ءتاڭىرتاۋ تورابى   ›   ۇيرەنۋ   ›   شولۋ

جۇڭگو كوممۋنيستىك پارتياسىنىڭ جاڭا داۋىردەگى تاريحي بورىشىن مىقتاپ يگەرەيىك

  − پارتيا 19 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندە (3)

  جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جۇڭحۋا ۇلتىنىڭ تاياۋ زاماننان بەرگى ەڭ ۇلى ارمانى، بۇل ۇلى ارماندى جۇزەگە اسىرۋ جۇڭگو كوممۋنيستىك پارتياسىنىڭ قۇرىلعانىنان بەرى ارقالاعان تاريحي بورىشى.

  «جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ، استە، وڭاي - وسپاق قانا، قۇر ايعاي - سۇرەنمەن بىتە سالاتىن شارۋا ەمەس». پارتيا 19 - قۇرىلتايى پارتيامىزدىڭ 96 جىلدان بەرگى تاريحي بورىشىن جۇزەگە اسىرۋ جولىندا جاساعان ماشاقاتتى قۇلشىنىستارىن، قول جەتكىزگەن زور جەتىستىكتەرىن ىقىلاسپەن ەسكە الىپ، جۇڭگو كوممۋنيستىك پارتياسىنىڭ جاڭا داۋىردەگى تاريحي بورىشىن تەرەڭ بايانداپ، بۇكىل پارتياداعى جولداستاردىڭ جاڭا داۋىردە تاريحي بورىشتى اناعۇرلىم جاقسى ارقالاۋىنا يدەيالىق جۇمىلدىرۋ جاساپ، كۇرەس باعىتىن ايقىن سىلتەدى. پارتيا 19 - قۇرىلتايىنىڭ رۋحىن ۇيرەنۋدەگى ءبىر ماڭىزدى مازمۇن جۇڭگو كوممۋنيستىك پارتياسىنىڭ جاڭا داۋىردەگى تاريحي بورىشىن مىقتاپ يگەرىپ، جاڭا داۋىردەگى جۇڭگوشا سوتسياليزمنىڭ ۇلى امالياتىندا ميللياردتان استام حالىقتىڭ جۇڭگو ارمانىن ءبىر نيەتپەن تىزە قوسا جۇزەگە اسىراتىن تاسقىنداعان كۇشىن ۇيىستىرۋ.

  بورىش باعىت سىلتەيدى. جۇڭگو كوممۋنيستىك پارتياسىنىڭ جاڭا داۋىردەگى تاريحي بورىشىن مىقتاپ يگەرۋدە، ەڭ اۋەلى 96 جىلدان بەرگى جۇڭگو جولىنىڭ تاريحي لوگيكاسى مەن رەال لوگيكاسىن تەرەڭ ءتۇسىنۋ كەرەك. توڭكەرىس، قۇرىلىس جانە رەفورمانىڭ تاريحي ۇردىسىندە، پارتيامىز حالىقتى ىنتىماقتاستىرىپ، تالاي ماشاقاتتى باستان كەشىرىپ، زور بوداۋ بەرىپ، قىزىل قاندارىن جانە ومىرلەرىن بوداۋ ەتىپ مىنانداي تەرەڭ تانىمعا كەلدى: جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن، ءسوزسىز، جۇڭگو حالقىنىڭ ەڭسەسىن باسىپ تۇرعان يمپەرياليزم، فەوداليزم، بيۋروكرات كاپيتاليزم سىندى 3 ۇلكەن تاۋدى اۋدارىپ تاستاپ، ۇلتتىڭ دەربەستىگىن، حالىقتىڭ ازاتتىعىن، مەملەكەتتىڭ تۇتاستىعىن، قوعامنىڭ ورنىقتىلىعىن جۇزەگە اسىرۋ كەرەك؛ ءسوزسىز، ءداۋىردىڭ اعىمىنا ۇيلەسىپ، حالىقتىڭ تىلەگىنە سايكەسىپ، باتىلدىقپەن رەفورما جاساپ، ەسىك اشىپ، پارتيا مەن حالىق ىستەرىن باستان - اياق ەرلىكپەن العا ىلگەرىلەيتىن قۇدىرەتتى قوزعاۋشى كۇشكە يە ەتۋ كەرەك. وسى زاڭدىلىقتى تانىمدار بولعاندىقتان دا، پارتيامىز حالىققا تىعىز ارقا سۇيەپ، اسۋ بەرمەستەي تالايلاعان قيىندىقتاردى جەڭىپ، تاريح تومدارىندا جارقىراپ نۇر شاشقان تالاي ءومىر مۇعجيزالارىن جاراتىپ، جۇڭحۋا ۇلتى ءۇشىن ۇلى تاريحي ۇلەستەر قوستى.

  بورىش بولاشاققا باستايدى. جۇڭگو كوممۋنيستىك پارتياسىنىڭ جاڭا داۋىردەگى تاريحي بورىشىن مىقتاپ يگەرۋدە، ءسوزسىز، جاڭا داۋىردە ۇلى ارماندى جۇزەگە اسىرۋ مەن ۇلى كۇرەستەر جۇرگىزۋدىڭ، ۇلى ينجەنەريا جۇرگىزۋدىڭ، ۇلى ىستەردى ىلگەرىلەتۋدىڭ اراسىنداعى ىشكى بايلانىستى تەرەڭ تانۋ كەرەك. پارتيا 19 - قۇرىلتايى ۇلى ارماندى جۇزەگە اسىرۋدا، ءسوزسىز، ۇلى كۇرەستەر جۇرگىزۋدىڭ، ءسوزسىز، ۇلى ينجەنەريا جۇرگىزۋدىڭ، ءسوزسىز، ۇلى ىستەردى ىلگەرىلەتۋدىڭ باي مازمۇنىن تەرەڭ باياندادى. پارتيا 19 - قۇرىلتايىنىڭ رۋحىن ۇيرەنۋدە، «4 ۇلىنىڭ» ءوزارا تۇتاستىق، ءوزارا رول اتقارۋداي تىعىز بايلانىسىن تەرەڭ ءتۇسىنۋ كەرەك. كوپتەگەن جاڭا تاريحي ەرەكشەلىكتەرگە يە ۇلى كۇرەستەر جۇرگىزىپ، پارتيا 19 - قۇرىلتايىندا دارىپتەلگەن «5 اناعۇرلىم سانالىلىقتى» جۇزەگە اسىرعاندا عانا، ۇلى ارماندى جۇزەگە اسىرۋ جولىنداعى بارلىق قيىنشىلىقتار مەن كەدەرگىلەردى الاستاۋعا بولادى؛ پارتيا قۇرىلىسىنىڭ ۇلى ينجەنەرياسىن ۇزدىكسىز ىلگەرىلەتىپ، پارتيانىڭ ساياسي باسشىلىق قۋاتىن، يدەيالىق جەتەكشىلىك قۋاتىن، بۇقارالىق ۇيىمداستىرۋ قۋاتىن، قوعامدىق ۇندەۋ قۋاتىن ۇزدىكسىز كۇشەيتكەندە عانا، ۇلى ارماندى جۇزەگە اسىرۋعا پارمەندى ساياسي كەپىلدىك ازىرلەۋگە بولادى؛ جۇڭگوشا سوتسياليزمگە باستان - اياق تاباندى بولىپ جانە ونى دامىتىپ، «4 سەنىمدى» اناعۇرلىم سانالى كۇشەيتكەندە عانا، ۇلى ارماندى جۇزەگە اسىرۋدىڭ سارا جولىن اشۋعا بولادى. «4 ۇلىنىڭ» ىشىندە، شەشۋشى رول اتقاراتىنى پارتيا قۇرىلىسىنىڭ ۇلى جاڭا ينجەنەرياسى. ۇلى ينجەنەريانى ۇلى كۇرەستىڭ، ۇلى ىستەردىڭ، ۇلى ارماننىڭ امالياتتارىمەن ۇشتاستىرىپ ىلگەرىلەتىپ، پارتيانىڭ باسشىلىعىنا ەش بۇلجىماستان تاباندى بولعاندا جانە ونى كەمەلدەندىرگەندە، پارتيانى ەش بۇلجىماستان اناعۇرلىم قۇدىرەتتى ەتىپ قۇرعاندا، پارتيامىزدىڭ باستان - اياق ءداۋىردىڭ الدىڭعى لەگىندە جۇرۋىنە، باستان - اياق بۇكىل ەل حالقىنىڭ تىرەگى، باستان - اياق پارمەندى باسشىلىق ۇيتقىسى بولۋىنا كەپىلدىك ەتكەندە، جۇڭگو كوممۋنيستىك پارتياسى، ءسوزسىز، جاڭا داۋىردەگى تاريحي بورىشىن ارقالاپ، جۇڭحۋا ۇلتى ءۇشىن جاڭا دا ۇلى تاريحي ۇلەستەر قوسادى.

  شاڭحايدىڭ شىكۋمىنىنەن باستالعان 96 جىلدىق ايبىندى تاريحي بارىستا، ارقالاعان بورىشى جولىندا، پارتيامىز ءالسىز كەزىندە، الدە، قۇدىرەتتەنگەن كەزىندە بولسىن، باستان - اياق اۋەلگى ماقساتتان جازبادى، جاقسى جاعداي بولسىن، الدە، قيىن كەزدەر بولسىن، باستان - اياق العا ۇستاعان مۇراتىنان تانبادى. بۇگىن ءبىز جۇڭحۋا ۇلتىنىڭ ۇلى گۇلدەنۋى نىساناسىنا تاريحتاعى ءارقانداي تاريحي كەزەڭدەگىدەن دە جاقىنداي تۇستىك، دەسەدە، 100 شاقىرىمدىق جولدىڭ 90 شاقىرىمىن باسساڭ دا، ءالى جولدامىن دەپ ءبىل، تۇتاس پارتيامىز، ءسوزسىز، اناعۇرلىم زور بوداۋ بەرۋگە، اناعۇرلىم جاپالى قۇلشىنىس جاساۋعا ازىرلەنۋى كەرەك. پارتيا 19 - قۇرىلتايىنىڭ رۋحىن مۇقيات ۇيرەنۋدە، ءداۋىر جۇكتەگەن جاۋاپكەرلىكتى ارقالاۋ كەرەك، ءبىز ۇلى ارماندى جۇزەگە اسىرىپ، تاريحقا، حالىققا جاڭا دا اناعۇرلىم سۇبەلى جاۋاپ قايتاراتىنىمىزعا كامىل سەنەمىز ءارى بۇعان قابىلەت - قارىمىمىز دا قاپتال.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى