ، پارتيا ۋستاۆىن اناعۇرلىم سانالى تۇردە ۇيرەنىپ، پارتيا ۋستاۆىنا بويسۇنىپ، پارتيا ۋستاۆىن دايەكتىلەندىرىپ، پارتيا ۋستاۆىن قورعاپ، پارتيانىڭ جالپى بەتتىك باسشىلىعىنا تاباندى بولىپ جانە ونى كۇشەيتىپ، پارتيانى پارتيا باسقارۋعا، پارتيانى جاپپاي جونگە سالۋعا تاباندى بولىپ، جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە جەتۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ، حالىقتىڭ تاماشا تۇرمىسقا دەگەن تالپىنىسىن ورىنداۋ جولىندا ۇزدىكسىز كۇرەسۋگە ۇندەدى!

     ماڭگى باقي حالىقتى وزەك ەتكەن ساياسي پارتيا، ءسوزسىز، حالىقتىڭ قولداپ - قۋاتتاۋىنا يە بولادى، باستان - اياق داۋىرمەن تەڭ ىلگەرىلەيتىن ساياسي پارتيا، ءسوز جوق، ومىرشەڭدىك كۇشىن، تىرشىلىك تىنىسىن ماڭگى ساقتايدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى