ءتاڭىرتاۋ تورابى   ›   ۇيرەنۋ   ›   شولۋ

جۇڭگوشا سوتسياليزمنىڭ جاڭا داۋىرىنە ارشىندى قادام تاستايىق

− پارتيا 19 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندە (2)

  ەلىمىز قوعامى تۇرعان تاريحي بەلەستى دۇرىس تانۋ، ەلىمىز قوعامىنداعى باستى قايشىلىقتى ءدال يگەرۋ جۇڭگوشا سوتسياليزم قۇرۋداعى ايرىقشا ماڭىزدى ماسەلە.

  «ۇزاق ۋاقىت قۇلشىنۋ ارقىلى جۇڭگوشا سوتسياليزم جاڭا داۋىرگە ءوتتى، بۇل ەلىمىز دامۋىنىڭ جاڭا تاريحي بەلەسى»، پارتيا 19 - قۇرىلتايىنىڭ بايانداماسىندا جاسالعان وسى كەلەلى ساياسي تۇجىرىم پارتيامىزدىڭ ديالەكتيكالىق ماتەرياليزم مەن تاريحي ماتەرياليزمنىڭ ادىستەمەسىنە تاباندى بولىپ، پارتيا مەن مەملەكەت ىستەرى دامۋىنىڭ جالپى جاعدايىن شىعار ءتۇيىن ەتىپ، تاريح پەن رەالدىقتى، نازاريا مەن امالياتتى، ەل ءىشى مەن حالىقارانى بىرلەستىرە ويلاستىرۋ نەگىزىندە جاساعان دۇرىس قورىتىندىسى. بۇل تۇجىرىم پارتيا مەن مەملەكەت ىستەرىنىڭ ءداۋىر كوورديناتاسىن انىق كورسەتىپ، كەلەسى ساتىداعى تاريحي مىندەتتەردى ايقىنداۋعا، جۇڭگوشا سوتسياليزمگە تاباندى بولۋ جانە ونى دامىتۋعا ايقىن باعىت نۇسقادى.

  جاڭا ءداۋىردى قالاي تانۋ كەرەك؟ ءبىز مۇنى تاريحي جاڭا باستاما، نازاريالىق جاسامپازدىق، دامۋدىڭ جاڭا نىساناسى، قايشىلىقتىڭ جاڭا وزگەرىسى سىندى 4 جاقتان يگەرۋىمىزگە بولادى. 5 جىلدىق تاريحي وزگەرىستە، ءبىز ۇزاقتان بەرى شەشۋدى ويعا العان، ءبىراق شەشىلمەي كەلگەن كوپتەگەن قيىن ماسەلەلەردى شەشىپ، بۇرىن ىستەۋدى ويعا العان، ءبىراق ىستەلمەي كەلگەن كوپتەگەن ءىرى ىستەردى تىندىردىق، پارتيا مەن مەملەكەت ىستەرىنىڭ دامۋى جاڭا تاريحي باستاماعا كەلدى. پارتيامىز جاڭا ۇلى كۇرەس بارىسىندا شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن قالىپتاستىرىپ، ماركسيزمدى جۇڭگوشالاندىرۋداعى تاعى ءبىر رەتكى تاريحي سەكىرۋدى جۇزەگە اسىرىپ، ءداۋىر بولگىش مانگە يە نازاريالىق جاسامپازدىقتى تۇلعالادى. ءبىز جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە جەتۋدىڭ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىنا قادام تاستاپ، بولاشاقتاعى جۇڭگونىڭ دامۋىنىڭ، العا باسۋىنىڭ جاڭا نىسانالارىن بەلگىلەدىك. ءبىز ەلىمىز قوعامىنداعى باستى قايشىلىق حالىق بۇقاراسىنىڭ كۇن سايىن ارتىپ وتىرعان تاماشا تۇرمىس قاجەتى مەن دامۋدىڭ بىركەلكى، تولىق بولماۋى اراسىنداعى قايشىلىققا وزگەرگەنىن ورتاعا قويىپ، جالپى جاعدايعا ساياتىن وسى ءبىر تاريحي وزگەرىستىڭ پارتيا مەن مەملەكەت قىزمەتىنە قويعان جاڭا تالابىن تۇسىندىردىك. پارتيا 19 - قۇرىلتايىنىڭ رۋحىن مۇقيات ۇيرەنۋ، دايەكتىلەندىرۋ بىزدەن وسى ءبىر كەلەلى ساياسي تۇجىرىمنىڭ باي ءمانىن ىشكەرىلەي ءتۇسىنۋدى، جاڭا داۋىردەگى جۇڭگوشا سوتسياليزمنىڭ دامۋ تالابىنا ىرىقتى تۇردە ۇيلەسۋدى، پارتيا مەن مەملەكەت ىستەرىنىڭ دامۋ دەڭگەيىن تىنباي جوعارىلاتۋدى تالاپ ەتەدى.

  جاڭا داۋىردە تىڭ ارىن بولۋى كەرەك. باس شۋجي شي جينپيڭ «ءۇشتى اڭعارتۋ» ارقىلى جۇڭگوشا سوتسياليزمنىڭ جاڭا داۋىرگە وتكەنىنىڭ نىشاندىق ءمانىن جۇڭحۋا ۇلتى، عىلمي سوتسياليزم، ادامزات قوعامى سىندى 3 ولشەم تۇرعىسىنان تەرەڭ ءتۇسىندىردى؛ «5 ءداۋىر» ارقىلى جۇڭگوشا سوتسياليزمنىڭ جاڭا داۋىرگە وتكەنىنىڭ تاريحي ۇلەسىن ۇلى ءىس، دامۋ نىساناسى، حالىقتىڭ باقىتى، ۇلتتىڭ كوركەيۋى، ادامزاتقا قوسىلعان ۇلەس سىندى 5 جاقتان تەرەڭ ءتۇسىندىردى. سونىمەن بىرگە، تاعى «نەگىزگى مەملەكەت جاعدايى» مەن «حالىقاراداعى ورنىنىڭ» وزگەرمەگەنىن كورسەتىپ، بۇكىل پارتياعا تولىق سەنىمدە بولۋمەن بىرگە، وي - سانانى، ءسوز جوق، سەرگەك ۇستاۋدى ەسكەرتتى. جاڭا داۋىرگە وتكەن سوڭ، قۇدىرەتتى قارىشتاي دامۋ جۇرتتى جىگەرلەندىرىپ، ۇلتتىڭ كوركەيۋ بولاشاعى زور ءۇمىت سيلادى، ءبىراق ءبىز مىنانى ۇمىتپاۋىمىز كەرەك، ەلىمىزدىڭ ءالى سوتسياليزمنىڭ العاشقى ساتىسىندا تۇرعان جانە ۇزاق ۋاقىت تۇرا بەرەتىن نەگىزگى مەملەكەت جاعدايى وزگەرگەن جوق، ەلىمىزدىڭ دۇنيە ءجۇزى بويىنشا ەڭ ۇلكەن دامۋ ۇستىندەگى ەل رەتىندەگى حالىقارالىق ورنى وزگەرگەن جوق. جاڭا ءداۋىر ساپارى بىزدەن ءالى دە ماڭگى مويىمايتىن رۋحاني كۇيمەن جانە العان بەتتەن قايتپايتىن كۇرەسكەرلىك بەينەمەن ءتىپتى دە ماشاقاتتى قۇلشىنىس جاساۋدى قاجەت ەتەدى.

  جۇڭگوشا سوتسياليزمنىڭ جاڭا داۋىرگە ءوتۋى جۇڭحۋا حالىق رەسپۋبليكاسىنىڭ دامۋ تاريحىندا، جۇڭحۋا ۇلتىنىڭ دامۋ تاريحىندا كەلەلى ءمان الادى، دۇنيە ءجۇزى قوعامىنىڭ دامۋىندا، ادامزات قوعامىنىڭ دامۋىندا دا ماڭىزدى مانگە يە. وسىنداي ۇلى داۋىرگە اياق باسۋ ءبىزدىڭ بۋىننىڭ باعى. سەنىمدى بەكەمدەپ، شوگەلدىكپەن ىستەپ، پارتيا 19 - قۇرىلتايىندا بەلگىلەنگەن نىسانا - مىندەتتەر ءۇشىن كۇرەس جۇرگىزسەك، ءبىز، ءسوز جوق، جۇڭگوشا سوتسياليزمگە تاباندى بولۋ جانە ونى دامىتۋ ۇلى ءىسىن ويداعىداي جۇرگىزىپ، جۇڭگوشا سوتسياليزمنىڭ ءتىپتى دە كۇشتى ومىرشەڭدىگىن ايگىلەي الاتىندىعىنا مۇمكىندىك جاساي الامىز.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى