ءتاڭىرتاۋ تورابى   ›   جاڭالىقتار   ›   ۇعىسۋ، تيىمدىلىك جاساۋ، توعىستىرۋ

ديقاندار وتباسىندا قۇرىلتاي رۋحى لەكسياسى جاسالدى

  اۋۇت وتباسىنىڭ اۋلاسىندا كوپشىلىك پارتيا 19-قۇرىلتايىنىڭ رۋحىن ۇيرەنۋدە

  30-قازاندا، شينجياڭ قاشقار ايماعى قاعىلىق اۋدانى جايتەرەك اۋىلى توماباسى قىستاعىنىڭ تۇرعىنى اۋۇت يمىننىڭ اۋلاسىندا پارتيا 19-قۇرىلتايىنىڭ رۋحى لەكسياسى وتكىزىلدى.

  بيىل 59 جاستاعى اۋۇت الدىڭعى عاسىردىڭ 70-جىلدارىنداعى جوعارى مەكتەپ وقۋشىسى، ءۇش ۇلى ونىڭ زەيىن قويا باۋلۋىندا جوعارى مەكتەپكە ءوتتى. ول اۋىلداستارىنىڭ نازارىندا كوز اياسى كەڭ، قاعيدانى تۇسىنەتىن ادام، سوندىقتان بارلىعى ونىڭ ۇيىنە قىدىرۋدى جاقسى كورەدى.

  پارتيانىڭ 19-قۇرىلتايى اشىلعاننان كەيىن، اۆتونوميالى رايوندىق حالىق قۇرىلتايى تۇراقتى كوميتەتى ورگانىنىڭ توما باسى قىستاعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتى مەن قىستاق تۇرعىندارى بىرلىكتە تىكە تاراتىلىم، جالعاپ تاراتۋ، سونداي-اق، وتباسىلارىن ارالاپ ۇگىتتەۋ، اتىز باسىنا بارىپ ەڭبەك ىستەي ءجۇرىپ ۇگىتتەۋ قاتارلى كوپ ءتۇرلى فورمالارمەن ءماجىلىس رۋحى جانە حالىق تۇرمىسىنا تيىمدىلىك جاسايتىن قۋانىشتى حابارلاردى قىستاق تۇرعىندارىنا جەتكىزدى.

  30-قازاندا، قىزمەت اترەتى سويلەۋ كەزەگىن اۋۇتقا بەرگەندە، اۋۇت الدىمەن كوپشىلىككە: «ەكىنشى كەزەكتى جەردى كوتەرەگە الۋ 30 جىلعا ۇزارتىلىپتى، مەندە 17 مۋ جەر بار، ۇزارتۋ مەرزىمىن بىلمەگەندىكتەن، ءبىر بولىمىنە جاڭعاق، شىلان قاتارلىلاردى ەكپەگەن ەدىم. پارتيا 19-قۇرىلتاي بايانداماسىن ەستىپ الاڭسىز بولدىم، كەلەر جىلى كوكتەمدە، جەردىڭ بارلىعىنا تۇقىم سەبەمىن»،-وسى اراعا كەلگەندە اۋۇت كوتەرىڭكى داۋىسپەن: «اۋىلداستار بىزدە كۇش پەن تەحنيكا بار، تەك جەر بار بولسا بولدى كۇن كورىستەن الاڭدامايمىز»،-دەدى، اۋلادان دۋ قول شاپالاق ءۇنى كوتەرىلدى.

  «وقۋ-اعارتۋعا كەلەر بولساق»،-دەدى اۋۇت ءسوزىن جالعاستىرىپ: «پارتيا 19-قۇرىلتاي بايانداماسى مىنانى ورتاعا قويدى، وقۋ-اعارتۋدى الدىمەن دامىتۋ، دامۋ اياق الىسىن جەدەلدەتۋ، حالىق رازى بولاتىن وقۋ-اعارتۋ قۇرىپ شىعۋ. ءبىزدىڭ وڭتۇستىك شينجياڭنىڭ ءتورت ايماق-وبلىسى 15 جىلدىق تەگىن وقۋ-اعارتۋدى ىسكە اسىردى، ءبىز سونشا كوپ جاقسى ساياساتتاردان يگىلىكتەندىك، ءسوزسىز پارتياعا ىلەسۋىمىز كەرەك». اۋلادان تاعى ءبىر مارتە شاپالاق ءۇنى جاڭعىردى.

  «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ مۇشەسى: «پارتيانىڭ قولداۋىندا، ءبىز ىنتىماقتاسا وتىرىپ، توماباسى قىستاعىن ونان ارى گۇلدەندىرۋگە سەنىمىمىز كامىل»،-دەدى.

  ءسوز اقىرلاسا سالىسىمەن توماباسى قىستاعى قىستاق پارتكومىنىڭ ورىنباسار مەڭگەرۋشىسى ابىلەز وبۇل ورنىنان تۇرىپ كوتەرىڭكى داۋىسپەن: «پارتيا 19-قۇرىلتايى بىزگە جارقىن بولاشاعىمىزدى سۋرەتتەپ بەردى، ءبىز ءبىر نيەتپەن ەرتەڭگى نۇرلى بولاشاعىمىز ءۇشىن قۇلشىنۋىمىز كەرەك»،-دەدى.

  ۇگىت لەكسيا قيمىلى تۇسكە دەيىن جالعاسىپ، قىستاق تۇرعىندارىنىڭ قىزۋ قارسى الۋىنا يە بولىپ، كوپشىلىكتىڭ جارقىن بولاشاققا بولعان سەنىمىن بەكەمدەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ءار ۇلت حالقى اۆتونوميالى رايوننىڭ پارتيا 19 - قۇرىلتايىن قارسى الۋداعى «فلاش» قيمىلىنا بەلسەنە قاتىناستى
  • ءۇرىمجى كىتاپحاناسىندا 19-قۇرىلتايدى قارسى الۋدى نەگىزگى تاقىرىپ ەتىپ باسپادان شىققان كىتاپتار ارناۋلى سورەگە قويىلىپ ساتىلدى
  • «پارتيانىڭ شۇعىلاسى تيانشاندى نۇرعا بولەدى» ادەبيەت-كوركەمونەر ساۋىق كەشى پارتيا 19-قۇرىلتايىنا تارتۋ ەتىلدى

ءوتىمدى اقپارات

بىزبەن بايلانىس جارناما قىزمەتى لەبىز قالدىرۋ ءبىز تۋرالى