شي جينپيڭ:جاڭا داۋىردە جاڭا ارىن بولۋ، ونان دا ماڭىزدىسى، جاڭا ءىس تىندىرۋ كەرەك">
ءتاڭىرتاۋ تورابى   ›   جاڭالىقتار   ›   ماڭىزدى حابارلار

شي جينپيڭ:جاڭا داۋىردە جاڭا ارىن بولۋ، ونان دا ماڭىزدىسى، جاڭا ءىس تىندىرۋ كەرەك

شي جينپيڭ پارتيا 19 - كەزەكتى ورتالىق كوميتەتى ساياسي بيۋروسى تۇراقتى كوميتەتىنىڭ مۇشەلەرىمەن بىرگە جۇڭگولىق، شەتەلدىك تىلشىلەرمەن كەزدەسكەندە جاڭا داۋىردە جاڭا ارىن بولۋ، ونان دا ماڭىزدىسى، جاڭا ءىس تىندىرۋ كەرەك، جۇڭگو حالقىنىڭ تۇرمىسى، ءسوز جوق، جىلدان - جىلعا جاقسارا بەرەدى دەپ باسا دارىپتەدى

  25 - قازان كۇنى جاڭا عانا ج ك پ 19 - كەزەكتى ورتالىق كوميتەتىنىڭ ءبىرىنشى جالپى ماجىلىسىندە سايلانعان جۇڭگو كوممۋنيستىك پارتياسىنىڭ باس شۋجيى شي جينپيڭ جانە ج ك پ ورتالىق كوميتەتى ساياسي بيۋروسى تۇراقتى كوميتەتىنىڭ مۇشەلەرى لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ حالىق سارايىندا 19 - قۇرىلتايدى حابارلاعان جۇڭگولىق، شەتەلدىك تىلشىلەرمەن ىقىلاستى بەينەدە كەزدەستى. سۋرەتتە: شي جينپيڭ ماڭىزدى ءسوز سويلەۋدە. سۋرەتتى شينحۋا اگەنتتىگىنىڭ ءتىلشىسى ديڭ حايتاۋ تۇسىرگەن

  شينحۋا اگەنتتىگىنىڭ 25 - قازاندا بەيجيڭنەن بەرگەن حابارى. دۇنيە ءجۇزىنىڭ نازارى تاعى دا جۇڭگوعا شوعىرلاندى، جاڭا عانا ج ك پ 19 - كەزەكتى ورتالىق كوميتەتىنىڭ ءبىرىنشى جالپى ماجىلىسىندە سايلانعان ج ك پ ورتالىق كوميتەتىنىڭ باس شۋجيى شي جينپيڭ جانە ج ك پ ورتالىق كوميتەتى ساياسي بيۋروسى تۇراقتى كوميتەتىنىڭ مۇشەلەرى لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ 25 - قازان تۇستە حالىق سارايىندا جۇڭگو كوممۋنيستىك پارتياسىنىڭ 19 - قۇرىلتايىن حابارلاعان جۇڭگولىق، شەتەلدىك تىلشىلەرمەن ىقىلاستى بەينەدە كەزدەستى.

  حالىق سارايىنىڭ شىعىس زالىندا الۋان ءتۇرلى شىراقتار جارقىراپ، دۋماندى بەينە كوزگە ۇرادى. جۇڭگولىق، شەتەلدىك 500 نەشە ءتىلشى وسىندا كامەراسىن، فوتو اپپاراتتارىن ورناتىپ، كومپيۋتەرىن، ديكتوفون قالامدارىن اشىپ، جاڭا كەزەكتى ج ك پ ورتالىق كوميتەتى ساياسي بيۋروسى تۇراقتى كوميتەتىنىڭ مۇشەلەرىنىڭ تۇڭعىش رەت توپتىق الدىعا شىعۋ ءساتىن دەرەۋ حابارلاۋعا دايىندالدى.

  ساعات 11دەن 54 مينۋت وتكەندە شي جينپيڭ باستاعان باسشىلار شاتىرلاعان شاپالاق ءۇنى ىشىندە زالعا نىق قادام تاستاپ كىردى، اجارلارىنان نۇر تامىپ، جۇزدەرىنەن كۇلكى ەسكەن باسشىلار جۇڭگولىق، شەتەلدىك تىلشىلەرگە قول بۇلعاپ، قۇرمەت ءبىلدىردى.

  پارتيا 19 - قۇرىلتايىنىڭ اقپارات مالىمدەمەشىسى تو جىن قىسقاشا تانىستىرعاننان كەيىن، شي جينپيڭ ماڭىزدى ءسوز سويلەدى. ول، ەڭ اۋەلى، بىلاي دەدى: جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايى كەشە جابىلدى. بۇل جولى كوپتەگەن ءتىلشى دوستار وسىندا كەلدى، كوبى الىستان كەلگەندەر. كوپشىلىك قۇرىلتاي جونىندە كوپتەگەن ەگجەي - تەگجەيلى حابار تاراتىپ، بۇكىل دۇنيە ءجۇزىنىڭ نازارىن جاپپاي اۋداردى. سىزدەر جاپا شەكتىڭىزدەر، مەن سىزدەرگە شىن جۇرەكتەن العىس ايتامىن.

  شي جينپيڭ بىلاي دەدى: قۇرىلتاي اشىلعاننان بەرى، 165 مەملەكەتتىڭ 452 باستى ساياسي پارتياسى 855 دانا قۇتتىقتاۋ تەلەگرامماسىن، قۇتتىقتاۋ حاتىن جولدادى. مۇنىڭ 814ىن مەملەكەت باسشىلارى، ۇكىمەت جەتەكشىلەرى، ساياسي پارتيالارى مەن ماڭىزدى ۇيىمدىق قۇرىلىمدارىنىڭ باسشىلارى جولدادى. وسى ورايدا، مەن جۇڭگو كوممۋنيستىك پارتياسى ورتالىق كوميتەتى اتىنان ولارعا شىن جۇرەكتەن العىس ايتامىن.

  شي جينپيڭ بىلاي دەپ اتاپ كورسەتتى: جاڭا اشىلعان جۇڭگو كوممۋنيستىك پارتياسى 19 - كەزەكتى ورتالىق كوميتەتىنىڭ ءبىرىنشى جالپى ماجىلىسىندە جاڭا كەزەكتى ج ك پ ورتالىق كوميتەتىنىڭ باسشىلىق قۇرىلىمى سايلاندى، جالپى ءماجىلىس مەنى ج ك پ ورتالىق كوميتەتىنىڭ باس شۋجيلىك مىندەتىن ۇزدىكسىز وتەۋگە سايلادى. بۇل ماعان دەگەن تۇراقتاندىرۋ، ونان دا ماڭىزدىسى، جەبەۋ جانە دەم بەرۋ.

  شي جينپيڭ كوپشىلىككە ج ك پ ورتالىق كوميتەتى ساياسي بيۋروسى تۇراقتى كوميتەتىنىڭ وزگە مۇشەلەرىن تانىستىرىپ، جاڭا كەزەكتى ج ك پ ورتالىق كوميتەت باسشىلىق قۇرىلىمىنىڭ قۇرامىنداعىلار اتىنان بۇكىل پارتياداعى جولداستاردىڭ سەنىم ارتقانىنا راقىمەت ايتتى ءارى «ءسوز جوق، قىزمەتىمىزدى تىڭعىلىقتى تىندىرىپ، قۇلشىنا ىستەپ، بورىشتى اقتاپ، ماڭىزدى تاپسىرمانى ورىندايمىز»، - دەدى.

  شي جينپيڭ بىلاي دەپ اتاپ كورسەتتى: وتكەن 5 جىلدا ءبىز قىرۋار قىزمەت ىستەدىك، كەيبىرەۋىن ورىنداپ بولدىق، كەيبىرەۋىن ۇزدىكسىز ىستەي بەرەمىز. جۇڭگو كوممۋنيستىك پارتياسىنىڭ 19 - قۇرىلتايى تاعى دا تىڭ نىسانا، تىڭ مىندەتتەردى العا قويدى، ءبىز ءبىر تۇتاس جوسپارلاپ، جاپپاي ورنالاستىرىپ، تياناقتاندىرۋدى مىقتى يگەرەمىز. ۇزاق ۋاقىت قۇلشىنۋ ارقىلى جۇڭگوشا سوتسياليزم جاڭا داۋىرگە ءوتتى. جاڭا داۋىردە جاڭا ارىن بولۋ، ونان دا ماڭىزدىسى، جاڭا ءىس تىندىرۋ كەرەك. جۇڭگو كوممۋنيستىك پارتياسىنىڭ 19 - قۇرىلتايىنان 20 - قۇرىلتايىنا دەيىنگى 5 جىل «قوس 100 جىلدىق» كۇرەس نىساناسىن جۇزەگە اسىرۋداعى تاريحي توعىسۋ كەزەڭىنە تۋرا كەلەدى، ءبىرىنشى 100 جىلدىق كۇرەس نىساناسىن جۇزەگە اسىرىپ، ەكىنشى 100 جىلدىق كۇرەس نىساناسىن جۇزەگە اسىرۋدى باستايمىز. مۇنداعى ءىشىنارا ماڭىزدى ۋاقىت تۇيىندەرى ءبىزدىڭ قىزمەتىمىزدىڭ كوورديناتاسى سانالادى.

  شي جينپيڭ مىنالاردى باسا دارىپتەدى: 2018 - جىلى ءبىز رەفورما جاساۋ، ەسىك اشۋدىڭ 40 جىلدىعىن قارسى الامىز. رەفورما جاساۋ، ەسىك اشۋ زامانىمىزداعى جۇڭگونىڭ تاعدىرىن بەلگىلەگەن كەلەلى شارا، 40 جىلدىق رەفورما جاساۋ، ەسىك اشۋ ارقىلى جۇڭگو حالقى تۇرمىسىن دوڭگەلەك داۋلەتتى ورەگە جەتكىزىپ، بىرتىندەپ اۋقاتتاندى. ءبىز تاجىريبەلەردى قورىتىندىلاپ، ۇتىمدى ورايدان پايدالانىپ العا ۇمتىلىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ۇزدىكسىز ىلگەرىلەتىپ، ءارقايسى جاقتارداعى رەفورمانى بۇلجىماي تەرەڭدەتىپ، ەسىكتى باتىلدىقپەن ايقارا اشىپ، رەفورما مەن ەسىك اشۋدىڭ ءبىرىن - ءبىرى جەبەۋىنە، بىرىنە - ءبىرى ساي كەلۋىنە مۇمكىندىك جاسايمىز. مەن جۇڭحۋا ۇلتىنىڭ ۇلى گۇلدەنۋىنىڭ رەفورما جاساۋ، ەسىك اشۋ بارىسىندا، ءسوز جوق، جۇزەگە اساتىنىنا كامىل سەنەمىن.

  شي جينپيڭ مىنالاردى اتاپ كورسەتتى: 2019 - جىلى ءبىز جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قارسى الامىز. ءبىز جاڭا دامۋ ۇستانىمىن دايەكتىلەندىرىپ، جۇڭگو ەكونوميكاسىنىڭ باياندى، اقاۋسىز دامۋىن ىلگەرىلەتىپ، جۇڭگو حالقى مەن ءار ەل حالقىنا تيىمدىلىك جەتكىزەمىز. ءبىز «13 - بەسجىلدىق» جوبادا تۇراقتاندىرىلعان مىندەتتەردى ۇزدىكسىز تىڭعىلىقتى تياناقتاندىرامىز ءارى بولاشاقتاعى دامۋ جونىنەن تىڭ جوبالار جاساپ، ءتۇرلى ىستەردىڭ جاپپاي دامۋىن العا ىلگەرىلەتىپ، حالىق رەسپۋبليكامىزدى بارىنشا گۇلدەندىرىپ - كوركەيتەمىز، قۇدىرەتتەندىرەمىز.

  شي جينپيڭ مىنالاردى باسا دارىپتەدى: 2020 - جىلى ءبىز جاپپاي دوڭگەلەك داۋلەتتى قوعام قۇرىپ شىعامىز. جاپپاي دوڭگەلەك داۋلەتتى قوعام قۇرىپ شىعۋدا بىردە - ءبىر ادامنىڭ قاعىس قالۋىنا بولمايدى؛ بىرگە اۋقاتتانۋ جولىندا بىردە - ءبىر ادامنىڭ قاتاردان قالۋىنا بولمايدى. ءبىز بۇكىل پارتيانىڭ، بۇكىل ەلدىڭ كۇش - قۋاتىن ۇيىستىرىپ، كەدەيلىكتەن قۇتىلدىرۋدان قامال الۋ مىندەتىن باتىل ورىنداپ، ۋادەمىزدى ورىنداۋعا شىنايى كەپىلدىك ەتەمىز. ءبىز «حالىقتىڭ باقىتتى تۇرمىسقا دەگەن تالپىنىسى − ءبىزدىڭ كۇرەس نىسانامىز» دەگەندى ەستە بەرىك ساقتاپ، حالىقتى وزەك ەتكەن دامۋ يدەياسىنا تاباندى بولىپ، حالىق تۇرمىسىن قامتاماسىزداندىرۋدىڭ جانە جاقسارتۋدىڭ ءتۇرلى قىزمەتتەرىن قۇلشىنا مىقتى يگەرىپ، حالىقتىڭ تابىس سەزىمىن، باقىت سەزىمىن، حاۋىپسىزدىك سەزىمىن تىنباي كۇشەيتىپ، جالپى حالىقتىڭ بىرگە اۋقاتتانۋىن تىنباي العا ىلگەرىلەتەمىز. مەن جۇڭگو حالقىنىڭ تۇرمىسىنىڭ، ءسوز جوق، جىلدان - جىلعا جاقسارا بەرەتىنىنە كامىل سەنەمىن.

  شي جينپيڭ مىنالاردى اتاپ كورسەتتى: 2021 - جىلى ءبىز جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قارسى الامىز. جۇڭگو كوممۋنيستىك پارتياسى جۇڭحۋا ۇلتىنىڭ بولاشاقتىق ۇلى ءىسىن مۇرات تۇتقان، 100 جىل ءدال قىلشىلداپ تۇرعان كەز! جۇڭگو كوممۋنيستىك پارتياسى دۇنيە جۇزىندەگى ەڭ ۇلكەن ساياسي پارتيا. ۇلكەننىڭ ۇلكەنگە ءتان بەينەسى بولۋى كەرەك. اماليات جۇڭگو كوممۋنيستىك پارتياسىنىڭ حالىققا باسشىلىق ەتىپ، ۇلى قوعامدىق توڭكەرىس جۇرگىزە الاتىنىن، سونداي - اق وزىنە دە ۇلى توڭكەرىس جۇرگىزە الاتىنىن تولىق سىپاتتادى. ءبىز جالىندى دا جىگەرلى كۇيدى ماڭگى ساقتاپ، ماڭگى حالىقتىڭ كومپىس قىزمەتكەرى، ءداۋىردىڭ اۆانگاردى، ۇلتتىڭ ارىسى بولۋىمىز كەرەك. پارتيانى جاپپاي قاتاڭ جونگە سالۋ ماڭگى جالعاسادى، بىزدە «تىنىستاپ، دەمالىپ الايىن» دەيتىن ەشقانداي وي بولماۋى كەرەك. ءبىز پارتيانىڭ اقاۋسىز تۇلعاسىن بۇلدىرەتىن ءارقانداي ۆيرۋستى ۇزدىكسىز الاستاپ، ستيلى پاك، سالتى دۇرىس ساياسي ەكولوگيانى زور كۇشپەن تۇلعالاپ، بۇكىل پارتيانىڭ قۇدىرەتتى وڭ ەنەرگياسى ارقىلى بۇكىل قوعامدا جۇڭگونىڭ دامىپ العا باسۋىن ىلگەرىلەتەتىن قۇدىرەتتى كۇش - قۋات ۇيىستىرامىز.

  شي جينپيڭ مىنالاردى باسا دارىپتەدى: جۇڭگو كوممۋنيستىك پارتياسى مەن جۇڭگو حالقى ازاپ - بەينەتتى باستان وتكەرگەن، بەيبىتشىلىكتىڭ قادىر - قاسيەتىن، دامۋدىڭ قۇنىن ابدەن بىلەدى. جۇڭگو حالقى وزىنە ءوزى سەنەدى، ءوزىن قادىرلەيدى، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن باتىل قورعايدى، سونىمەن بىرگە ءار ەل حالقىمەن بىرگە ادامزاتتىڭ تاعدىرلاس ورتاق تۇلعاسىن قۇرۋدى بەلسەنە العا ىلگەرىلەتىپ، ادامزاتتىڭ بەيبىتشىلىگى مەن دامۋىنىڭ ۇلى ىستەرىنە تىنباي تىڭ دا اناعۇرلىم زور ۇلەستەر قوسادى.

  شي جينپيڭ مىنالاردى اتاپ كورسەتتى: تاريحتى حالىق جازادى، بارلىق تابىس حالىققا ءتان. ءبىز تەك حالىققا تەرەڭ تامىر تارتىپ، حالىققا بەرىك ارقا سۇيەسەك بولعانى، سارقىلماس كۇشكە يە بولىپ، بوران - شاشىندا توسىلماي، ەرلىكپەن العا تارتا بەرەمىز.

  شي جينپيڭ ەڭ سوڭىندا بىلاي دەدى: مىڭ ەستىگەننەن ءبىر كورگەن ارتىق. ءبىز ءتىلشى دوستاردىڭ جۇڭگونى كوبىرەك ارالاپ، جۇڭگومەن كوبىرەك تانىسۋىن، جۇڭگو كوممۋنيستىك پارتياسىنىڭ 19 - قۇرىلتايىنان كەيىن جۇڭگونىڭ دامۋىنا، وزگەرىسىنە ۇزدىكسىز نازار اۋدارىپ، جۇڭگونى بارىنشا جان - جاقتى ءتۇسىنۋىن جانە حابارلاۋىن قارسى الامىز. «بىرەۋ مەنىڭ اجارىمدى ماقتاسىن دەپ كۇتپەيمىن، حوش ءيىسىم ماڭىما تارالۋىن دىتتەيمىن» دەگەندەيىن، بىزگە سۇلۋ سوزبەن اسىرا ماقتاۋدىڭ قاجەتى جوق، ءبىز وبيەكتيۆتىك تانىستىرۋ مەن پايدالى ۇسىنىستاردى قاشاندا قارسى الامىز.

  ساعات 12دەن 17 مينۋت وتكەندە كەزدەسۋ قيمىلى اياقتادى. شي جينپيڭ باستاعان باسشىلار جۇڭگولىق، شەتەلدىك تىلشىلەرگە قول بۇلعاپ قوشتاستى. سول كەزدە الاڭدى تاعى دا شاپالاق ءۇنى كەرنەدى.
 ورتالىق حالىق راديو ستانسياسى، ورتالىق تەلەۆيزياسى، جۇڭگو حالىقارالىق تەلەۆيزياسى، جۇڭگو حالىقارالىق راديو ستانسياسى كەزدەسۋدى ۇستىنەن تىكە تاراتتى، حالىق سايتى، شينحۋا سايتى، جۇڭگو ينتەرنەت تەلەۆيزياسى، جۇڭگو سايتى، حالىق گازەتىنىڭ كليەنتى، شينحۋا اگەنتتىگىنىڭ كليەنتى، ورتالىق تەلەۆيزياسىنىڭ اقپارات كليەنتى دە كەزدەسۋدى تىكە تاراتتى.

  جاڭا عانا ج ك پ 19 - كەزەكتى ورتالىق كوميتەتىنىڭ ءبىرىنشى جالپى ماجىلىسىندە سايلانعان ج ك پ ورتالىق كوميتەتىنىڭ باس شۋجيى شي جينپيڭ جانە ج ك پ ورتالىق كوميتەتى ساياسي بيۋروسى تۇراقتى كوميتەتىنىڭ مۇشەلەرى لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ 25 - قازان كۇنى حالىق سارايىندا پارتيا 19 - قۇرىلتايىن حابارلاعان جۇڭگولىق، شەتەلدىك تىلشىلەرمەن ىقىلاستى بەينەدە كەزدەستى. سۋرەتتى شينحۋا اگەنتتىگىنىڭ ءتىلشىسى لي تاۋ تۇسىرگەن

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى