ءتاڭىرتاۋ تورابى   ›   ۇيرەنۋ   ›   ماڭىزدى حۇجاتتار

جۇڭگو كوممۋنيستىك پارتياسىنىڭ ۋستاۆى

(جۇڭگو كوممۋنيستىك پارتياسى مەملەكەتتىك 19 - قۇرىلتايىندا ءىشىنارا وزگەرىستەر ەنگىزىلدى، 2017 - جىلى 24 - قازاندا ماقۇلداندى)

باس باعدارلاما

      جۇڭگو كوممۋنيستىك پارتياسى − جۇڭگو جۇمىسشى تابىنىڭ ۇزدىك قوسىنى، سونىمەن بىرگە، جۇڭگو حالقىنىڭ جانە جۇڭحۋا ۇلتىنىڭ ۇزدىك قوسىنى، جۇڭگوشا سوتسياليزم ىستەرىنىڭ باسشىلىق ۇيتقىسى، جۇڭگونىڭ وزىق وندىرگىش كۇشىنىڭ دامۋ تالابىنا، جۇڭگونىڭ وزىق مادەنيەتىنىڭ العا باسۋ بەتالىسىنا، جۇڭگوداعى قالىڭ حالىقتىڭ ءتۇبىرلى مۇددەسىنە ۋاكىلدىك ەتەدى. پارتيانىڭ ەڭ جوعارى مۇراتى جانە تۇپكى نىساناسى − كوممۋنيزمدى جۇزەگە اسىرۋ.

  جۇڭگو كوممۋنيستىك پارتياسى ماركسيزم - لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن ءوز قيمىلىنا قىبلاناما ەتەدى.

  ماركسيزم - لەنينيزم ادامزات قوعامىنىڭ تاريحي دامۋ زاڭدىلىعىن اشتى، ونىڭ نەگىزگى قاعيدالارى دۇرىس، قۇدىرەتتى ومىرشەڭدىك كۇشكە يە. جۇڭگو كوممۋنيستەرى تالپىنعان كوممۋنيزم اسقاق مۇراتى سوتسياليستىك قوعام جان - جاقتىلى جانە بارىنشا دامىعان نەگىزدە عانا جۇزەگە اسادى. سوتسياليستىك ءتۇزىمنىڭ دامۋى مەن كەمەلدەنۋى − ۇزاق تاريحي بارىس. ماركسيزم - لەنينيزمنىڭ نەگىزگى قاعيدالارىنا تاباندى بولىپ، جۇڭگو حالقى ءوزى تاڭداعان، جۇڭگونىڭ جاعدايىنا ۇيلەسەتىن جولمەن جۇرگەندە، جۇڭگونىڭ سوتسياليزم ىستەرى، ءسوز جوق، ەڭ سوڭعى جەڭىسكە جەتەدى.

  ماۋ زىدۇڭ جولداستى باستى ۋاكىل ەتكەن جۇڭگو كوممۋنيستەرى ماركسيزم - لەنينيزمنىڭ نەگىزگى قاعيداسىن جۇڭگو توڭكەرىسىنىڭ ناقتى امالياتىمەن ۇشتاستىرىپ، ماۋ زىدۇڭ يدەياسىن جاراتتى. ماۋ زىدۇڭ يدەياسى − ماركسيزم - لەنينيزمنىڭ جۇڭگودا قولدانىلۋى جانە دامۋى، جۇڭگونىڭ توڭكەرىس جانە قۇرىلىس امالياتى سىپاتتاعان دۇرىس نازاريالىق پرينسيپ جانە تاجىريبەلەردىڭ قورىتىندىسى، جۇڭگو كوممۋنيستىك پارتياسىنىڭ كوللەكتيۆتىك اقىل - پاراساتىنىڭ جاۋھارى. ماۋ زىدۇڭ يدەياسىنىڭ جەتەكشىلىگىندە، جۇڭگو كوممۋنيستىك پارتياسى بۇكىل ەلدەگى ءار ۇلت حالقىنا باسشىلىق ەتىپ، يمپەرياليزمگە، فەوداليزمگە، بيۋروكرات كاپيتاليزمگە قارسى ۇزاق ۋاقىتتىق توڭكەرىستىك كۇرەستەر ارقىلى جاڭا دەموكراتيالىق توڭكەرىستىڭ جەڭىسىنە قول جەتكىزىپ، حالىق دەموكراتياسى ديكتاتۋراسىندىق جۇڭحۋا حالىق رەسپۋبليكاسىن قۇردى؛ جاڭا جۇڭگو قۇرىلعاننان كەيىن، ءساتتى تۇردە سوتسياليستىك وزگەرىستەر جاساپ، جاڭا دەموكراتيزمنەن سوتسياليزمگە ءوتۋدى ورىنداپ، سوتسياليستىك نەگىزگى ءتۇزىم ورناتىپ، سوتسياليستىك ەكونوميكانى، ساياسيدى جانە مادەنيەتتى دامىتتى.

  پارتيا 11 - كەزەكتى ورتالىق كوميتەتىنىڭ ءۇشىنشى جالپى ماجىلىسىنەن بەرى، دىڭ شياۋپيڭ جولداستى باستى ۋاكىل ەتكەن جۇڭگو كوممۋنيستەرى جاڭا جۇڭگو قۇرىلعاننان بەرگى ۇنامدى - ۇنامسىز جاقتارداعى تاجىريبەلەردى قورىتىندىلاپ، يدەيانى ازات ەتىپ، شىندىقتى ءىس جۇزىنەن ىزدەپ، بۇكىل پارتيانىڭ قىزمەت ءتۇيىنىن ەكونوميكالىق قۇرىلىسقا اۋدارۋدى جۇزەگە اسىرىپ، رەفورما جۇرگىزىپ، ەسىك اشىپ، سوتسياليزم ىستەرى دامۋىنىڭ تىڭ ءداۋىرىن اشىپ، جۇڭگوشا سوتسياليزم قۇرۋ لۋشيانىن، باعىتىن، ساياساتىن بىرتە - بىرتە قالىپتاستىرىپ، جۇڭگودا سوتسياليزم قۇرۋدىڭ، سوتسياليزمدى بەكەمدەۋدىڭ جانە دامىتۋدىڭ نەگىزگى ماسەلەلەرىن بايىمداپ، دىڭ شياۋپيڭ نازارياسىن جاراتتى. دىڭ شياۋپيڭ نازارياسى − ماركسيزم - لەنينيزمنىڭ نەگىزگى قاعيداسىن زامانىمىزداعى جۇڭگونىڭ امالياتىمەن جانە داۋىرلىك ەرەكشەلىگىمەن ۇشتاستىرۋدىڭ تۋىندىسى، ماۋ زىدۇڭ يدەياسىنىڭ جاڭا تاريحي جاعدايدا جالعاستىرىلۋى جانە دامىتىلۋى، ماركسيزمنىڭ جۇڭگودا دامۋىنىڭ جاڭا كەزەڭى، زامانىمىزداعى جۇڭگونىڭ ماركسيزمى، جۇڭگو كوممۋنيستىك پارتياسىنىڭ كوللەكتيۆتىك اقىل - پاراساتىنىڭ جاۋھارى، ول ەلىمىزدىڭ سوتسياليستىك وسىزاماندانۋ ىستەرىن ۇزدىكسىز العا جەتەلەۋدە.

  پارتيا 13 - كەزەكتى ورتالىق كوميتەتىنىڭ ءتورتىنشى جالپى ماجىلىسىنەن بەرى، جياڭ زىمين جولداستى باستى ۋاكىل ەتكەن جۇڭگو كوممۋنيستەرى جۇڭگوشا سوتسياليزم قۇرۋدىڭ امالياتى بارىسىندا، سوتسياليزمنىڭ قانداي بولاتىندىعى، ونى قالاي قۇرۋ كەرەكتىگى جانە قانداي پارتيا قۇرۋ، پارتيانى قالاي قۇرۋ كەرەكتىگى جونىندەگى تانىمىن تەرەڭدەتىپ، پارتيانى، ەلدى باسقارۋدىڭ تىڭ، قۇندى تاجىريبەلەرىن توپتاپ، «ۇشكە ۋاكىلدىك ەتۋ» ماڭىزدى يدەياسىن قالىپتاستىردى. «ۇشكە ۋاكىلدىك ەتۋ» ماڭىزدى يدەياسى − ماركسيزم - لەنينيزمنىڭ، ماۋ زىدۇڭ يدەياسىنىڭ، دىڭ شياۋپيڭ نازارياسىنىڭ جالعاستىرىلۋى جانە دامىتىلۋى، ول قازىرگى دۇنيە ءجۇزى مەن جۇڭگونىڭ دامۋ وزگەرىسىنىڭ پارتيا مەن مەملەكەت قىزمەتى جونىنەن قويعان تىڭ تالاپتارىن بەينەلەيدى، پارتيا قۇرىلىسىن كۇشەيتۋدىڭ جانە جاقسارتۋدىڭ، ەلىمىز سوتسياليزمىنىڭ ءوزىن كەمەلدەندىرۋى مەن دامۋىن ىلگەرىلەتۋدىڭ كۇشتى نازاريالىق قارۋى، جۇڭگو كوممۋنيستىك پارتياسىنىڭ كوللەكتيۆتىك اقىل - پاراساتىنىڭ جاۋھارى، پارتيا ۇزاق ۋاقىت بويى تاباندى بولۋعا ءتيىستى جەتەكشى يدەيا. «ۇشكە ۋاكىلدىك ەتۋگە» باستان - اياق تاباندى بولۋ − پارتيامىزدىڭ پارتيا بولىپ تۇرۋىنىڭ، بيلىك جۇرگىزۋىنىڭ نەگىزى، كۇش - قۋاتىنىڭ قاينارى.

  پارتيا 16 - قۇرىلتايىنان بەرى، حۋ جينتاۋ جولداستى باستى ۋاكىل ەتكەن جۇڭگو كوممۋنيستەرى دىڭ شياۋپيڭ نازارياسى مەن «ۇشكە ۋاكىلدىك ەتۋ» ماڭىزدى يدەياسىن جەتەكشى ەتۋگە تاباندى بولىپ، دامۋدىڭ تىڭ تالابىنا ساي، جاڭا جاعدايدا قانداي دامۋدى جۇزەگە اسىرۋ، قالاي دامۋ كەرەك دەگەن كەلەلى ماسەلەلەردى جەتە تانىپ جانە وعان جاۋاپ بەرىپ، ادامدى نەگىز ەتىپ، جاپپاي، سايكەستى، باياندى دامۋ سىندى عىلمي دامۋ كوزقاراسىن قالىپتاستىردى. عىلمي دامۋ كوزقاراسى − ماركسيزم - لەنينيزممەن، ماۋ زىدۇڭ يدەياسىمەن، دىڭ شياۋپيڭ نازارياسىمەن، «ۇشكە ۋاكىلدىك ەتۋ» ماڭىزدى يدەياسىمەن تامىرلاس ءارى داۋىرمەن بىرگە ىلگەرىلەگەن عىلمي نازاريا، ماركسيزمنىڭ دامۋ تۋرالى دۇنيەگە كوزقاراسى مەن ءادىس نازارياسىنىڭ شوعىرلى بەينەلەنۋى، ماركسيزمنىڭ جۇڭگوشالانۋىنىڭ كەلەلى جەتىستىگى، جۇڭگو كوممۋنيستەرىنىڭ كوللەكتيۆتىك اقىل - پاراساتىنىڭ جاۋھارى، جۇڭگوشا سوتسياليزمدى دامىتۋدا ۇزاق ۋاقىت تاباندى بولۋعا ءتيىستى جەتەكشى يدەيا.

     پارتيا 18 - قۇرىلتايىنان بەرى، شي جينپيڭ جولداستى باستى ۋاكىل ەتكەن جۇڭگو كوممۋنيستەرى ءداۋىردىڭ دامۋىنا سايكەسىپ، جاڭا داۋىردە قانداي جۇڭگوشا سوتسياليزمگە تاباندى بولۋعا جانە ونى دامىتۋعا، جۇڭگوشا سوتسياليزمگە قالاي تاباندى بولۋعا جانە ونى قالاي دامىتۋعا بولادى دەيتىن كەلەلى داۋىرلىك تاقىرىپقا نازاريا مەن امالياتتى ۇشتاستىرا وتىرىپ جۇيەلى جاۋاپ بەرىپ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن جاراتتى. شي جينپيڭنىڭ جاڭا داۋىردەگى جۇڭگوشا سوتسياليزم يدەياسى − ماركسيزم - لەنينيزمنىڭ، ماۋ زىدۇڭ يدەياسىنىڭ، دىڭ شياۋپيڭ نازارياسىنىڭ، «ۇشكە ۋاكىلدىك ەتۋ» ماڭىزدى يدەياسىنىڭ، عىلمي دامۋ كوزقاراسىنىڭ جالعاستىرىلۋى جانە دامىتىلۋى، ماركسيزمنىڭ جۇڭگوشالانۋىنىڭ ەڭ جاڭا جەتىستىگى، پارتيا مەن حالىقتىڭ امالياتتىق تاجىريبەلەرى مەن كوللەكتيۆتىك اقىل - پاراساتىنىڭ جاۋھارى، جۇڭگوشا سوتسياليزمنىڭ نازاريالىق جۇيەسىنىڭ ماڭىزدى قۇرامداس بولەگى، بۇكىل پارتيانىڭ، بۇكىل ەل حالقىنىڭ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىندا كۇرەس جۇرگىزۋىنىڭ قيمىل قىبلاناماسى، وعان ۇزاق ۋاقىت تاباندى بولىپ، ۇزدىكسىز دامىتۋ كەرەك. شي جينپيڭنىڭ جاڭا داۋىردەگى جۇڭگوشا سوتسياليزم يدەياسىنىڭ جەتەكشىلىگىندە جۇڭگو كوممۋنيستىك پارتياسى بۇكىل ەلدەگى ءار ۇلت حالقىنا باسشىلىق ەتىپ، ۇلى كۇرەستى، ۇلى ينجەنەريانى، ۇلى ىستەردى، ۇلى ارماندى ءبىر تۇتاس مەڭگەرىپ، جۇڭگوشا سوتسياليزمنىڭ جاڭا داۋىرگە ءوتۋىن تەزدەتتى.

  رەفورما جۇرگىزىپ، ەسىك اشقاننان بەرى، ءبىزدىڭ بارلىق تابىستارعا جانە ىلگەرىلەۋشىلىككە قول جەتكىزۋىمىزدىڭ ءتۇبىرلى سەبەبى، سايىپ كەلگەندە، مىناۋ: جۇڭگوشا سوتسياليزم جولىن اشتىق، جۇڭگوشا سوتسياليزمنىڭ نازاريالىق جۇيەسىن قالىپتاستىردىق، جۇڭگوشا سوتسياليزم ءتۇزىمىن ورناتتىق، جۇڭگوشا سوتسياليستىك مادەنيەتتى دامىتتىق. بۇكىل پارتياداعى جولداستار پارتيا سانسىز ماشاقاتتاردى باستان كەشىرە وتىرىپ اشقان وسى جولدى، وسى نازاريالىق جۇيەنى، وسى ءتۇزىمدى، وسى مادەنيەتتى بارىنشا قاستەرلەپ، وعان ۇزاق ۋاقىت تاباندى بولىپ جانە ۇزدىكسىز دامىتىپ، جۇڭگوشا سوتسياليزم ۇلى تۋىن بيىك ۇستاپ، جول سەنىمىن، نازاريا سەنىمىن، ءتۇزىم سەنىمىن، مادەنيەت سەنىمىن بەكەمدەپ، پارتيانىڭ نەگىزگى نازارياسىن، نەگىزگى لۋشيانىن، نەگىزگى جالپى جوباسىن دايەكتىلەندىرىپ، وسىزاماندانۋ قۇرىلىسىن ىلگەرىلەتۋ، وتاندى بىرلىككە كەلتىرۋ، دۇنيە ءجۇزىنىڭ بەيبىتشىلىگىن قورعاۋ جانە بىرگە دامۋدى جەبەۋ سىندى 3 ۇلى تاريحي مىندەتتى ورىنداۋ جولىندا، «قوس 100 جىلدىق» كۇرەس نىساناسىن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا كۇرەسۋ كەرەك.

  ەلىمىز سوتسياليزمنىڭ العاشقى كەزەڭىندە تۇر ءارى وسى كەزەڭدە ۇزاق ۋاقىت تۇرادى. بۇل − ەكونوميكاسى، مادەنيەتى مەشەۋ جۇڭگو سوتسياليستىك وسىزامانداندىرۋدى جۇزەگە اسىرۋدا اتتاپ كەتۋگە بولمايتىن تاريحي كەزەڭ، بۇعان 100 جىلداي ۋاقىت قاجەت. ەلىمىزدىڭ سوتسياليستىك قۇرىلىسى ەلىمىزدىڭ مەملەكەت جاعدايىن نەگىزگە الىپ، جۇڭگوشا سوتسياليزم جولىمەن ءجۇرۋ كەرەك. قازىرگى كەزەڭدە ەلىمىز قوعامىنداعى باستى قايشىلىق − حالىقتىڭ كۇن سايىن ارتىپ وتىرعان تاماشا تۇرمىس قاجەتى مەن دامۋدىڭ بىركەلكى، تولىق بولماۋىنىڭ اراسىنداعى قايشىلىق. ەل ءىشى فاكتورلارىنا جانە حالىقارالىق ىقپالعا بايلانىستى، تاپتىق كۇرەس بەلگىلى كولەمدە ءالى دە ۇزاق ۋاقىت ءومىر سۇرەدى، بەلگىلى شارت - جاعدايدا شيەلەنىسۋى دە مۇمكىن، ءبىراق ول باستى قايشىلىق بولۋدان قالدى. ەلىمىز سوتسياليستىك قۇرىلىسىنىڭ ءتۇبىرلى مىندەتى − وندىرگىش كۇشتى ونان ارى ازات ەتىپ، دامىتىپ، سوتسياليستىك وسىزامانداندىرۋدى بىرتە - بىرتە جۇزەگە اسىرۋ، سونداي - اق وسى ءۇشىن وندىرىستىك قاتىناس پەن قوندىرماداعى وندىرگىش كۇشتەردىڭ دامۋىنا ۇيلەسپەيتىن جاقتار مەن بۋىندارعا رەفورما جاساۋ. جالپىلىق مەنشىكتى نەگىزگى تۇلعا ەتكەن، الۋان ءتۇرلى مەنشىكتەگى شارۋاشىلىق قاتار داميتىن نەگىزگى شارۋاشىلىق تۇزىمىنە، ەڭبەگىنە قاراي ءبولۋدى نەگىزگى تۇلعا ەتكەن، ءبولىستىڭ كوپ ءتۇرلى فورماسى قاتار ءومىر سۇرەتىن ءبولىس تۇزىمىنە تاباندى بولۋ جانە ونى كەمەلدەندىرۋ، ءبىر ءبولىم رايونداردىڭ جانە ءبىر ءبولىم ادامداردىڭ الدىمەن اۋقاتتانۋىنا دەم بەرىپ، كەدەيلىكتى بىرتە - بىرتە جويىپ، بىرگە اۋقاتتانۋ، ءوندىرىستى دامىتۋ جانە قوعامدىق بايلىقتى ارتتىرۋ نەگىزىندە حالىقتىڭ كۇن سايىن ارتىپ وتىرعان تاماشا تۇرمىس قاجەتىن ۇزدىكسىز قاناعاتتاندىرىپ، ادامنىڭ جان - جاقتىلى جەتىلۋىن جەبەۋ كەرەك. دامۋ − پارتيامىزدىڭ بيلىك جۇرگىزىپ، ەلدى كوركەيتۋىندەگى ماڭداي الدى مىندەت. حالىقتى وزەك ەتكەن دامۋ يدەياسىنان جازباي، جاڭالىق اشا دامۋ، سايكەستى دامۋ، جاسىل دامۋ، اشىق دامۋ، تەڭ يگىلىككە كەنەلەتىن دامۋ ۇستانىمىنا تاباندى بولۋ كەرەك. سان سالالى قىزمەتتىڭ بارىندە سوتسياليستىك قوعامنىڭ وندىرگىش كۇشتەرىن دامىتۋعا، سوتسياليستىك مەملەكەتتىڭ جالپىلىق قۋاتىن ارتتىرۋعا، حالىقتىڭ تۇرمىس ورەسىن جوعارىلاتۋعا ءتيىمدى بولۋدى جالپى شىعار ءتۇيىن جانە سىننان وتكىزۋدىڭ ولشەمى ەتۋ، ەڭبەكتى قۇرمەتتەۋ، ءبىلىمدى قۇرمەتتەۋ، دارىندىلاردى قۇرمەتتەۋ، جاسامپازدىقتى قۇرمەتتەۋ، دامۋدا حالىقتى كوكەيدە ساقتاۋ، حالىققا سۇيەنۋ، دامۋدىڭ جەتىستىكتەرىنەن حالىقتى يگىلىكتەندىرۋ ءتيىس. جاڭا عاسىرعا قادام تاستاعاننان كەيىن، ەلىمىز جاپپاي دوڭگەلەك داۋلەتتى قوعام قۇرۋ، سوتسياليستىك وسىزاماندانۋدى جەدەل ىلگەرىلەتۋ سىندى تىڭ دامۋ كەزەڭىنە ءوتتى. جۇڭگوشا سوتسياليزم ىستەرىنىڭ «بەستى ءبىر تۇلعالاندىرۋ» جالپى تۇلعالىق ورنالاستىرۋى مەن «ءتورتتى جاپپاي ورىنداۋ» ستراتەگيالىق ورنالاستىرۋى بويىنشا، ەكونوميكالىق قۇرىلىستى، ساياسي قۇرىلىستى، مادەنيەت قۇرىلىسىن، قوعامدىق قۇرىلىستى، ەكولوگيالىق وركەنيەت قۇرىلىسىن ءبىر تۇتاس ىلگەرىلەتىپ، جاپپاي دوڭگەلەك داۋلەتتى قوعام قۇرىپ شىعۋدى، رەفورمانى جاپپاي تەرەڭدەتۋدى، ەلدى جاپپاي زاڭمەن باسقارۋدى، پارتيانى جاپپاي قاتاڭ باسقارۋدى سايكەستى ىلگەرىلەتۋ كەرەك. جاڭا عاسىردىڭ جاڭا داۋىرىندەگى شارۋاشىلىق پەن قوعامدىق دامۋدىڭ ستراتەگيالىق نىساناسى: پارتيا قۇرىلعاندىعىنىڭ 100 جىلدىعى تۇسىندا جاپپاي دوڭگەلەك داۋلەتتى قوعام قۇرىپ شىعۋ؛ جاڭا جۇڭگو قۇرىلعاندىعىنىڭ 100 جىلدىعى تۇسىندا جاپپاي سوتسياليستىك وسىزاماندانعان قۇدىرەتتى ەل قۇرۋ.

  جۇڭگو كوممۋنيستىك پارتياسىنىڭ سوتسياليزمنىڭ العاشقى كەزەڭىندەگى نەگىزگى لۋشيانى: بۇكىل ەلدەگى ءار ۇلت حالقىنا باسشىلىق ەتىپ جانە ولاردى ىنتىماقتاستىرىپ، شارۋاشىلىق قۇرىلىستى وزەك ەتىپ، 4 نەگىزگى پرينسيپكە، رەفورمالاۋعا، ەسىك اشۋعا تاباندى بولىپ، ءوز كۇشىمىزگە سۇيەنىپ ءومىر ءسۇرىپ، قاجىرلىلىقپەن يگىلىك جاراتىپ، ەلىمىزدى باي، قۇدىرەتتى، دەموكراتيالى، وركەنيەتتى جانە جاراسىمدى، كوركەم سوتسياليستىك وسىزاماندانعان قۇدىرەتتى ەل ەتىپ قۇرىپ شىعۋ جولىندا كۇرەسۋ.

  جۇڭگو كوممۋنيستىك پارتياسى سوتسياليزم ىستەرىنە باسشىلىق ەتۋ بارىسىندا شارۋاشىلىق قۇرىلىستى وزەك ەتۋگە تاباندى بولۋ، باسقا قىزمەتتەر وسى وزەككە بويسۇنۋ جانە قىزمەت ەتۋ كەرەك. مەملەكەتتى عىلىم - تەحنيكامەن، وقۋ - اعارتۋمەن گۇلدەندىرۋ، دارىندىلارمەن قۇدىرەتتەندىرۋ ستراتەگياسىن، دامۋدى جاڭالىق اشا جەبەۋ ستراتەگياسىن، اۋىل - قىستاقتى گۇلدەندىرۋ ستراتەگياسىن، وڭىرلىك سايكەستى دامۋ ستراتەگياسىن، باياندى دامۋ ستراتەگياسىن، اسكەري ونەركاسىپ پەن حالىقتىق ونەركاسىپ توعىسا دامۋ ستراتەگياسىن اتقارىپ، عىلىم - تەحنيكانىڭ ءبىرىنشى وندىرگىش كۇشتىك رولىن تولىق ساۋلەلەندىرىپ، جاڭالىق اشۋدىڭ دامۋعا جەتەكشىلىك ەتۋدەگى ءبىرىنشى قوزعاۋشى كۇشتىك رولىن تولىق ساۋلەلەندىرىپ، عىلىم - تەحنيكالىق العاباسارلىققا سۇيەنىپ، ەڭبەكشىلەردىڭ ساپاسىن جوعارىلاتىپ، حالىق شارۋاشىلىعىنىڭ اناعۇرلىم جوعارى ساپالى، اناعۇرلىم ءونىمدى، اناعۇرلىم ءادىل، اناعۇرلىم باياندى دامۋىن جەبەۋ كەرەك.

  سوتسياليزم جولىنا، حالىق دەموكراتياسى ديكتاتۋراسىنا، جۇڭگو كوممۋنيستىك پارتياسىنىڭ باسشىلىعىنا، ماركسيزم - لەنينيزم، ماۋ زىدۇڭ يدەياسىنا تاباندى بولۋ سىندى وسى 4 نەگىزگى پرينسيپ ءبىزدىڭ ەلدىك نەگىزىمىز. سوتسياليستىك وسىزامانداندىرۋ قۇرىلىسىنىڭ تۇتاس بارىسىندا وسى 4 نەگىزگى پرينسيپكە تاباندى بولىپ، بۋرجۋازيالىق ەركىنسۋگە قارسى تۇرۋ كەرەك.

       رەفورمالاۋعا، ەسىك اشۋعا تاباندى بولۋ − ءبىزدىڭ ەلدى قۇدىرەتتەندىرۋدە جۇرۋگە ءتيىستى جولىمىز. رەفورما جۇرگىزىپ، ەسىك اشقاندا عانا، جۇڭگونى دامىتا الامىز، سوتسياليزمدى دامىتا الامىز، ماركسيزمدى دامىتا الامىز. رەفورمانى جاپپاي تەرەڭدەتىپ، جۇڭگوشا سوتسياليزم ءتۇزىمىن كەمەلدەندىرىپ جانە دامىتىپ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋ كەرەك. وندىرگىش كۇشتەردىڭ دامۋىن بۇعاۋلايتىن شارۋاشىلىق تۇزىلىسىنە تۇبىرىنەن رەفورما جۇرگىزىپ، سوتسياليستىك بازار شارۋاشىلىعى تۇزىلىسىنە تاباندى بولۋ جانە ونى كەمەلدەندىرۋ؛ وسىعان سايكەس ساياسي تۇزىلىسكە جانە باسقا دا سالالارعا رەفورما جۇرگىزۋ كەرەك. مەملەكەتتىڭ سىرتقا ەسىك اشۋ سىندى نەگىزگى ساياساتىنا تاباندى بولىپ، ادامزات قوعامى جاراتقان بارلىق وركەنيەت جەتىستىكتەرىن قابىلداۋ جانە اينا ەتۋ كەرەك. رەفورمالاۋ مەن ەسىك اشۋدا باتىلدىقپەن ىزدەنۋ، ەرلىكپەن ءورىس اشۋ، رەفورما شەشىمدەرىنىڭ عىلميلىعىن جوعارىلاتۋ، رەفورمانى جۇيەلى، تۇتاس تۇلعالى، سايكەستى جۇرگىزۋگە اناعۇرلىم نازار اۋدارىپ، اماليات بارىسىندا جاڭا جول اشۋ كەرەك.

  جۇڭگو كوممۋنيستىك پارتياسى حالىققا باسشىلىق ەتىپ، سوتسياليستىك بازار شارۋاشىلىعىن دامىتادى. جالپىلىق مەنشىكتەگى شارۋاشىلىقتى تيتتەي اۋىتقىماستان بەكەمدەيدى جانە دامىتادى، جالپىلىق مەنشىككە جاتپايتىن شارۋاشىلىقتاردىڭ دامۋىنا تيتتەي اۋىتقىماستان دەم بەرەدى، ونى قولدايدى، جەتەكتەيدى. بازاردىڭ بايلىقتى ىڭعايلاۋداعى شەشۋشى رولىن ساۋلەلەندىرىپ، ۇكىمەتتىڭ رولىن اناعۇرلىم ويداعىداي ساۋلەلەندىرىپ، كەمەلدەنگەن ماكرولىق تىزگىندەۋ جۇيەسىن قۇرادى. قالانىڭ، اۋىلدىڭ دامۋىن، وڭىرلەردىڭ دامۋىن، ەكونوميكا مەن قوعامنىڭ دامۋىن، ادام مەن تابيعاتتىڭ جاراسىمدى دامۋىن، ەلءىشى دامۋىن جانە سىرتقا ەسىك اشۋدى ءبىر تۇتاس جوسپارلاپ، شارۋاشىلىق قۇرىلىمىن رەتكە سالىپ، ەكونوميكانىڭ دامۋ تاسىلىندە بۇرىلىس جاساپ، قامداۋ جاعىنداعى قۇرىلىمدىق رەفورمانى ىلگەرىلەتەدى. جاڭاشا ونەركاسىپتەنۋدى، ينفورماتسيالانۋدى، قالا - قالاشىقتانۋدى، اۋىل شارۋاشىلىعىن وسىزامانداندىرۋدى قاتار دامىتادى، سوتسياليستىك جاڭاشا اۋىل - قىستاق قۇرادى، ونەركاسىپتەنۋدىڭ جۇڭگوشا جاڭا جولىمەن جۇرەدى، جاڭاشىل ەل جانە دۇنيە جۇزىندەگى عىلىم - تەحنيكادا قۋاتتى ەل قۇرادى.

  جۇڭگو كوممۋنيستىك پارتياسى حالىققا باسشىلىق ەتىپ، سوتسياليستىك دەموكراتيالى ساياسيدى دامىتادى. پارتيا باسشىلىعىن، حالىقتىڭ قوجا بولۋىن، ەلدى زاڭمەن باسقارۋدى ورگانيكالى تۇردە ۇشتاستىرۋعا تاباندى بولىپ، جۇڭگوشا سوتسياليستىك ساياسي دامۋ جولىمەن ءجۇرىپ، سوتسياليستىك دەموكراتيانى كەڭەيتىپ، جۇڭگوشا سوتسياليستىك زاڭمەن باسقارۋ جۇيەسىن ورناتىپ، زاڭمەن باسقارىلاتىن سوتسياليستىك ەل قۇرادى، حالىق دەموكراتياسى ديكتاتۋراسىن بەكەمدەپ، سوتسياليستىك ساياسي وركەنيەتتى گۇلدەندىرەدى. حالىق قۇرىلتايى تۇزىمىنە، جۇڭگو كوممۋنيستىك پارتياسىنىڭ باسشىلىعىنداعى كوپ پارتيالىق سەلبەستىك پەن ساياسي كەڭەس تۇزىمىنە، ۇلتتىق تەرريتوريالىق اۆتونوميا تۇزىمىنە، سونداي - اق نەگىزگى ساتىداعى بۇقارانىڭ ءوزىن - ءوزى باسقارۋ تۇزىمىنە تاباندى بولادى جانە ونى كەمەلدەندىرەدى. ءتىپتى كەڭ كولەمدى، اناعۇرلىم كەمەلدەنگەن، اناعۇرلىم اقاۋسىز حالىق دەموكراتياسىن دامىتادى، ءماسليحات دەموكراتياسىنىڭ كەڭىنەن، كوپ جىكتى، تۇزىمدەنە دامۋىن ىلگەرىلەتىپ، حالىقتىڭ مەملەكەت ىستەرى مەن الەۋمەتتىك ىستەردى، ەكونوميكا جانە مادەنيەت ىستەرىن باسقارۋ ۇقىعىن شىنايى قامتاماسىزداندىرادى. ادامدىق ۇقىققا قۇرمەت ەتەدى جانە ونى قامتاماسىزداندىرادى. ءسوز تيەگىن ەركىن اعىتىپ، دەموكراتيالىق سايلاۋ، دەموكراتيالىق شەشىم جاساۋ، دەموكراتيالىق باسقارۋ، دەموكراتيالىق باقىلاۋ ءتۇزىمى مەن ءتارتىبىن ورناتادى جانە كەمەلدەندىرەدى. جۇڭگوشا سوتسياليستىك زاڭ جۇيەسىن كەمەلدەندىرىپ، زاڭ اتقارۋ قىزمەتىن كۇشەيتىپ، مەملەكەتتىڭ سان سالالى قىزمەتتەرىن زاڭمەن باسقارۋ ارناسىنا تۇسىرەدى.

  جۇڭگو كوممۋنيستىك پارتياسى حالىققا باسشىلىق ەتىپ، سوتسياليستىك وزىق مادەنيەتتى دامىتادى. سوتسياليستىك رۋحاني وركەنيەتتى گۇلدەندىرىپ، ەلدى زاڭمەن باسقارۋ مەن مورالمەن باسقارۋدى ۇشتاستىرىپ، تۇتاس ۇلتتىڭ يدەيالىق، ءمورالدىق ساپاسى مەن عىلىم - مادەنيەتتىك ساپاسىن جوعارىلاتىپ، رەفورمالاۋعا، ەسىك اشۋعا جانە سوتسياليستىك وسىزامانداندىرۋ قۇرىلىسىنا قۇدىرەتتى يدەيالىق كەپىلدىك، رۋحاني قوزعاۋشى كۇش جانە اقىل - پاراساتتىق قولداۋ بەرىپ، مادەنيەتتە قۋاتتى سوتسياليستىك ەل قۇرادى. سوتسياليستىك وزەكتى قۇن جۇيەسى قۇرىلىسىن كۇشەيتىپ، ماركستىك جەتەكشى يدەياعا تاباندى بولىپ، جۇڭگوشا سوتسياليستىك ورتاق مۇرات ورناتىپ، وتانشىلدىقتى ۇيتقى ەتكەن ۇلتتىق رۋح پەن رەفورمالاۋ، جاڭالىق اشۋدى ۇيتقى ەتكەن ءداۋىر رۋحىن ساۋلەلەندىرەدى، سوتسياليستىك وزەكتى قۇن كوزقاراسىن جەتىلدىرىپ جانە امالياتتا ايگىلەپ، سوتسياليستىك داڭق - نامىس كوزقاراسىن دارىپتەپ، ۇلتتىق ار - نامىستى، سەنىمدى جانە ءوزىن الۋەتتەندىرۋ رۋحىن كۇشەيتىپ، كاپيتاليستىك جانە فەودالدىق شىرىك يدەيانىڭ ازدىرۋىن تەجەپ، قوعامداعى ءتۇرلى جيىركەنىشتى قۇبىلىستاردى الاستاپ، ەلىمىز حالقىنىڭ مۇراتتى، ءمورالدى، مادەنيەتتى، ءتارتىپتى بولۋىنا كۇش سالادى. پارتيا مۇشەلەرىنە كوممۋنيستىك ۇلى مۇرات تاربيەسىن جۇرگىزەدى. وقۋ - اعارتۋ، عىلىم، مادەنيەت ىستەرىن كۇش سالا دامىتىپ، جۇڭحۋانىڭ تاڭداۋلى ءداستۇرلى مادەنيەتىن جاسامپازدىقپەن جاڭالاۋدى، جاسامپازدىقپەن دامىتۋدى ىلگەرىلەتىپ، توڭكەرىستىك مادەنيەتكە مۇراگەرلىك ەتىپ، سوتسياليستىك وزىق مادەنيەتتى دامىتىپ، مەملەكەتتىڭ مادەنيەت جۇمساق كۇشىن نىعايتادى. يدەولوگيا قىزمەتىنە بولعان باسشىلىق ۇقىقتى مىقتى يگەرىپ، ماركسيزمنىڭ يدەولوگيا سالاسىنداعى جەتەكشى ورنىن ۇزدىكسىز بەكەمدەيدى، بۇكىل پارتيانىڭ، بۇكىل ەل حالقىنىڭ ىنتىماقتاسا كۇرەس جاسايتىن ورتاق يدەيالىق نەگىزىن نىعايتادى.

  جۇڭگو كوممۋنيستىك پارتياسى حالىققا باسشىلىق ەتىپ، سوتسياليستىك جاراسىمدى قوعام قۇرادى. دەموكراتيالى بولۋ، زاڭمەن باسقارۋ، ءادىل، ادىلەتتى، ادال، تاتۋ، ومىرشەڭدىككە تولى، تىنىش، ءتارتىپتى، ادام مەن تابيعات جاراسىمدى بولۋ سىندى جالپى تالاپ جانە بىرگە گۇلدەنىپ، تەڭ يگىلىكتەنۋ پرينسيبى بويىنشا، حالىق تۇرمىسىن قامتاماسىزداندىرۋدى جانە جاقسارتۋدى ءتۇيىن ەتىپ، حالىق ەڭ كوڭىل ءبولىپ وتىرعان، ەڭ توتە، ەڭ رەال مۇددە ماسەلەلەرىن ويداعىداي شەشىپ، جالپى حالىقتى دامۋدىڭ جەتىستىكتەرىنەن اناعۇرلىم كوپتەپ، اناعۇرلىم ادىلدىكپەن يگىلىكتەندىرىپ، حالىق جۇرتشىلىعىن ۇزدىكسىز تابىسقا كەنەلۋ سەزىمىنە بولەپ، جالپى حالىق اركىم قابىلەتىنە قاراي ىستەپ، اركىم ءوز نەسىبەسىن الاتىن ءارى تاتۋ - ءتاتتى تۇراتىن جاعداي جاراتادى. قوعامدىق باسقارۋدى كۇشەيتەدى جانە وندا جاڭالىق اشادى. جاۋ مەن ءبىزدىڭ ارامىزداعى قايشىلىق جانە حالىق ىشىندەگى قايشىلىق سىندى سيپاتى ءبىر - بىرىنە ۇقسامايتىن 2 ءتۇرلى قايشىلىقتى قاتاڭ پارىقتايدى جانە دۇرىس شەشەدى. قوعام اماندىعىن جان - جاقتىلى جونگە سالۋدى كۇشەيتىپ، مەملەكەتتىڭ اماندىعى مەن مۇددەسىنە، قوعامنىڭ ورنىقتىلىعى مەن ەكونوميكانىڭ دامۋىنا زالال جەتكىزەتىن قىلمىستىق ارەكەتتەر مەن قىلمىستىلارعا زاڭ بويىنشا قاتاڭ سوققى بەرىپ، قوعامنىڭ باياندى ورنىقتىلىعىن ساقتايدى. جالپى تۇلعالىق مەملەكەت حاۋىپسىزدىگى كوزقاراسىنا تاباندى بولىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن باتىل قورعايدى.

  جۇڭگو كوممۋنيستىك پارتياسى حالىققا باسشىلىق ەتىپ، سوتسياليستىك ەكولوگيالىق وركەنيەت قۇرادى. تابيعاتقا قۇرمەت ەتۋ، ۇيلەسۋ، تابيعاتتى قورعاۋ سىندى ەكولوگيالىق وركەنيەت كوزقاراسىن ورناتىپ، «ءمولدىر وزەندەر مەن جاسىل تاۋلار قىمباتتى بايلىق» دەيتىن كوزقاراستى كۇشەيتىپ، ەلىمىزدىڭ بايلىق قاينارىن ۇنەمدەۋ جانە ورتانى قورعاۋ سىندى نەگىزگى ساياساتىنا، ۇنەمدەۋدى، قورعاۋدى الدىڭعى ورىنعا قويۋ، تابيعي قالپىنا كەلتىرۋدى نەگىز ەتۋ باعىتىنا، ءوندىرىستى دامىتىپ، تۇرمىستى مولشىلىققا كەنەلتىپ، ەكولوگيانى كوركەيتۋ سىندى وركەنيەتتى دامۋ جولىنا تاباندى بولادى. بايلىق ۇنەمدەلەتىن، ورتاسى جاراسىمدى قوعام قۇرۋعا كۇش سالىپ، ەكولوگيالىق ورتانى قورعاۋدىڭ ەڭ قاتاڭ ءتۇزىمىن اتقارىپ، بايلىقتى ۇنەمدەيتىن جانە ورتانى قورعايتىن كەڭىستىك جۇيەسىن، شارۋاشىلىق قۇرىلىمىن، ءوندىرىس - تۇرمىس ءتاسىلىن قالىپتاستىرىپ، حالىققا تاماشا ءوندىرىس - تۇرمىس ورتاسىن جاراتىپ، جۇڭحۋا ۇلتىنىڭ ماڭگىلىك دامۋىن جۇزەگە اسىرادى.

  جۇڭگو كوممۋنيستىك پارتياسى حالىق ازاتتىق ارمياسى مەن باسقا دا حالىقتىق قارۋلى كۇشتەرگە شارتسىز باسشىلىعىنا تاباندى بولىپ، شي جينپيڭنىڭ ارميانى قۇدىرەتتەندىرۋ يدەياسىن دايەكتىلەندىرىپ، حالىق ازاتتىق ارمياسى قۇرىلىسىن كۇشەيتىپ، ساياسي ارميا قۇرۋعا، ارميانى رەفورما ارقىلى قۇدىرەتتەندىرۋگە، عىلىم - تەحنيكا ارقىلى گۇلدەندىرۋگە، زاڭمەن باسقارۋعا تاباندى بولىپ، پارتيانىڭ قولباسشىلىعىنا بويسۇناتىن، جەڭىستى شايقاس جۇرگىزەتىن، ستيلى تاماشا حالىق ارمياسىن قۇرىپ، حالىق ازاتتىق ارمياسىنىڭ جاڭا داۋىردەگى اسكەري بورىشى مەن مىندەتىن ۇتىمدى وتەۋىن شىنايى كەپىلدەندىرىپ، حالىق ازاتتىق ارمياسىنىڭ قورعانىستى نىعايتۋداعى، وتاندى قورعاۋداعى جانە سوتسياليستىك وسىزامانداندىرۋ قۇرىلىسىنا قاتىناسۋداعى رولىن تولىق ساۋلەلەندىرەدى.

  جۇڭگو كوممۋنيستىك پارتياسى ۇلتتاردىڭ تەرەزەسى تەڭ، ىنتىماقتى، قايىرىمدى، جاراسىمدى سوتسياليستىك قاتىناسىن قورعايدى جانە دامىتادى، از ۇلت كادرلارىن بەلسەنە جەتىلدىرەدى جانە تاڭداپ وسىرەدى، از ۇلتتار مەن ۇلتتىق رايونداردىڭ ەكونوميكاسىن، مادەنيەتىن جانە قوعامدىق ىستەرىن دامىتۋىنا كومەكتەسىپ، جۇڭحۋا ۇلتتارىنىڭ ورتاق تۇلعا تانىمىن بەرىك ورناتىپ، ۇلتتاردىڭ ىنتىماقتاسا كۇرەس جاساپ، بىرگە گۇلدەنىپ - دامۋىن جۇزەگە اسىرادى. پارتيانىڭ ءدىن قىزمەتى جونىندەگى نەگىزگى باعىتىن جان - جاقتىلى دايەكتىلەندىرىپ، دىنگە سەنەتىن بۇقارانى ەكونوميكالىق، قوعامدىق دامۋعا ۇلەس قوسۋعا ىنتىماقتاستىرادى.

  جۇڭگو كوممۋنيستىك پارتياسى بۇكىل ەلدەگى ءار ۇلت جۇمىسشىلارىمەن، شارۋالارمەن، زيالىلارمەن ىنتىماقتاسىپ، دەموكراتيالىق پارتيا - توپتارمەن، پارتيا - توپتاردا جوق قايراتكەرلەرمەن، ءار ۇلت وتانشىل كۇشتەرمەن بەرەكە - بىرلىكتە بولا وتىرىپ، بارلىق سوتسياليزمشىل ەڭبەكشىلەردەن، سوتسياليزم ىستەرىن قۇرۋشىلاردان، سوتسياليزمدى جاقتايتىن وتانشىلداردان، وتاننىڭ بىرلىگىن قولدايتىن جانە جۇڭحۋا ۇلتىنىڭ ۇلى گۇلدەنۋىنە كۇش سالاتىن وتانشىلداردان قۇرالعان ەڭ كەڭ كولەمدى وتانشىلدىق بىرلىكساپتى ونان ارى دامىتادى جانە ۇلعايتادى. شياڭگاڭ ەرەكشە اكىمشىلىك رايونىنداعى باۋىرلاستاردى، اۋمىن ەرەكشە اكىمشىلىك رايونىنداعى باۋىرلاستاردى، تايۋاندىق باۋىرلاستاردى جانە شەتەلدەگى مۇھاجىر باۋىرلاستاردى قامتىعان بۇكىل ەل حالقىنىڭ ىنتىماعىن ۇزدىكسىز كۇشەيتەدى. «ءبىر ەل، ەكى ءتۇزىم» باعىتى بويىنشا، شياڭگاڭنىڭ، اۋمىننىڭ ۇزاق ۋاقىتتىق گۇلدەنىپ - كوركەيۋى مەن ورنىقتىلىعىن جەبەپ، وتاندى بىرلىككە كەلتىرۋ ۇلى ءىسىن ورىندايدى.

  جۇڭگو كوممۋنيستىك پارتياسى دەربەس ءوز - وزىنە قوجا بولۋ بەيبىت ديپلوماتيالىق ساياساتىنا، بەيبىت دامۋ جولىنا، ءوزارا تيىمدىلىك جەتكىزىپ، تەڭ يگىلىكتەنۋ سىندى سىرتقا ەسىك اشۋ ستراتەگياسىنا تاباندى بولىپ، ىشكى جانە حالىقارالىق جالپى جاعدايعا ءبىر تۇتاس ءمان بەرىپ، شەتەلدەرمەن بولعان بايلانىستى بەلسەنە دامىتىپ، ەلىمىزدىڭ رەفورماسى مەن ەسىك اشۋىنا جانە وسىزامانداندىرۋ قۇرىلىسىنا ءتيىمدى حالىقارالىق ورتا جاراتۋعا كۇش سالادى. حالىقارالىق ىستەردە دۇرىس ادىلەتتىلىك - مۇددە كوزقاراسىنان جازباي، ەلىمىزدىڭ تاۋەلسىزدىگى مەن يەلىك ۇقىعىن قورعايدى، زورەكەرلىككە جانە وكتەمدىك ساياسيعا قارسى تۇرىپ، دۇنيە ءجۇزى بەيبىتشىلىگىن قورعاپ، ادامزاتتىڭ العاباسارلىعىن جەبەپ، ادامزاتتىڭ تاعدىرلاس ورتاق تۇلعاسىنىڭ قالىپتاسۋىن ىلگەرىلەتىپ، باياندى بەيبىتشىلىك ورناعان، بىرگە گۇلدەنگەن جاراسىمدى دۇنيەنى قۇرۋدى جەبەيدى. ءبىر - ءبىرىنىڭ يەلىك ۇقىعى مەن تەرريتوريا تۇتاستىعىنا قۇرمەت ەتۋ، ءبىر - بىرىنە سۇعاناقتىق جاساماۋ، ءبىرى - ءبىرىنىڭ ىشكى ىسىنە كيلىكپەۋ، تەڭدىك، ءوزارا تيىمدىلىك جەتكىزۋ، بەيبىت قاتار تۇرۋ 5 پرينسيبى نەگىزىندە ەلىمىزدىڭ دۇنيە ءجۇزى ەلدەرىمەن بولعان قاتىناسىن دامىتادى. ەلىمىزدىڭ كورشى ەلدەرمەن تاتۋ كورشىلىك دوستىق قاتىناسىن ۇزدىكسىز دامىتادى، دامۋ جولىنداعى ەلدەرمەن ىنتىماعىن جانە سەلبەستىگىن كۇشەيتەدى. بىرگە اقىلداسۋ، بىرگە كوركەيتۋ، تەڭ يگىلىكتەنۋ پرينسيبىنە بويسۇنىپ، «ءبىر بەلدەۋ، ءبىرجول» قۇرىلىسىن ىلگەرىلەتەدى. دەربەس ءوز - وزىنە قوجا بولۋ، بۇكىلدەي تەرەزەسى تەڭ بولۋ، ءوزارا قۇرمەت ەتۋ، ءبىرى - ءبىرىنىڭ ىشكى ىسىنە كيلىكپەۋ پرينسيبى بويىنشا، پارتيامىزدىڭ ءار ەل كوممۋنيستىك پارتيالارىمەن جانە باسقا دا ساياسي پارتيالارمەن قارىم - قاتىناسىن دامىتادى.

  جۇڭگو كوممۋنيستىك پارتياسى بۇكىل ەلدەگى ءار ۇلت حالقىنا باسشىلىق ەتىپ «قوس 100 جىلدىق» كۇرەس نىساناسىن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدا، ءسوز جوق، پارتيانىڭ نەگىزگى لۋشيانىن بەرىك وزەك ەتىپ، پارتيا ءوزىن باسقارۋعا، ءوزىن جاپپاي قاتاڭ باسقارۋعا تاباندى بولىپ، پارتيانىڭ ۇزاق ۋاقىت بيلىك جۇرگىزۋ قابىلەتى قۇرىلىسىن، العاباسارلىق جانە پاكتىك قۇرىلىسىن كۇشەيتۋى، پارتيا قۇرىلىسىنىڭ تىڭ دا ۇلى ينجەنەرياسىن رەفورما، جاڭالىق اشۋ رۋحى ارقىلى جاپپاي ىلگەرىلەتۋى، پارتيانىڭ ساياسي قۇرىلىسىن جەتەكشى ەتىپ، پارتيانىڭ ساياسي قۇرىلىسىن، يدەيالىق قۇرىلىسىن، ۇيىمدىق قۇرىلىسىن، ستيل قۇرىلىسىن، ءتارتىپ قۇرىلىسىن جاپپاي ىلگەرىلەتىپ، ءتۇزىم قۇرىلىسىن وسىلاردىڭ جالپى بارىسىنا ءسىڭىرىپ، شىرىكتەسۋگە قارسى تۇرۋ كۇرەسىن ىشكەرىلەي جۇرگىزىپ، پارتيا قۇرىلىسىنىڭ عىلميلانۋ ورەسىن جاپپاي جوعارىلاتۋى كەرەك. پارتيانى جالپى ءۇشىن قۇرۋعا، بيلىكتى حالىق ءۇشىن جۇرگىزۋگە تاباندى بولىپ، پارتيانىڭ تاڭداۋلى ءداستۇرى مەن ستيلىن ساۋلەلەندىرۋ، پارتيانىڭ باسشىلىق ورەسى مەن بيلىك جۇرگىزۋ ورەسىن ۇزدىكسىز جوعارىلاتۋ، شىرىكتەسىپ، ازعىنداۋعا قارسى تۇرۋ جانە حاۋىپ - قاتەرگە توتەپ بەرۋ قابىلەتىن جوعارىلاتۋ، ءوزىن تازارتۋ، ءوزىن كەمەلدەندىرۋ، ءوزىن تۇلەتۋ، ورەسىن جوعارىلاتۋ قابىلەتىن ۇزدىكسىز كۇشەيتۋ، پارتيانىڭ تاپتىق نەگىزىن ۇزدىكسىز نىعايتۋ جانە پارتيانىڭ بۇقارالىق نەگىزىن كەڭەيتۋ، پارتيانىڭ جاسامپازدىق، ۇيىسقىشتىق، جاۋىنگەرلىك قۋاتىن ۇزدىكسىز ارتتىرۋ، پارتيانى ۇيرەنىمپاز، قىزمەت وتەيتىن، جاڭاشىل بيلىك باسىنداعى ماركستىك پارتيا ەتىپ قۇرىپ، پارتيامىزدى باستان - اياق ءداۋىردىڭ الدىڭعى لەگىندە ءجۇرىپ، بۇكىل ەل حالقىنا باسشىلىق ەتىپ، جۇڭگوشا سوتسياليزم جولىمەن ۇزدىكسىز العا باساتىن بەرىك ۇيتقىعا اينالدىرۋ كەرەك. پارتيا قۇرىلىسىندا مىناداي 5 نەگىزگى تالاپتى باتىل ورىنداۋ كەرەك:

   ءبىرىنشى، پارتيانىڭ نەگىزگى لۋشيانىنا تاباندى بولۋ. بۇكىل پارتيا دىڭ شياۋپيڭ نازارياسى، «ۇشكە ۋاكىلدىك ەتۋ» ماڭىزدى يدەياسى، عىلمي دامۋ كوزقاراسى، شي جينپيڭنىڭ جاڭا داۋىردەگى جۇڭگوشا سوتسياليزم يدەياسى جانە پارتيانىڭ نەگىزگى لۋشيانى ارقىلى يدەيانى، قيمىلدى بىرلىككە كەلتىرۋ، سونداي - اق وعان تيتتەي دە اۋىتقىماستان ۇزاق ۋاقىت تاباندى بولۋ كەرەك. رەفورما مەن ەسىك اشۋدى ءتورت نەگىزگى پرينسيپپەن بىرلىككە كەلتىرىپ، پارتيانىڭ نەگىزگى لۋشيانىن جاپپاي تياناقتاندىرىپ، «سولشىلدىق» جانە وڭشىلدىق قاتە نىساي اتاۋلىنىڭ بارىنە قارسى تۇرۋ، وڭشىلدىقتان قىراعى بولۋ، ءبىراق، باستىسى، «سولشىلدىقتان» ساقتانۋ كەرەك. ءار دارەجەلى باسشىلىق القالارى قۇرىلىسىن كۇشەيتىپ، پارتيا مەن حالىققا قاجەتتى جاقسى كادرلاردى باۋلىپ، تاڭداپ ءوسىرىپ، سوتسياليزم ىستەرىنىڭ سان ميلليونداعان ءىزباسارلارىن جەتىلدىرىپ جانە تاربيەلەپ، پارتيانىڭ نەگىزگى نازارياسىنىڭ، نەگىزگى لۋشيانىنىڭ، نەگىزگى جالپى جوباسىنىڭ دايەكتى تياناقتاندىرىلۋىنا ۇيىمدىق جاقتان كەپىلدىك ەتۋ كەرەك.

  ەكىنشى، يدەيانى ازات ەتۋگە، شىندىقتى ءىس جۇزىنەن ىزدەۋگە، داۋىرمەن بىرگە ىلگەرىلەۋگە، شىنشىل، ىسكەر بولۋعا تاباندى بولۋ. پارتيانىڭ يدەيالىق لۋشيانى − بارلىق ىستە ءىس جۇزىندىكتى شىعار ءتۇيىن ەتىپ، نازاريانى امالياتپەن ۇشتاستىرۋ، شىندىقتى ءىس جۇزىنەن ىزدەۋ، اقيقاتتى اماليات بارىسىندا سىننان وتكىزۋ جانە دامىتۋ. بۇكىل پارتيا وسى يدەيالىق لۋشيانعا تاباندى بولىپ، بەلسەندىلىكپەن ىزدەنىپ، باتىلدىقپەن سىناق ەتىپ، ءورىس اشىپ، جاڭالىق جاساپ، قىزمەتتى جاسامپازدىقپەن ورىستەتۋ، جاڭا جاعدايلاردى ۇزدىكسىز زەرتتەپ، تىڭ تاجىريبەلەردى قورىتىندىلاپ، تىڭ ماسەلەلەردى شەشىپ، ماركسيزمدى اماليات بارىسىندا بايىتۋ جانە دامىتۋ، ماركسيزمنىڭ جۇڭگوشالانۋىن جەبەۋ كەرەك.

  ءۇشىنشى، بۇكىل ىنتا - پەيىلىمەن حالىق ءۇشىن قىزمەت ىستەۋگە تاباندى بولۋ. پارتيانىڭ جۇمىسشى تابى مەن ەڭ قالىڭ حالىق بۇقاراسىنىڭ مۇددەسىنەن وزگە وزىندىك ەرەكشە مۇددەسى بولمايدى. پارتيا ءارقانداي كەزدە بۇقارانىڭ مۇددەسىن ءبىرىنشى ورىنعا قويادى، بۇقارامەن راحاتتا دا، ميحىناتتا دا بىرگە بولادى، بۇقارامەن ەڭ ەتەنە بايلانىستى ساقتايدى، بيلىكتى حالىق ءۇشىن جۇرگىزۋگە، حالىقتى كوكەيدە ساقتاۋعا، حالىققا پايدا جەتكىزۋگە تاباندى بولادى، پارتيا مۇشەلەرىنىڭ قاي - قايسىسىنىڭ دا بۇقارادان قول ۇزۋىنە، بۇقارادان جوعارى تۇرۋىنا جول بەرىلمەيدى. پارتيامىزدىڭ ەڭ زور ساياسي ابزالدىلىعى − بۇقارامەن قويۋ بايلانىس جاساۋ، پارتيا بيلىك جۇرگىزگەننەن كەيىنگى ەڭ زور حاۋىپ − بۇقارادان قول ءۇزۋ. پارتيا ستيلى ماسەلەسى، پارتيانىڭ حالىق بۇقاراسىمەن ەتەنە بايلانىستا بولۋ ماسەلەسى − پارتيامىزدىڭ ءومىر ءسۇرۋى مەن جويىلۋىنا ساياتىن ماسەلە. پارتيا ءوز قىزمەتىندە بۇقارالىق لۋشيانمەن ءجۇرىپ، بارلىق ىستە بۇقارانى كوزدە ۇستاپ، بۇقاراعا سۇيەنىپ، بۇقارادان الىپ، بۇقاراعا قايتارىپ، پارتيانىڭ دۇرىس قۋاتتاماسىن بۇقارانىڭ سانالى قيمىلىنا اينالدىرادى.

  ءتورتىنشى، دەموكراتيالىق ورتالىقتاندىرۋ تۇزىمىنە تاباندى بولۋ. دەموكراتيالىق ورتالىقتاندىرۋ ءتۇزىمى − دەموكراتيا نەگىزىندەگى ورتالىقتاندىرۋ مەن ورتالىقتاندىرۋدىڭ جەتەكشىلىگىندەگى دەموكراتيانىڭ ءوزارا ۇشتاسۋى. ول ءارى پارتيانىڭ ءتۇبىرلى ۇيىمدىق پرينسيبى ءارى بۇقارالىق لۋشياننىڭ پارتيا تۇرمىسىندا قولدانىلۋى. ءسوز جوق، پارتيا ىشىندە دەموكراتيانى تولىق ساۋلەلەندىرۋ، پارتيا مۇشەلەرىنىڭ نەگىزگى تۇلعالىق ورنىنا قۇرمەت ەتۋ، پارتيا مۇشەلەرىنىڭ دەموكراتيالىق ۇقىعىن قامتاماسىزداندىرۋ، ءار دارەجەلى پارتيا ۇيىمدارىنىڭ جانە قالىڭ پارتيا مۇشەلەرىنىڭ بەلسەندىلىگىن، جاسامپازدىعىن ساۋلەلەندىرۋ كەرەك. ءسوز جوق، دۇرىس ورتالىقتاندىرۋ جۇرگىزىپ، ساياسي تانىمدى، جالپى جاعداي تانىمىن، ۇيتقىلىق تانىمدى، ساپ تۇزەۋ تانىمىن بەرىك ورناتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلىن جانە ورتالىقتانعان ءبىر تۇتاس باسشىلىعىن باتىل قورعاپ، بۇكىل پارتيانىڭ ىنتىماعى مەن بىرلىگىنە جانە قيمىل بىركەلكىلىگىنە، پارتيا قاۋلىلارىنىڭ تەز، ۇتىمدى دايەكتى اتقارىلۋىنا كەپىلدىك ەتۋ ءتيىس. پارتيا ىشىندەگى ساياسي تۇرمىستى كۇشەيتىپ جانە ارناعا ءتۇسىرىپ، پارتيا ىشىندەگى ساياسي تۇرمىستىڭ ساياسي سيپاتىن، داۋىرلىك سيپاتىن، پرينسيپتىك سيپاتىن، جاۋىنگەرلىك سيپاتىن كۇشەيتىپ، پارتيا ىشىندە بەلسەندى، اقاۋسىز ساياسي مادەنيەتتى دامىتىپ، پاك تە ءادىل تاماشا ساياسي ەكولوگيا قالىپتاستىرۋ كەرەك. پارتيا ءوزىنىڭ ساياسي ومىرىندە سىن جانە ءوز - وزىنە سىندى دۇرىس ورىستەتىپ، پرينسيپتىك ماسەلەدە يدەيالىق كۇرەس جۇرگىزىپ، اقيقاتتا بەرىك تۇرىپ، قاتەلىكتەردى تۇزەتىپ وتىرادى. ورتالىقتاندىرۋى دا بار، دەموكراتياسى دا بار، ءتارتىبى دە بار، بوستاندىعى دا بار، ەرىك بىرلىگى دە بار، جەكە ادامداردىڭ كوڭىل حوشتىعى دا بار جاندى دا جالىندى ساياسي جاعدايدى قۇلشىنا جارىققا شىعارادى.

  بەسىنشى، پارتيانى قاتاڭ باسقارۋعا، قاتاڭ جونگە سالۋعا تاباندى بولۋ. پارتيانى جاپپاي قاتاڭ باسقارۋ ماڭگى جۇرگىزىلەدى. جاڭا جاعدايدا، پارتيا ءدوپ كەلىپ وتىرعان بيلىك جۇرگىزۋ سىناعى، رەفورما جۇرگىزىپ، ەسىك اشۋ سىناعى، بازار شارۋاشىلىعى سىناعى، سىرتقى ورتانىڭ سىناعى ۇزاققا سوزىلادى، كۇردەلى، اۋىر بولادى، رۋحاني جاقتاعى بويكۇيەزدىك قاتەرى، قابىلەتتىڭ جەتەرسىز بولۋ قاتەرى، بۇقارادان قول ءۇزۋ قاتەرى، كەرەناۋلىق، شىرىكتەسۋ قاتەرى پارتيانىڭ الدىنا قاتال قويىلىپ وتىر. قاتاڭ ولشەمدى، قاتاڭ شارالاردى پارتيانى باسقارۋدىڭ، جونگە سالۋدىڭ تۇتاس بارىسى مەن سان سالاسىنا ءسىڭدىرۋ كەرەك. پارتيانى ەرەجە بويىنشا باسقارۋعا، تۇبىرىنەن وڭاۋ مەن ۇستىنەن وڭاۋعا بىردەي ءمان بەرۋگە، ءتارتىپتى ماڭداي الدى ورىنعا قويۋعا تاباندى بولىپ، ۇيىمشىلدىق پەن تارتىپشەڭدىكتى كۇشەيتىپ، پارتيا ءتارتىبى الدىندا بارلىق ادام تەڭ بولۋ كەرەك. پارتيانى باسقارۋدىڭ، پارتيانى جونگە سالۋدىڭ تۇلعالىق جاۋاپكەرلىگى مەن باقىلاۋ جاۋاپكەرلىگىن كۇشەيتىپ، پارتيانىڭ باسشىلىق ورگاندارى مەن پارتيالى باسشى كادرلاردى، اسىرەسە، نەگىزگى باسشى كادرلاردى باقىلاۋدى كۇشەيتىپ، پارتيا ىشىندەگى باقىلاۋ جۇيەسىن ۇزدىكسىز جاقسارتۋ ءتيىس. پارتيا ستيلى، پاكتىك قۇرىلىسىن جانە شىرىكتەسۋگە قارسى كۇرەستى ىشكەرىلەي جۇرگىزىپ، شىرىكتەسكەندەردى استە راحىم ەتپەۋ پوزيتسياسىمەن جازالاپ، شىرىكتەسۋگە باتىلى بارمايتىن، شىرىكتەسە المايتىن، شىرىكتەسكىسى كەلمەيتىن ۇتىمدى مەحانيزم ورناتۋ كەرەك.

     جۇڭگو كوممۋنيستىك پارتياسىنىڭ باسشىلىعى − جۇڭگوشا سوتسياليزمنىڭ ەڭ ماندىك ەرەكشەلىگى، جۇڭگوشا سوتسياليستىك ءتۇزىمنىڭ ەڭ ۇلكەن ابزالدىلىعى. پارتيا، ۇكىمەت، ارميا، مادەنيەت، وقۋ - اعارتۋ قاتارلى بارلىق سالاعا جانە بارلىق جەرگە پارتيا باسشىلىق ەتەدى. پارتيا رەفورمالاۋ مەن ەسىك اشۋدىڭ جانە سوتسياليستىك وسىزامانداندىرۋ قۇرىلىسىنىڭ تالابىنا ۇيلەسە وتىرىپ، بيلىكتى عىلمي، دەموكراتيالى، زاڭ بويىنشا جۇرگىزۋگە تاباندى بولىپ، پارتيا باسشىلىعىن كۇشەيتۋ جانە جاقسارتۋ كەرەك. پارتيا، ءسوز جوق، جالپى جاعدايدى مەڭگەرۋ، ءارقايسى جاقتاردى سايكەستىرۋ پرينسيبى بويىنشا، ۇقساس دارەجەلى، ءتۇرلى ۇيىمداردا باسشىلىق ۇيتقىلىق رولىن ساۋلەلەندىرۋى ءتيىس. پارتيا، ءسوز جوق، شارۋاشىلىق قۇرىلىسىنا زەيىنىن شوعىرلاندىرا وتىرىپ باسشىلىق ەتىپ، ءارقايسى جاقتارداعى كۇشتەردى ۇيىمداستىرىپ جانە سايكەستىرىپ، ءبىر نيەتپەن سەلبەسىپ، قىزمەتتى شارۋاشىلىق قۇرىلىسىن وزەك ەتە وتىرىپ ورىستەتىپ، شارۋاشىلىق پەن قوعامنىڭ جاپپاي دامۋىن جەبەۋ قاجەت. پارتيا، ءسوز جوق، دەموكراتيالىق، عىلمي جولمەن شەشىم جاساۋدى جولعا قويىپ، دۇرىس لۋشيان، باعىت - ساياسات بەلگىلەپ جانە اتقارىپ، پارتيانىڭ ۇيىمداستىرۋ قىزمەتى مەن ۇگىت - تاربيە قىزمەتىن ويداعىداي ىستەپ، جالپى پارتيا مۇشەلەرىنىڭ ۇزدىك، ونەگەلىك رولىن ساۋلەلەندىرۋ قاجەت. پارتيا، ءسوز جوق، نەگىزگى زاڭ مەن زاڭدار كولەمىندە ءىس جۇرگىزۋگە ءتيىس. پارتيا، ءسوز جوق، مەملەكەتتىڭ زاڭ شىعارۋ، ءادىليا، اكىمشىلىك، باقىلاۋ - تەكسەرۋ ورگاندارىنىڭ، شارۋاشىلىق، مادەنيەت ۇيىمدارىنىڭ جانە حالىقتىق ۇيىمداردىڭ جۇمىستى بەلسەندى، ىرىقتى، دەربەس جاۋاپتى بولىپ، سايكەسىپ ىستەۋلەرىن قامتاماسىز ەتۋ قاجەت. پارتيا، ءسوز جوق، جۇمىسشى ۇيىمى، كوممۋنيستىك جاستار وداعى، ايەلدەر بىرلەستىگى قاتارلى بۇقارالىق توپتار مەن ۇيىمدارعا بولعان باسشىلىعىن كۇشەيتىپ، ولاردىڭ ساياسي سيپاتىن، العاباسارلىق سيپاتىن، بۇقارالىق سيپاتىن ساقتاپ جانە كۇشەيتىپ، رولىن تولىق ساۋلەلەندىرۋ قاجەت. پارتيا، ءسوز جوق، جاعدايدىڭ دامۋىنا جانە احۋالدىڭ وزگەرۋىنە ۇيلەسىپ، باسشىلىق ءتۇزىلىسىن كەمەلدەندىرۋ، باسشىلىق فورماسىن جاقسارتۋ، بيلىك جۇرگىزۋ قابىلەتىن كۇشەيتۋ ءتيىس. كوممۋنيستەر، ءسوز جوق، پارتيا سىرتىنداعى بۇقارامەن تىعىز سەلبەسىپ، جۇڭگوشا سوتسياليزم قۇرۋ جولىندا بىرگە كۇرەسۋ كەرەك.

  ءبىرىنشى تاراۋ پارتيا مۇشەسى

    1 - تارماق جۇڭگوداعى جاسى 18 گە تولعان جۇمىسشىلار، شارۋالار، اسكەريلەر، زيالىلار جانە باسقا دا قوعامدىق جىكتەگى العاباسار ەلەمەنتتەر پارتيانىڭ پروگرامماسىن جانە ۋستاۆىن مويىنداسا، پارتيا ۇيىمدارىنىڭ بىرىنە قاتىناسۋدى جانە وندا بەلسەنە جۇمىس ىستەۋدى، پارتيا قارارلارىن اتقارۋدى جانە پارتيا جارناسىن ۋاعىندا تاپسىرۋدى قالاسا، جۇڭگو كوممۋنيستىك پارتياسىنا كىرۋدى ءوتىنىش ەتۋىنە بولادى.

  2 - تارماق جۇڭگو كوممۋنيستىك پارتياسىنىڭ مۇشەسى − جۇڭگو جۇمىسشى تابىنىڭ كوممۋنيستىك ساناعا يە ۇزدىك جاۋىنگەرى.

  جۇڭگو كوممۋنيستىك پارتياسىنىڭ مۇشەسى بۇكىل ىنتا - پەيىلىمەن حالىق ءۇشىن قىزمەت ىستەۋى، وزىندەگىنىڭ بارلىعىن قۇربان ەتۋدەن تايىنباي، كوممۋنيزمدى جۇزەگە اسىرۋ جولىندا اقتىق دەمىنە دەيىن كۇرەسۋى كەرەك.

  جۇڭگو كوممۋنيستىك پارتياسىنىڭ مۇشەسى − قاشاندا ەڭبەكشى حالىقتىڭ قاراپايىم ءبىر مۇشەسى. زاڭدا جانە ساياساتتا بەلگىلەنگەن كولەمدەگى جەكە مۇددەسى مەن قىزمەت ۇقىعىنان تىس، بارلىق كوممۋنيستىڭ ءارقانداي جەكە مۇددە مەن ەرەكشە ۇقىقتى كوزدەۋىنە بولمايدى.

  3 - تارماق پارتيا مۇشەسى مىناداي بورىشتارىن، ءسوزسىز، وتەۋى كەرەك:

  1) ماركسيزم - لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن جانە عىلمي دامۋ كوزقاراسىن، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن مۇقيات ۇيرەنىپ، پارتيانىڭ لۋشيانىن، باعىتىن، ساياساتىن جانە قارارىن، پارتيا تۋرالى نەگىزگى بىلىمدەردى، عىلىمدى، مادەنيەتتى، زاڭ جانە كاسىپ تۋرالى بىلىمدەرىن ۇيرەنىپ، حالىق ءۇشىن قىزمەت ىستەۋ قابىلەتىن قۇلشىنا جوعارىلاتۋ.

  2) پارتيانىڭ نەگىزگى لۋشيانى مەن ءتۇرلى باعىت - ساياساتتارىن دايەكتى اتقارۋ، رەفورماعا، ەسىك اشۋعا جانە سوتسياليستىك وسىزامانداندىرۋ قۇرىلىسىنا باستاماشىلدىقپەن قاتىناسۋ، بۇقارانى شارۋاشىلىقتى وركەندەتىپ، قوعامدى العا باستىرۋ جولىنداعى جاپا - ماشاقاتتى كۇرەسكە جۇمىلدىرۋ، وندىرىستە، قىزمەتتە، ۇيرەنۋدە جانە قوعامدىق ومىردە ۇزدىك، ونەگەلىك رول اتقارۋ.

  3) پارتيا مەن حالىقتىڭ مۇددەسىن بارىنەن جوعارى قويۋ، جەكە مۇددەنى پارتيا مەن حالىقتىڭ مۇددەسىنە بويسۇندىرۋ، جاپادا الدا، راحاتتا ارتتا بولىپ، كوپتىڭ قامىن ويلاپ، كوپ ۇلەس قوسۋ.

  4) پارتيا تارتىبىنە سانالى بويسۇنۋ، الدىمەن، پارتيانىڭ ساياسي ءتارتىبى مەن ساياسي قاعيداسىنا بويسۇنۋ، مەملەكەتتىڭ زاڭدارىنا، زاڭدىق ەرەجەلەرىنە ونەگەلىكپەن بويسۇنۋ، پارتيا مەن مەملەكەتتىڭ قۇپيالىعىن قاتاڭ ساقتاۋ، پارتيانىڭ قاۋلىلارىن اتقارۋ، ۇيىمدىق بولىسكە باعىنۋ، پارتيانىڭ مىندەتتەرىن بەلسەنە ورىنداۋ.

  5) پارتيانىڭ ىنتىماعى مەن بىرلىگىن قورعاۋ، پارتياعا قالتقىسىز ادال بولۋ، ءسوزى مەن ءىسى بىردەي بولۋ، توپشىلدىق ۇيىم جانە شاعىن توپتىق ارەكەت اتاۋلىنىڭ بارلىعىنا باتىل قارسى تۇرۋ، كورىنىستە قولداپ، كومەسكىدە قارسى تۇراتىن ەكى جۇزدىلىككە جانە قاسكۇنەمدىك ايلا - شارعى اتاۋلىنىڭ بارلىعىنا قارسى تۇرۋ.

  6) سىن جانە ءوز - وزىنە سىندى شىنايى ورىستەتۋ، پارتيالىق پرينسيپتەرگە قايشى ءسوز - ارەكەتتەردى جانە قىزمەتتەگى كەمشىلىك پەن قاتەلىكتى اشكەرەلەۋگە جانە تۇزەتۋگە، كەرەناۋلىق، شىرىكتەسۋ قۇبىلىستارىمەن كۇرەسۋگە باتىل بولۋ.

  7) بۇقارامەن قويۋ بايلانىستا بولۋ، بۇقاراعا پارتيا قۋاتتاماسىن ۇگىتتەۋ، ءبىر ىسكە تاپ بولعاندا بۇقارامەن اقىلداسۋ، بۇقارانىڭ پىكىرى مەن تالابىن دەر كەزىندە پارتياعا اڭىس ەتۋ، بۇقارانىڭ ورىندى مۇددەسىن قورعاۋ.

  8) سوتسياليستىك جاڭا سالتتى ساۋلەلەندىرۋ، سوتسياليستىك وزەكتى قۇن كوزقاراسى مەن سوتسياليستىك داڭق - نامىس كوزقاراسىن باستاماشىلدىقپەن امالياتتان وتكىزىپ، كوممۋنيستىك ءمورالدى دارىپتەۋ، جۇڭحۋا ۇلتىنىڭ ءداستۇرلى تاماشا ءمورالىن ساۋلەلەندىرۋ، مەملەكەتتىڭ جانە حالىقتىڭ مۇددەسىن قورعاۋ ءۇشىن ءارقانداي قيىن - قىستاۋ، حاۋىپتى مينۋتتاردا كوكىرەك كەرىپ العا شىعۋ، ەرلىكپەن كۇرەسۋ، قۇربان بولۋدان قورىقپاۋ.

  4 - تارماق پارتيا مۇشەسىندە مىناداي ۇقىقتار بولادى:

  1) پارتيانىڭ قاتىستى ماجىلىستەرىنە قاتىناسۋ، پارتيانىڭ قاتىستى حۇجاتتارىن وقۋ، پارتيانىڭ تاربيەسى مەن باۋلۋىن قابىلداۋ.

  2) پارتيا ماجىلىستەرىندە جانە پارتيانىڭ گازەت - جۋرنالدارىندا پارتيا ساياساتى جونىندەگى تالقىلارعا قاتىناسۋ.

  3) پارتيا جۇمىستارى جونىندە ۇسىنىس بەرۋ جانە دارىپتەمە ايتۋ.

  4) پارتيا ماجىلىستەرىندە پارتيانىڭ ءارقانداي ۇيىمىن جانە ءارقانداي مۇشەسىن دالەلدى تۇردە سىنداۋ، پارتياعا جاۋاپتى بولا وتىرىپ، پارتيانىڭ ءارقانداي ۇيىمىنىڭ جانە مۇشەسىنىڭ زاڭعا قايشىلىق ىستەپ، ءتارتىپتى بۇزعان ىستەرىن اشكەرەلەۋ، مالىمدەۋ، زاڭعا قايشىلىق ىستەپ، ءتارتىپتى بۇزعان پارتيا مۇشەلەرىنە شارا قولدانۋدى، قىزمەت ۇددەسىنەن شىعا الماعان كادرلاردى قىزمەتىنەن الۋدى نەمەسە اۋىستىرۋدى تالاپ ەتۋ.

  5) داۋىس بەرۋ، سايلاۋ ۇقىعىن جۇرگىزەدى جانە سايلانۋ ۇقىعى بولادى.

  6) پارتيا ۇيىمى پارتيا مۇشەسىنە پارتيانىڭ ءتارتىپ شاراسىن كورۋ نەمەسە پارتيا مۇشەسىن باعالاۋ جونىندە تالقىلاپ قارار شىعاراتىن كەزدە، سول پارتيا مۇشەسى تالقىعا قاتىناسۋعا جانە ءوزىن اقتاۋعا ۇقىقتى، باسقا پارتيا مۇشەسىنىڭ وعان كۋا بولۋىنا جانە ونى اقتاۋىنا بولادى.

  7) پارتيا قارارلارى مەن ساياساتتارىنا باسقاشا پىكىرى بولسا، ونى باتىل اتقارۋ العى شارتىمەن ءوز پىكىرىندە قالاتىندىعىن بىلدىرۋىنە، سونداي - اق ءوز پىكىرىن پارتيانىڭ جوعارى دارەجەلى ۇيىمىنا، ورتالىق كوميتەتكە دەيىن ايتۋىنا بولادى.

   8) پارتيانىڭ جوعارى دارەجەلى ۇيىمىنان ورتالىق كوميتەتىنە دەيىن تالاپ قويۋ، ارىز بەرۋ جانە شاعىم ايتۋ، سونداي - اق قاتىستى ۇيىمنان جاۋاپكەرشىلىكپەن جاۋاپ بەرۋدى تالاپ ەتۋ.

  پارتيانىڭ ءارقانداي دارەجەدەگى ۇيىمىنان تارتىپ ورتالىق كوميتەتىنە دەيىن پارتيا مۇشەلەرىن جوعارىدا ايتىلعان ۇقىقتارىنان ماقرۇم ەتۋگە ۇقىعى جوق.

  5 - تارماق پارتياعا مۇشە قابىلداعاندا، ساياسي ولشەمدى ماڭداي الدى ورىنعا قويىپ، پارتيا ياچەيكاسى ارقىلى قابىلداۋ، جەكە - جەكە قابىلداۋ پرينسيبىنە تاباندى بولۋ كەرەك.

  پارتياعا كىرۋگە ءوتىنىش بەرگەن ادام پارتياعا كىرۋ ەرىكتىلىك كەستەسىن تولتىرۋ، ونى پارتيانىڭ ەكى رەسمي مۇشەسى تانىستىرۋ، ياچەيكا جينالىسىنان جانە جوعارى دارەجەلى پارتيا ۇيىمىنىڭ بەكىتۋىنەن، سونداي - اق كانديداتتىق مەرزىمدەگى سىننان وتكىزۋ كەرەك، ول سوندا عانا پارتيانىڭ رەسمي مۇشەسى بولادى.

  تانىستىرۋشىلار ءوتىنىش بەرگەن ادامنىڭ يدەياسىن، ءمورالىن، كەشىرمەسىن جانە قىزمەتتەگى بەينەسىن شىن مانىندە ءبىلۋ، وعان پارتيا پروگرامماسى مەن پارتيا ۋستاۆىن ءتۇسىندىرۋ، پارتيا مۇشەسىنىڭ شارتىن، بورىشىن جانە ۇقىعىن ۇعىندىرۋ، سونداي - اق بۇل احۋالداردى پارتيا ۇيىمىنا جاۋاپتىلىقپەن مالىمدەۋ كەرەك.

  پارتيانىڭ ياچەيكا القاسى پارتياعا كىرۋگە ءوتىنىش بەرگەن ادام جونىندە پارتيانىڭ ءىشى - سىرتىنداعى قاتىستى بۇقارادان پىكىر الۋعا نازار اۋدارىپ، قاتاڭ تەكسەرىپ، تولىمدى دەپ قاراعان سوڭ بارىپ ياچەيكا جينالىسىنىڭ تالقىسىنا ۇسىنۋ كەرەك.

  جوعارى دارەجەلى پارتيا ۇيىمى ءوتىنىش بەرگەن ادامنىڭ پارتياعا كىرۋىن بەكىتۋدەن بۇرىن ونىمەن اڭگىمەلەسۋگە ادام جىبەرىپ، ونىڭ احۋالىن ىلگەرىلەي ۇعىسۋ، سونداي - اق ونىڭ پارتيا جونىندەگى تانىمىن وسىرۋىنە كومەكتەسۋ كەرەك.

  ەرەكشە جاعدايدا پارتيانىڭ ورتالىق، ولكەلىك، اۆتونوميالى رايوندىق، توتە قاراستى قالالىق كوميتەتتەرىنىڭ پارتياعا تىكەلەي مۇشە قابىلداۋىنا بولادى.

  6 - تارماق پارتيانىڭ كانديدات مۇشەسى پارتيا تۋى الدىندا پارتياعا كىرۋ سەرتىن بەرۋ كەرەك. سەرت مىناداي: مەن ءوز ەركىممەن جۇڭگو كوممۋنيستىك پارتياسىنا كىرەمىن، پارتيانىڭ باعدارناماسىن جاقتايمىن، پارتيانىڭ ۋستاۆىنا بويسۇنامىن، پارتيا مۇشەسىنىڭ بورىشىن وتەيمىن، پارتيانىڭ قاۋلىلارىن اتقارامىن، پارتيانىڭ تارتىبىنە قاتاڭ بويسۇنامىن، پارتيانىڭ قۇپيالىعىن ساقتايمىن، پارتياعا ادال بولامىن، جۇمىستى بەلسەندىلىكپەن ىستەيمىن، كوممۋنيزم ءۇشىن اقتىق دەمىمە دەيىن كۇرەسەمىن، پارتيا مەن حالىققا بارىمدى قۇربان ەتۋگە قاي - قاشان دا دايىنمىن، پارتياعا ەشقاشان دا وپاسىزدىق ىستەمەيمىن.

  7 - تارماق پارتيانىڭ كانديدات مۇشەسىنىڭ كانديداتتىق مەرزىمى ءبىر جىل بولادى. پارتيا ۇيىمى پارتيانىڭ كانديدات مۇشەسىن مۇقيات تاربيەلەۋ جانە سىناۋ كەرەك.

  پارتيانىڭ كانديدات مۇشەسىنىڭ بورىشى پارتيانىڭ رەسمي مۇشەسىنىكىمەن بىردەي بولادى. داۋىس بەرۋ، سايلاۋ جانە سايلانۋ ۇقىعى بولمايتىندىعىن ەسەپكە الماعاندا، پارتيانىڭ كانديدات مۇشەسىنىڭ ۇقىعى دا پارتيانىڭ رەسمي مۇشەسىنىكىمەن بىردەي بولادى.

  پارتيانىڭ كانديدات مۇشەسىنىڭ كانديداتتىق مەرزىمى تولعاندا، پارتيا ياچەيكاسى ونىڭ رەسمي مۇشە بولا الاتىن - المايتىندىعىن دەر كەزىندە تالقىلاۋ كەرەك. پارتيا مۇشەسىنىڭ بورىشىن مۇقيات وتەپ، پارتيا مۇشەسى بولۋ شارتىن تولتىرعاندارىن ءوز ۋاقىتىندا رەسمي پارتيا مۇشەسى ەتىپ قابىلداۋ كەرەك؛ ۇزدىكسىز سىناۋعا جانە تاربيەلەۋگە تيىستىلەرىنىڭ كانديداتتىق مەرزىمىن ۇزارتۋعا بولادى، ءبىراق ءبىر جىلدان اسىرماۋ كەرەك؛ پارتيا مۇشەسىنىڭ بورىشىن وتەمەگەندەرىن، پارتيا مۇشەسى بولۋ شارتىن تولتىرماعاندارىن پارتيانىڭ كانديدات مۇشەلىگىنەن قالدىرۋ كەرەك. پارتيانىڭ كانديدات مۇشەسىن رەسمي پارتيا مۇشەسى ەتىپ قابىلداۋدى، نە ونىڭ كانديداتتىق مەرزىمىن ۇزارتۋدى، نە ونى پارتيانىڭ كانديدات مۇشەلىگىنەن قالدىرۋدى ياچەيكا جينالىسىنىڭ تالقىلاپ ماقۇلداۋىنان جانە جوعارى دارەجەلى پارتيا ۇيىمىنىڭ بەكىتۋىنەن وتكىزۋ كەرەك.

  پارتيانىڭ كانديدات مۇشەسىنىڭ كانديداتتىق مەرزىمى ياچەيكا جينالىسى ونىڭ پارتيانىڭ كانديدات مۇشەسى بولۋىن ماقۇلداعان كۇننەن باستاپ ەسەپتەلەدى. پارتيا مۇشەسىنىڭ پارتيالىق ستاجى كانديداتتىق مەرزىمى تولىپ، پارتيانىڭ رەسمي مۇشەسى بولعان كۇننەن باستاپ ەسەپتەلەدى.

  8 - تارماق پارتيانىڭ ءاربىر مۇشەسى قىزمەتىنىڭ جوعارى - تومەن بولۋىنا قاراماي، پارتيانىڭ ءبىر ياچەيكاسىندا، ءبىر گرۋپپاسىندا نەمەسە باسقا دا ارناۋلى ۇيىمىندا بولىپ، پارتيانىڭ ۇيىمدىق تۇرمسىنا قاتىناسۋ، پارتيانىڭ ءىشى - سىرتىنداعى بۇقارانىڭ باقىلاۋىن قابىلداۋ كەرەك. پارتيالى باسشى كادرلار پارتكومنىڭ، پارتگرۋپپانىڭ دەموكراتيالىق تۇرمىس ماجىلىسىنە دە قاتىناسۋى ءتيىس. پارتيانىڭ ۇيىمدىق تۇرمىسىنا قاتىناسپايتىن، پارتيانىڭ ءىشى - سىرتىنداعى بۇقارانىڭ باقىلاۋىن قابىلدامايتىن ءارقانداي ەرەكشە پارتيا مۇشەسىنىڭ بولۋىنا جول بەرىلمەيدى.

  9 - تارماق پارتيا مۇشەسىندە پارتيادان شىعۋ ەركىندىگى بولادى. پارتيا مۇشەسى پارتيادان شىعۋدى تالاپ ەتكەندە، ياچەيكا جينالىسىنىڭ تالقىسىنان وتكىزگەن سوڭ، ونى تىزىمنەن شىعارۋ جانە پارتيانىڭ جوعارى دارەجەلى ۇيىمىنا جولداپ ەستەلىككە الدىرۋ ءتيىس.

  پارتيا مۇشەسىندە توڭكەرىستىك جىگەر بولماسا، پارتيا مۇشەسىنىڭ بورىشىن وتەمەسە، پارتيا مۇشەسىندىك شارتقا لايىقسىز بولسا، پارتيا ياچەيكاسى وعان تاربيە بەرىپ، كەسىكتى ۋاقىت ىشىندە وزگەرتۋىن تالاپ ەتۋ؛ تاربيە بەرىلسە دە وزگەرتپەسە، ونى ءناسيحاتتاپ پارتيادان شىعارۋ كەرەك. پارتيا مۇشەسىن ءناسيحاتتاپ پارتيادان شىعارۋدى پارتيا ياچەيكاسى جينالىسىنىڭ تالقىلاپ شەشىم جاساۋىنان وتكىزۋ جانە پارتيانىڭ جوعارى دارەجەلى ۇيىمىنا بەكىتتىرۋ كەرەك. ەگەر ناسيحاتپەن پارتيادان شىعارىلاتىن پارتيا مۇشەسى پارتيادان شىقپايمىن دەپ تۇرىپ السا، پارتيا ياچەيكاسى جينالىسىنىڭ تالقىسىنا ۇسىنىپ، ونى تىزىمنەن شىعارۋدى ۇيعارۋ جانە پارتيانىڭ جوعارى دارەجەلى ۇيىمىنا بەكىتتىرۋ كەرەك.
 پارتيا مۇشەسى ەگەر ورىندى سەبەبى بولماي، ۇدايى 6 اي پارتيانىڭ ۇيىمدىق تۇرمىسىنا قاتىناسپاسا، نە پارتيا جارناسىن تاپسىرماسا، نە پارتيا بەرگەن جۇمىستى ىستەمەسە، پارتيادان وزدىگىنەن قول ۇزگەن بولىپ ەسەپتەلەدى. ياچەيكا جينالىسى مۇنداي پارتيا مۇشەسىن تىزىمنەن شىعارۋدى ۇيعارۋ جانە پارتيانىڭ جوعارى دارەجەلى ۇيىمىنا بەكىتتىرۋ كەرەك.

  ەكىنشى تاراۋ پارتيانىڭ ۇيىمدىق ءتۇزىمى 

        10- تارماق پارتيا ءوزىنىڭ باعدارناماسى مەن ۋستاۆىن نەگىزگە الا وتىرىپ، دەموكراتيالىق ورتالىقتاندىرۋ ءتۇزىمى بويىنشا ۇيىمداسقان تۇتاس تۇلعا. پارتيانىڭ دەموكراتيالىق ورتالىقتاندىرۋ ءتۇزىمىنىڭ نەگىزگى پرينسيپتەرى مىناداي:

  1) پارتيا مۇشەسى پارتيا ۇيىمىنا، ازشىلىق كوپشىلىككە، تومەن دارەجەلى ۇيىمدار جوعارى دارەجەلى ۇيىمدارعا، بۇكىل پارتياداعى ۇيىمدار جانە بارلىق پارتيا مۇشەلەرى پارتيانىڭ مەملەكەتتىك قۇرىلتايى مەن ورتالىق كوميتەتىنە بويسۇنادى.

  2) پارتيانىڭ ءار دارەجەلى باسشى ورگاندارى، وزدەرى قويعان ۋاكىلدىك ورگاندارى مەن پارتيا ۇيىمىنان باسقا ۇيىمدارداعى پارتگرۋپپالاردى ەسەپكە الماعاندا، سايلاۋ ارقىلى جارىققا شىعادى.

  3) پارتيانىڭ ەڭ جوعارى باسشى ورگانى − پارتيانىڭ مەملەكەتتىك قۇرىلتايى جانە ول سايلاعان ورتالىق كوميتەت. پارتيانىڭ جەرگىلىكتى ءار دارەجەلى باسشى ورگاندارى − پارتيانىڭ ءار دارەجەلى قۇرىلتايلارى جانە ولار سايلاعان كوميتەتتەر. پارتيانىڭ ءار دارەجەلى كوميتەتتەرى وزىمەن دارەجەلەس قۇرىلتايلار الدىندا جاۋاپتى بولادى ءارى وعان قىزمەتىنەن ەسەپ بەرەدى.

  4) پارتيانىڭ جوعارى دارەجەلى ۇيىمدارى تومەن دارەجەلى ۇيىمدار مەن پارتيالى بۇقارانىڭ پىكىرلەرىنە ۇنەمى قۇلاق اسىپ، ولار العا قويعان ماسەلەلەردى دەر كەزىندە شەشىپ وتىرۋ كەرەك. پارتيانىڭ تومەن دارەجەلى ۇيىمدارى جوعارى دارەجەلى ۇيىمدارىنان ءوز قىزمەتتەرى جونىندە نۇسقاۋ سۇراۋ جانە ولارعا قىزمەتىنەن ەسەپ بەرىپ وتىرۋ ءارى ءوز مىندەتتەرى كولەمىندەگى ماسەلەلەردى جاۋاپكەرلىكپەن دەربەس شەشىپ وتىرۋى كەرەك. جوعارى دارەجەلى ۇيىمدار مەن تومەن دارەجەلى ۇيىمدار ءبىر - بىرىمەن حابارلاسىپ، ءبىرىن - ءبىرى قولداپ جانە باقىلاپ وتىرۋ كەرەك. پارتيانىڭ ءار دارەجەلى ۇيىمدارى بەلگىلەمە بويىنشا پارتيا ىستەرىن جاريا ەتىپ، پارتيا مۇشەلەرىن پارتيا ىشىندەگى جۇمىستاردان ءتىپتى كوبىرەك حاباردار ەتىپ وتىرۋى جانە وعان قاتىناستىرۋى كەرەك.

  5) پارتيانىڭ ءار دارەجەلى كوميتەتتەرى كوللەكتيۆ باسشىلىق پەن جەكەلەردىڭ جۇمىستى ءبولىسىپ الىپ جاۋاپتى بولۋىن ۇشتاستىرۋ ءتۇزىمىن اتقارادى. بارلىق كەلەلى ماسەلەلەر جونىندە كوللەكتيۆ باسشىلىق ەتۋ، دەموكراتيالىق ورتالىقتاندىرۋ، ايىرىم اقىلداسۋ، ماجىلىستە قاۋلى شىعارۋ پرينسيبىنە ساي، پارتيا كوميتەتى كوللەكتيۆ تالقىلاۋ ارقىلى قاۋلى شىعارۋ كەرەك؛ كوميتەتتىڭ قۇرامىنداعىلار كوللەكتيۆتىڭ قاۋلىسى مەن جۇمىس ءبولىسى بويىنشا، ءوز مىندەتىن شىنايى اتقارۋ كەرەك.

  6) پارتيا ءارقانداي فورماداعى جەكەگە تابىنۋشىلىققا تيىم سالادى. پارتيا باسشىلارىنىڭ ءىس - ارەكەتىنىڭ پارتيا مەن حالىقتىڭ باقىلاۋىندا بولۋىنا كەپىلدىك ەتۋ، سونىمەن بىرگە پارتيا مەن حالىقتىڭ مۇددەسىنە ۋاكىلدىك ەتەتىن بارلىق باسشىنىڭ بەدەلىن قورعاۋ كەرەك.

  11 - تارماق پارتيانىڭ ءار دارەجەلى قۇرىلتايلارىنىڭ ۋاكىلدەرى مەن كوميتەتتەرىن سايلاۋدا سايلاۋشىلاردىڭ ەركى ايگىلەنۋ كەرەك. سايلاۋدا جاسىرىن داۋىس بەرۋ ءتاسىلى قولدانىلادى. كانديداتتار ەسىمدىگىن پارتيا ۇيىمدارى مەن سايلاۋشىلار تولىق كەڭەسىپ، تالقىلاۋ كەرەك. كانديدات سانى سايلانۋعا ءتيىستى ادام سانىنان كوبىرەك بولاتىن پارىقتى سانىمەن سايلاۋ ءادىسىن تىكەلەي قولدانىپ، رەسمي سايلاۋ وتكىزۋگە بولادى. الدىمەن پارىقتى سانمەن سايلاۋ جولىمەن دايىندىق سايلاۋ وتكىزۋ ارقىلى كانديدات سايلاپ، ونان سوڭ رەسمي س−ايلاۋ وت−كىزۋگە دە بولادى. سايلاۋشىلار كانديداتتاردىڭ احۋالىن ۇعىسۋعا، كانديداتتاردى اۋىستىرۋدى تالاپ ەتۋگە، كانديداتتاردىڭ قاي - قايسىسىن دا سايلاماۋعا جانە باسقا ادام سايلاۋعا ۇقىقتى. ءارقانداي ۇيىمنىڭ جانە جەكەنىڭ ءارقانداي تاسىلمەن سايلاۋشىلاردى پالەن بىرەۋدى سايلاۋعا نەمەسە سايلاماۋعا ماجبۇرلەۋىنە بولمايدى.

  پارتيانىڭ جەرگىلىكتى ءار دارەجەلى قۇرىلتايلارى مەن نەگىزگى ساتى قۇرىلتايلارىنىڭ سايلاۋىندا پارتيا ۋستاۆىنا قايشى جايتتەر تۋىلسا، پارتيانىڭ ءبىر دارەجە جوعارى كوميتەتى تەكسەرىپ انىقتاعاننان كەيىن، سايلاۋدى كۇشىنەن قالدىرۋ جانە سايكەستى شارا قولدانۋ جونىندە ۇيعارىم جاساۋ، سونداي - اق ونى تاعى ءبىر دارەجە جوعارى پارتيا كوميتەتىنىڭ تەكسەرىپ - بەكىتۋىنەن وتكىزگەن سوڭ، رەسمي جاريالاپ اتقارۋ كەرەك.

  پارتيانىڭ ءار دارەجەلى قۇرىلتايلارىنىڭ ۋاكىلدەرى جونىنەن مەرزىمدى مىندەت وتەۋ ءتۇزىمى قولدانىلادى.

  12 - تارماق پارتيانىڭ ورتالىق كوميتەتى جانە جەرگىلىكتى ءار دارەجەلى كوميتەتتەرى قاجەت تاپقان كەزدە ۋاكىلدەر ءماجىلىسىن شاقىرىپ، ۋاعىندا شەشۋگە ءتيىستى كەلەلى ماسەلەلەردى تالقىلايدى جانە ول جونىندە شەشىم جاسايدى. ۋاكىلدەر ءماجىلىسى ۋاكىلدەرىنىڭ سانىن جانە ولاردى سايلاۋ ءادىسىن ۋاكىلدەر ءماجىلىسىن شاقىرعان كوميتەت بەلگىلەيدى.

  13 - تارماق پارتيانىڭ جاڭا ۇيىمىن قۇرۋدى نەمەسە بۇرىنعى بار ۇيىمىن كۇشىنەن قالدىرۋدى جوعارى دارەجەلى پارتيا ۇيىمى بەلگىلەۋ كەرەك.

  پارتيانىڭ جەرگىلىكتى ءار دارەجەلى قۇرىلتايلارى جانە نەگىزگى ساتى قۇرىلتايلارى جابىق كەزدە جوعارى دارەجەلى پارتيا ۇيىمى قاجەت دەپ قاراسا، تومەن دارەجەلى پارتيا ۇيىمىنىڭ جاۋاپتى ادامىن اۋىستىرۋىنا نەمەسە وعان جاۋاپتى ادام جىبەرۋىنە بولادى.

  پارتيانىڭ ورتالىق كوميتەتىنىڭ جانە جەرگىلىكتى ءار دارەجەلى كوميتەتتەرىنىڭ ۋاكىلدىك ورگان قويۋىنا بولادى.

  14 - تارماق پارتيانىڭ ورتالىق كوميتەتى جانە ولكەلىك، اۆتونوميالى رايوندىق، توتە قاراستى قالالىق كوميتەتتەرى شارلاۋ ءتۇزىمىن اتقارادى، ءبىر كەزەك مىندەت وتەۋ مەرزىمىندە، باسقارۋىنداعى جەرلەردىڭ، تاراۋلاردىڭ، كاسىپورىنداردىڭ، ءىسورىنداردىڭ پارتيا ۇيىمدارىن تولىق شارلاپ شىعادى.

  ورتالىقتىڭ قاتىستى بولىمدەرى مەن كوميتەتتەرىنىڭ جانە مەملەكەتتىك ورگاندار مەن تاراۋلاردىڭ پارتگرۋپپالارى (پارتكومدارى) قىزمەت قاجەتىنە قاراي، شارلاۋ قىزمەتىن ورىستەتەدى.

  پارتيانىڭ قالالىق (ايماق، وبلىس، امىك) جانە اۋداندىق (قالا، رايون، حوشۇن) كوميتەتتەرى شارلاۋ ءتۇزىمىن ورناتادى.

  15 - تارماق پارتيانىڭ ءار دارەجەلى باسشى ورگاندارى تومەن دارەجەلى ۇيىمدارعا قاتىستى ماڭىزدى ماسەلەلەر جونىندە شەشىم جاساعان كەزدە، ادەتتەگى جاعدايدا، تومەن دارەجەلى ۇيىمداردىڭ پىكىرىن الۋ كەرەك. تومەن دارەجەلى ۇيىمداردىڭ ءوز قىزمەت ۇقىقتارىن قالىپتى جۇرگىزۋىن قامتاماسىز ەتۋ كەرەك. تومەن دارەجەلى ۇيىمدار ءبىر جايلى ەتۋگە ءتيىستى ماسەلەلەرگە، ەرەكشە جاعداي بولماسا، جوعارى دارەجەلى باسشىلىق ورگان كيلىكپەۋ كەرەك.

  16 - تارماق مەملەكەتتىك سيپات العان كەلەلى ساياساتتىق ماسەلەلەر تۋرالى پارتيا ورتالىق كوميتەتىنىڭ عانا شەشىم جاساۋ ۇقىعى بار، تاراۋلارداعى، جەر - جەردەگى پارتيا ۇيىمدارىنىڭ ورتالىق كوميتەتكە ۇسىنىس بەرۋىنە بولادى، ءبىراق ءوز الدىنا شەشىم جاساۋىنا جانە سىرتقا قاراتا قۋاتتاما جاريالاۋىنا بولمايدى.

  پارتيانىڭ تومەن دارەجەلى ۇيىمى جوعارى دارەجەلى ۇيىمىنىڭ شەشىمىن باتىل اتقارۋ قاجەت. تومەن دارەجەلى ۇيىم جوعارى دارەجەلى ۇيىمىنىڭ شەشىمىن ءوز جەرىنىڭ، ءوز تاراۋىنىڭ ءىس جۇزىندىك جاعدايىنا سايكەسپەيدى دەپ ەسەپتەسە، ونى وزگەرتۋدى ءوتىنىش ەتۋىنە بولادى؛ ەگەر جوعارى دارەجەلى ۇيىم سول شەشىمدى اتقارا بەرۋ قاجەت دەپ تاپسا، تومەن دارەجەلى ۇيىم ونى اتقارۋ قاجەت ءارى باسقاشا پىكىرىن اشىق جاريالاۋىنا بولمايدى، ءبىراق تاعى ءبىر دارەجە جوعارى ۇيىمعا احۋالدى مالىمدەۋگە ۇقىقتى.

       پارتيانىڭ ءار دارەجەلى ۇيىمدارىنىڭ گازەت - جۋرنالدارى جانە باسقا دا ۇگىت قۇرالدارى پارتيانىڭ لۋشيانىن، باعىتىن، ساياساتىن جانە قارارىن ۇگىتتەۋ كەرەك.

  17 - تارماق پارتيا ۇيىمى ماسەلەلەردى تالقىلاپ قاۋلى شىعارعاندا، ازشىلىق كوپشىلىككە بويسۇنۋ پرينسيبىن اتقارۋ كەرەك. كەلەلى ماسەلەلەر جونىندە قاۋلى شىعارعاندا، داۋىسقا سالۋ كەرەك. ازشىلىقتىڭ باسقاشا پىكىرىن مۇقيات ەسكەرۋ كەرەك. ەگەر كەلەلى ماسەلە ۇستىندە تالاسقان ەكى جاقتىڭ ادام سانى قارايلاس بولسا، كوپشىلىكتىڭ پىكىرى بويىنشا اتقارۋعا تۋرا كەلەتىن شۇعىل جاعدايدى ەسەپكە الماعاندا، قاۋلى شىعارۋدى كەشەۋىلدەتە تۇرىپ، ىلگەرىلەي تەكسەرىپ - زەرتتەپ، پىكىر اۋىستىرىپ، كەلەسى جولى قايتا داۋىسقا سالۋ كەرەك؛ ەرەكشە جاعدايدا، تالاستىڭ ءمان - جايىن جوعارى دارەجەلى ۇيىمعا مالىمدەپ، تورەلىك ايتۋدى ءوتىنىش ەتۋىنە بولادى.

  پارتيا مۇشەسى پارتيا ۇيىمى اتىنان ماڭىزدى قۋاتتاما جاريالاردا، پارتيا ۇيىمىنىڭ قاۋلىسى كولەمىنەن شىعىپ كەتۋگە تۋرا كەلسە، ءوزى تۇرعان پارتيا ۇيىمىنىڭ تالقىلاپ، ۇيعارۋىنا ۇسىنۋ نەمەسە جوعارى دارەجەلى پارتيا ۇيىمىنان نۇسقاۋ سۇراۋ كەرەك. قىزمەت ورنى مەيلى جوعارى، مەيلى تومەن بولسىن، پارتيانىڭ ءارقانداي مۇشەسىنىڭ كەلەلى ماسەلەلەر جونىندە ءوز الدىنا شەشىم جاساۋىنا بولمايدى؛ ەگەر شۇعىل جاعداي بولىپ، ءوز الدىنا شەشىم جاساۋعا تۋرا كەلسە، سوڭىنان پارتيا ۇيىمىنا دەرەۋ مالىمدەۋ كەرەك. ءارقانداي باسشىنىڭ باسا بيلەۋشىلىك ىستەۋىنە جانە ءوزىن ۇيىمىنان جوعارى قويۋىنا جول بەرىلمەيدى.

  18 - تارماق پارتيانىڭ ورتالىق، جەرگىلىكتى جانە نەگىزگى ساتى ۇيىمدارى پارتيانىڭ قۇرىلىسىنا ءمان بەرۋ، پارتيانىڭ ۇگىت قىزمەتىن، ءتالىم - تاربيە قىزمەتىن، ۇيىمداستىرۋ قىزمەتىن، ءتارتىپ تەكسەرۋ قىزمەتىن، بۇقارالىق قىزمەتىن، بىرلىكساپ قىزمەتىن، ت.ت. ۇنەمى تالقىلاپ جانە تەكسەرىپ وتىرۋ، پارتيانىڭ ءىشى - سىرتىنداعى يدەيالىق - ساياسي جاعدايلاردى زەرتتەۋگە نازار اۋدارۋ كەرەك.

  ءۇشىنشى تاراۋ پارتيانىڭ ورتالىق ۇيىمدارى 

  19 - تارماق پارتيانىڭ مەملەكەتتىك قۇرىلتايى 5 جىلدا ءبىر رەت وتكىزىلەدى، ونى ورتالىق كوميتەت شاقىرادى. ورتالىق كوميتەت قاجەت دەپ تاپسا نەمەسە ولكە دارەجەلى ۇيىمداردىڭ ۇشتەن بىرىنەن استامى تالاپ ەتسە، مەملەكەتتىك قۇرىلتايدى مەرزىمنەن بۇرىن وتكىزۋگە بولادى؛ ەرەكشە احۋال بولماسا، مەرزىمىنەن كەشىكتىرىلمەيدى.

  مەملەكەتتىك قۇرىلتايدىڭ ۋاكىل سانى مەن ولاردى سايلاۋ ءادىسىن ورتالىق كوميتەت بەلگىلەيدى.

  20 - تارماق پارتيانىڭ مەملەكەتتىك قۇرىلتايىنىڭ قىزمەت ۇقىقتارى مىناۋ:

  1) ورتالىق كوميتەتتىڭ بايانداماسىن تىڭداۋ جانە قاراۋ؛

  2) ورتالىق ءتارتىپ تەكسەرۋ كوميتەتىنىڭ بايانداماسىن قاراۋ؛

  3) پارتياداعى كەلەلى ماسەلەلەردى تالقىلاۋ جانە ول جونىندە قاۋلى شىعارۋ؛

  4) پارتيا ۋستاۆىنا وزگەرىستەر ەنگىزۋ؛

  5) ورتالىق كوميتەتتى سايلاۋ؛

  6) ورتالىق ءتارتىپ تەكسەرۋ كوميتەتىن سايلاۋ؛

  21 - تارماق پارتيانىڭ مەملەكەتتىك ۋاكىلدەر ءماجىلىسىنىڭ قىزمەت ۇقىعى مىناۋ: كەلەلى ماسەلەلەردى تالقىلاۋ جانە ول جونىندە قاۋلى شىعارۋ؛ ورتالىق كوميتەتتىڭ، ورتالىق ءتارتىپ تەكسەرۋ كوميتەتىنىڭ ءىشىنارا مۇشەلەرىن رەتكە سالۋ جانە تولىقتىرىپ سايلاۋ. ورتالىق كوميتەتتىڭ رەتكە سالىنعان جانە تولىقتىرىپ سايلانعان مۇشەلەرى مەن كانديدات مۇشەلەرىنىڭ سانى پارتيانىڭ مەملەكەتتىك قۇرىلتايى سايلاعان ورتالىق كوميتەت مۇشەلەرى مەن كانديدات مۇشەلەرىنىڭ جەكە - جەكە جالپى سانىنىڭ بەستەن بىرىنەن اسپاۋى ءتيىس.

  22 - تارماق پارتيا ورتالىق كوميتەتىنىڭ ءار كەزەگىنىڭ مىندەت وتەۋ مەرزىمى 5 جىل بولادى. مەملەكەتتىك قۇرىلتاي مەرزىمىنەن بۇرىن نەمەسە كەشىكتىرىلىپ وتكىزىلسە، ونىڭ مىندەت وتەۋ مەرزىمى سايكەستى تۇردە وزگەرەدى. ورتالىق كوميتەتتىڭ مۇشەلەرى مەن كانديدات مۇشەلەرىنىڭ پارتيالىق ستاجى 5 جىلدان جوعارى بولۋ كەرەك. ورتالىق كوميتەتتىڭ مۇشەلەرى مەن كانديدات مۇشەلەرىنىڭ سانىن مەملەكەتتىك قۇرىلتاي بەلگىلەيدى. ورتالىق كوميتەت مۇشەلەرىنىڭ ورنى بوس قالسا، بوس ورىن يە بولعان داۋىس سانىنا قاراي ورتالىق كوميتەتتىڭ كانديدات مۇشەلەرىمەن تولىقتىرىلادى.

  ورتالىق كوميتەتتىڭ جالپى ءماجىلىسىن ورتالىق كوميتەتتىڭ ساياسي بيۋروسى شاقىرادى، ول جىلىنا كەمىندە ءبىر رەت وتكىزىلەدى. ورتالىق كوميتەتتىڭ ساياسي بيۋروسى ورتالىق كوميتەتتىڭ جالپى ماجىلىسىنە قىزمەتىنەن ەسەپ بەرەدى، ونىڭ باقىلاۋىن قابىلدايدى.

  مەملەكەتتىك قۇرىلتاي جابىق كەزدە ورتالىق كوميتەت مەملەكەتتىك قۇرىلتايدىڭ قارارلارىن اتقارادى، پارتيانىڭ بارلىق قىزمەتىنە باسشىلىق ەتەدى، سىرتقا قاراتا جۇڭگو كوممۋنيستىك پارتياسىنا ۋاكىلدىك ەتەدى.

  23 - تارماق پارتيا ورتالىق كوميتەتىنىڭ ساياسي بيۋروسىن، ورتالىق كوميتەت ساياسي بيۋروسىنىڭ تۇراقتى كوميتەتىن جانە ورتالىق كوميتەتتىڭ باس شۋجيىن ورتالىق كوميتەتتىڭ جالپى ءماجىلىسى سايلايدى. ورتالىق كوميتەتتىڭ باس شۋجيى ورتالىق كوميتەت ساياسي بيۋروسى تۇراقتى كوميتەتىنىڭ مۇشەلەرى اراسىنان سايلانادى.

  ورتالىق كوميتەتتىڭ ساياسي بيۋروسى جانە ونىڭ تۇراقتى كوميتەتى ورتالىق كوميتەتتىڭ جالپى ءماجىلىسى جابىق كەزدە ورتالىق كوميتەتتىڭ قىزمەت ۇقىقتارىن جۇرگىزەدى.

  ورتالىق كوميتەتتىڭ شۋجيچۋى − ورتالىق كوميتەت ساياسي بيۋروسىنىڭ جانە ونىڭ تۇراقتى كوميتەتىنىڭ ءىس باسقارۋ ورگانى؛ ونىڭ قۇرامىنداعىلاردى ورتالىق كوميتەت ساياسي بيۋروسىنىڭ تۇراقتى كوميتەتى كورسەتىپ، ورتالىق كوميتەتتىڭ جالپى ءماجىلىسى ماقۇلدايدى.

  ورتالىق كوميتەتتىڭ باس شۋجيى ورتالىق كوميتەت ساياسي بيۋروسىنىڭ ءماجىلىسىن جانە ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسىن شاقىرۋعا جاۋاپتى بولادى ءارى ورتالىق كوميتەت شۋجيچۋىنىڭ قىزمەتىن باسقارادى.

  پارتيانىڭ ورتالىق اسكەري ىستەر كوميتەتىنىڭ قۇرامىنداعىلاردى ورتالىق كوميتەت بەلگىلەيدى، ورتالىق اسكەري ىستەر كوميتەتى ءتوراعا جاۋاپتى بولۋ ءتۇزىمىن جۇرگىزەدى.

  ءار كەزەكتى ورتالىق كوميتەت سايلاپ شىققان ورتالىق كوميتەت باسشى ورگاندارى مەن ورتالىق كوميتەت باسشىلارى پارتيانىڭ ۇنەمىلىك قىزمەتتەرىن كەلەسى كەزەكتى مەملەكەتتىك قۇرىلتاي اشىلعان مەزگىلدە، كەلەسى كەزەكتى ورتالىق كوميتەتتىڭ جاڭا باسشى ورگاندارى مەن باسشىلارىن سايلاپ شىققانعا دەيىن باسقارا بەرەدى.

      24 - تارماق جۇڭگو حالىق ازاتتىق ارمياسىنداعى پارتيا ۇيىمدارى ورتالىق كوميتەتتىڭ نۇسقاۋى بويىنشا قىزمەت ىستەيدى. ورتالىق اسكەري ىستەر كوميتەتى ارمياداعى پارتيالىق قىزمەت پەن ساياسي قىزمەتتى باسقارۋعا جاۋاپتى بولادى، ارمياداعى پارتيانىڭ ۇيىمدىق ءتۇزىلىسى مەن ورگاندارى جونىندە بەلگىلەمە شىعارادى.

  ءتورتىنشى تاراۋ پارتيانىڭ جەرگىلىكتى ۇيىمدارى 

      25- تارماق پارتيانىڭ ولكەلىك، اۆتونوميالى رايوندىق، توتە قاراستى قالالىق، رايوندارعا بولىنگەن قالالىق جانە اۆتونوميالى وبلىستىق، اۋداندىق (حوشۇندىق)، اۆتونوميالى اۋداندىق، رايوندارعا بولىنبەگەن قالالىق جانە قالالارعا قاراستى رايوندىق قۇرىلتايلارى 5 جىلدا ءبىر رەت وتكىزىلەدى.

  پارتيانىڭ جەرگىلىكتى ءار دارەجەلى قۇرىلتايلارىن سول دارەجەلى پارتيا كوميتەتتەرى شاقىرادى. ەرەكشە جاعدايدا، ءبىر دارەجە جوعارى كوميتەتتىڭ بەكىتۋى ارقىلى مەرزىمىنەن بۇرىن نەمەسە كەشىكتىرىپ وتكىزۋگە بولادى.

  پارتيانىڭ جەرگىلىكتى ءار دارەجەلى قۇرىلتايلارىنىڭ ۋاكىل سانىن جانە ولاردى سايلاۋ ءادىسىن سول دارەجەلى پارتيا كوميتەتتەرى بەلگىلەيدى جانە پارتيانىڭ ءبىر دارەجە جوعارى كوميتەتىنە بەكىتتىرەدى.

  26 - تارماق پارتيانىڭ جەرگىلىكتى ءار دارەجەلى قۇرىلتايلارىنىڭ قىزمەت ۇقىقتارى مىناۋ:

  1) وزىمەن دارەجەلەس كوميتەتتىڭ بايانداماسىن تىڭداۋ جانە قاراۋ؛

  2) وزىمەن دارەجەلەس ءتارتىپ تەكسەرۋ كوميتەتىنىڭ بايانداماسىن قاراۋ؛

  3) ءوز رايونى كولەمىندەگى كەلەلى ماسەلەلەردى تالقىلاۋ جانە ول تۋرالى قارار شىعارۋ؛

  4) پارتيانىڭ وزىمەن دارەجەلەس كوميتەتىن، وزىمەن دارەجەلەس ءتارتىپ تەكسەرۋ كوميتەتىن سايلاۋ.

  27 - تارماق پارتيانىڭ ولكەلىك، اۆتونوميالى رايوندىق، توتە قاراستى قالالىق، رايوندارعا بولىنگەن قالالىق جانە اۆتونوميالى وبلىستىق كوميتەتتەرىنىڭ ءار كەزەگىنىڭ مىندەت وتەۋ مەرزىمى 5 جىل بولادى. بۇل كوميتەتتەردىڭ مۇشەلەرى مەن كانديدات مۇشەلەرىنىڭ پارتيالىق ستاجى 5 جىلدان جوعارى بولۋ كەرەك.

  پارتيانىڭ اۋداندىق (حوشۇن)، اۆتونوميالى اۋداندىق، رايوندارعا بولىنبەگەن قالالىق جانە قالالارعا قاراستى رايوندىق كوميتەتتەرىنىڭ ءار كەزەگىنىڭ مىندەت وتەۋ مەرزىمى 5 جىل بولادى. بۇل كوميتەتتەردىڭ مۇشەلەرى مەن كانديدات مۇشەلەرىنىڭ پارتيالىق ستاجى 3 جىلدان جوعارى بولۋ كەرەك.

  پارتيانىڭ جەرگىلىكتى ءار دارەجەلى قۇرىلتايلارى مەرزىمىنەن بۇرىن نەمەسە كەشىكتىرىلىپ وتكىزىلسە، ول سايلاعان كوميتەتتىڭ مىندەت وتەۋ مەرزىمى سوعان سايكەس وزگەرەدى.

  پارتيانىڭ جەرگىلىكتى ءار دارەجەلى كوميتەتتەرىنىڭ مۇشەلەرى مەن كانديدات مۇشەلەرىنىڭ سانىن وزىنەن ءبىر دارەجە جوعارى كوميتەتتەر جەكە - جەكە بەلگىلەيدى. پارتيانىڭ جەرگىلىكتى ءار دارەجەلى كوميتەت مۇشەلەرىنىڭ ورنى بوس قالسا، يە بولعان داۋىس سانىنا قاراي كاندايدات مۇشەلەرىمەن تولىقتىرىلادى.

  پارتيانىڭ جەرگىلىكتى ءار دارەجەلى كوميتەتتەرىنىڭ جالپى ءماجىلىسى جىلىنا، كەمىندە، 2 رەت شاقىرىلادى.

  پارتيانىڭ جەرگىلىكتى ءار دارەجەلى كوميتەتتەرى قۇرىلتاي جابىق كەزدە جوعارى دارەجەلى پارتيا ۇيىمدارىنىڭ نۇسقاۋلارىن جانە وزىمەن دارەجەلەس پارتيا قۇرىلتايلارىنىڭ قارارلارىن اتقارادى، ءوز جەرىنىڭ قىزمەتىنە باسشىلىق ەتەدى، مەرزىم بويىنشا جوعارى دارەجەلى پارتيا كوميتەتىنە قىزمەتىنەن ەسەپ بەرىپ وتىرادى.

  28 - تارماق پارتيانىڭ جەرگىلىكتى ءار دارەجەلى كوميتەتتەرىنىڭ جالپى ءماجىلىسى تۇراقتى كوميتەتتى، شۋجي مەن شۋجيدىڭ ورىنباسارلارىن سايلايدى جانە پارتيانىڭ جوعارى دارەجەلى كوميتەتتەرىنە جولداپ بەكىتتىرەدى، پارتيانىڭ جەرگىلىكتى ءار دارەجەلى كوميتەتتەرىنىڭ تۇراقتى كوميتەتتەرى كوميتەتتىڭ جالپى ءماجىلىسى جابىق كەزدە كوميتەتتىڭ قىزمەت ۇقىقتارىن جۇرگىزەدى؛ ۇنەمىلىك قىزمەتتەردى كەلەسى كەزەكتى قۇرىلتاي اشىلعان مەزگىلدە، جاڭا تۇراقتى كوميتەت سايلانىپ شىققانعا دەيىن باسقارا بەرەدى.

  پارتيانىڭ جەرگىلىكتى ءار دارەجەلى كوميتەتتەرىنىڭ تۇراقتى كوميتەتى مەرزىم بويىنشا كوميتەتتىڭ جالپى ماجىلىسىنە قىزمەتىنەن ەسەپ بەرەدى، ونىڭ باقىلاۋىن قابىلدايدى.

     29 - تارماق پارتيانىڭ ايماقتىق كوميتەتتەرى جانە ايماقتىق كوميتەتتەرىمەن قارايلاس ۇيىمدارى − پارتيانىڭ ولكەلىك، اۆتونوميالى رايوندىق كوميتەتتەرىنىڭ بىرنەشە اۋدان، اۆتونوميالى اۋدان، قالا كولەمىندە قۇرعان ۋاكىلدىك ورگانى. ول ولكەلىك، اۆتونوميالى رايوندىق كوميتەتتەر بەرگەن ۇقىققا ساي، ءوز ايماعىنىڭ قىزمەتىنە باسشىلىق ەتەدى.

  بەسىنشى تاراۋ پارتيانىڭ نەگىزگى ساتى ۇيىمدارى 

  30 - تارماق كاسىپورىن، اۋىل - قىستاق، مەكەمە - ورگان، مەكتەپ، عىلىم اكادەميالارى مەن زەرتتەۋ ورىندارى، ءمالى، الەۋمەتتىك اۋماق، قوعامدىق ۇيىمدار، حالىق ازاتتىق ارمياسىنىڭ ليان - دۇيلەرى جانە باسقا نەگىزگى ساتى ورىندار، ۇشتەن ارتىق رەسمي پارتيا مۇشەسى بولسا، پارتيانىڭ نەگىزگى ساتى ۇيىمدارىن قۇرۋعا ءتيىس.

  پارتيانىڭ نەگىزگى ساتى ۇيىمدارى قىزمەتتىڭ قاجەتىنە جانە پارتيا مۇشەلەرىنىڭ سانىنا قاراي، جوعارى دارەجەلى پارتيا ۇيىمىنىڭ بەكىتۋى ارقىلى پارتيانىڭ نەگىزگى ساتى كوميتەتىن، باس ياچەيكا القاسىن، ياچەيكا القاسىن جەكە - جەكە قۇرادى. نەگىزگى ساتى كوميتەتىن پارتيا مۇشەلەرى جينالىسى نەمەسە قۇرىلتاي سايلايدى، باس ياچەيكا القاسى مەن ياچەيكا القاسىن پارتيا مۇشەلەرى جينالىسى سايلايدى، مۇشەلىككە كانديدات كورسەتكەندە، پارتيا مۇشەلەرى مەن بۇقارادان كەڭىنەن پىكىر الۋ كەرەك.

  31 - تارماق پارتيانىڭ نەگىزگى ساتى كوميتەتىنىڭ، باس ياچەيكا القاسىنىڭ، ياچەيكا القاسىنىڭ ءار كەزەگىنىڭ مىندەت وتەۋ مەرزىمى 3 − 5 جىل بولادى، نەگىزگى ساتى كوميتەتىنىڭ، باس ياچەيكا القاسىنىڭ، ياچەيكا القاسىنىڭ شۋجيى، شۋجيدىڭ ورىنباسارلارى سايلانىپ شىققان سوڭ ونى جوعارى دارەجەلى پارتيا ۇيىمىنا جولداپ بەكىتتىرۋ كەرەك.

  32 - تارماق پارتيانىڭ نەگىزگى ساتى ۇيىمدارى − پارتيانىڭ قوعامدىق نەگىزگى ساتى ۇيىمدارىنداعى جاۋىنگەرلىك قورعانى، پارتيانىڭ بارلىق قىزمەتىنىڭ جانە جاۋىنگەرلىك كۇشىنىڭ نەگىزى. ولاردىڭ نەگىزگى مىندەتى مىنالار:

  1) پارتيانىڭ لۋشيانىن، باعىتىن، ساياساتىن ۇگىتتەۋ جانە اتقارۋ، پارتيا ورتالىق كوميتەتىنىڭ، جوعارى دارەجەلى ۇيىمىنىڭ جانە ءوز ۇيىمىنىڭ قارارلارىن ۇگىتتەۋ جانە اتقارۋ، پارتيا مۇشەلەرىنىڭ ۇزدىك ونەگەلىك رولىن تولىق ساۋلەلەندىرۋ، العاباسار نەگىزگى ساتى پارتيا ۇيىمدارىن بەلسەندىلىكپەن قۇرىپ، ۇزدىك پارتيا مۇشەسى بولۋعا قۇلشىنۋ، پارتيانىڭ ءىشى - سىرتىنداعى كادرلار مەن بۇقارانى ىنتىماقتاستىرىپ، ۇيىمداستىرىپ، ءوز ورنىنا جۇكتەلگەن مىندەتتى كۇش سالا ورىنداۋ.

  2) پارتيا مۇشەلەرىن ماركسيزم - لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن مۇقيات ۇيرەنۋگە، «ەكىنى ۇيرەنىپ، بىردە تولىمدى بولۋ» ۇيرەنۋ - تاربيە قيمىلىن قالىپقا ءتۇسىرۋدى، تۇزىمدەندىرۋدى ىلگەرىلەتۋگە، پارتيانىڭ لۋشيانىن، باعىتىن، ساياساتىن جانە قارارىن، پارتيا تۋرالى نەگىزگى بىلىمدەردى، عىلىمدى، مادەنيەتتى، زاڭ جانە كاسىپ بىلىمدەرىن ۇيرەنۋگە ۇيىمداستىرۋ.

  3) پارتيا مۇشەلەرىنە تاربيە جۇرگىزۋ، ولاردى باسقارۋ، باقىلاۋ جانە ولارعا قىزمەت ەتۋ، پارتيا مۇشەلەرىنىڭ ساپاسىن جوعارىلاتۋ، مۇرات - سەنىمىن بەكەمدەۋ، پارتيالىلىعىن كۇشەيتۋ، پارتيانىڭ ۇيىمدىق تۇرمىسىن قاتايتۋ، سىن جانە ءوز - وزىنە سىندى ورىستەتۋ، پارتيا ءتارتىبىن قورعاۋ جانە اتقارۋ، پارتيا مۇشەلەرىنىڭ ءوز بورىشتارىن شىن مانىندە وتەۋىن باقىلاۋ، پارتيا مۇشەلەرىنىڭ ۇقىعىنا قول سۇعىلماۋىن قامتاماسىز ەتۋ. جىلجىمالى پارتيا مۇشەلەرىن باسقارۋدى كۇشەيتۋ جانە جاقسارتۋ.

  4) بۇقارامەن قويۋ بايلانىستا بولۋ، بۇقارانىڭ پارتيا مۇشەلەرى، پارتيا قىزمەتى جونىندەگى سىنىن جانە پىكىرلەرىن ۇنەمى ۇعىپ وتىرۋ، بۇقارانىڭ ورىندى ۇقىعى مەن مۇددەسىن قورعاۋ، بۇقارانىڭ يدەيالىق ساياسي قىزمەتىن ويداعىداي ىستەۋ.

  5) پارتيا مۇشەلەرى مەن بۇقارانىڭ بەلسەندىلىگىن، جاسامپازدىعىن تولىق ساۋلەلەندىرۋ، ولاردىڭ اراسىنداعى تاڭداۋلى دارىندىلاردى كورە ءبىلۋ، جەتىلدىرۋ جانە كورسەتۋ، ولاردىڭ رەفورمالاۋ، ەسىك اشۋ جانە سوتسياليستىك وسىزامانداندىرۋ قۇرىلىسى بارىسىندا ءوز اقىل - پاراساتىن ارناۋىنا دەم بەرۋ جانە ونى قولداۋ.

  6) پارتياعا كىرۋدى تالاپ ەتكەن بەلسەندىلەردى تاربيەلەۋ جانە جەتىلدىرۋ، پارتياعا مۇشە قابىلداۋداعى ۇنەمىلىك قىزمەتتى ويداعىداي ىستەۋ، ءوندىرىستىڭ جانە قىزمەتتىڭ ءبىرىنشى شەبىندەگىلەردەن جانە جاستار اراسىنان پارتياعا مۇشە قابىلداۋعا ءمان بەرۋ.

  7) پارتيالى كادرلار مەن باسقا قىزمەتكەرلەردىڭ قاي - قايسىسىنىڭ دا مەملەكەتتىڭ زاڭدارىنا، زاڭدىق ەرەجەلەرىنە قاتاڭ بويسۇنۋىن، مەملەكەتتىڭ قازىنا - ەكونوميكالىق زاڭدىق ەرەجەلەرىنە جانە كادرلار تۇزىمىنە قاتاڭ بويسۇنۋىن، مەملەكەتتىڭ، كوللەكتيۆتىڭ جانە بۇقارانىڭ مۇددەسىنە قول سۇقپاۋىن باقىلاۋ.

  8) پارتيا مۇشەلەرى مەن بۇقارانى ناشار پيعىلداردى سانالى تۇردە تەجەۋگە، تارتىپكە، زاڭعا قايشى ارەكەتتەرگە قارسى باتىل كۇرەس جۇرگىزۋگە تاربيەلەۋ.

  33 - تارماق پارتيانىڭ مالىدەگى، اۋىلداعى، قالاشىقتاعى نەگىزگى ساتى كوميتەتتەرى مەن قىستاقتارداعى، الەۋمەتتىك اۋماقتارداعى ۇيىمدارى ءوز اۋماقتارىنىڭ قىزمەتى مەن نەگىزگى ساتىلاردىڭ قوعامدىق باسقارۋىنا باسشىلىق ەتەدى. اكىمشىلىك ۇيىمداردىڭ، شارۋاشىلىق ۇيىمداردىڭ جانە ءوزىن - ءوزى باسقاراتىن بۇقارالىق ۇيىمداردىڭ قىزمەت ۇقىقتارىن تولىق جۇرگىزۋىن قولدايدى جانە قامتاماسىز ەتەدى.

  مەملەكەت مەنشىگىندەگى كاسىپورىنداردىڭ پارتكومى (پارتگرۋپپاسى) باسشىلىق رولىن ساۋلەلەندىرىپ، بەتالىستى يگەرىپ، جالپى جاعدايدى مەڭگەرىپ، تياناقتاندىرۋعا كەپىلدىك ەتىپ، كاسىپورىنداردىڭ ماڭىزدى ىستەرىن بەلگىلەمە بويىنشا تالقىلايدى جانە ۇيعارادى. مەملەكەت مەنشىگىندەگى كاسىپورىندار مەن كوللەكتيۆتىك كاسىپورىندارداعى پارتيانىڭ نەگىزگى ساتى ۇيىمدارى كاسىپورىندارداعى ءوندىرىستى باسقارۋدى وزەك ەتە وتىرىپ قىزمەت ورىستەتەدى. پارتيانىڭ جانە مەملەكەتتىڭ باعىت - ساياساتتارىنىڭ سول كاسىپورىنداردا دايەكتى اتقارىلۋىنا كەپىلدىك ەتەدى جانە باقىلايدى؛ جارناگەرلەر كەڭەسىنىڭ، جورالار كەڭەسىنىڭ، باقىلاۋشىلار كەڭەسىنىڭ جانە مەڭگەرۋشىنىڭ (زاۆود باستىعىنىڭ) زاڭ بويىنشا قىزمەت ۇقىقتارىن جۇرگىزۋىن قولدايدى؛ بۇكىل ىنتا - پەيىلىمەن جۇمىسشى - قىزمەتكەرلەر قاۋىمىنا سۇيەنىپ، جۇمىسشى - قىزمەتكەرلەر قۇرىلتايىنىڭ قىزمەتتى ورىستەتۋىن قولدايدى؛ كاسىپورىندارداعى كەلەلى ماسەلەلەرگە شەشىم جاساۋعا قاتىناسادى؛ پارتيا ۇيىمىنىڭ وزىندىك قۇرىلىسىن كۇشەيتىپ، يدەيالىق - ساياسي قىزمەتكە، رۋحاني وركەنيەت قۇرىلىسىنا جانە جۇمىسشى ۇيىمى، كوممۋنيستىك جاستار وداعى قاتارلى بۇقارالىق توپتار مەن ۇيىمدارعا باسشىلىق ەتەدى.

  پارتيانىڭ جالپىلىق مەنشىككە جاتپايتىن شارۋاشىلىق ۇيىمدارىنداعى نەگىزگى ساتى ۇيىمدارى پارتيانىڭ باعىت - ساياساتتارىن دايەكتىلەندىرىپ، كاسىپورىنداردى مەملەكەتتىڭ زاڭدارىنا، زاڭدىق ەرەجەلەرىنە بويسۇنۋعا جەتەكتەپ جانە ونى باقىلاپ، جۇمىسشى ۇيىمى، كوممۋنيستىك جاستار وداعى قاتارلى بۇقارالىق توپتار مەن ۇيىمدارعا باسشىلىق ەتىپ، جۇمىسشى - قىزمەتكەرلەر قاۋىمىن ىنتىماقتاستىرىپ، ۇيىستىرىپ، ءارقايسى جاقتىڭ زاڭدى ۇقىق - مۇددەسىن قورعاپ، كاسىپورىنداردىڭ اقاۋسىز دامۋىن جەبەيدى.

    پارتيانىڭ قوعامدىق ۇيىمدارىنداعى نەگىزگى ساتى ۇيىمدارى پارتيانىڭ لۋشيان، باعىت - ساياساتىن ۇگىتتەپ جانە اتقارىپ، جۇمىسشى ۇيىمى، كوممۋنيستىك جاستار وداعى قاتارلى بۇقارالىق توپتار مەن ۇيىمدارعا باسشىلىق ەتىپ، پارتيا مۇشەلەرىن تاربيەلەپ، باسقارىپ، ولاردى بۇقاراعا قىزمەت وتەۋگە جەتەكتەپ، ىستەرىمىزدىڭ دامۋىن جەبەيدى.

  اكىمشىلىك باسشى جاۋاپتى بولۋ ءتۇزىمى اتقارىلعان ءىسورىندارىنداعى پارتيانىڭ نەگىزگى ساتى ۇيىمدارى جاۋىنگەرلىك قورعان رولىن ساۋلەلەندىرەدى. پارتيانىڭ پارتكومنىڭ باسشىلىعىندا اكىمشىلىك باسشى جاۋاپتى بولۋ ءتۇزىمىن جۇرگىزگەن ءىسورىندارىنداعى نەگىزگى ساتى ۇيىمدارى كەلەلى ماسەلەلەردى تالقىلايدى جانە ول تۋرالى شەشىم جاسايدى، سونىمەن بىرگە اكىمشىلىك باسشىلاردىڭ ءوز قىزمەت ۇقىعىن تولىق جۇرگىزۋىنە كەپىلدىك ەتەدى.

  پارتيانىڭ ءار دارەجەلى پارتيا جانە مەملەكەت ورگاندارىنداعى نەگىزگى ساتى ۇيىمدارى اكىمشىلىك جاۋاپتىلاردىڭ ءوز مىندەتتەرىن ورىنداۋىنا، قىزمەتتەرىن جاقسارتۋىنا كومەكتەسەدى، اكىمشىلىك جاۋاپتىلاردى قامتىعان ءاربىر پارتيا مۇشەسىن تاربيەلەيدى، باسقارادى، باقىلايدى، ءوز ورنىنىڭ كاسىپتىك قىزمەتتەرىنە باسشىلىق ەتپەيدى.

  34 - تارماق پارتيا ياچەيكاسى − پارتيانىڭ نەگىزدىك ۇيىمى، ول پارتيا مۇشەلەرىن تىكە تاربيەلەۋ، باسقارۋ، باقىلاۋ جانە بۇقارانى ۇيىمداستىرۋ، ۇگىتتەۋ، ۇيىستىرۋ، بۇقاراعا قىزمەت وتەۋ مىندەتىن ارقالايدى.

    التىنشى تاراۋ پارتيانىڭ كادرلارى 

       35- تارماق پارتيانىڭ كادرلارى − پارتيا ءىسىنىڭ تىرەگى، حالىقتىڭ قىزمەتكەرى، ادال، پاك بولۋى، مىندەت ارقالاي الۋى كەرەك. پارتيا كادرلاردى ءمورالىنا دا، قابىلەتىنە دە قاراۋ، ءمورالدى بولۋدى باستى ورىنعا قويۋ پرينسيبى بويىنشا تاڭداپ وسىرەدى، توڭىرەكتىڭ ءتورت بۇرىشىنان بولۋعا، تەك جارامدىلارىن مىندەتكە تاعايىنداۋعا، قىزمەتتى ماڭداي الدى ورىنعا قويۋعا، ءادىل دە تۋراشىل بولۋعا تاباندى بولىپ، جاقىندارىن عانا قىزمەتكە قويۋعا قارسى تۇرادى، كادرلار قوسىنىن توڭكەرىسشىل، جاس، ءبىلىمدى، مامان ەتۋگە كۇش سالادى.

  پارتيا كادرلاردى تاربيەلەۋگە، كۋرستان وتكىزۋگە، تاڭداپ وسىرۋگە جانە سىناۋ - باقىلاۋعا، وتە - موتە، تاڭداۋلى جاس كادرلاردى جەتىلدىرۋگە، تاڭداپ وسىرۋگە ءمان بەرەدى، كادرلار ءتۇزىمى رەفورماسىن بەلسەنە ىلگەرىلەتەدى.

  پارتيا ايەل كادرلار مەن از ۇلت كادرلارىن جەتىلدىرۋگە، تاڭداپ وسىرۋگە ءمان بەرەدى.

  36 - تارماق پارتيانىڭ ءار دارەجەلى باسشى كادرلارى بەرىك سەنىم ورناتۋ، حالىق ءۇشىن قىزمەت ىستەۋ، شوگەلدىكپەن ناقتى ءىس تىندىرۋ، باتىلدىقپەن مىندەت ارقالاۋ، ادال، پاك بولۋ كەرەك. پارتيا مۇشەسىنىڭ وسى ۋستاۆتىڭ 3 - تارماعىندا بەلگىلەنگەن بورىشتارىن ونەگەلىلىكپەن وتەۋگە ءتيىس، سونداي - اق مىناداي نەگىزگى شارتتاردى ازىرلەۋى كەرەك:

  1) مىندەتىن وتەۋگە قاجەتتى ماركسيزم - لەنينيزمدىك، ماۋ زىدۇڭ يدەياسىندىق، دىڭ شياۋپيڭ نازارياسىندىق، «ۇشكە ۋاكىلدىك ەتۋ» ماڭىزدى يدەياسىندىق، عىلمي دامۋ كوزقاراسىندىق ءبىلىمى بولۋ، شي جينپيڭنىڭ جاڭا داۋىردەگى جۇڭگوشا سوتيساليزم يدەياسىن باستاماشىلدىقپەن دايەكتى تياناقتاندىرۋ، ءىس جۇزىندىك ماسەلەلەرگە ماركسيزمدىك مايداندى، كوزقاراستى، ءادىستى كۇش سالا قولدانۋ ارقىلى تالداۋ جاساۋ جانە ونى شەشۋ، ۇيرەنۋدى، ساياسيدى، تۋراشىلدىقتى دارىپتەپ، داۋىلدى تولقىنداردىڭ سىنىنا توتەپ بەرۋ.

  2) كوممۋنيستىك ۇلى مۇرات جانە جۇڭگوشا سوتسياليزم جونىندە بەرىك سەنىم بولۋ، پارتيانىڭ نەگىزگى لۋشيانىن جانە ءتۇرلى باعىت - ساياساتتارىن باتىل اتقارۋ، رەفورماعا، ەسىك اشۋعا بەل بۋۋ، وسىزامانداندىرۋ ىسىنە ءوزىن ارناۋ، سوتسياليستىك قۇرىلىستا قاجىرلىلىقپەن يگىلىك جاراتۋ، ساياسي ناتيجە جونىندە دۇرىس كوزقاراس ورناتىپ، امالياتتىڭ، حالىقتىڭ، تاريحتىڭ سىنىنان سۇرىنبەي وتەتىن ناقتىلى ناتيجە جاراتۋ.

  3) يدەيانى ازات ەتىپ، شىندىقتى ءىس جۇزىنەن ىزدەۋگە تاباندى بولۋ، داۋىرمەن بىرگە ىلگەرىلەپ، ءورىس اشىپ، جاڭالىق اشۋ، مۇقيات تەكسەرىپ - زەرتتەۋ جۇرگىزىپ، پارتيانىڭ باعىت - ساياساتتارىن ءوز رايونىنىڭ، ءوز تاراۋىنىڭ ءىس جۇزىندىك جاعدايىمەن ۇشتاستىرىپ، قىزمەتتى اسا ونىمدىلىكپەن ءورىس الدىرۋ، شىن سويلەۋ، ناقتىلى ءىس ىستەۋ، ناقتىلى ونىممەن ساناسۋ.

  4) كۇشتى توڭكەرىستىك ىسكەرلىگى جانە ساياسي جاۋاپكەرلىگى، امالياتتىق تاجىريبەسى بولۋ، باسشىلىق قىزمەتىن وتەي الاتىن ۇيىمداستىرۋ قابىلەتى، مادەنيەت دەڭگەيى جانە كاسىپتىك ءبىلىمى بولۋ.

  5) حالىق بەرگەن ۇقىقتى دۇرىس جۇرگىزۋ، پرينسيپكە تاباندى بولىپ، ءىستى زاڭ بويىنشا ىستەۋ، تۋراشىل دا پاك بولۋ، حالىق ءۇشىن بەلسەنە ىستەۋ، ءوزى ونەگە كورسەتۋ، قاجىرلى دا قاراپايىم بولۋ، بۇقارامەن قويۋ بايلانىس ورناتۋ، پارتيانىڭ بۇقارالىق لۋشيانىنا تاباندى بولۋ، پارتيا مەن بۇقارانىڭ سىنىن جانە باقىلاۋىن سانالى تۇردە قابىلداۋ، ءمورال جاقتان تاربيەلەنۋدى كۇشەيتىپ، پارتيالىلىقتى دارىپتەپ، احىلاق جانە مىنەز - قۇلىققا ءمان بەرىپ، ۇلگى بولىپ، قادىرىن ساقتاۋ، ءوزىن باعامداۋ، ءوزىن ساقتاندىرۋ، ءوزىن ىنتالاندىرۋ، فورماشىلدىققا، تورەشىلدىككە، راقاتقۇمارلىق پەن ءسانقويلىققا قارسى تۇرۋ، قىزمەت ۇقىعىنان الباتى پايدالانىپ، باس پايداعا سالىناتىن ارەكەت اتاۋلىعا قارسى تۇرۋ.

  6) پارتيانىڭ دەموكراتيالىق ورتالىقتاندىرۋ تۇزىمىنە تاباندى بولۋ جانە ونى قورعاۋ، دەموكراتيالىق ستيل، جالپى جاعداي كوزقاراسى بولۋ، جولداستارمەن، جۇيەدەن، وزىنە باسقاشا پىكىردەگى جولداستارمەن ىنتىماقتاسىپ، بىرگە قىزمەت ىستەي ءبىلۋ.

  37 - تارماق پارتيالى كادرلار پارتيا سىرتىنداعى كادرلارمەن سەلبەسە ءبىلۋ، ولاردى قۇرمەتتەۋ، ولاردىڭ ارتىقشىلىقتارىن كىشى پەيىلدىكپەن ۇيرەنۋ كەرەك.

  پارتيانىڭ ءار دارەجەلى ۇيىمدارى ناعىز ءبىلىم - قابىلەتى بار پارتيا سىرتىنداعى كادرلاردى بايقاي ءبىلۋ جانە ولاردى باسشىلىق قىزمەتىنە كورسەتە ءبىلۋ، سونداي - اق ولاردا قىزمەت ۇقىعى بولۋىن قامتاماسىز ەتىپ، ولاردىڭ رولىن تولىق ساۋلەلەندىرۋ كەرەك.

  38 - تارماق پارتيانىڭ ءار دارەجەلى باسشى كادرلارىنىڭ، مەيلى دەموكراتيالىق جولمەن سايلانعاندارى بولسىن نەمەسە باسشىلىق ورگاندار جاعىنان تاعايىندالعاندارى بولسىن، بارلىعى دا ول مىندەتكە ومىرلىك قويىلعاندار ەمەس، ولاردى مىندەتىنەن اۋىستىرۋعا نەمەسە الىپ تاستاۋعا بولادى.

     ۇزدىكسىز قىزمەت ىستەۋگە جاسى، دەنساۋلىعى جار بەرمەگەن كادرلار مەملەكەتتىڭ بەلگىلەمەسىنە ساي زەينەتكە، دەمالىسقا شىعۋى كەرەك.

   جەتىنشى تاراۋ پارتيا ءتارتىبى 

  39 - تارماق پارتيا ءتارتىبى − پارتيانىڭ ءار دارەجەلى ۇيىمدارى مەن بارلىق پارتيا مۇشەسى بويسۇنۋعا ءتيىستى قيمىل ەرەجەسى، پارتيانىڭ ىنتىماعىن، بىرلىگىن قورعاۋدىڭ، پارتيانىڭ مىندەتتەرىن ورىنداۋدىڭ كەپىلى. پارتيا ۇيىمدارى پارتيا ءتارتىبىن قاتاڭ اتقارۋى جانە قورعاۋى، پارتيا مۇشەلەرى پارتيا ءتارتىبىنىڭ تەجەمىن سانالى تۇردە قابىلداۋى ءتيىس.

  40 - تارماق پارتيا ءتارتىبى نەگىزىنەن ساياسي ءتارتىپتى، ۇيىمدىق ءتارتىپتى، پاكتىك ءتارتىبىن، بۇقارالىق ءتارتىپتى، قىزمەت ءتارتىبىن، تۇرمىس ءتارتىبىن قامتيدى.

  وتكەندەگىدەن ساباق الىپ، كەيىنگىگە عيبىرات ەتۋگە، اۋرۋدى ەمدەپ ادامدى قۇتقارۋعا تاباندى بولۋ، ءتارتىپتى اتقارۋدا قاتاڭ بولۋ، تارتىپكە قايشىلىق جاساسا قۋزاستىرۋ، ءارقانداي ءىستى تۋباسىنان، بايقالعان كەزىنەن باستاپ مىقتى مەڭگەرۋ، اسقىنباي تۇرعان كەزىندە تىزگىندەۋ، قاتەلىگىنىڭ سيپاتىنا جانە ءىسىنىڭ سالماعىنا قاراي سىن ايتىپ، تاربيە بەرۋ، ءتىپتى، ءتارتىپ جازاسىن قولدانۋ. ءتارتىپتىڭ اتقارىلۋىن باقىلايتىن «4 ءتۇرلى فورمادان» پايدالانىپ، «بەتىنەن وتىن، شەكەسىنەن تەرىن شىعارۋدى» قالىپتى جاعدايعا اينالدىرۋ، پارتيا ءتارتىبى جازاسىن بەرىپ، ۇيىمدىق جاقتان رەتتەۋ جۇرگىزۋدى پارتيانى باسقارۋ، پارتيانى جونگە سالۋدىڭ ماڭىزدى تاسىلىنە اينالدىرۋ، تارتىپكە اۋىر دارەجەدە قايشىلىق جاساعان، قىلمىستىق ىستەر زاڭىن اۋىر دارەجەدە بۇزعان پارتيا مۇشەلەرىن پارتيادان شىعارۋ كەرەك.

  پارتيا ىشىندە پارتيا مۇشەلەرىنە پارتيا ۋستاۆىنا جانە مەملەكەت زاڭىنا قايشى كەلەتىن تاسىلدەرمەن مامىلە جاساۋعا قاتاڭ تيىم سالىنادى. سوققى بەرىپ، ءوش الۋعا جانە جالا جاۋىپ، زيانكەستىك ىستەۋگە قاتاڭ تيىم سالىنادى. وسى بەلگىلەمەلەرگە قايشىلىق جاساعان ۇيىم نەمەسە جەكەنىڭ پارتيا ءتارتىبى مەن مەملەكەت زاڭى بويىنشا جاۋاپكەرشىلىگى قۋزاستىرىلۋى كەرەك.

  41 - تارماق پارتيا مۇشەلەرىنە بەرىلەتىن ءتارتىپ جازاسى مىناداي 5 ءتۇرلى: ەسكەرتۋ بەرۋ، قاتاڭ ەسكەرتۋ بەرۋ، پارتيا ىشىندەگى مىندەتىنەن الۋ، پارتيادا قالدىرىپ بايقاپ كورۋ، پارتيادان شىعارۋ.

  پارتيا مۇشەسىن پارتيادا قالدىرىپ بايقاپ كورۋ ۋاقىتى ۇزاعاندا 2 جىلدان اسپاۋ كەرەك. پارتيادا قالدىرىپ بايقاپ كورۋ كەزىندە پارتيا مۇشەسىنىڭ داۋىس بەرۋ، سايلاۋ جانە سايلانۋ ۇقىعى بولمايدى. پارتيا مۇشەسى پارتيادا قالدىرىپ بايقاپ كورۋدەن ءوتىپ، قاتەلىگىن شىنايى تۇزەتسە، پارتيا مۇشەسىندىك ۇقىعىن قالپىنا كەلتىرۋ كەرەك؛ قاتەلىگىندە قاسارىسىپ وزگەرتپەگەندەرىن پارتيادان شىعارۋ كەرەك.

  پارتيادان شىعارۋ − پارتيا ىشىندەگى ەڭ اۋىر جازا. ءار دارەجەلى پارتيا ۇيىمدارى پارتيا مۇشەسىن پارتيادان شىعارۋ جونىندە قاۋلى العان نەمەسە ونى بەكىتكەن كەزدە، قاتىستى ماتەريالدار مەن پىكىرلەردى جان - جاقتىلى زەرتتەپ كورۋ، توتەنشە بايىپتى پوزيتسيا ۇستاۋ كەرەك.

  42 - تارماق پارتيا مۇشەلەرىنە بەرىلەتىن ءتارتىپ جازاسىن ياچەيكا جينالىسىنىڭ تالقىلاپ بەلگىلەۋىنەن وتكىزىپ، پارتيانىڭ نەگىزگى ساتى كوميتەتىنە بەكىتتىرۋ كەرەك؛ ساياتىن ماسەلەلەر ءبىرشاما ماڭىزدى نەمەسە كۇردەلى بولعاندا نەمەسە پارتيا مۇشەلەرىنە پارتيادان شىعارۋ جازاسىن بەرەردە، ءارقايسىنىڭ ءوز احۋالىنا قاراي پارتيانىڭ اۋدان نەمەسە اۋداننان جوعارى دارەجەلى ءتارتىپ تەكسەرۋ كوميتەتىنىڭ تەكسەرىپ بەكىتۋىنە جولداۋ كەرەك. ەرەكشە جاعدايدا، پارتيانىڭ اۋدان جانە اۋداننان جوعارى دارەجەلى كوميتەتتەرى مەن ءتارتىپ تەكسەرۋ كوميتەتتەرىندە پارتيا مۇشەلەرىنە ءتارتىپ جازاسىن بەرۋدى تىكەلەي بەلگىلەۋ ۇقىعى بولادى.

  پارتيانىڭ ورتالىق كوميتەت مۇشەلەرى مەن كانديدات مۇشەلەرىنە ەسكەرتۋ، قاتاڭ ەسكەرتۋ جازاسىن بەرۋدى ورتالىق ءتارتىپ تەكسەرۋ كوميتەتىنىڭ تۇراقتى كوميتەتى تەكسەرگەن سوڭ پارتيا ورتالىق كوميتەتىنىڭ بەكىتۋىنە جولدايدى. جەرگىلىكتى ءار دارەجەلى پارتيا كوميتەتتەرىنىڭ مۇشەلەرىنە، كانديدات مۇشەلەرىنە ەسكەرتۋ، قاتاڭ ەسكەرتۋ جازاسىن بەرۋدى ءبىر دارەجە جوعارى ءتارتىپ تەكسەرۋ كوميتەتى بەكىتۋى ءارى وزىمەن دارەجەلەس پارتيا كوميتەتىنە مالىمدەپ ەستەلىككە الدىرۋى كەرەك.

  پارتيانىڭ ورتالىق كوميتەتىنىڭ جانە جەرگىلىكتى ءار دارەجەلى كوميتەتتەرىنىڭ مۇشەلەرىنە، كانديدات مۇشەلەرىنە پارتيا ىشىندەگى مىندەتىنەن الىپ تاستاۋ، پارتيادا قالدىرىپ بايقاپ كورۋ نەمەسە پارتيادان شىعارۋ جازاسىن بەرۋدى سول ادام تۇرعان كوميتەتتىڭ جالپى ماجىلىسىندە ۇشتەن ەكىدەن ارتىق داۋىسپەن ۇيعارۋ كەرەك. جالپى ءماجىلىس جابىق كەزدە، الدىمەن ورتالىق كوميتەت ساياسي بيۋروسى مەن جەرگىلىكتى ءار دارەجەلى كوميتەتتەردىڭ تۇراقتى كوميتەتتەرىنىڭ ءبىر جاقتىلى ەتۋ جونىندە قاۋلى شىعارۋىنا بولادى، سوڭىنان كوميتەتتىڭ جالپى ءماجىلىسى اشىلعان كەزدە مويىندالادى. جەرگىلىكتى ءار دارەجەلى كوميتەتتەردىڭ مۇشەلەرى مەن كانديدات مۇشەلەرىنە جوعارىداعىداي جازا بەرۋدى جوعارى دارەجەلى ءتارتىپ تەكسەرۋ كوميتەتى تۇراقتى كوميتەتىنىڭ تەكسەرۋىنەن وتكىزۋى، وسى دارەجەلى ءتارتىپ تەكسەرۋ كوميتەتى دارەجەلەس پارتيا كوميتەتىنىڭ بەكىتۋىنە جولداۋى كەرەك.

  ورتالىق كوميتەتتىڭ قىلمىستىق ىستەر زاڭىنا اۋىر دارەجەدە قايشىلىق جاساعان مۇشەسىن، كانديدات مۇشەسىن پارتيادان شىعارۋدى ورتالىق كوميتەتتىڭ ساياسي بيۋروسى ۇيعارادى؛ جەرگىلىكتى ءار دارەجەلى كوميتەتتەردىڭ قىلمىستىق ىستەر زاڭىنا اۋىر دارەجەدە قايشىلىق جاساعان مۇشەسىن، كانديدات مۇشەسىن پارتيادان شىعارۋدى سول دارەجەلى كوميتەتتەردىڭ تۇراقتى كوميتەتتەرى ۇيعارادى.

  43 - تارماق پارتيا ۇيىمدارى پارتيا مۇشەلەرىنە جازا بەرۋدى ۇيعارعاندا شىندىقتى ءىس جۇزىنەن ىزدەپ، فاكتتەردى انىقتاۋ كەرەك. شارا كورۋ ۇيعارىمىنا نەگىز ەتىلگەن فاكتتەر مەن ماتەريالداردى جانە شارا كورۋ ۇيعارىمىن سول ادامنىڭ وزىنە كورسەتىپ، سول ادامنىڭ ءمان - جايدى ءتۇسىندىرۋىن جانە ءوزىن اقتاۋىن تىڭداۋ كەرەك. ەگەر ءوزى شارا كورۋ ۇيعارىمىنا مويىنسال بولماسا، ارىزدانۋىنا بولادى، قاتىستى پارتيا ۇيىمدارى مۇنى جاۋاپكەرلىكپەن ءبىر جاقتىلى ەتۋ نەمەسە ءتيىستى ورىنعا تەزىرەك جولداۋ ءتيىس، باسىپ قويۋىنا بولمايدى. قاتە پىكىرىندە قاسارىسقاندىعى جانە ورىنسىز تالاپ قويعاندىعى انىق بولعاندارعا سىن ايتىپ، تاربيە بەرۋ كەرەك.

  44 - تارماق پارتيا ۇيىمدارى ەگەر پارتيا ءتارتىبىن قورعاۋ جاعىندا مىندەتىن وتەمەسە، جاۋاپكەرشىلىگىن قۋزاستىرۋ كەرەك.

     پارتيا تارتىبىنە اۋىر قايشىلىق جاساعان ءارى ءوزى تۇزەتىپ كەتە المايتىن پارتيا ۇيىمدارىن ءبىر دارەجە جوعارى پارتيا كوميتەتى تەكسەرىپ انىعىنا جەتكەننەن كەيىن، ءىسىنىڭ اۋىرلىق دارەجەسىنە قاراي وتىرىپ، قايتا قۇرۋ نەمەسە تاراتۋ جونىندە قاۋلى الۋ، سونداي - اق ونى تاعى ءبىر دارەجە جوعارى پارتيا كوميتەتىنىڭ تەكسەرىپ بەكىتۋىنە جولداپ، رەسمي جاريالاپ اتقارۋ كەرەك.

  سەگىزىنشى تاراۋ پارتيانىڭ ءتارتىپ تەكسەرۋ ورگاندارى 

  45 - تارماق پارتيانىڭ ورتالىق ءتارتىپ تەكسەرۋ كوميتەتى پارتيا ورتالىق كوميتەتىنىڭ باسشىلىعىندا قىزمەت ىستەيدى. پارتيانىڭ جەرگىلىكتى ءار دارەجەلى ءتارتىپ تەكسەرۋ كوميتەتتەرى مەن نەگىزگى ساتى ءتارتىپ تەكسەرۋ كوميتەتتەرى وزىمەن دارەجەلەس پارتيا كوميتەتتەرىنىڭ جانە جوعارى دارەجەلى ءتارتىپ تەكسەرۋ كوميتەتتەرىنىڭ قوس قابات باسشىلىعىندا قىزمەت ىستەيدى. پارتيانىڭ جوعارى دارەجەلى ءتارتىپ تەكسەرۋ كوميتەتى تومەن دارەجەلى ءتارتىپ تەكسەرۋ كوميتەتىنە بولعان باسشىلىعىن كۇشەيتەدى.

  پارتيانىڭ ءار دارەجەلى ءتارتىپ تەكسەرۋ كوميتەتتەرىنىڭ ءار كەزەگىنىڭ مىندەت وتەۋ مەرزىمى وزىمەن دارەجەلەس پارتيا كوميتەتتەرىنىكىمەن ۇقساس بولادى.

  پارتيانىڭ ورتالىق ءتارتىپ تەكسەرۋ كوميتەتىنىڭ جالپى ءماجىلىسى ءوزىنىڭ تۇراقتى كوميتەتىن، شۋجيىن، شۋجيدىڭ ورىنباسارلارىن سايلايدى جانە ونى پارتيانىڭ ورتالىق كوميتەتىنە مالىمدەپ بەكىتتىرەدى، پارتيانىڭ جەرگىلىكتى ءار دارەجەلى ءتارتىپ تەكسەرۋ كوميتەتىنىڭ جالپى ءماجىلىسى ءوزىنىڭ تۇراقتى كوميتەتىن، شۋجيىن، شۋجيدىڭ ورىنباسارلارىن سايلايدى جانە ونى وزىمەن دارەجەلەس پارتيا كوميتەتىنىڭ ماقۇلداۋىنان وتكىزىپ، جوعارى دارەجەلى پارتيا كوميتەتىنىڭ بەكىتۋىنە جولدايدى. پارتيانىڭ نەگىزگى ساتى كوميتەتى ءتارتىپ تەكسەرۋ كوميتەتىن قۇرا ما، الدە ءتارتىپ تەكسەرۋشى قويا ما، ونى ءبىر دارەجە جوعارى پارتيا ۇيىمى ناقتى جاعدايعا قاراي بەلگىلەيدى. پارتيانىڭ باس ياچەيكا القاسى مەن ياچەيكا القاسى ءتارتىپ تەكسەرۋشى قويادى.

  پارتيانىڭ ورتالىق، جەرگىلىكتى ءتارتىپ تەكسەرۋ كوميتەتى دارەجەلەس پارتيا، مەملەكەت ورگاندارىنا جالپى بەتتىك پارتيانىڭ ءتارتىپ تەكسەرۋ گرۋپپاسىن جىبەرەدى. ءتارتىپ تەكسەرۋ گرۋپپاسىنىڭ باستىعى پارتيانىڭ سول تاراۋداعى باسشى ۇيىمدارىنىڭ قاتىستى جيىندارىنا قاتىناسادى. پارتيانىڭ سول ورگاندارداعى باسشى ۇيىمدارى ولاردىڭ قىزمەتىن قولداۋ كەرەك.

  46 - تارماق پارتيانىڭ ءار دارەجەلى ءتارتىپ تەكسەرۋ كوميتەتتەرى − پارتيا ىشىندەگى باقىلاۋمەن ارناۋلى شۇعىلداناتىن ورگان. ونىڭ باستى مىندەتتەرى مىنالار: پارتيانىڭ ۋستاۆىن جانە پارتيا ىشىندەگى باسقا دا زاڭدىق ەرەجەلەردى قورعاۋ، پارتيانىڭ لۋشيان، باعىت - ساياساتتارىنىڭ جانە قارارلارىنىڭ اتقارىلۋ احۋالىن تەكسەرۋ، پارتيا كوميتەتىنىڭ پارتيانى جاپپاي قاتاڭ باسقارۋدى ىلگەرىلەتۋىنە، پارتيا ستيلى قۇرىلىسىن كۇشەيتۋىنە جانە شىرىكتەسۋگە قارسى تۇرۋ قىزمەتىن ۇيىمداستىرۋىنا، سايكەستىرۋىنە كومەكتەسۋ.

  پارتيانىڭ ءار دارەجەلى ءتارتىپ تەكسەرۋ كوميتەتتەرىنىڭ مىندەتى − باقىلاۋ، ءتارتىپتى اتقارۋ، جاۋاپكەرشىلىگىن قۋزاستىرۋ، پارتيا مۇشەلەرىنە تارتىپكە بويسۇنۋ جونىندە ۇنەمى تاربيە جۇرگىزۋ، پارتيا ءتارتىبىن قورعاۋ جونىندە قاۋلى الۋ؛ پارتيا ۇيىمدارى مەن پارتيالى باسشى كادرلاردىڭ مىندەت اتقارۋىن، بيلىك جۇرگىزۋىن باقىلاۋ، پارتيا مۇشەلەرى، بۇقارا اشكەرەلەگەن، مالىمدەگەن ىستەردى قابىلداپ ءبىر جاقتىلى ەتۋ، اڭگىمەلەسۋ ارقىلى ەسكەرتۋ، سويلەسۋگە شاقىرۋ، حات ارقىلى سۇراۋدى قانات جايدىرۋ؛ پارتيا ۇيىمدارى مەن پارتيا مۇشەلەرى پارتيا ۋستاۆىنا جانە باسقا دا پارتيا ىشىندەگى زاڭدىق ەرەجەلەرگە قايشىلىق ىستەگەن ءبىرشاما ماڭىزدى نەمەسە كۇردەلى دەلولاردى تەكسەرۋ جانە ءبىر جاقتىلى ەتۋ، وسى دەلولارداعى پارتيا مۇشەلەرىنە كورىلەتىن شارانى بەلگىلەۋ نەمەسە كۇشىنەن قالدىرۋ؛ جاۋاپكەرشىلىگىن قۋزاستىرۋ نەمەسە جاۋاپكەرشىلىگىن تەكتەۋ جونىندە ۇسىنىس قويۋ؛ پارتيا مۇشەلەرىنەن تۇسكەن شاعىمدار مەن ارىزداردى قابىلداۋ؛ پارتيا مۇشەلەرىنىڭ ۇقىعىن قامتاماسىزداندىرۋ.

  ءار دارەجەلى ءتارتىپ تەكسەرۋ كوميتەتتەرى ەرەكشە ماڭىزدى نەمەسە كۇردەلى دەلولاردى ءبىر جاقتىلى ەتۋ بارىسىنداعى ماسەلەلەر مەن ءبىر جاقتىلى ەتۋ ناتيجەسىن وزىمەن دارەجەلەس پارتيا كوميتەتتەرىنە مالىمدەۋ كەرەك. پارتيانىڭ جەرگىلىكتى ءار دارەجەلى ءتارتىپ تەكسەرۋ كوميتەتتەرى مەن نەگىزگى ساتى ءتارتىپ تەكسەرۋ كوميتەتتەرى سونىمەن قاتار جوعارى دارەجەلى ءتارتىپ تەكسەرۋ كوميتەتتەرىنە دە مالىمدەۋ كەرەك.

  ءار دارەجەلى ءتارتىپ تەكسەرۋ كوميتەتتەرى وزىمەن دارەجەلەس پارتيا كوميتەتى مۇشەلەرىنىڭ پارتيا تارتىبىنە قايشى كەلەتىن ءىس - ارەكەتتەرىن بايقاعاندا، الدىمەن باستاپقى قادامدا انىقتاۋ جۇرگىزۋىنە بولادى، دەلو اشىپ تەكسەرۋگە تۋرا كەلسە، وزىمەن دارەجەلەس پارتيا كوميتەتىنە مالىمدەۋمەن بىرگە، وزىنەن ءبىر دارەجە جوعارى ءتارتىپ تەكسەرۋ كوميتەتىنە مالىمدەۋ كەرەك؛ تۇراقتى كوميتەت مۇشەسىنە ساياتىن بولسا، وزىنەن ءبىر دارەجە جوعارى ءتارتىپ تەكسەرۋ كوميتەتىنە مالىمدەيدى، وزىنەن ءبىر دارەجە جوعارى ءتارتىپ تەكسەرۋ كوميتەتىنىڭ باستاپقى قادامدا انىقتاۋ جۇرگىزىپ، تەكسەرۋى قاجەت بولسا، وزىنەن ءبىر دارەجە جوعارى ءتارتىپ تەكسەرۋ كوميتەتى وزىمەن دارەجەلەس پارتيا كوميتەتىنىڭ بەكىتۋىنە جولدايدى.

  47 - تارماق جوعارى دارەجەلى ءتارتىپ تەكسەرۋ كوميتەتى تومەن دارەجەلى ءتارتىپ تەكسەرۋ كوميتەتىنىڭ قىزمەتىن تەكسەرۋگە، سونداي - اق تومەن دارەجەلى ءتارتىپ تەكسەرۋ كوميتەتىنىڭ دەلولار جونىندەگى قاۋلىسىن بەكىتۋگە جانە وزگەرتۋگە ۇقىقتى. ەگەر وسى تومەن دارەجەلى ءتارتىپ تەكسەرۋ كوميتەتىنىڭ وزگەرتىلەتىن قاۋلىسىن وزىمەن دارەجەلەس پارتيا كوميتەتى بەكىتكەن بولسا، مۇنداي وزگەرتۋدى وزىنەن ءبىر دارەجە جوعارى پارتيا كوميتەتىنىڭ بەكىتۋىنەن وتكىزۋ كەرەك.

  پارتيانىڭ جەرگىلىكتى ءار دارەجەلى ءتارتىپ تەكسەرۋ كوميتەتتەرى مەن نەگىزگى ساتى ءتارتىپ تەكسەرۋ كوميتەتتەرى ەگەر وزىمەن دارەجەلەس پارتيا كوميتەتتەرىنىڭ دەلولاردى ءبىر جاقتىلى ەتۋ جونىندەگى قاۋلىسىنا باسقاشا پىكىردە بولسا، وزىنەن ءبىر دارەجە جوعارى ءتارتىپ تەكسەرۋ كوميتەتىنەن قايتا تەكسەرۋدى ءوتىنىش ەتۋىنە بولادى؛ ەگەر وزىمەن دارەجەلەس پارتيا كوميتەتتەرىنىڭ نەمەسە ونىڭ قۇرامىنداعىلاردىڭ پارتيا تارتىبىنە قايشىلىق جاساعان احۋالىن بايقاعاندا، وزىمەن دارەجەلەس پارتيا كوميتەتتەرى ونى شەشپەسە نەمەسە دۇرىس شەشپەسە، جوعارى دارەجەلى ءتارتىپ تەكسەرۋ كوميتەتتەرىنە ارىز بەرىپ، كومەكتەسىپ ءبىر جاقتىلى ەتۋدى ءوتىنىش ەتۋگە ۇقىقتى.

  توعىزىنشى تاراۋ پارتگرۋپپا 

  48 - تارماق ورتالىقتاعى جانە جەرگىلىكتى ورىندارداعى مەملەكەت ورگاندارىنىڭ، حالىقتىق توپتاردىڭ، شارۋاشىلىق ۇيىمدارىنىڭ، مادەنيەت ۇيىمدارىنىڭ جانە پارتيا سىرتىنداعى باسقا ۇيىمداردىڭ باسشىلىق ورگاندارىندا پارتگرۋپپا قۇرۋعا بولادى. پارتگرۋپپا باسشىلىق ۇيتقىلىق رولىن ساۋلەلەندىرەدى. پارتگرۋپپانىڭ مىندەتى، باستىسى، پارتيانىڭ لۋشيانىن، باعىت - ساياساتتارىن دايەكتى اتقارۋعا جاۋاپتى بولۋ؛ ءوز ورىندارىنداعى پارتيا قۇرىلىسىنا باسشىلىقتى كۇشەيتىپ، پارتيانى جاپپاي قاتاڭ باسقارۋ جاۋاپكەرلىگىن اتقارۋ؛ ءوز ورىندارىنداعى كەلەلى ماسەلەلەردى تالقىلاۋ جانە ول جونىندە قاۋلى الۋ؛ كادرلاردى باسقارۋ قىزمەتىن ويداعىداي ىستەۋ؛ نەگىزگى ساتى پارتيا ۇيىمدارىن قۇرۋ، رەتكە سالۋ جانە پارتياعا مۇشە قابىلداۋ، پارتيا مۇشەلەرىنە شارا كورۋ قاتارلى ماڭىزدى ىستەردى تالقىلاۋ جانە ول جونىندە قاۋلى الۋ؛ پارتيا سىرتىنداعى كادرلارمەن، بۇقارامەن ىنتىماقتاسا وتىرىپ، پارتيا مەن مەملەكەت تاپسىرعان مىندەتتى ورىنداۋ؛ مەكەمە - ورگانداردىڭ جانە توتە قاراستى ورىندارداعى پارتيا ۇيىمىنىڭ قىزمەتىنە باسشىلىق ەتۋ.

  49 - تارماق پارتگرۋپپانىڭ قۇرامىنداعىلاردى پارتگرۋپپانى قۇرۋدى بەكىتكەن پارتيا ۇيىمى بەلگىلەيدى. پارتگرۋپپادا شۋجي قويىلادى، قاجەت تابىلعاندا، شۋجيدىڭ ورىنباسارىن قويۋعا دا بولادى.

  پارتگرۋپپا ءوزىن قۇرۋدى بەكىتكەن پارتيا ۇيىمىنىڭ باسشىلىعىنا بويسۇنۋ ءتيىس.

  50 - تارماق وزىنە قاراستى ورىندارعا ورتالىقتانعان ءبىر تۇتاس باسشىلىق جۇرگىزەتىن مەملەكەتتىك قىزمەت تاراۋلارىندا پارتكوم قۇرۋعا بولادى، ونى جارىققا شىعارۋ ءادىسىن، ونىڭ ۇقىعىن جانە قىزمەت مىندەتىن ورتالىق كوميتەت ايىرىم بەلگىلەيدى.

  ونىنشى تاراۋ پارتيانىڭ كوممۋنيستىك جاستار وداعىمەن قاتىناسى

  51 - تارماق جۇڭگو كوممۋنيستىك جاستار وداعى − جۇڭگو كوممۋنيستىك پارتياسىنىڭ باسشىلىعىنداعى ۇزدىك جاستاردىڭ بۇقارالىق ۇيىمى، قالىڭ جاستاردىڭ اماليات بارىسىندا جۇڭگوشا سوتسياليزمدى جانە كوممۋنيزمدى ۇيرەنەتىن مەكتەبى، پارتيانىڭ قولعاناتى جانە زاپاس قوسىنى. كوممۋنيستىك جاستار وداعىنىڭ ورتالىق كوميتەتى پارتيا ورتالىق كوميتەتىنىڭ باسشىلىعىندا بولادى. كوممۋنيستىك جاستار وداعىنىڭ جەرگىلىكتى ءار دارەجەلى ۇيىمدارى وزىمەن دارەجەلەس پارتيا كوميتەتىنىڭ باسشىلىعىندا، سونىمەن بىرگە، كوممۋنيستىك جاستار وداعىنىڭ جوعارى دارەجەلى ۇيىمىنىڭ باسشىلىعىندا بولادى.

  52 - تارماق پارتيانىڭ ءار دارەجەلى كوميتەتتەرى كوممۋنيستىك جاستار وداعىنا بولعان باسشىلىقتى كۇشەيتۋ، وداق كادرلارىن تاڭداپ وسىرۋگە جانە كۋرستان وتكىزۋگە نازار اۋدارۋ كەرەك. پارتيا كوممۋنيستىك جاستار وداعىنىڭ قالىڭ جاستاردىڭ ەرەكشەلىگى مەن قاجەتىنە ساي، جاندى دا جالىندى تۇردە باي مازمۇندى جاسامپازدىقپەن قىزمەت ىستەۋىن باتىل قولداپ، ونىڭ ەكپىندى قوسىندىق رولىن جانە قالىڭ جاستارمەن بايلانىس جاساۋداعى كوپىرلىك رولىن تولىق ساۋلەلەندىرۋ كەرەك.

  وداقتىڭ اۋدان دارەجەلى جانە اۋداننان تومەن دارەجەلى كوميتەتتەرىنىڭ شۋجيلەرى، كاسىپورىن، ءىسورىن وداق كوميتەتىنىڭ شۋجيلەرى پارتيا مۇشەسى بولسا، وزىمەن دارەجەلەس پارتيا كوميتەتى مەن ونىڭ تۇراقتى كوميتەتىنىڭ ماجىلىسىنە سىرتتاي قاتىناسۋىنا بولادى.

  ون ءبىرىنشى تاراۋ پارتيا بەلگىسى، پارتيا تۋى

  53 - تارماق جۇڭگو كوممۋنيستىك پارتياسىنىڭ بەلگىسى وراق جانە بالعادان قۇرالعان.

  54 - تارماق جۇڭگو كوممۋنيستىك پارتياسىنىڭ تۋى − التىن سارى ءتۇستى پارتيا بەلگىسى قوندىرىلعان قىزىل تۋ.

  55 - تارماق جۇڭگو كوممۋنيستىك پارتياسىنىڭ بەلگىسى مەن تۋى − جۇڭگو كوممۋنيستىك پارتياسىنىڭ سيمۆولى جانە بەلگىسى. پارتيانىڭ ءار دارەجەلى ۇيىمدارى مەن ءاربىر مۇشەسى پارتيا بەلگىسى مەن پارتيا تۋىنىڭ بەدەلىن قورعاۋى ءتيىس. پارتيانىڭ بەلگىسى مەن تۋىن بەلگىلەمە بويىنشا جاساۋ جانە قولدانۋ كەرەك.

  (شينحۋا اگەنتتىگىنىڭ 28 - قازاندا بەيجيڭنەن بەرگەن حابارى)

(جۇڭگو ۇلتتار ءتىل - اۋدارما مەكەمەسى اۋداردى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى